#NSS愛情 [GUEST] 大家有無鍾意過miss？ 小弟今年15歲，中四，讀物理和化學。 中一至中三都係同一個miss做我班主任（她教我通識，生物，物理）果時對佢無feel，因為佢樣一般般，25-30歲左右。 之後中三成績好左，中四入左比較好一班。新個男班主任（37歲左右）爛仔黎（如果學生答唔到問題，要d學生係操場叫自己做豬排。平時好鍾意虾d住公屋貧窮學生，或者單親家庭，因為無錢。成日都好鍾意逼學生退學，已經有幾個14，15歲學生因為佢退學出去工作。放榜果日自己教得差係教員室潛水） 我試過有次俾個爛仔班主任鬧，佢見我個樣好串，之後話我好似無讀書既人（以貌取人）。之後我同佢吵架，佢叫我出去罰企。其實我都係單親家庭長大，我都想搵屋企人投訴佢，但可惜我屋企比較窮，唔想令屋企人擔心。miss見到我罰企，了解左事情起因，幫我出面，鬧個男班主任，話：（我教出黎既學生你當係垃圾？你自己唔識教，你唔好學人教啦！尼個學生我睇到大，好學生黎，你收埋你自己有色眼鏡！）雖然miss好惡鬧個垃圾班主任，但她在我心目中好溫柔。 自從果次之後，我發現鍾意左miss，唔係單單對佢感激既心，是對佢愛慕和仰慕。上次份phy test更是接近滿分報答佢。mis個樣雖然一般般，但係我心裡有一份重量。

#NSS愛情 [GUEST] Hello～大家好嗎？希望武肺下大家都好好的。 是咁的，我中一個陣同一個男仔同班，佢係好靜個種男仔，我係比較鍾意同人傾偈嘅女仔，所以好自然咁成日撩佢傾下偈，慢慢咁佢都開始會理我、同我講下笑，亦開始會同其他同學交流，中一個段時間都幾開心，幾懷念。😂 到中二同中三個陣好可惜咁無同到班，本以為就算唔同班都起碼見面會打下招呼，但無奈地換來嘅係一次又一次嘅無視，就算我主動同佢打招呼佢都係直行直過，我當下嘅心情好唔開心，唔識形容個種好唔舒服嘅感覺。明明中一仲好地地，可能我唔想無左個朋友掛？ 但之後有次經過佢班房，見到佢同一個女仔靠得好埋，第一次見到佢笑得咁開心…見到個一下，我唔知點解好失落，好想問下佢地係咩關係，但我根本冇問嘅資格，話唔定佢已經唔記得左我係邊個。個次之後我就再都無主動搵過佢，係走廊、佢班房、課外活動見到佢，都好似陌生人咁。個時我有種好唔捨得嘅感覺，好奇怪。 到左中四，唔知應該話有緣份定點，我地又同班。今次一對就要對三年，開學第一日見到佢嘅身影，莫名開心左一下，但一諗返之前望到嘅場景，又再一次失落。係人地口中得知原來佢中二同三個陣一直都好安靜，身邊冇咩朋友，都唔太同人傾偈，個女仔成日問佢英文，所以佢地先成日會係埋一齊，我知道之後好似鬆左啖氣咁。 好神奇地，我同佢坐得好近，我坐佢前面。我調完位之後，即刻同佢打招呼問佢點解之前唔理我，佢完全唔理我，但呢個反應係我意料之內，所以我又好似中一咁，厚面皮咁成日撩佢傾偈、煩住佢，有咩唔識都問佢，由一開始唔太理我，到之後佢會主動同我講野。我好開心可以變返之前咁，慢慢地，我會特登早啲起身返學就係為左同佢同一班車，同佢傾偈會好想時間暫停，小息會特登留係班房煩住佢，變得好留意佢，我諗自己好似鍾意左佢..？我冇同任何人講我嘅感受，最好嘅朋友都冇，因為我唔鍾意分享自己嘅心事。 到左下學期，老師調左位，今次我離佢好遠，坐佢附近係我嘅好朋友。事情好戲劇，我朋友鍾意左佢，當佢同我講佢鍾意左個男仔個陣，我個心好似碎左咁，但我只可以笑住講祝佢成功。我朋友話：「你同佢咁friend，幫下我啊？」，我都好想幫佢，但我做到最盡嘅就係同佢保持距離，因為我知我唔保持距離，我會越陷越深。佢係我最好最好嘅朋友，陪住我過最唔開心嘅日子，我唔想因為愛情而失去佢，所以我選擇放棄。望住佢追個男仔，望住佢成功得手，望住我同男仔嘅距離再一次變得好遠好遠。 由佢唔會同人講野，到主動同我講野。

