#NSS學業 [GUEST] Admin po ig plz 其實讀理科系咪真係代表讀書好?有前途?甘其實系呢個社會都對唔精於文科既人幾唔公平下。本人今年中四,自問文科比理科好,中三既時候亦因為讀chem,phy覺得好吃力所以揀咗雙史加bio。近排,我萌生左想drop bio既諗法(因為讀得好吃力),原本老豆都支持我,但後尾佢就因為上網睇到讀護理系好好搵所以就轉左口風,堅持要我讀bio。不但至,佢近排仲成日比說話我聽,例如佢聽到我媽話佢同事個仔讀全理科就話佢好叻仔,然後又話唔似得我讀全文科可以準備乞食。之前拜年又當面系親戚面前奚落我。所以我其實就諗緊究竟理科唔叻系咪已經注定左我實失敗…… Sor for1999
#NSS其他 [GUEST] 「長文慎入][有劇透] 大家好,我係一個鍾意睇漫畫嘅F2學生,我想同大家講下「鬼滅之刃」相信大部分人未睇過都有聽過呢套作品,而有一少部份嘅人話呢套作品係一套垃圾,只係靠動畫公司(ufotable)帶紅 我有幾個意見想講下🤷♂️: 有人話鬼滅劇情係垃圾 講真鬼滅之刃劇情對比進擊的巨人呢種作品,對比下劇情明顯普通,但係劇情絕對係中上,由一開始到無限列車,到花街,刃匠村,無限城决戰,主角實力完全冇突然變勁,一步一步升Lv,唔似某D作品講句:「我哋唔會輸架!」跟着一拳打瓜大佬,另外,係結尾同Boss方面,由一開始已經交代好大佬(無慘),而炭治郎亦都好早就見到無慘,而呢樣野係好多作品做唔好嘅,好似火影一樣,帶士又被班插一刀,班又被輝夜插一刀,個尾爛到出油。如果大家有睇過鬼滅漫畫嘅,就知道上弦一二三嘅實力係比一個柱強嘅,理所當然無慘就更強,但作者一開始就交代陽光係可以殺死所有鬼,無慘都唔例外,最終決戰無慘係經過九柱+主角隊打左勁耐再又「陽光」殺死,戰力好合理,符合之前嘅設定,好多Jump嘅作品都做唔到。又要對比下火影(sor for 火影迷)火影忍界大戰,打到天昏地暗,淨係死左一個寧次?凱開埋八門死門又唔死?鬼滅係呢方面就做得好,人地無慘講到明鬼王,活左1000年,九柱會唔死人打羸無慘?為咗唔劇透全部,就費事講邊個瓜左。 總結,鬼滅係一套有水準加埋天時地利人和而紅嘅作品,啲人話佢廢,只係因為妒忌佢嘅熱度,
#NSS愛情 [Guest] 嗨。新年快樂,祝大家平安健康。呢個post關於感情,大家有興趣就比啲建議啦。 我有個同歲男朋友,拍拖都有一年幾,我之前算陽光開朗,成日興奮樂觀又鐘意笑,佢都一樣,至少表面係。同佢係埋一起之後慢慢了解佢內心,先發現佢係一個好容易抑鬱焦慮嘅敏感男仔,我用咗一年時間同佢相處,安慰開解佢,佢好咗少少,識得拋棄啲唔開心嘅野,但我發現自己慢慢變得沉默,常常一個人,失去興致,悲觀敏感,媽媽亦經常問我有冇事。 “原來我咁容易比人影響。”我宜家對生活完全提唔起勁,任何一件事都可以放大百倍影響我情緒,漸漸好似佢咁。我開始明白我應該離開,換個圈子,但畢竟係我男朋友,我愛,我唔捨得,我唔想再傷害到佢,令佢又跌翻落谷底,又變得難過敏感,我驚佢承受唔到,我覺得自己責任好大。 我應該點做。其實我真係冇,可以令兩個人都揚起笑容嘅能力。世界上亦都冇“如果重來一次”,我只係想知下一步點行會好啲。
© 2023 NSS Secrets, Seven Sisters Network Limited. All Rights Reserved.
Text is available under the CC-BY-SA 3.0 License. Additional terms may apply.