#NSS學業 [GUEST] 想問吓大家點樣溫物理科？ 我今年中四，讀physics，但係對於啲concept唔係好明（例如一直睇唔明啲v-t/a-t/s-t graph），平時溫完書啲quiz同埋考試都係60-70%左右，所以想問吓大家平時物理科點樣可以攞高分少少，希望可以80-90%。如果推薦做練習嘅話，我應該做咩練習會好啲/可以清concept。 唔該晒🙏🏻

#NSS個人 [Bkkss] 如果我用天水圍啲屋邨名做人名嚟寫小說，例如天恩天恆天晴天瑞天耀天祐天慈天悅同天富咁樣 會唔會好怪同埋想認識吓身邊有寫小說嘅朋友們😂

#NSS學業 [[yxxs]] admin po ig pls, thx! 小妹某中西區英文中學f1，啱啱派返考試卷返黎，其他科科都算及格，但係science同中文唔及格仲要特別低分，覺得呢兩份卷真係超級難，有好多唔識或者溫書嘅時候冇見過嘅題目，唔知有冇人可以指點分享下溫science同埋中文嘅方法，唔該晒！ sorry for

#NSS學業 [Guest] 小弟今年中三，上學期考完試，派左卷，但發現有 d退步，尤其是英文，保守估計會跌到5*名。最大問題係自己識ge英文生字少，有時其他科 ge試卷上面都有好多字唔色，加上我文法廢到炸，但係我就冇乜興趣睇英文書，唔知各位師兄師姐有冇d咩意見 or方法? 同埋你地用咩方法lei令自己有繼續努力ge毅力?

#NSS家庭 [guest] 我好愛我屋企人，但係價值觀差好遠。 我細個其實幾聽話，不過屋企人冇教過我啲咩，好多野都係自己學翻黎，以前食飯同屋企人成日一齊睇新聞，都會有時講關於政府嘅嘢，以前我啲政治立場同屋企人差唔多，諗嘅嘢都係差唔多。 之後越黎越大個發現我同屋企人諗嘅越黎越唔同，有一次老豆執左一部Samsung，嗰年部機先啱啱出，部電話好新連機殼都冇，似係啱啱買就跌左。我嗰陣仲好細，但我係咁勸我阿爸報失部電話，我屋企人就話我痴線，鬧我：「部機咁新都執到梗係留翻自己用啦，邊會還翻比人㗎！」，仲話：「你老豆部機咁耐啦，儲買新機嘅錢都冇，咪啱曬囉！」，咁講嘅話，人地部機都可能係儲左好耐錢先買嘅啫，對人地好唔公平，但係我駁極屋企人都話唔還，我都冇辦法。 而且屋企人會係公眾場合講嘢好大聲，我會行埋佢地耳邊叫佢哋講嘢細聲啲，例如巴士上面有人訓緊教，都會唔好意思嘈到人，但係佢哋完全唔覺得咁樣係騷擾，仲話：「公眾場合邊個講嘢都大聲㗎啦！」，但係其實我覺得講嘢嘅對象聽到就好……成日叫佢哋細聲啲反而越講越大聲，啲人都會投向奇怪嘅目光。 同屋企人出去食飯嗰陣，屋企人覺得唔好食或者好貴會直接係間鋪入面直接講話「好難食、好慢、點解整咁耐」，而且會講得好難聽，有一次我同屋企人去台灣旅行，屋企人排隊買手搖杯，排左幾分鐘未到就開始呻話好慢，而且仲要用國語講，我同佢講：「你買嘢排隊預左等㗎啦，而且你仲要用國語同人地講，人地已經好快㗎啦！」，屋企人反而鬧翻我：「我就係要佢知我話緊佢慢！」，覺得好唔尊重人地，加上其實人地會好大壓力。 屋企人對我唔差，但係我感覺諗嘅嘢好唔一樣，關係都差左好多，明明我又唔係唔愛佢地，好苦惱唔知點做好。

