#NSS個人 [GUEST] 小妹今年F2，呢啲嘢唔知同邊個講，所以先喺度投稿，純粹想發洩情緒，希望大家唔好介意。(長文）（表達能力唔係咁好，唔好意思） 我份人超級怕生，每次要人哋主動同我講嘢，連諗點回答都會超級緊張，但係非常慶幸識到一班fd，就開始咗好開心嘅中學生活，亦都好快適應到。不過好快就開始停課，就開始少搵佢哋。（順便一提，小學fd都淨係keep到一兩個，都好少聯絡，所以除咗Hi bye fd，10隻手指可以數得晒我所有fd。） 上年F1停課嘅時候，嗰半年超少搵fd（係因為好驚佢哋嫌我煩，幾熟都好，我都好少主動搵人，同埋我成日講嘢，佢哋都會已讀晒我，所以我唔敢搵人），根本冇點同人交流過，變得更加怕人，變得孤僻咗。雖然佢哋都話當我好fd，但係我都超級冇安全感，覺得佢哋只不過都真係當我係過客，下年就已經唔會再fd。 升到F2，我啲學業好快跟得返，成績都尚算可以，不過喺今年呢班識唔到啲咩fd，同F1啲fd仲有來往，但係冇咩進展，都唔多傾偈。 返學嘅時候都會好開心，因為可以同fd相處，唔使自己一個，但係每次返屋企之後，特別係夜晚，情緒就會唔知咩事，成日諗好多，例如：「其實係咪個個都唔鐘意我，包括父母，啲人成日都嫌棄我，明明喺朋友面前我都唔會展露唔開心嘅一面，點解佢哋成日都唔係好理我，明明我咁在乎佢哋，點解佢哋好似完全唔care我，如果我死咗，啲人係咪就會關心我？佢哋就會後悔唔珍惜我？啊，唔好，可能而家死咗佢哋都唔會有feel，唔好死住..我人生唔可以就剩係得咁樣，唔可以令父母傷心，我相信未來應該變好？..」 相信大家睇到呢度都覺得我係一個好無聊、好低能、好自私嘅人，但係其實我都唔知點解，明明我都冇遇到啲咩挫折，但係最近差唔多日日都諗埋呢啲嘢，情緒都超級唔穩定，唔開心永遠都唔會同人講，仲成日擔心未來，自己又冇咩特長同興趣，成績又麻麻地，會唔會讀唔到好嘅科，會唔會冇工要我，會唔會變成露宿者，出街會唔會俾車撞死，會唔會孤獨終老等等。
#NSS個人 [Guest] Hello，我係 #nss201226g 嘅po主，今次又係想嚟放負，大家唔想睇嘅話可以直接略過。 如大家所知，已經有學校開始復課，而我學校都復課，不過淨係妟晝兩堂（唔知返嚟做乜🙄） 之前都有講過我係學校無端端比一個男仔間斷性咁搞足兩年（騷擾+言語侮辱）但偏偏我有朋友係同佢好friend，仲要覺得佢係好人，將之前發生嘅嘢調轉嚟講。言歸正傳，而家復課個陣係走廊、班房見到佢都會好驚、會自發性咁喘氣（唔係不自覺地）甚至乎聽到佢把聲都會驚、會震，要拮自己手拮到痛先慢慢深呼吸，冷靜到（zoom個陣都會咁）同時都好憎佢，憎佢點解話一個女仔係雞（唔係我）都可以有咁多朋友。我而家真係唔知點算好，先開左學2日已經咁，如果唔係冇小息，我一早去咗廁所界手🥵 上一篇文都有話我會用間尺界手，而呢個問題係聖誕假就嚴重左(?)個時有份VA work做得差左，另一個同學多我好多分，我就同普通人一樣分，而我得失心好重，於是乎就造就左第一次界手。之後上咩堂都好易喊，尤其VA堂，但因為zoom所以睇唔到。而且因為冬天著長袖衫，所以可以遮住傷痕，我冇話會界到流晒血，但一定會見血（啲疤痕唔會太深太耐，一個半星期都會淡得7788🤟🏻），好似咁樣先舒發到我內心嘅痛。12月到而家，睇返相簿我都界左5,6次（笑） 1月個陣考試，原本溫左好耐嘅科跌得好勁，整體成績都退步左，我真係好驚好驚會揀唔到想讀嘅科（其實我已經諗好左，如果最後係啲我0興趣嘅科就會自殺，因為我知升到高中真係要靠興趣先讀到，唔係嘅話會好辛苦）
#NSS其他 [聖瑪加利大幼稚園舊生] 想問吓有冇人幼稚園係聖瑪加利大幼稚園讀，或者係第26屆畢業生（啫係2011-2012年度畢業生）。有嘅話介唔介以留言吓或者tag你個frd，因為真係大家好似都冇曬聯絡，但係好想聯絡返大家🙈🙈。
#NSS社會 [Guest] 鍾意大陸創作者其實無錯，點解啲人成日覺得大陸人=共產黨？ 我好鍾意一個大陸嘅creator，我買咗佢嘅一個周邊，上面有寫簡體字。我同friend出去行街嘅時候就帶咗出嚟，然後我d friend就開始喺隔離串我係大陸人，又話我有睇抖音之類嘅一系列中國人刻板印象。 就算我點解釋都好，佢地都係對大陸人=共產黨=bad bad 呢個固定思想無改變。我唔知道佢地點解仲可以未訓醒，但係如果你地睇到嚟呢到，我希望你地可以明白唔係所有中國人都係衰人，唔係個個人都支持中共。如果你地再戴住呢啲有色眼鏡嚟睇人，一見到佢地係中國人就鬧佢地係小粉紅，咁你地又同嗰啲咩都唔去理解，淨係識得癱喺井底日叫夜叫嘅青蛙又有咩分別呢？ (Btw個creator真係好jeng，除咗佢啲內容豐富之外，佢喺啲片裡面瘋狂串中國政府，佢無比人封殺真係一大奇蹟w)
#NSS個人 [GUEST] Admin pls po ig🙏 小妹今年F3，我天生讀書就唔好（溫咗都考到一pat屎嗰隻），我一直都好鐘意畫畫，基本上放完學返屋企就係度畫，亦有係ig開委託（幾個月加埋都差唔多賺咗$1000左右？），但前面都有講到，我讀書認真唔好，除咗畫畫之外真係冇任何擅長嘅嘢，比起其他人才華橫溢，我覺得自己好卑微。 我屋企人從來都冇逼過我讀書，佢哋成日都講「讀到就讀到，讀唔到咪算囉。」「唔好俾自己咁大壓力。」但讀書唔好真係好有罪惡感，我覺得呢個社會讀書唔好嘅人遲早會被淘汰，邊個理你有咩才華，學歷先係一切。 我知呢個世界鍾意畫畫嘅人好多，但真正企到出嚟嘅又有幾個？乜我真係做到好似佢哋咁？如果我畫畫呢條路行唔成，我又可以點？ 而家嘅我就係讀書同興趣間徘徊，一個係我唯一嘅長處，一個係社會上生存嘅必要條件，我絕對做唔到同時兼顧兩樣，我真係好迷惘，希望大家可以俾下意見我🙏
© 2023 NSS Secrets, Seven Sisters Network Limited. All Rights Reserved.
Text is available under the CC-BY-SA 3.0 License. Additional terms may apply.