#NSS家庭 [Guest] 有冇人可以教下我，面對家暴有咩方法救到我。。。 長文慎入！！！🙇🏻‍♂️🙇🏻‍♂️ 講返我嘅經歷先 我有一個家姐同細佬，我哋都係自細俾人打到大。我印象中我第一次俾個垃圾老豆打係第一日返完幼稚園之後。係我升上中學之前，帶傷返學係一件好常見嘅事。 我媽都係，俾佢打左好長一段時間，自我記事以來就係咁。細個就成日見住我媽俾周圍dum，dum落地下，dum上衣櫃到。(我唔太識應該點形容，總之係聽到把聲都會覺得痛嗰種) 好多次都係我媽拎把刀隊住自己，攞自殺威脅佢，佢先肯停手。 但好彩，隨住我哋開始大個，又或者話佢冇左份工，佢因為有所忌憚或知自己而家係做米蟲，至停咗手一段時間。但我知只係暫時嘅事，佢只係有所收斂。喺之後嘅時間，佢依然間唔鍾會以武力嚟威脅我哋聽佢話，有時仲會郁手，只係相比起細細個遭受嘅，要輕得多。（可能因為俾人打得多，層皮厚左，自然冇咁痛。） 如果之後一直都係咁，我諗都算啦，都咁多年，我哋都大個哂，最多我哋帶住媽咪搬出去住就係。對於就快讀完書嘅我哋嚟講，都係忍多幾年嘅事，咁多年都已經捱左過去。

#NSS個人 [guest] 小妹今年09，本身已經係一個比較細膽嘅人，咁有一個問題就困擾咗我幾年:( 我特別驚自動感應沖廁嘅廁所，可能大家就會覺得好奇怪，但係我自己都唔知點解，永遠一見到呢種廁所，我就打死都唔去。 細個嗰陣冇呢個問題，因為細個生得矮啲，廁所就感應唔到，但係而家我大個咗，就一定會感應到。 通常呢種廁所係無啦啦自己會沖廁，佢嗰啲聲每次都嚇我一跳，同埋如果去得耐啲，會沖2-3次，咁就搞到我到而家呢一刻都係好驚呢種廁所。 咁我有時會記住邊啲廁所係會自動沖廁，然後就會儘量避免去嗰啲商場/地方，咁我有時會諗，我唔會永遠都淨係去呢啲地方，將來都有機會遇到呢種廁所，呢一個問題都係要去克服，但係我每次見到都淨係會逃避，同埋好似得我有呢個問題，其他人都好似唔會驚。 我投稿係想問吓大家有冇呢個問題，同埋想問吓有咩方法解決（真係唔係亂作嘅文🥲） 好多謝大家睇到呢度，我知道我呢個問題好奇怪 第一次投稿，sor

#NSS其他 [guest] 是咁的，小妹今年13歲, 我嘅好朋友成日衝紅燈… 小妹我語重心長地勸告過佢好多次, 但佢完全當我講嘅係耳邊風, 仲拉埋我一齊衝紅燈！ 小妹深感無奈，我只係擔心佢嘅安全, 但佢就完全唔理解我嘅用心良苦！🥲 有見及此

#NSS學業 [Guest] 大家覺得幾時/需唔需要去補個啲補習天王？ 其實事源係呢排小妺我係度諗補習嘅問題，咁小妹而家f2，因為我見我班有兩三個人有去個啲補習天王個度補習，有個本身成績好好，見佢補完成績仲有得上升，另外兩個一個就話無乜用quit咗，一個就補完好似無咩大作用。 而我自己本身成績係中間，唔見得話幾好，所以有去補習，而我個間就無咩特別，只係平時上下堂，比你問嘢，同你溫吓書咁眼見作用不大，所以係度諗而家呢個年級使唔使去補個啲補習天王？同埋需唔需要轉另一間補習社或者私補會好啲？大家又有啲咩意見可以比吓我🙏🏻 少少補充：我而家補緊呢間補習社其實老師好有心教，啲同學都好nice，所以我自己有啲唔捨得quit🙏🏻

