#NSS個人 [GUEST] 標題：我唔知其他男仔有無同樣問題，但我唔知點算好 本小弟今年中二文筆唔係好好，請體諒 呢個問題困擾咗我一段時間 都唔知其他男仔有冇同樣情況 我中一時班上面有個發育比較發達嘅女仔，但我哋本身都frd因為係同小學，下學期有一日上體育堂做熱身嘅時候我發現我自己被佢豐滿嘅胸部吸引住，一直都冇試過，自己下體突然變硬，突然回一回魂跟住心諗：咪住等等，我頭先望住人哋個波？然後forget about it （先講明我之前從來冇咁試過咁樣）

#NSS學校 [鍾意老師有罪？] 呢排成日見到有人投搞話鍾意老師，小妹都曾經鍾意過女老師，所以明白嗰種感覺，鍾意老師其實冇錯只係年齡唔允許。我覺得鍾意老師冇問題，只要唔影響到個老師咪得，唔明白點解成日有人喺度屌嗰啲人。鍾意人係冇原因，你鍾意咪鍾意囉，唔需要理會其他人點睇。 Sorry for 1999 麻煩Admin po ig 🙏🏻

#NSS其他 [Guest] 話說小弟有一個friend（下稱Y），Y 有一個男朋友， 但係佢突然之間block曬所有可以同Y聯絡嘅嘢。 跟住Y就好唔開心。 Y有個friend就見到Y男朋友同其他女仔出街（ 仲要嗰個女仔同Y係friend黎） ， 連原本Y有條女close

#NSS愛情 [GUEST] I am 14 years old. So I have

#NSS學業 [GUEST] 近排大家都喺度講補習社呢件事，等本人嚟分享下我自己以前補習嘅經驗。我以前個補習社阿sir會體罰，例如攞雞毛掃，間尺去打學生。以前如果佢捉到學生傾計嘅話，會叫學生掌咀。最離譜有一次係有個學生因為做錯功課，結果畀個阿sir用間尺打到個學生喊，仲要打到隻手紅曬。即係咁一個學生做錯事，你體罰人哋已經好唔啱。懲罰還懲罰，但打到人哋受傷好過份。要罰嘅話一係罰企，一係就罰抄書（雖然我都好唔同意補習社要懲罰學生），唔係要一個細路犧牲佢嘅軀體俾你虐待。仲有有一次我著黑色衫去補習(2019)，個阿sir就話我喺度散播政治 (wtf 咗)，嗰陣我屋企冇曬其他色嘅衫所以唯有著住件黑色衫出去啫。仲要唔夠補習老師嚟教我哋大班 ( l間補習社都幾多學生下，但係補習老師就得嗰幾個)，有啲人喺呢間補習社補到啲成績都差咗，that’s why 一年走幾多學生就係因為咁。補習社嗰miss＆阿sir 都話我成績差，又話我去唔到外國讀書，唔好意思我而家喺英國留學緊呀！寫到咁多知道我講邊間補習社啦，大埔區英x教育嘅好__教育中心。

#NSS學業 [GUEST] 作為呢屆嘅dse考生 我以家盡量做多啲練習 希望可以考好啲嗰試 但係越做past paper就越覺得挫敗 雖然我讀書唔叻 但係啲練習真係難到唔係人做 明明叫閱讀理解

#NSS愛情 [GUEST] 「師生粉」 – 小妹今年F3，同好多人一樣，都鍾意一個老師，仲要係女老師。 我知你地見到呢度實話「又鍾意左老師⋯⋯」其實我都身同感受，呢個係一個趨勢。雖然都唔知點解，但近年黎真係好多鍾意老師嘅學生，仲要同性佔大多數。所以我知，好多人都困擾左好耐。 有人叫呢類學生「師生粉」，我就照樣叫啦。 但我想講一句，鍾意一個人無錯。 鍾意一個人一定係愛情？其實簡單啲黎講，嗰個人如果有嘢值得你欣賞，吸引到你，你都會鍾意，呢種叫仰慕；又或者如果一個人對你好好，令你feel到久違嘅溫暖，你都實會鍾意佢，呢種叫依靠。 中學生本身就容易動心，所以鍾意一個老師都唔怪。不過呢種鍾意唔叫愛情，純粹係一種崇拜或者依賴嘅關係。鍾意一個同性嘅老師，亦唔叫les。

#NSS愛情 [Guest ] 我同個男同學拍咗拖, 但係我有個frd暗戀佢, 我又唔想佢傷心, 應該點做好?

