#NSS學業 [TWGH] 大家好！想借依個po問吓大家意見。 小弟今日中四17歲 以前留過一次班。而我嘅成績係全級尾幾，自己完全跟唔到學校嘅進度想轉去其他地方試吓。e.g VTC個D 但係聽身邊嘅friend講都話VTC唔好，叫我選擇師徒制嘅教學方式… 重點係！想問吓有冇中四中五離開咗中學去其他地方讀書嘅人可以俾少少意見🙏🏼

#NSS家庭 [Guest] 真係好羨慕人哋有一個美滿幸福嘅家庭 我真係唔明點解父母要生我出嚟 明明佢哋冇錢冇樓冇車 我知道佢哋已經好努力搵錢 但係佢根本冇試過去了解我 亦都完全唔識教我 佢哋生我嘅時候已經唔細 我依家12歲

#NSS個人 [guest] 2005年，我1歲你5歲 2016年，我11歲你16歲 2021年，我16歲你16歲 拿你以前應承過我同姨媽姨丈一齊帶我去海洋公園㗎 唔準走數啊🤪 唔準唔記得我呢個表妹啊！！😕嬲你㗎 -2016年3月11日- 今日落堂咪去睇你lor

#NSS個人 [htc] 覺得老師真系好L煩 功課日日話我錯 明明我係啱嘅🙃 有上網課 但係就話我掛機？！！ Hey我只係唔知道點答問題 明知道我怕生 仲特登安排我坐第一個位

#NSS愛情 [新界某學校] 小妺中三 近排喺遊戲度識咗個男仔 熟咗之後發現佢真係好好人 成日都主動搵我傾電話同打機 交換sd左張相比我完全就係我嘅topic 可能仲會同我傾啲秘密 見到佢同其他女仔玩就會有啲唔開心(雖然好正常 但係佢好可愛嘅係見到我同其他男仔打機就會嬲我(笑死超可愛

#NSS個人 [Guest] 想問下大家有咩方法可以變白？ 我係個又細到大都好黑嘅人 雖然每次出街都會搽防曬但係都好似冇乜用 有時仲會比人叫咩黑人 黑炭 講咩你咁黑搽防曬有咩用 同埋你唔好行咁遠我驚夜晚會睇唔到你 所以想問下大家有咩方法變白

#NSS個人 […] 我近排發現我屋企人越嚟越錫我阿妹，但有越嚟越鍾意我，前牌嫲嫲生日，我細妹竟然同我個工人講叫佢跟住學校課外活動比嗰個食譜整一個朱古力蛋糕，呃大家話係佢自己整嘅，其他屋企人根本都唔知佢係扮嘅跟住就淨係喺度讚佢，我覺得好荒謬，點解要呃嫲嫲同其他屋企人話個蛋糕係自己整嘅，然後喺度爭寵呢？喺同一日，我有兩個升中面試，同父母一齊嘅，我爸爸媽媽覺得我表現唔錯，所以就同大家分享吓.但竟然換來嘅，係俾人窒，不斷俾人話答錯，真心好委屈，全屋嘅人都當我阿妹係掌上明珠，我自己就係一個可有可無嘅生物。點解我阿妹用呃返嚟嘅手段就可以得到大家嘅稱讚，而我用勞動嘅成果，就係比人話？嗰晚之後真心好委屈，好自卑，開始成日喊，無啦啦睇一睇IG， YouTube都會自己呢埋係間房喊到成個痴線佬咁，仲開始會幻想一啲唔可能發生嘅事.我真係越嚟越頹廢，越嚟越傷心，越冇存在價值….