#NSS個人 [GUEST] 小妹今年F3，壓力好大，由form2 開始突然之間好情緒化，可以因為好小事喊，一直有懷疑自己係咪抑鬱症同焦慮症。呢排發現心跳成日都100以上(用apple watch 測），想自己去睇心理醫生，但係唔想話比阿爸阿媽聽（如果佢哋陪我去check完乜事都冇，又會話我小題大作） 請問有無醫生推薦，同埋想問下係咪一定要成人陪同，自己去睇醫生會唔會好奇怪😭🙏🏻🙏🏻 （請admin po ig🙏🏻🙏🏻）

#NSS社會 [Guest] 我唔係憎famj 可能佢哋會tag人表示感情，鍾意嗰一種影相風格，不過真係有好多famj亂咁喺度話試下，我想講，你想出pool唔緊要，但係都唔係咁搵囉，就算你咁真係搵到一個啱嘅人，幾日就分手然後換另一個，有冇諗過人哋會點，你就繼續風流快活，成日喺度試下試下，當然，如果雙方都係啲咁嘅人就冇嘢好講啦

#NSS學校 [#NSS210304J 嘅樓主] 睇完大家嘅意見之後，我就同老師講咗欺凌呢件事。 講完之後老師就捉咗嗰幾個欺凌人嘅同學，仲罰左佢哋添，我以為件事咁就完咗，可惜我太天真啦。而家每日返學嗰陣，都會俾人鬧我係篤灰L同埋鬧我係藍絲。每日返到去都好驚，因為都會比佢哋蝦，放到學返屋企淨係可以喊，我一定唔會同屋企人講，費時佢哋擔心。其實我做錯咗啲咩嘢，依家啲同學都唔同我玩，話我會篤佢哋背脊。我早知就應該唔好同老師講，有嗰兩隻藍絲繼續俾人蝦，反正睇佢哋俾人蝦都幾開心。我真係蠢嘅啫，竟然走去同老師講。 大家可以繼續鬧我係篤灰L，我已經唔想生存啦，我做乜都係錯，正一個失敗者。我已經唔想返學啦，返學就等於俾人受罰一樣⋯⋯

#NSS學業 [[ GUEST ]] 唔知大家對hotel management呢科嘅認識有幾多， 今日想以過來人嘅身份同大家講下我對做酒店業嘅感受。 首先，我覺得你一定要好有興趣先可以揀呢科。 雖然做邊行都會有壓力，但酒店業真係特別受氣， 因為始終屬於服務性行業，就算你喺五星級酒店做嘢，都有機會成日比客人鬧。

#NSS個人 [[ GUEST ]] 認真想問大家，究竟點樣定義一個女仔肥唔肥？ 小妹160 cm，59 kg，腰圍29吋。 一直以來，身邊嘅親戚 /

#NSS個人 [GUEST] 求admin post ig plz 事情係咁嘅小妹會有個ex我哋係同一間小學升上同一間中學，一齊咗之後幾個月就分開咗原因係咩就唔講喇但係我每次見到佢嘅時候都好想畀佢知道我同啲friend好熟好玩得埋好似想表達一種分開咗我覺得畀佢好嘅感覺。因為佢係一個內向慢熱嘅人都依家開學咗差唔多半年佢都仲係未識得好多朋友。我知道自己係好想同佢炫耀我嘅友誼但係我嘅理智 阻止咗我，我唔知道呢啲係關於我本身有少少想炫耀嘅心態定係點？？ 想問下有冇人同我一樣嘅心態同埋如果真係咁我應該做啲咩去阻止住我？？ Sorry