#NSS愛情 [GUEST ] 好想問幾個問題關於情侶之間 1，其實情侶之間係埋一定要晚晚facetime？（拍拖9個月）其實我唔係好想但對方次次話掛住我 2，其實晚晚facetime唔緊要，但成日好遲訓e.g.十二點半（我考緊試日頭溫成日書第二日八九點起身溫書）（佢返遲，訓到十點半先起身，加上放假中午可以補覺）每次我話我想訓教啦佢會話okok跟住又繼續傾計拖到勁夜，有陣時一點。 （可能真係好掛住對方，加上幾乎半個月冇見但呢幾排特別時期，我都唔想，我都係得呢幾排要溫書，我有同佢講過不如我地之後先facetime，等我考完試唔洗日日溫書既時候，但佢都係話唔要，我都唔知點算）（日積月累晚晚咁樣咁夜訓，我淨係可以話好攰） /唔小心變左做傾訴 /如果我有咩錯鬧我輕力d plss

#NSS家庭 [guest] 係咁嘅 小妹今年F.3 而媽媽喺我F.2嘅時候身體開始唔好。 F.2嘅時候有一次返到屋企，媽媽煮餸嘅時候有同我同爸爸講過唔係好舒服，但係到食完飯都好似冇咩事，然後收拾嘅時候佢就開始話有啲頭痛，抖唔到氣再加上個心臟跳得好快，嗰個時候小妹原本打緊機，但聽到後我已經擔心到冇晒心情繼續。 爸爸叫媽媽瞓喺梳化調節下呼吸，但我見媽媽個樣已經開始蒼白，而且呼吸都越嚟越亂，爸爸見到就call救護車，等咗好耐，我知我應該要冷靜，但係啲眼淚一直停唔到。我坐係救護車上望住媽媽，救護人員叫佢都冇乜反應，我已經嚇到唔知點算。 後嚟到咗醫院，醫生簡單處理下，打針+開藥，媽媽嘅情況已經穩定落嚟，但係我一離開屋企就會好擔心佢，不過都盡量分散自己嘅注意力。 正當我以為唔會再有事嘅時候，就喺呢個特殊假期，佢又話佢個心開始跳得好快，我諗呢啲非常時期入醫院真係好危險，而且我驚叫救護車會遲，但係我根本冇嘢可以做到，而媽媽可以做嘅都只係食藥，我一直喊一直喊，由晏晝喊到夜晚，最終都係媽媽安慰返我轉頭先冇事。 以上都係想分享下事情嘅經過，另外有嘢想問下，如果遇到呢啲突發情況真係冷靜唔到點算？仲有如果一離開屋企就會好擔心屋企人喺屋企嘅狀況，呢種有冇得改善？

#NSS其他 [UCCKE] 令我愛上曼聯的球員就是麥佳亞(Harry Maguire)。2019年8月15日，曼聯以破世界後衛轉會費記錄的8000萬英鎊簽入麥佳亞。看着他和蘇斯克查的笑容，我覺得曼聯離歐聯冠軍不遠了，他也令我愛上曼聯。雖然麥佳亞偶有犯錯失誤，曼聯球迷卻破口咒罵他，看著這位英俊的曼聯隊長被罵令我十分痛心。其實犯錯失誤人人也會有，有必要這樣罵他嗎？幸好其他隊的球迷也有支持麥佳亞的，總算令我感到安慰。就算球迷多麼憎惡麥佳亞，我也會永遠支持他，因為他是一個偉大、值得尊敬的足球員！