#NSS家庭 [WYC] 標題：重男輕女 內容：希望 admin sd 出去。是咁的，小妹今年 18歲，有個16歲細佬，由細到大我都唔覺得屋企係一個重男輕女嘅家庭，因為佢地對我抑或細佬都好好，唔會話特別偏重任何一方，但慢慢我發現，佢哋係重男輕女，不過冇話特別嚴重，但我依然好失望。 講明一下先，我就係小康家庭，父母喺香港有兩個物業咁，而事源父母年齡越來越大，佢哋最近就開始討論以後財產點分，比我哋多又比細佬幾多。初頭，佢哋就話留三百萬畀我，其餘嘅錢同物業就全部畀細佬（分別係700呎同900呎左右嘅私樓），我就冇乜意見啦， 因為細佬以後娶老婆可能要用好多錢？所以我唔介意分分少啲。

#NSS愛情 [Guest] 因為未有任何拍拖經驗，所以想問一下各位師兄，小弟如何才可係4個月內之前追到一個gay同學，認真。

#NSS學校 [香港島入面其中一間學校嘅學生] 回復下#NSS210310D 我哋間學校喺香港島, 我覺得呢篇文章講嗰緊我個friend, 我係佢朋友嘅frd, 想澄清下佢從來都冇不斷講過佢阿爸係明星, 連我知道呢件事都係第二個同學同我講geh, 唔洗用腦諗都知道邊個想要自己啲私隱全部被暴露啊, 呢篇文章嘅潛台詞咪就係嫉妒呢兩個字lor😌👌🏻

#NSS家庭 [GUEST] 我想問下呢我細佬成日係度大聲高歌好煩，考試溫書都係咁嘈開曬啲speaker，我話再咁樣咁我錄低放上ig㗎la唔好再嘈la，佢話我威脅佢，咁想問我咁樣算唔算威脅佢，因為我只係想佢停下比我諗吓嘢。

#NSS家庭 [GUEST] 我呀哥平時喺屋企最自私，做嘢永遠霸住張枱唔借，最憎就係佢成日打噴嚏都算，但係佢就一係噴曬係張枱上面，一係就將啲紙巾全部放係張枱上面，搞到張枱勁污糟，次次用完就走，好核突，永遠都係我幫手抹枱🤕（我要用）。上堂永遠唔聽書mute左自己一路唱歌唔停，永遠叫佢細聲啲就淨係較細聲一格，跟住就話我老師都好大聲🙄。咁我可以戴耳機，佢就唔係嘅講嘢大聲到死，無啦啦突然間係到大笑，搞到完全唔知老師講乜。有咩事呢我阿媽就話「你阿哥好用心上緊堂，你咪嘈佢啦」，到我嗰陣時就話「你咪鬧阿哥啦，你邊會聽到佢講嘢姐？」🙄 跟住考試個禮拜全日係屋企溫緊書，佢都見到嘅，點知轉頭考完試就話「你話你成個禮拜做左啲咩？書又唔睇，日日淨係用手機」我話埋我睇咗啲咩書，啲書講乜嘢比佢聽，佢同我講「我有叫你淨係睇一本咩？我叫你睇晒全屋嘅書呀」哇你唔早講，睇埋全世界嘅書吖好唔好，全屋好多都係嗰啲幼稚園小學留低嘅書，佢叫我攞嚟睇溫返之前啲嘢喎，我溫都溫dse嘅嘢la，你叫我睇返小學嗰啲🤷🏻‍♀️🤷🏻‍♀️！？ 同埋我要zoom點樣可以唔用手機？佢話「我唔理呀，總之你部機以後每日唔好用多過兩個鐘🤷🏻‍♀️🤷🏻‍♀️！？」我平時上堂都唔止啦，你係咪搞笑？ 佢成日對住我阿哥話「我知你有努力溫書㗎啦，但係唔知佢（我）有冇囉😒」大佬好煩呀😫日日問同一樣野，答左佢問題，第二日又再問「你睇咗書未啊？」永無止境…答完又唔信，咁我話冇囉，佢又話「冇？你做乜嘢呀你，你做左啲乜嘢呀！」救命，佢究竟係咪失憶🤨，呢條問題日日係我個腦巡迴，真係好煩呀，搞到其他人都以為我日日淨係用手機唔溫書😔。 Sor for 1999 我都真係頂唔順佢地，好難一齊住😕不過佢地都覺得冇乜嘢

