#NSS個人 [GUEST] 大家好，小妹16歲先嚟m，依家嚟咗3年，都算遲嚟。咁我不嬲都係月經不調，通常個半月至兩個月先嚟一次m。但係喺上年年尾嘅時候4個月冇嚟m，去咗睇中醫，睇咗個幾月就嚟返m。不過當我冇去睇中醫之後，依家又再一次冇嚟m，對上一次已經係兩個幾月之前。 想問吓有冇過來人可以話俾我知應該去睇返中醫定係去睇西醫？🙇🏻‍♀️ Sorry if 1999

#NSS學業 [東區] 今年Form5，目前有諗過唔在香港考DSE，去海外(Eg.英/澳)升學。 想問下完咗Form5課程就去海外有咩途徑讀？之前上網check過可以讀英國大學基礎課程再上大學，和A-Level兩年課程。 係咪得依兩種選擇，希望有相關經驗嘅人講下。 以及我想提升返英語水平作準備，有冇人可以推薦下d補習社專補英文嘅。 謝閱，sor for 1999//

#NSS家庭 [Guest] Hello小妹今年15，想同大家分享一件家庭趣事。因為今次係第一次投稿，所以可能會有不足或疏忽嘅地方，希望大家可以多多包容 今日 啊媽同啊爸講：煲水啊，蕃薯 啊爸：人地老婆叫老公煲水都係好温柔嘅 “老公記得煲水呀～”，你真係好鬼惡 媽：咁你係咪唔鍾意先？不如換個老婆？ 爸：討好emoji 我：😂😂😂😂

#NSS個人 [hwc] 我雖然同你唔係識咗好耐 但我知道你有睇呢度啲文 我唔知點解突然之間 你就好似消失咗咁 完全搵你唔到 ig搵唔到 account都冇埋 你究竟去咗邊

#NSS學校 [Guest] 小學畢業嗰個暑假，我最好嘅朋友同其他人一齊欺凌我。 小學果陣，我係成績比較好個d，所以果陣會問我點做功課，個字點讀個d，甚至叫我幫手做功課。因為我覺得佢哋係朋友，所以我都會幫佢哋。有一排我最好嗰個朋友每做一題數會打一次去我屋企問我。 到畢業果陣，我都以為我係有朋友嘅。畢咗業之後，同我玩開嗰班人（包括我最好嘅朋友）話約我出去睇戲加埋探老師（果陣有諗點解暑假要去探老師，但係因為佢哋咁講，所以我都信咗）約咗出去之後，我哋一齊去食m記早餐。之後佢哋話去買送畀老師嘅禮物，途中佢哋問我去唔去廁所，本身我話唔去，跟住我個好朋友話佢想去，叫我都去，咁我就去咗。出咗嚟我唔見晒佢地，打電話又唔聽，message又唔覆。我就咁係個商場行咗成個鐘，諗緊佢地去咗邊。最後我收到佢哋個電話，佢哋話“我哋要去睇殭屍片啊（我果陣好驚睇恐怖片），你都唔去架啦，拜拜”就咁就收咗線。 之後幾日佢哋開始係wts group咁send d話要同我絕交之類嘅嘢比我，係咁洗我版，我quit咗佢地又add返我入去。又話我好蠢，俾人利用都唔知。我pm我最好嘅朋友問佢點解要咁做，佢淨係話佢係因為我幫佢咗功課先同我玩，而家唔洗再扮之類嘅嘢。（我小學最好嘅朋友係小一識到小六，佢連畢業冊寫最好嘅朋友都係寫我，我竟然會信） 而家我已經有心理準備我而家嘅friend都有一日可能會走。

#NSS社會 [guest] 我想問下 無痕模式，即係點。以下各方仍可看到您的活動 · 您瀏覽的網站 · 您的僱主或學校 · 您的互聯網服務供應商

#NSS愛情 [Guest ] 小妹係個中學生，之前都有拍過兩三次拖，喺上年年尾左右我一個ex無啦啦搵翻我傾計，而因為本身分手嘅原因都唔係咩大事，只係之前太細個太on9衝動一齊咗(已經係幾年前)，最終和平分手。我哋一齊之前已經好frd，係好啱傾，相處好舒適嘅frd，所以而家frd翻都幾好，我哋亦開始慢慢變得曖昧。接住佢尋日問我想唔想同翻佢一齊，我唔知佢認真定講笑，佢話唔介意比時間我考慮，但我好驚，因為我好清楚我哋嘅分手原因，我好驚會再發生多次，會再分手，我好驚自己唔係真係愛佢，只係純粹好感。其實我對上一段感情真係比人玩得太勁，搞到我對愛情冇乜憧憬，我而家都唔知點面對，但只有同佢一齊嘅時候，就好似咩都唔記得晒咁。有好多人都話我哋好襯，我都覺得佢好似我嘅靈魂伴侶咁，但當佢真係問我一唔一齊翻嘅時候，我真係唔知點算…. Sor for 1999 Admin po ig