#NSS個人 [idk] 標題：我想分享成功減肥嘅經歷同埋結果（長文慎入） 我一出世開始體型就係中等，唔肥而且有D瘦。兩三歲開始唔識控制飲食結果超重10kg，維持咗10年左右。 2021年嘅1月（13歲）開始減肥，一個禮拜內有五日連續跑步幾粒鐘再加上控制飲食，半年內由6xkg減到5xkg。我好開心，暑假開始我留意到自己有D變化。 我怕凍咗，暑假開冷氣我隻腳指會凍 ，然後我會希望熄冷氣。即使而家係3，4月（2x度）我D手腳都好易凍。 我好想大家判斷下li 個情況我使唔使特別緊張。 最後我想講吓我係點樣成功減肥。控制飲食係基本啦，自己一個做運動嘅時候淨係做運動我個人認為太悶啦（尤其是對於冇做開運動或者唔鐘意做運動嘅人），所以你要做自己鐘意做嘅嘢（如果可以配合到運動嘅話）再配合運動咁

#NSS個人 [GUEST] 我今年16歲,有700度左右近視同埋200度左右散光 我啊媽話我戴眼鏡唔靚,一定要做激光矯視,兩年前仲戴過con,戴咗半年嫌麻煩就冇戴。 所以我就上網check關於激光矯視嘅資料,發現smile激光冇咁痛但要1000度近視以下同眼角膜要厚,但係又覺得lasik激光好恐怖唔想做。亦都睇到好多人做完出現嘅問題,越睇就越唔想做,但係聽講度數越高風險越高。 我好驚我到18歲近視會去到1000度,始終而家疫情期間喺屋企除咗睇電話仲可以做咩呢。我唔明點解有啲friend睇電話仲多過我,連夜晚熄曬燈都喺度睇,但係又冇近視又唔痛,而我隻眼就問題一大堆,仲開始越變越細,我從來唔會喺黑嘅地方睇電話,一定會開到盞燈最光先睇,因為我知道一定會加深度數,真係有啲唔公平。 有冇人做過可以講下經驗畀啲意見,或者有冇人有啲解決方法

#NSS個人 [GUEST] 塊面勁多黑頭，仲要唔止鼻有，左右面都有。 每次比啲同學見到都喺度笑我，試左好多方法都唔得，想問有冇解決方法？真係唔想再比人笑🙏🏻 第一次投稿，sorry for 1999

#NSS個人 [GUEST] hello大家好！今日小妹有d野想請教下各位🙇🏻‍♀️ 請問咁樣正唔正常？ 我自細就係一個肥妹，又唔係好肥，08年148cm 45-46kg左右，但係都成日比細佬，朋友，親戚笑我肥，d同學都同我改d難聽嘅花名，咁就下定決心減肥。 細個嘅時候成日放學買零食返屋企食，薯片，mcdonald，糖…..慢慢我嘅胃口變得好大（依家已經無） 我發現我個肚腩係可以變化好大，當我特等用力放鬆個肚，即係想谷起黎，就可以邊得好大，好似有左咁🫤🫤我上網查，可能係癌症？我好驚 如果知道有關資料可唔可以話俾我知係咩事🙇🏻‍♀️🙇🏻‍♀️ 可能有人話叫我去睇醫生，但係呢d野我講唔出口🤡

