#NSS其他 [喵喵喵] 想做一個寫手 冇靈感 del完又寫 寫完又del 一d進展都冇

#NSS個人 [GUEST] 小妹今年中一,因為疫情關係上zoom上咗好耐,上年開始發現有時睇嘢會有彩色疊影,以為係太攰就冇點理,但一個月之後開始覺得唔妥,於是就去咗眼科診所,醫生話我係有d眼乾,開咗d眼藥水比我,話冇乜大問題…但滴完眼藥水之後,疊影依舊未消失,我就係咁去咗睇兩次診所,兩次公立醫院,每次醫生都話我冇事,但疊影就越來越嚴重,屋企人都好擔心我,我唔想佢哋唔開心所以就扮到冇事,每日都好似好樂觀咁。其實我真係好無助,我每晚都好想喊,我真係好驚有一日自己會盲咗…我想問下大家有冇出現過彩虹色嘅疊影,知唔知係咩病,點樣先可以好返? admin post ig plz🙇🏻‍♀️

#NSS愛情 [GUEST] 我係一個15歲嘅女仔，話說我鍾意咗班嘅一個男同學都有3年。係中一嘅時候我哋就同一班，真係中二中三嘅時候就唔同班，但因為課外活動的緣故，所以我都可以見到佢。不過其實我哋喺中一嘅時候都唔算熟，基本上冇講過嘢，同埋佢都同其他嘅女仔算係熟嘅。 因為我哋要搞分班，其實我鍾意佢都唔會影響到我讀書，但其實我就好驚分班之後，我哋會唔同班。雖然我都知道佢係會讀理科，同埋去成績不嬲都好好，而且我哋學校嘅理科班競爭好大，基本上係要考到頭三十先至入到，所以搞到我好大壓力。雖然我理科成績 都係中規中矩，但係已經係咁多科入面算好，加上我都對理方有少少嘅興趣，但係我就好驚之後handle唔到。 所以我就開始諗我係唔係應該要揀文科，但係又放唔低佢。 我呢排喺度諗其實我係唔係應該要放手呢，因為佢已經搞到我好大嘅壓力，同埋佢都唔會鍾意我。而且我都喺度諗應唔應該表白，我想畀佢知道我嘅心意，但係我屋企就比較保守，佢會覺得我唔應該咁快拍拖，我都唔想隱瞞佢哋。同埋我覺得我個 friend都鍾意佢 佢講嘢嘅時候成日都提起佢，同埋外活動嘅時候都會主動搵佢傾計，又會主動關心佢，如果計樣計身材我有冇佢咁好，我真係唔知道點算好呀。 大家覺得我應該點樣放開佢呢？

#NSS家庭 [GUEST (Admin Po Instagram pls )] (少量粗口慎入) 最近同老豆老母 多咗爭執,好似阿爸有時會睇我ipad,同D私人嘢,覺得太過冇私隱,諸多批評,會就D少事吵架,跟著空餘時又要對住兄弟姊妹,真係好L煩,日日

#NSS家庭 [荃灣某中學] sor for 放負 系咁嘅，小妹前嗰幾年因為屋企父母成日嘈交跟住患上左depression，之後就去左醫生，食開隻藥副作用好大會日日都好攰冇精神好眼瞓，唔食嘅話又會成日一返學就會唔舒服呼吸唔到肚痛咁，成日都返唔到學，學校只好要求我repeat，repeat左两次都系冇用就轉左去新學校la。 跟住前幾日我父母嘈交話離婚跟住我個妹就系到坐系道喊曬口叫佢地唔好離，我就覺得離比較好啦，佢就系道話我煽風點火，跟住攞水潑落我道，因為我到新學校而且我個人内向所以朋友唔算多，我個妹就系道串我冇friend又串我由band1轉到去band3話我好掉架，救命我真系好辛苦，我以為佢會理解到我點知佢講嘅每句野都令我好hurt 而且因為我系大囡所以媽咪成日唔開心都會同我講我好無助，我好心痛我媽咪但系我又咩都做唔到，難得轉左去新學校我出席率好左成績又好左，但系又要俾自己個細妹咁樣串，每日都失眠每日都好焦慮😔 #sorry for1999

#NSS學校 [Guest] 求admin po ig 小弟好驚比監考望住做卷 今日收到dse主科嘅座位編號， 我睇過學校考mock嘅座位表， 發現我考幾份個no.係坐第一排， 我唔認為校工會得閒再拾過啲位，

#NSS其他 [GUEST] 希望admin可以單獨出po 好想佢望到 知道佢唔係孤單嘅🙏🏽（標題可唔可以係：你一定要撐落去…..）<—呢度可以刪除 疫情底下我逢星期135都會去沙田新城市廣場附近做兼職 近日見到件事想分享 希望唔會涉及到私隱/令你唔舒服。 我係搭大概1:50嘅80x愉翠總站班車 每次都會見到個應該初中短頭髮着住藍色運動服+外套+運動褲嘅妹妹