#NSS其他 [Idk] 唔該你哋剷晒 #NSS210318 嗰啲黃豬留言啦唔該，睇到真係嬲

#NSS家庭 [GUEST] 我阿媽呢就好似平時咁樣好錫阿哥啦，有次佢入嚟我間房問我啲嘢，咁我答完佢之後呢，佢就叫我細聲啲，因為阿哥瞓緊覺🙄佢問我嘢佢把聲仲大過我，我哋隔咁遠仲隔埋啲牆壁，阿哥咁都聽到？問完我又叫我收聲，真係… 我阿媽呢成日都叫我唔好嘈醒阿哥，行過間房都要細聲啲。食飯嗰陣時呢，咁全家人都要過黎張枱食飯㗎啦，阿爸就叫我去叫醒佢，點知我阿媽見到就即刻🤫🤫🤫🤫🤫x100「你食先啦，人哋瞓緊覺你嘈住佢做咩啫」咁就叫我走開啦，佢瞓到成隻豬咁，驚死我嘈死佢咩？ 佢好搞笑㗎😹 Sorry 1999

#NSS個人 [[Guest]] 想問下各位對上網課遲到會點解釋，我之前上網課遲到不過每次都係話個meeting入唔到、鬧鐘冇響同埋電腦更新，但係呢啲藉口聽得多老師都會懷疑所以想問下你哋有咩好提議？ 我只一定會有人話“咁咪唔好遲囉”同埋“抵”，但係我只係想分享一下， 希望有人答我 sorry for 1999 圖Link: https://ibb.co/PYWtcrv

#NSS個人 [GUEST] Admin 好靚仔靚女，plz po IG 唔知大家係咪咁，但大家都覺得我嘅行為好奇怪 我如果一有好大壓力，或者唔開心，就會係咁蚊自己嘅頭髮，或者無事都會係咁蚊，係咁滅，其實係咪好奇怪？ Sorfor1999

#NSS個人 [Guest] 小妹響學校有4堆frd，但係佢哋之間冇乜交流咁。但係有陣時約咗A squad玩，B squad就會話我拋棄佢地，但係當我淨係同B squad玩既時候又驚冷落咗其他朋友咁，唔想佢哋覺得我只係當佢哋水泡。我真心當佢哋每個人係朋友、知己，但係偏咗是但一個自己都覺得自己好衰。其實我感樣唸係咪已經當咗我啲朋友有水泡，又或者我應該點？

#NSS愛情 [SPCC] 求Admin post IG🙏🏻🙏🏻 人物：，我，佢，佢個bro 小妹今年 F.1-F.4 我好似鍾意咗佢咁 本身係佢開始搵我先

#NSS其他 [GUEST] 香港人係咪真係好寸？真心覺得好mean，

#NSS愛情 [Guest] 話說小女之前識咗個男仔 靚仔好高👀 啱啱識已經成日傾計 一兩個月之後就開始有好感 有試探性咁同佢講過啲嘢（唔係表白 佢好似唔係好比反應 再過咗一排 我又去撩佢(?唔知算唔算

#NSS學校 [GUEST] 最近學校突然間好多人迷戀汪明荃，想問吓呢度有冇人係佢嘅fans

#NSS家庭 [GUEST] 小弟今年中三，屋企有三個家姐 由細至大，父母都教我因為係家中唯一嘅男仔，所以要保護家姐/讓下家姐同話比我聽男仔做多 D野 所以去超市買嘢同掉垃圾都一定有我份 雖然父母對我比較嚴格，希望我遲D我可以揾份好工，但我感受佢地真係好愛我 我三個家姐亦都好錫我，但我心裏硬係有D不平衡 我硬係覺得點解我要做多 D野同讓家姐

#NSS社會 [GUEST] 大家可唔可以對Cosplay嘅人友善啲？每次Cosplay出街都會俾人啤住，好似我唔係正常人咁，甚至只係JK都會。Cosplay都只係一種文化，唔係著便服出街先係正常人。可以唔鍾意，但係至少尊重少少，唔係喺度指指點點 圖Link: https://ibb.co/VY5ffyp

#NSS社會 [Guest] 有冇人同我一樣講嘢好尷尬 中一升中二嗰陣啲同學去晒隔離班，所以中二一開學嗰陣時一個人都唔識。而家得一兩個朋友，間中會有其他唔係幾熟嘅同學人嚟搵吓我傾偈，但係次次都係1分鐘之內傾完，啲話題全部係由佢引起，有陣甚至唔知可以點答佢，情景好尷尬，所以搞到啲同學都唔係幾想同我傾偈，搞到我開始有少少社交恐懼症，係班上面好邊緣，有陣時真係覺得有啲孤獨。 所以想問吓㗎大家點樣可以同人地好傾啲，多謝

#NSS其他 [#NSS210318C 的樓主] 諗咗一晚之後，之前好多人支持我去同老師講，不過依家人人都話我係錯。點解啲人嘅回應完全唔同晒？點解呀？點解？