#NSS學校 [冇sor🤣] 本人為小六學生 事情係咁嘅，我係一個望落去中一二嘅人，班上面有一堆勁on9勁似1-3年級既人，我都唔係幾想理佢哋，但係佢哋唔知做乜成日搵我玩on9遊戲（例如：搶筆袋）呢啲人最興就係搵老師，怕咗佢哋，所以唔敢拒絕。 一日，佢哋又無啦啦搵我玩搶袋，咁我被逼牽扯入去。咁首先就係比佢哋搶，點知越玩越大，同學N無啦啦攞走我書包放垃圾桶上面，咁我冇乜嘢咪走過去拎返佢囉，然後佢哋無啦啦又搶我書，咁我梗係搶番返嚟啦，點知佢哋搶搶下無啦啦掉出去，仲掉到同學B，老師見狀梗係鬧，點知同學N賴返我話係我掉嘅。同學N係平時喺老師面前好做作嗰啲人，所以最後我仲俾人鬧囉。 Sor for 1999. Btw 本書做咗差唔多半本㗎啦，已經比佢報銷左.

#NSS學校 [Guest] 我係一個f1既女仔，小學嘅時候成績算係中上，幸運地俾我入到間band1,當初好開心，但係而家就有啲後悔….. 可能係因為疫情嘅關係，上實體課嘅機會好少，搞到本身難適應嘅F1變得更難適應，學校好多quiz,基本上一日四科都有quiz,根本就唔知自己寫緊咩，幸好尚算合格，但係下星期就有first term exam，完全冇動力溫書加上唔知自己溫緊乜，好驚會唔合格。 除咗學業方面之外，一開始我對同學老師都冇咩期望，但係佢地令我完全唔想同佢哋溝通，老師日日冇point鬧人,同學除讀書好似再冇其他興趣，名次成績對佢哋來講好似大過天，但係對我唔係，而家日日上zoom我已經好辛苦好煩，日日都多嘢諗，唔知自己一個可以點，身邊亦冇朋友。 因為以上原因，令到我想轉校。 我想轉既學校係一間band3既直資中學，佢哋既校訓好吸引，「對學生不離不棄，人人可教」，我覺得呢一間學校好啱我， 不過band1轉band3令到我有啲考慮，我明白唔應該介意banding,但身邊嘅人都話唔好，我亦唔確定究竟呢個選擇係啱定錯，定係其實我只係係度逃避問題，應該讀多年再算？

#NSS家庭 [遊子] 亡親之痛，雖隔多年，仍不能自已，更是無法消除，特筆此文，一行字一行淚，願親愛表哥早日安息。 《墳頭迷失草》 向來，我家都少與遠親見面，今年清明，竟去了掃墓。而這次，非去不可。 多年前，我和表哥仍可一同有說有笑地吃喝。他約莫六呎高，剛從大學畢業，從留學四年的英國回歸。他與女朋友感情頗佳，待人處事善良機靈，從小到大，都是個成功的人。 廿三歲生日那日，他搭上小巴去與舊中學同學敘舊。哪料到小巴發生意外，上天，把正沉醉於高興中的我那年輕表哥，綁走了。 這個清明，掃的那一面碑，不怎麼封塵，白紅色的花崗岩，還滑得反光。掃這麼的新墓，總有股莫名的違和感，大概是因為，墓下躺着的那人，連三次鼠年都沒見過呢。 世事難料，就連一次約會，都能成為災難，要認為世事都理所當然的話，實太天真矣。 走着走着，一股陰氣透進我背，像是在提醒我，每走一步都得小心，莫可觸動陰靈。