#NSS個人 [Guest] 究竟係我有問題, 定係人人都係咁？ 利申:12歲 身高145 cm 體重 34 kg

#NSS個人 [[ GUEST ]] 想問大家對日系穿搭有咩睇法？ 我係一個身高得150cm嘅女仔， 我平時係鍾意行日系穿搭嘅， 好多日系款式嘅衣物都係比較闊同比較長。 但我身邊朋友話我著得好奇怪，佢哋話我本身已經咁細粒，所以著啲咁闊、咁長嘅衣物比人感覺衣不稱身🤔🤔🤔 就好似某M字頭嘅youtuber，

#NSS學校 [[ GUEST ]] 「欺凌」呢兩個字，對於冇經歷過被人欺凌嘅人嚟講，可能你地唔會明被欺凌者嘅陰影有幾大。 但如果你哋好似我咁，曾經比人欺凌過， 你就自然會明白被欺凌者嘅感受…… 我依家已經係大學year 1，但我對於自己小學六年級俾人bully嘅事仍然歷歷在目。 我本身性格比較內向、文靜，同人熟咗先會玩得好癲，所以我學比較少frd，本身小一至小三都有幾個好朋友，

#NSS愛情 [［Guest］] 唔知大家對男/女朋友仲follow緊ex嘅super private有咩諗法 小妹今年中三，同男朋友一齊左大概2-3個月 佢同佢ex係小學同學，和平分手之後變左好似無話不談嘅朋友，大家依然好close，當佢地傾緊小學啲嘢or其他佢地嘅回憶我就超級格格不入咁。。。尷尬到想搵窿捐🥲 跟住有時我男朋友都會reply佢ex嘅story啊 chat history都唔會del 有時候重要係我面前睇（我唔知係咪特登定點）嚴重到我有時懷疑自己只係替代品

#NSS學業 [GUEST] 麻煩admin po IG, thanks！ 我想請問Econ 會唔會好難？又或者值唔值得揀？因為我都幾想揀econ，但係我驚econ會有伏，因此想問下大家嘅意見🙏 Sorry for

#NSS愛情 [香城中學] 我投稿好似唔係好關事🥲 我想問吓大家通常都係點樣拒絕人哋表白,因為唔想比假希望人哋，至於做唔做到friend呢個之後先算，想拒絕咗先。 求各位大神解答下小妺呢個問題😭

#NSS學業 [GUEST] 我依家中四（算係名校啩），見我學校今年好多人都轉學校，特別係國際學校，搞到本來都唔鍾意依家讀緊果間學校嘅我都想轉。（純碎係我個人問題） 最近有同學轉左去一間新國際學校，果間野係睇落唔錯，算係平，係校舍細左d，不過無咩關係，最大問題係有d遠（依家學校係九龍，大部分校舍主要係港島），有d校舍係比較近，但係問題係好鬼貴，唔知有無國際學校介紹+收生標準（主要想要讀: A-level , HSC課程或IB）仲有選擇學校嘅注意事項？ 只係想大家比下意見！ sor for

#NSS個人 [Guest ] Band 1 = 名校 ? 成日d人話 “我讀名校”

#NSS學校 [Guest] 唔知大家學校個listening考試係點樣進行 我學校就同dse差唔多 係用類似收音機咁樣嘅野去進行 咁問題就嚟啦 我今日考listening個陣 好不幸就坐corner位 本來corner都冇咩野 但偏偏因為疫情關係

#NSS學校 [GUEST] 其實大家對香港學校 髮禁有冇不滿？ 短髮並唔係社會唯一男性頭髮造型 所以男仔應該有權選擇 長短髮 就好似女仔咁 依家嘅情況就係差別待遇 就好似長毛長頭髮司法覆核案一樣：判詞提出，即使管方稱要保持集體紀律、降低個人色彩，仍無法解釋為何拒絕男囚犯的個人選擇，卻不適用在女囚犯身上。

#NSS學業 [觀塘區中學] 我真係好想大家教下我點温書,我個腦裝唔到任何學術嘅野,跪求學霸留言

#NSS學校 [Guest] 咁我今年都升到中學的中間一段較為重要嘅年級啦 就快揀科 但我想講我啲同學真係好小學雞 本人係gay啦 我啲「男」同學嘅言語有陣時真係好難聽 人地有啲嘢可以笑嘅位佢哋都會成日講［你係唔係gay㗎］ 我唔明gay嘅有乜嘢問題囉 我冇話你地反同性戀