#NSS學校 [GUEST] Hiii 咁就補充番 #nss220402E 樓主所講嘅補習老師 事關我都係佢學生 亦都幾肯定樓主個位同我嗰位啊sir一樣 想勸大家冇乜嘢就唔好去嗰間補～ 咁就係咁嘅

#NSS其他 [一個喺惡劣環境嘅補習社下補習過嘅學生] 我想問大家講下我小學嗰陣時嘅補習社。個名叫晴朗星級教育中心。係喺屯門某間商場。補習社嘅老闆係個大媽，因為佢冇咩學問，所以佢只會同小學生補習，中學生就俾佢請返嚟嘅Miss阿Sir（太多數係大學生）。 大媽仲會叫啲學生做嘢，佢叫嗰啲人大多數係小學六年級，喺補習社補咗幾年習，冇爸爸媽媽接送補習。佢會叫學生做啲咩？例如帶小學生去廁所、幫佢買嘢食、幫學生開門（出面入嚟嘅人要入面嘅人撳個掣先入到嚟，即係道門要撳個掣先開到）幫佢影印練習、幫佢塗試卷⋯⋯佢有時會俾10幾蚊俾做得好嗰啲學生買嘢食，即係揞口費。 講起塗試卷，大家知唔知啲試卷係點得嚟，就係學生嘅考試試卷。通常考完試派試卷，大媽就會叫我哋俾試卷俾佢睇，多數一俾佢就攞唔番嚟，通常我哋會喺度催佢快啲俾返我哋，但之後我哋都會冇咗呢回事，之後我哋嘅試卷就會變成其他學生嘅Past paper。 因為大媽無上限地收學生，搞到班補習社迫爆，好多學生都冇位坐，甚至會叫啲人企喺度做功課，叫啲人提早放學，讓啲位俾啱啱新嚟補習社嘅學生坐。迫於無奈，佢終於租咗同層嘅一個舖位（好細），所以入面得一位miss阿Sir。 我就同大家講吓一件喺新嗰間補習社發生嘅事。事緣係一位小學一年級嘅學生要去廁所，個Miss就要我帶佢去廁所，我唔想帶佢去，佢就威脅我要我帶佢去廁所，唔係嘅話就唔對我啲功課。嗰陣時因為我只得小學六年級，所以我只好帶佢去廁所，我根本講唔過一個大學生。 同埋佢收學費唔會寫收據，每個人嘅學費都唔一樣，就算係同年級同時數都係唔一樣。有一次我明明俾咗學費俾佢，但佢硬係話我冇俾學費佢，最終要我媽媽接我放學同佢講咗好耐先話我俾咗學費俾佢。 大媽會成日＂關心＂我哋，當然係問吓我哋有冇聽到學校老師知道補習社嘅真面目。有次，有間小學訓導主任嚟巡商場睇吓佢嘅學生（因為佢知好多學生都喺依個商場度補習），之後個訓導主任就同大媽講想入嚟睇吓佢嘅學生。大媽梗係唔批准，話會影響學生補習。十成十就係心虛，驚俾訓導主任睇到補習社嘅環境同埋迫爆嘅場面。大媽入返嚟補習社之後就話個訓導主任有問題，之後大媽仲逐個逐個質問嗰間學校嘅學生，仲叫佢哋以後收到嘅風都要同佢講。

#NSS個人 [Guest] 我真係好攰好大壓力 唔知點算好 希望大家可以俾d意見 thanks (sor for 1999 大家好

#NSS其他 [Guest] Re: #NSS2204021 想講講我對 #NSS2204021 內容同版主的想法。 首先,我睇完第一段已經覺得版主好自戀😂邊有人會話自己鍾意嘅男神好想同自己表白,不過表唔到😅 仲要話自己樣靚身材正😖係要幾自戀+自我中心先講得出😎之後話個男仔比佢fol就一定係鍾意自己,咁佢真係可以去check下個男仔ig係咪淨係得佢一個女仔fol,如果唔係,咁個男仔咪鍾意好多人lol siu4🤣

#NSS個人 [Guest] 大家好，小弟今年f4, 末來想做科研人員，同埋大學讀science, 不過我好掙扎究竟係咪真係要去做。 我由f2開始對science產生極大嘅興趣，一上science堂就會好開心，因此當時下定決心大個要做科研人員，大學要讀science, 而家嘅electives係phy chem bio m2