#NSS愛情 [香港最高嘅學校] 唔該admin幫手上傳🙇🏻‍♀️🙇🏻‍♀️🙇🏻‍♀️pls and thx🙏🏻 小女今年16，f4。係f4拍過一段令我唔知點做好嘅拖。事情就係咁嘅，一開始係因為遊戲先同佢一齊，佢都係因為遊戲先同我一齊，因為雙方都係因為遊戲先喺埋一齊，所以一齊咗之後冇乜特別sweet嘅事，大概一兩個月就分咗，亦都冇做返friend。但係因為係同一間學校同埋同一班，所以成日都會見到面/有d小組活動同一組，但係每次都勁尷尬。唔知係咪因為咁嘅原因，跟住就變到成日留意佢，亦有試過係夢裏面夢到佢。時間耐左，令到我自己都唔知係唔係仲鍾意佢，有試過特登唔留意佢，但係發現自己做唔到，加上有陣時佢都會望下我，做d令我誤會嘅行為，就更加令我唔知自己係唔係仲鍾意佢。有冇人可以幫下小女🙇🏻‍♀️🙏🏻真係好疑惑自己到底係唔係仲鍾意佢🤦🏻‍♀️ 呢篇野比較長…第一次投稿…請見諒🙇🏻‍♀️🙏🏻

#NSS個人 [GUSET] 小長文 是咁的，小妹一直都有追開一個大陸歌手，係正經嗰啲藝人歌手，唔係抖陰上面嗰啲，追咗有四五年左右，我鍾意佢純粹係鍾意佢啲音樂，覺得佢嘅歌俾咗力量我，我對佢本人冇咩興趣，只知道佢唔係護旗手，但係都嫌棄佢嘅國籍。佢上嗰啲大陸綜藝我都會睇，演唱會音樂節喺大陸開我都會去。 有陣時同同學傾偈，佢哋會笑我鍾意大陸明星聽大陸歌(但係華語歌我淨係聽佢一個，歌單入面佔比較多嘅係粵語歐美kpop)，甚至會排擠我。有次去完聽佢演唱會(喺大陸開)，啲同學好似避瘟神咁避我，驚死俾我傳染咁。 舊年年頭有試過唔去接收佢嘅消息，想強迫自己脫粉，但係都係失敗，話晒五年青春，唔係話拋棄就拋棄。 我唔知我可以點，我之前一直都覺得我鍾意呢個大陸明星唔代表我鍾意大陸亦唔代表我鍾意大陸人，如果佢移民去韓國咁我鍾意嘅就係韓國明星…最近同朋友鬧矛盾，俾人將呢個當靶屌，突然又對自己嘅定位好模糊，我覺得亦都知道我做錯咗，但係唔知點樣係啱，我可以點算…

#NSS愛情 [Guest ] 長文慎入，含粗口 是咁的，小妺今年13歲，中一，我就喺上年10月識咗個男朋友，佢今年15歲，我哋係網戀，唔同學校，冇見過面，佢住喺觀塘，我就住喺天水圍，我哋係喺一隻game 度識嘅。 但係近排唔知點解我好似冇咁鐘意佢，我好似係佢身上面搵唔到「愛」呢樣野，例如：佢鐘意打波，佢就係wechat 係咁send 啲一大堆關於打波嘅sticker，唔又係咁同我講打波啲技巧又乜乜乜又物物物咁，但係我想講嘅係我對打波一啲興趣都冇，佢又係咁send 一大堆圖文不符嘅sticker

#NSS學校 [dgs] 大家好 小妹14,F3, 今年靠音樂勁轉左去DGS, 但係成績唔係特別好。入正題，轉咗學校後，功課多咗好多，上堂老師講嘢又唔係好明，多咗好多壓力。最近老師講分數，發現我得一科高過班嘅平均分。 我開始有點擔心，呢年仲要揀科。 令外， 係學校冇乜朋友， 只係得一個最好朋友，但係佢自己都有唔少朋友，

#NSS個人 [GUEST] 有乜辦法可以令自己唔好分心？ 本人今年中五，小學嗰陣成績都唔錯（大概全級頭十左右）除左上某啲堂有時會分心睇書，其他時候都可以好專心去做每一件事，升到上初中都唔太差，但係開始上堂同做功課嘅時候開始會不停分心⋯⋯ 寫一份 literature essay 可能其他人一個幾鐘可以搞掂但係我會搵資料搵到 sidetrack 然後收唔到手，寫唔落，一個鐘頭先寫到一至兩段（結果就係交唔到功課，被人鬧）又或者上堂老師講嘅時候我會不停搣手指，聽完老師講嘅嘢轉個頭就會唔記得，寫低左嘅notes好似冇寫過咁⋯⋯