#NSS個人 [guest] 其實呢件事對我平時嘅生活影響唔大，只不過唔知係咪依家留得係屋企多，諗返起好多往事，搞到個人越嚟越唔開心，甚至諗親都喊。 ps我知一定好多人慘過我，但我只係希望有個位俾我講返呢件事出嚟，唔想留言區變咗鬥慘大會。可能有少少長，不過希望大家睇晒佢🙏 是咁的，我係一個正正常常嘅小康之家長大，屋企唔憂柴唔憂米。而父母都好錫我，不過係我個角度係有啲過分嗰種，即係會因為怕我行路仆街而唔比我行路嗰種（比喻嚟，誇張咗，唔知有冇人明。）同埋因為佢哋好想每一刻都知我做緊乜，所以我依家form6都冇自己一間房。或者好聽啲咁講，佢哋唔係真係監視我到咁，但佢哋從來唔覺得有間房對我嘅重要性。佢哋好鍾意覺得自已高人一等，好似叻過其他人咁，所以由細到大都唔比我跟主流，甚至幫我改咗個冇人識讀嘅英文名（佢哋話有返咁上下知識嘅先會識讀。）但乜都擔心嘅佢哋偏偏同我報咗一間用ole嚟做賣點嘅一條龍中小學。 小學一年級，我識咗兩個好好好好好朋友。不過唔知點解呢度啲家長都係鍾意搞好多活動，所以佢哋識咗幾個月已經去對方屋企sleepover，又會一齊去長洲玩一日，仲試過長假去台灣。不過我父母話因為擔心我，同埋佢哋唔想同其他家長social，所以要我全部拒絕晒。之後佢哋每次講返起嗰啲經歷，講到佢哋兩個玩得幾開心，或者個串魚蛋幾好食，我都會笑住等佢哋講完。我知佢唔係有心left out 我，但一講到某啲話題難免會扯到去嗰啲經歷，個心真係好唔開心。佢哋去玩嘅回憶永遠冇我，睇返啲相都係冇我，明明唔係我問題，而啲朋友又唔係排斥我，但搞到我乜都冇份玩。 到咗小學二年級，我因為知道自己已經miss咗好多嘢，所平時係學校都好主動，好積極。好多活動都見到我，甚至六年級做隊長嗰啲。而我上堂都好鍾意答問題同埋舉手做科長，成績都唔差，所以好多老師都好鍾意我，差唔多年年都有機會做班長。雖然我係校內主動積極，但一到要家長簽名嗰啲活動我就通通冇得玩。學校二年級開始搞好多outing同埋camp，但每一次有呢啲活動，父母都唔會比我去，仲要同我講其他家長唔夠錫佢哋啲仔女先掉晒佢哋去camp，而因為我父母錫我，所以唔比我去嗰啲活動。之後有outing/camp嗰日，因為全級人都走晒，除咗我，所以會掉我去其他級別上堂。啲老師同學冇人識我，呢啲日子嘅小息/午休我多數會去廁所匿埋等打鐘，或者扮忙咁係教員室嗰層徘徊。仲要好多老師見到我個名會唔識讀/讀錯，搞到我要一次又一次尷尷尬尬咁解釋多次我個名個讀法。 我學校放學後好多活動，有興趣班、校隊訓練、制服團隊等等，而我學校普遍鼓勵三年班開始玩課後活動，但我到五年班先join我第一個課後活動，搞到我一個五年級要同班三年級坐埋一齊上堂，仲要佢哋好多本身已經成班friend，我就好似唯一一個突出嚟咁。但可能老師都覺得我太突兀，所以都盡量將我擺喺同年嗰啲人到。因為我join嘅係幼童軍，始終同年嘅人識嘅嘢，考嘅章都比我多。好多時，例如要打結或者紮營，個個都好清楚要做乜，得我一個係其他人後面裝下裝下。而我join咗冇耐都知呢個問題，所以我真係好努力追番個進度。我一做完功課係會上yt搵點樣紮唔同嘅繩結，同埋長期開住幼童軍考章嘅page，希望自己能力範圍內做到幾多就幾多。但真係越做越絕望，好多都係成班一齊先考到，同埋我考緊我啲章嘅同時，其他人都一路考緊，我好似點努力都追唔上。好記得都六年級最後一堂，我望住其他人件衫啲章釘到唔夠位再釘，而我得三個嗰種心情係幾難受。

#NSS家庭 [GUEST] 唔知道大家個家庭係點樣 我屋企老豆老母同家姐 佢地做錯乜嘢都瀨落我都咩都做錯 成日鬧交 唔知係我太自私定太固執❓ 唔係自己做錯嘅嘢絕對不會承認 自己又做過嘅嘢會做返好 但人地做嘅嘢不會幫手