#NSS其他 [GUEST] 大家真係要識得保護自己，唔好好似我咁🥲 ［長文慎入］ 想回應 #nss220402e 先抱抱樓主，辛苦你了🫂🤍 呢篇最主要係想講吓我嘅經歷，希望可以少啲人受害。 呢位阿sir真心恐怖，小妹之前都有喺佢嗰度補過，飽受性騷擾半年之長，相信有其他苦主比我更耐🫂（唔好問我點解當時唔quit，依家諗返起真係覺得好蠢，當時我完全唔夠膽出聲，好驚好驚，唔識分呢種行為係性騷擾定只係我過分敏感，亦都唔敢同其他人講，覺得係一件好羞恥嘅事…） 由第一堂開始，佢就已經挨到個身勁埋，但當時我仲細，唔夠膽出聲，而且補習社嘅空間唔大，再加上見到佢對其他同學都係咁，佢哋都冇出聲就以為係正常。

#NSS其他 [GUEST] 小妹14歲喺一間band1a嘅學校讀，雖然話係名校但係有壓力就完全唔關考試功課嗰啲，因為我係只求合格嘅人啦。 本人係bi嘅喺一月嗰陣同咗一個喺我哋級幾出名(即係popular girls)嘅女仔表白，個人認為鍾意一個人係唔需要佢一定要鍾意我。當時我表白只係希望佢知道我鍾意佢完全冇其他意思，我係喺考試温書嗰陣同佢講而佢當時都有問我係咪prank，而佢應承咗我一定唔會同任何人講。點知第二日有人send咗screenshot比我問我係咪真係鍾意佢，當時認真嚇咗一跳所以即刻dm問佢，當然佢初初係否認但係最終我send埋screenshot問佢點解，佢仲要講返我哋之前嗌交嘅嘢and po ig公審我，仲要就嚟唱我(走咗嘅人都知😃)同埋block我。 一月開始到而家我差唔多晚晚失眠晚晚發惡夢成日喊勁emo好辛苦好傷心。好後悔點解會同佢表白，如果我唔同佢表白我而家仲做緊開心果? 完全冇哂動力，ig都唔po story(之前成日spam)，由一個勁外向勁開心嘅人變成一個勁內向勁emo嘅人。

#NSS愛情 [SSSHK（最好唔好將個簡稱post出來piz）] 我鍾意左一個女仔6年，宜家係中4，佢小學同我同班咗六年（全班直升），唔係真係覺得佢好靚，亦都唔係有啲咩特別嘅地方，但係到而家但凡諗到佢個樣或者佢個名個人都會有悸動，可惜佢暑假去左英國，幾個星期前我仲發現左佢原來有男朋友，我而家乜都唔想，只係想佢長長久久，我已經冇好似癡漢咁再幻想同你任何嘅未來先瞓得著，更加唔會好似變態噉空氣講嘢幻想係你，這六年期間你根本就唔知我鍾意你，不過算啦，我嘅道德唔允許我就鍾意你，就係噉，多謝大家睇到呢度THX~ 祝你幸福😝

#NSS其他 [GUEST] 小妹今年F2，一直俾一件事煩到個心好亂，成日都諗起呢件事令到我覺得好後悔。 件事係咁嘅，小妹喺小學四年級嗰陣識咗個朋友，先叫佢做A，A唔鍾意班上面一個同學（叫佢做B），因為我係A嘅朋友，所以A唔鍾意佢，我就覺得我都唔鍾意佢（我地冇打過人，但係每次同佢講嘢個語氣都唔好，宜家諗起唔知算唔算排擠）嗰陣我已經覺得咁樣做唔好，但係因為我當時係A嘅朋友，所以覺得佢講咩我都要撐佢，附和佢，差唔多成年都係咁。 但係到咗五年級我同A分咗去唔同嘅班，A就冇再同我講過嘢，我搵佢佢都唔理我，而因為有相同嘅興趣，我同B做咗最好嘅朋友，直到小學畢業，我覺得我地嘅關係都好好，但係小學一畢業唔夠幾個月，B就突然刪哂我同佢之間嘅所有聯繫方式，點搵都搵唔到佢，甚至連社交軟件都拉黑咗我，嗰陣真係成個人呆住哂，明明話好疫情完咗之後就一齊出去玩。 幾日之後佢突然拉番我其中一個聯繫方式出嚟，講咗句sorry，我同佢講：有咩事你可以同我講，但係唔好突然拉黑我。之後佢再冇覆過我。 過幾個月之後我決定去搵佢傾吓，解決呢件事，我喺WhatsApp度搵佢，但係佢直接扮成自己爸爸，問我係邊個，我當時100%肯定嗰個人係佢，無論係語氣、用詞、定係emoji，都係佢平時最習慣用嘅，但係佢點都話唔知我係邊個，嗰陣嘅我覺得，既然佢係都要扮唔識我嘅話，點問都唔會講㗎啦，咁不如就唔再搵佢，費事佢又覺得我煩，於是我地就一直冇再聯絡，冇再傾計。 唔知點解，呢件事過得越耐，我就越容易諗起，如果嗰陣我冇同A一直排擠佢，我地會唔會到宜家都仲係朋友呢？特別係呢幾個月，身邊識得越多人越覺得對唔住佢，如果嗰陣我再成熟少少，有啲自己嘅想法，有冇可能 就唔會跟住A一齊對B講出嗰啲唔好嘅話呢？ 因為呢件事最近冇乜胃口食飯，覺又瞓唔好，做咩都冇精神，係度諗呢件事，好想同佢道歉又唔敢去搵佢，請問我宜家應該點做？