#NSS其他 [Guest] fb其實仲乜事，點解成日無lala ban咗人地個page

#NSS家庭 [只想回應一下] 回應NSS210224E 嘅post 我自己都係一個14歲女仔,我爸爸媽媽都會限我幾多點返屋企,但係我唔會好似你咁無理取鬧、得寸進尺 你諗下,18歲之前其實監護人係仲需要照顧你,你18歲之後自己想點都得,雖然我認為無論點都要報答父母,因為佢哋畀咗佢人生中一大段時間落我度,返完工又要照顧我,佢哋真係好辛苦,係我一輩子都唔可以還嘅「債務」。 佢哋成日咁樣「管」你、「煩」你都只係想為你好,你得14歲,唔好以為自己有幾勁,如果你咁夜返屋企畀人哋強姦點算？畀人哋偷嘢點算？畀人哋綁架點算？你可以回應一下：「點算？」雖然你有可能會笑住咁講呢啲嘢梗係唔會發生落我度啦,但偏偏就好似墨菲定律咁樣,世上嘅嘢真係好難講,如果你到時真係遇上,你不單只會後悔,連你嘅爸爸媽媽都會好內疚,你想唔想你嘅結局係咁樣？ 仲有,限你幾時返屋企又點,如果你日日凌晨或者好夜先返去根本冇機會見到屋企人嘅話佢哋會唔會唔開心呢？你哋係一個家庭,家家有本難念的經,你而家有可能唔明白佢哋嘅諗法,但係…如果你仲係咁諗嘅話第時一定會後悔。嘗試下你解對方,站喺對方嘅角度嗰度諗下,你會唔會發現…你根本誤解咗對方？ 我知道其實根本就唔關我事,但係我只係想作為一個局外人嚟提醒一下你,我自己都係一個14歲嘅女仔,但我明白,我相信你都做到。加油

#NSS學業 [做人唔好咁雙標] Admin請post IG，謝謝🙏（2月25日） （YWXX 中西區女校）小女今次考試考得一般，前嗰幾日向同學A訴苦，希望可以由佢嗰度得到啲安慰。反之，A仲大聲係班房同其他人講我廢。我嬲咗A，佢反而覺得係我有問題。做人會唔會做到好似你咁樣啊！仲有，我同A上緊補習社網課嗰陣時，嗰阿sir話你考得都一般，唔小心爆咗嗰分，然後你話 : 我嗰分XXX唔知，講出嚟做乜。自己嗰分唔小心被人知道咗，就開始埋怨。 好心你做人唔好咁雙標啦！ 注XXX=我嗰名

#NSS文化 [GUEST] 咁多位 其實冇乜野 只係想係度講聲 全世界都唔差

#NSS家庭 [GUEST] 小妹今年中一 ，阿爸阿媽搞離婚，而家問緊我跟邊個。 以下係係我對佢哋兩個嘅分析 媽： 1）要移民 2）我同佢比較friend啲 3）阿妹一定跟佢 4）缺錢

#NSS學校 [Guest] Please po IG thx~ 話說小弟我F6，已經就到last day，周圍好多frd都已經開始影相同寫紀念冊，點知我個ex無端端又比左張我寫，小弟我係毒撚一個又唔識拒絕，而家對住張紙好迷惘，hea寫又好似唔好，認真寫又其實無乜嘢寫，寫咩都好似好老尷咁，又無理由唔寫嘢，畢竟收左人地張紙，而家搞到好進退兩難，有無巴絲打有建議？ Btw 2021dser

#NSS個人 [GUEST] Admin po ig plz🙏麻煩曬🙏 · 其實要其他人唔好已讀不回自己嘅message之前，自己可唔可以先做到呢樣嘢🙏同埋唔該可唔可以開番自己個上線時間仲有藍剔功能⋯⋯我有時溫書冇開電話、WhatsApp又冇睇到，但係我個friend自己又熄曬呢啲功能⋯⋯之後就話我睇咗message專登唔覆佢⋯⋯

#NSS個人 [GUEST] 純分享 不喜勿插 Hi各位陌生人 呢個投稿純粹係情緒宣洩/搵解決方法 近排mental state真係差到一個點 唔知由幾時開始 每日都有想死嘅念頭

#NSS學業 [Lpy] 其實好想知點解有啲人咁鳩😹以為自己讀band one真係好威威咁 band two又好band three都好最後考Dse咪又係成班坐埋一齊🤷🏻‍♀️做咩係都要講到讀band three果啲全部都係廢柴😰好心喇 收下把口 當積下陰德喇