#NSS文化 [Guest] 想喺度問下各位男性友人們 到底係乜嘢心態或者動力令你哋send🍆相比人哋 真心明白各位少年血氣方剛有性方面嘅需求， 當然每個人都會有一方面嘅慾望或者需求啦，唔係話各位男仔就唔應該要有呢一樣嘢。但係我唔明白點解某些男性，要將自己嘅私密部位嘅照片send畀人哋 即係你哋send呢啲相畀人哋，其實大家都唔知應該畀啲咩反應你，之後就係舉報然後封鎖。呢啲男性影相嘅時候我唔知係抱住咩心態，係覺得想分享畀所有人自己引以自豪的尺寸？但係我唔會因為見到你啲相，今我有任何嘅興奮或者係慾望。我睇完之後只會想洗眼… 如今見到呢啲相已經麻木，每一次有陌生訊息然後仲有係相嘅時候我已經二話不說封鎖。仲有係要搵sp嘅話就去tg啦，唔好無端白事走嚟dm女仔啦😀 (係度唔係概括所有男性都係咁樣嘅人 Sorry

#NSS愛情 [GUEST] 如果有人愛一個人而瘋狂出有關他/她的卷,在不停給他人做,這種人煩不煩?

#NSS學校 [HKSC] 我有一個唔可以同人講嘅friend — 小妹今年初中，開學嗰陣識左個friend （以下簡稱A）A對我好好，本來我同A同第二個frd （簡稱c）係好好嘅朋友，不過大概係幾個月前A同其他同學討論關於c嘅反感行為，俾c知道咗，結果佢哋兩個反咗面，c仲叫佢其他friend 去排擠A，其實c係一個性格非常八婆嘅人經常會用其他人嘅缺點去欺凌佢，c成日話我係佢最好嘅朋友但係我完全feel唔到，另外c亦識好多friend所以基本上同佢一齊欺凌嘅人都唔會反抗因為怕c會排擠佢哋 開頭大家都冇察覺只係認為c單純係有啲港女，冇諗過佢令到a喺學校除咗我冇任何朋友，我有同c講過叫佢唔好再咁做，但係佢唔聽我講仲開始叫其他人唔會同我玩，我又唔想俾人排擠所以我只可以同c玩，到而家我同a都係好好嘅朋友，但係我同a都唔想好似之前咁比人排擠，所以我哋只可以偷偷地玩，IG唔tag 得，call

#NSS社會 [guest] 最近見到好多post都有人鬧人係「防疫撚」 其實只不過係做好個人防疫有咩問題？ 我屋企有個婆婆，8x歲，高血壓。我阿爸同我講如果佢中左就一定捱唔住，我真係真係好驚，所以我已經好多日冇出街，我真係唔想我染左，然後傳染比婆婆，我唔想累佢。 我講呢件事出黎，就係希望唔好再有人濫用防疫撚呢個字。 好多人屋企有長輩/長期病患/小朋友嘅，佢地一定會驚傳染比佢地，先做好防疫。 唔係因為唔支持共存，但係我覺得即使係共存，唔代表完全唔做防疫，唔代表可以中左照出街傳染比其他人。 希望大家都可以理解每個人嘅難處，唔好覺得做好防疫就係等於防疫撚，就係等於支持清零 我地都只係為左屋企嘅高危人士😶‍🌫️