#NSS家庭 [GUEST] 長文 我小妹G.8 即刻form 2 交代下背景先 我阿爸阿媽係我6歲唔知咩事就分開住 但冇離婚 我同細佬跟阿媽住

#NSS學業 [guest] 好失敗…… 明明已經提早一個禮拜溫，都比唔上一個兩日前先開始抱佛腳嘅人 佢又唔係啲假bitch話自己無溫書，有同佢一齊call過溫書知道佢進度，我溫書佢就瞓午覺玩手機🥲 自問我嗰個禮拜好認真好俾心機去記熟內容 佢考試前兩日先臨急睇老師上堂錄嘅片，先開始掂全新嘅書 知道佢高分過我之後唔係話妒忌，只係覺得上天真係好唔公平🥲 可能我唔係讀書嘅料

#NSS個人 [[guest]] （長文慎入）小女第一次投稿如果有錯別字希望大家見諒,希望admin po ig.小女今年f.3,今日寫呢篇文係因為想大家對ADHD(注意力不足過動症）了解多啲，而且見到之前 #NSS210316H 個post,所以想同大家講一下等大家明白，adhd確實係一種精神病。可能大家身邊都有adhd同學所以希望大家包容佢。可能大家覺得呢篇文無意義，但希望大家睇埋落去。本人係1年班確診adhd,小學嘅時候每日都玩得好癲，上堂甚至會走來走去，讀書永遠都專心唔到。記得當年程分試呀媽不斷每日帶我去補習，日日操卷但最後兩科唔合格，兩科6x(60分滿分）當時唔食藥嘅原因係因為醫生同我講食藥會好辛苦，媽咪唔想我因為學習而咁辛苦。到咗中學，知道f.2 同f.3要分班同揀科，於是我決定要開始食藥，大家可能以為食藥好容易，其實只有真正食過adhd嘅藥先會明嗰種痛苦（唔係所有人都會咁，每人唔同）我而家每日返學食緊嘅係藥效8小時，粒藥就好似將你下午嘅精力全部拉上去上午。上午嘅時候可以好精神，我每日都會有少少失眠，所以每日瞓4小時，第二日仍然可以超級精神，但係下午就會超級攰，好辛苦，但係想瞓又瞓唔到，佢係精神上嘅攰唔係身體上。仲有一樣最最最致命嘅係無胃口，食咗藥全日都唔想食嘢，而且作嘔作悶（每日都係咁）仲會有啲頭暈。但係食咗藥之後成績好明顯係好過之前冇食藥仲要好咗好多。但係呢個病唔係因為縱壞先出現，好多都係天生因為大腦前額葉區域發育異常以及腦部一些神經傳導物質失常先會有，而且藥物只會令人係藥效時專注，大部分患者都不會痊愈。呢個病唔係我哋想有，而且作為患者我亦嘗試自己控制自己，但係冇成功過，希望大家多多包容。我亦都有見之前有個post評論裏邊有講打就可以令我哋知驚，但係其實係冇用因為呢個係病，我哋自己都唔想我哋控制唔到。當然病唔係一個藉口，所以我建議對adhd患者，千祈唔好係佢哋興奮嘅時候同佢地講道理，當佢哋處於興奮嘅狀態可以首先令佢哋冷靜然後慢慢同佢講道理佢先會聽。喺我哋興奮嘅時候所有道理都聽唔入耳因為我哋只會沉醉喺自己嘅興奮裏邊，所以一定要令到我哋冷靜先好講道理。（呢個方法係我親身經歷真係work)老師會撳住我嘅興奮令我自己冷靜落嚟之後先講道理。我亦想同而家有adhd既患者講，好好考慮食唔食藥，最重要應該係問吓醫生嘅意見。 Sorry for

#NSS愛情 [guest] 話說我中意咗個男仔，佢都好中意我 唔知道點解我硬係覺得自己好煩 諗住唔煩佢 點知好似同佢離遠咗 有冇咩辦法可以解決 sor for 1999

#NSS家庭 [GUEST (Admin Po Instagram pls )] (少量粗口慎入) 最近同老豆老母 多咗爭執,好似阿爸有時會睇我ipad,同D私人嘢,覺得太過冇私隱,諸多批評,會就D少事吵架,跟著空餘時又要對住兄弟姊妹,真係好L煩,日日

#NSS愛情 [香江一女校] 我不知道 記得那時升上中一 我們沒有成為朋友 我亦不曾認為我們會有任何交集 我與一群人成為了朋友 你不時會來跟我們說上兩句話 然後回到自己的朋友圈子 我們並沒有因此熟絡