#NSS家庭 [GUEST] 長文慎入 我真係好憎我阿爸 小弟今年F3，我阿爸同阿媽以前喺同一間公司做嘢，當時阿爸每個月嘅人工大概有六萬蚊左右，阿媽每個月就有大概四萬蚊。所以以前屋企嘅所有開支都係由阿爸出，而阿媽就負責儲錢。但係喺我四年班嗰年，阿爸俾公司炒咗，導致屋企有一段時間少咗一大部份收入。自從阿爸失業之後，所有嘢都係阿媽出。由於阿爸搵唔到一份有固定收入嘅工，所以去咗保險公司賣保險。但係賣保險呢份工冇固定收入，有時人工好高，有時零收入。只可惜我阿爸唔係一個會積極搵生意嘅人，佢個人好被動，所以大部份時候佢都得好少收入。而家屋企除咗我嘅學費同埋少部份支出之外，所有嘢都依然係阿媽出，包括去超市買嘢，食飯錢，我嘅補習費等等。阿媽就嚟五十歲，佢預計自己得六十歲命，雖然佢呢個估計冇任何根據，但係如果係真嘅話，我大學畢業之後咪得返三年時間陪佢？阿媽講過佢本來想四十歲退休，但係因為阿爸失業，搞到佢冇得退休，到而家五十歲都仲要做嘢。最可惡嘅係，阿爸唔俾阿媽退休，佢話就算阿媽俾公司炒咗，都要跟佢去賣保險。我覺得佢真係痴撚線，要自己老婆做嘢做到死為止。而家阿媽為咗攞一半嘅糧嚟儲錢，連個蛋糕都買唔落手。可能有啲人會覺得蛋糕係奢侈品，喺咁樣嘅財政狀況之下唔應該買。但係我想講，如果阿爸爭氣啲，努力啲搵錢，我哋又使乜過咁樣嘅生活呢？之前佢去麥當勞買嘢食，佢想買一個十四蚊嘅包，雖然佢最後都係買咗，但係後來佢同我哋講返，話本來佢心諗可以食六蚊一個杯麵，點解要食十四蚊一個包？佢就係因為有呢種咁知足嘅心態，加上佢覺得有老婆幫佢俾晒所有嘢，仲使乜努力搵錢呢？ 純粹發洩，sor for 1999

#NSS愛情 [ABC school ] 大家點睇女仔表白 我鍾意左個男仔，好想同佢表白，但係我又覺得，如果佢係鍾意我，佢一早到表白左。 等左幾個月前排我終於都同左佢表白，佢都話鍾意我，我地仲一齊左，但係我就成日覺得，因為係女仔表白，男仔又有咩所謂，有得食唔同唔食，有人同佢吹下水，打下機，講幾句甜言蜜語，就搞掂。 雖然話一齊左，但我成日覺得，只係悶，想除時揾人陪下，如果真係鍾意我，就一早同我表白，使咩等我講，大家點睇 利申，小女中二

#NSS社會 [tkpss] 我係一個中二女學生，我有一班FD，其實小學就識了，但近排我發現佢哋好似唔係好了我，我入到遊戲又唔了我，我就去找其中一個FD訴訴苦，佢又叫我找回嗰個唔理我嘅人，我去找佢，佢又唔多理我，只會一直解釋，我只想佢哋安慰下我，但係我今日竟然偷偷玩唔找我了，我去找佢哋，佢哋不單唔了我，而且有個同我講就係唔想了我，我好傷心，佢哋都唔理我。其實係唔係有咗中學同學就會像這樣？還是我太敏感？