#NSS個人 [LCDMC] 我想回應下有投稿者搭東鐵時被人偷拍，第一，你唔知世界上有一樣野叫鐵路迷，第二，架車退役就會吸引到一班人去錄影架車行駛嘅情況同影車㗎啦，可能無意中影到乘客（佢哋係冇心嘅），第三，如果你好奇鐵路迷影緊啲咩嘅時候，你可以上前問佢哋影緊啲咩，佢哋會好樂意同你分享，而唔係捉住佢哋同站長投訴，第四，12卡車同9卡車都會有鐵路迷去影，如果你唔鍾意嘅就唔好出街，第五，鐵路迷唔係鹹濕佬，唔知咩叫鹹濕佬就唔好亂噏，第六，鐵路迷唔係偷拍，佢哋係光明正大咁樣拍，第七，你唔好喺度侮辱架車嘅名，係MLR，唔係MMR，第八，你可以唔愛鐵路，但唔可以侮辱鐵路迷，第九，我建議你讀返小學一年班，第一次聽12-4=9 圖Link: https://www.instagram.com/p/CbuSEgdh-WI/?utm_medium=copy_link

#NSS個人 [Guest] 小弟係一位交通迷，想回應 #NSS220330A 1. 12卡就嚟退役，作為香港人嘅回憶，大家影相留念我覺得係冇問題嘅，大家喺入面錄片影相錄音都係想保留呢個屬於香港人嘅回憶，多謝 2. 每位鐵路迷嘅喜好不同，再加上12卡就嚟退役，影相唔係咩出奇事。其實一架火車嘅車廂都好大嘅，冇可能影邊個位都影到你，請不要過分想像（間接話自己靚女有啲唔係幾好😉 3. 佢哋影車又唔係影你，唔好過分想像好唔好？影車依家野人人有人人嘅喜好同風格，大家鍾意影車頭關你鬼事咩，攝影嘅藝術你識條鐵咩～同埋我想問咩叫烏龜樣車頭嘅火車？你咁熟呢啲嘢你好似係變態嗰個

#NSS個人 [GUEST] 我今日搭67M比成班痴線佬偷拍，但係X巴唔會處理 唔知大家有冇體驗過，X巴死都係唔換走批金巴舊車，班次又冇加密到，搞到越嚟越迫。真係唔知邊個聰明決定到而家都唔劏曬啲車佢。 是咁的，今日搭車返屋企，咁啱就嚟咗㗎金巴短巴士，點知一上車就見到成班痴線佬係架車度影相拍片，有啲仲揸住成支mic。我就怕有人偷拍我啦，所以我全程都提心吊膽，根本冇得休息。大佬呀，架車咁鬼嘈又咁鬼震，邊可能拍到好嘅片架？仲有呀，架車咁鬼嘈，有乜好錄音？ 之後嘅事仲痴線，沿途每個站同路段之間，都有班人攞住支相機影相，唔該你唔好影到我呀，我唔想比你影呀，雖然我知戴咗口罩會靚女啲，但係我又唔識你，點解俾你影我呀？ 於是我就係我落車個站去捉班痴線鹹濕佬啦，點知佢竟然話佢唔係影我，仲話我阻住佢影相。痴線架，條友仲諗住去偷拍其他女仔呀！我當然要實行公義，要將佢依法處理，交左佢比車長，車長就叫佢比我哋睇佢影咗啲乜。哇，全部都係巴士嚟嘅？你扮嘢都扮得好啲啦，點會有人影啲成隻豬樣嘅巴士呀？仲要大部份相都係成隻豬咁嘅巴士，偷拍地點由市區到郊區，簡直係專業色狼。之後佢仲話：”呢啲係短豬清，啫係你所講嘅豬嘅相，佢哋就嚟退役，所以我咪過嚟影相記錄下囉。”聽完之後我真係哇左一聲，大話都唔該作得好啲啊，佢哋去車廠改造，調轉中軸同尾軸咋喎，都唔係退役，你唔好覺得我係傻架啦，偷拍就係偷拍。最令我煩惱嘅係，個車長竟然放過佢，大佬呀，而家證據確鑿喎，佢真係喺度偷拍呀，點解唔拉佢呀？ 所以我在此呼籲，各位女士搭67M千祈唔好坐金色短巴士清，小心比人偷拍，因為垃圾X巴係會放生班鹹濕佬。