#NSS個人 [GUEST] 大家好 小妹今年Form 1的 我真係過得好辛苦 首先係我屋企人 我細個嗰陣媽咪同爸爸離婚 明明係我媽咪先識有錢佬 佢自己出軌。但係又成日黎騷擾我

#NSS學業 [GUEST] 小弟中五 仲有一年幾就DSE 我想搵人惡補bio chem 但中文 有冇介紹😰

#NSS學校 [GUEST] 希望post ig 我以前小學五年級有個怪怪地嘅同學，佢一開學就同個個講「可唔可以做我朋友，我無朋友」大家都會話好因為轉曬班，呢樣唔怪但佢成日話佢自己好有錢，同佢做朋友好多好嘢，但有人知道佢其實唔係有錢。佢行為舉指好怪，我同其他朋友講，佢地都覺得係，所以咪少啲接觸佢。我有個朋友話一講AABB就吾好講啲我地唔想佢知嘅嘢，其實只有三個人，但其他人有自己朋友，無搵佢。佢之後話我地欺凌佢再搵老師，之後老師搵咗我同三個朋友，之後就無講AABB。佢之後一直話我地欺凌佢，有心理病，重要睇醫生。我想問我哋算唔算欺凌？佢同我去咗同一間中學，講咗好耐話要報仇，而家啲同學又唔同佢Ford，其實係唔係我嘅問題令到佢而家咁樣？sorry for 1999 第一次投稿

#NSS個人 [GUEST] 我係個好唔鍾意講野、平時好靜但係熟咗好吵好奇怪、勁慢熱同怕醜嘅人。 未熟之前比人嘅感覺好內向，平時老師叫我出去答問題或者發表感受嘅時候都好緊張，心跳得好快，我唔鍾意人哋擺注意力喺我身上，就算得小小都好，只要我覺得我成為咗部分人嘅焦點，我就會好唔自在好緊張。所以無論老師係表揚我定係鬧我，我都好唔中意。 過年見親戚老豆叫我打招呼，但係我都係唔太敢打，真係唔知邊個打邊個，驚叫錯。 就算識咗好耐嘅朋友嘅屋企人，我已經成日喺佢屋企住幾日，成日約出嚟食飯都好，只要係同大人交流我都會好緊張 我平時其實有好多嘢想表達想講，但無奈冇乜朋友可以比我傾計 一、怕打擾到人哋 二、我一講就會講唔停，又唔想佢格硬答我 三、我覺得比人知太多嘢好似唔太好，但係又好想人哋了解我多d（我真係個好矛盾嘅人🤧）

#NSS學業 [[GUEST]] 希望admin會抽中我，唔該admin。 小妹而家f.2，但係已經好憂慮揀科嘅嘢。好多人都話理科或者商科出路較廣，或者好多家長都迫自己嘅子女揀理科或者商科，嫌文科嘅出路狹窄，現實社會上簡稱揀文科嘅人嘅出路係乞食。我父母冇話逼我要讀理科或者商科，佢哋話我讀邊科佢哋都會支持我，主要係我有能力同埋讀得開心就ok。 最近小妹好着緊揀科呢方面，好緊張好緊張。可能好多人認為f.2就諗關於揀科係言之尚早，我身邊亦都有好多朋友同埋親戚都同我講，唔好咁擔心呢啲住，升到f.3更加多嘅科目等你去認識 ，等你去了解，f.3先再決定 。我明嘅，f.3先有phy chem bio同埋econ呢4科。我而家先f.2都未曾讀過phy chem

#NSS愛情 [GUEST] 小弟今年中五,最近打機識左個台灣男仔,大我一年,因為打機點都會開Mic,傾傾下佢就慣左叫我弟弟,我都會叫佢哥哥.我本身就係一個直男,但同佢打機之後開始對佢有好感,覺得自己變左雙性戀,我從細到大都有D缺乏安全感,想有一個人依賴,比起女仔,可能男仔比我感覺穩重(?) 其實我覺得雙性戀定同性戀都唔係問題,好多人會話人生只有一次,應該追求自己鐘意嘅野,唔好太睇重人地嘅眼光,但我父母係十分傳統嘅人,想我大個搵女朋友結婚生個孫比佢地抱,加上我自己都唔想行一條辛苦嘅路,大個之後都想有個仔,有老婆,但宜家好迷茫……有冇得令自己變翻異性戀…我究竟可以點做,比起雙性戀,我更加渴望成為異性戀…有冇過來人可以解答/開解下🤐

#NSS個人 [GUEST] 唔知點解自己近排情緒好唔正常。好容易因為小小嘢就喊，又成日覺得好煩，搞到有時會同屋企人有d爭執。跟住之後開始有手震、頭痛，又唔想食嘢，無動力做嘢。 想問下我究竟可以點做？係唔係有情緒病？個問題已經持續咗幾個月，真係唔想再因為自己的情緒而影響到屋企人，希望有人可以幫下我。 sorry for 1999