#NSS家庭 [GUEST] Re #NSS210224E 其實你父母已經唔算管得你好嚴㗎啦，佢哋都只係想知你去邊度同去幾耐姐，佢哋咁樣只係想保護你，驚你有危險，出咗咩事，驚唔知可以喺邊度搵返你。 我而家都係14歲，我媽咪都係咁，我每次出街都一定要知我去邊度同埋去幾耐，去遠啲嘅話仲要我爸爸車我去，可能咁樣大家會覺得我太過受保護，但係我知我媽咪都係為我好，所以佢要求嘅我都會聽。但係有一次我真係覺得over咗⋯⋯ 我小學六年班嘅時候，第一次同朋友出街，嗰次我哋係去溜冰，事前我同咗我媽咪講，佢就話車我去，因為嗰度都算遠，但係嗰日如果我媽咪出咗去嘅話，就冇人睇住我個妹，同埋我個妹都想溜冰，所以佢就話帶埋個妹去，咁我都覺得ok啦。之後我媽咪有一日同我阿姨傾偈就講起我遲啲同朋友去溜冰，我阿姨又話「呀，我個仔都鍾意溜冰喎，帶埋我個仔去啦」，我媽咪就應承咗。我媽咪第二日就同我講，話我阿姨、姨丈同埋表弟都去，我嗰下O咗嘴，但係我都冇得say no 去到出街嗰日，我哋本身約咗10:45，我哋由屋企揸車去都要半個鐘至九個字，仲要等埋我表弟一家，去到已經10:30，仲要食埋早餐，我平時食嘢係勁慢，我嗰日已經拿拿臨食哂，但佢哋仲慢慢傾偈慢慢食，最後要成差唔多11:30先去到溜冰場 我知我媽咪都係驚我有危險，但係帶其他屋企人同朋友出街，我真係覺得過份咗⋯⋯

#NSS學業 [guest] 我想問吓大家中英數 中史 西史 地理應該點溫？我仲有兩個禮拜就考試，有冇一啲速成方法，可以攞到好成績，例如：全班頭15咁，中史全級第一咁

#NSS家庭 [(SCH in KC)] Admin po IG plzzz🙏 事源就咁樣嘅,小弟我而家中三,阿妹準備升中一。咁係我幫佢準備有關於面試嘅時候要做嘅嘢嗰陣,我就好奇咁樣查一查佢間中學,點知發現呢佢間中學係嗰一區倒數頭幾名嘅。咁當然啦,咁其實根據佢嘅成績,佢係有機會同有資格同我一齊讀同一間學校,咁點解老豆唔畀我同佢讀同一間學校呢,我問佢之後,well… 佢同我講:因為我呢間學校大部分老師或者學生都係偏向民主派,唔想有第二個黃絲起我哋屋企出現。好囉屌但係你都洗唔洗揀個全區最差嘅學校出嚟呀…雖然話係全區最藍嘅,但係點解你要透過嗰間學校嘅政治色彩決定我啊妹讀邊間學校,而唔係透過嗰間學校嘅學習環境來決定呢？真係要將佢培訓到好似另一個白衣人先肯？頭幾志願嗰張表都已經交咗出去,想問下各位仲有乜嘢方法？

#NSS愛情 [GUEST] 是咁的，我好似根本唔明愛人嘅感覺。 話說自己今年f3，a1女，但係我同ex拍拖嗰陣好似feel唔到愛。當初應承佢係因為覺得佢會對我好好。佢對我嚟講真係一個特別嘅存在，但係又好似稱唔上係愛。身邊嘅人好多都有鍾意嘅人，我唔明點解會有呢種感覺，同埋呢種感覺係點。 sorry for 1999, 希望admin揀中我。

#NSS愛情 [HSS ] 半年前我移民咗去一個地方去咗間新學校,有個女仔對我好Nice,我哋好快就成為左形影不離嘅朋友.大概係兩個月前我開始發覺我自己鍾意佢,但係我唔敢同佢講,因為我唔確定佢係咪都係Les嘅再加上我阿媽好唔鍾意同性戀嘅人.去到幾日前我忍唔住開咗個Snapchat新Account試探下佢…結果佢同我講佢係直嘅然後就block左我啦~其實我一直都知我哋係冇乜可能,但係我都想試吓係咪真係唔得!我諗到而家佢都唔知嗰個係我.我好唔開心,請問我可以點樣做?應該忘記佢定係坦白話俾佢知?

#NSS學校 [GUEST] 希望admin po ig，thank you。🙏🏻 係咁嘅，近排有個同學成日黐埋嚟我同幾個朋友度。如果可以識下啲新嘅朋友係好，只係呢位同學有啲奇怪。 我哋form3, 但佢嘅社交能力似小學生咁？ 即係傾起計嚟唔似同一個年齡階段，成日講埋啲明顯較幼稚嘅嘢。而且佢講嘢口窒窒，係經常嗰隻。