#NSS家庭 [GUEST] 我真係頂唔順我屋企人 我阿媽阿哥食飯真係好冇禮貌，佢地成日都淨係夾佢哋想食嘅嘢，食完佢哋嗰邊，就食我嗰邊，真係一啲禮儀都冇🤦🏻‍♀️，食完就問我仲要唔要，我梗係話「唔緊要，你食啦」如果我話食，佢地就覺得我自私。好似啲炒蛋咁，筷子好難夾㗎嘛，自己連筷子都唔識用，有匙羹唔用，夾到啲蛋碎晒再跌返落個碟，成碗餸都係佢哋口水，搞到我真係唔係咁想食。

#NSS其他 [GUEST] 我係一個讀緊中學嘅女仔。 (唔想講中幾) 我喺上年大約年中 好似出賣左我一個朋友 呢個朋友我喺中學入面識。 佢都對我好好㗎 雖然我地唔係成日傾計嘅 但我地係好朋友

#NSS家庭 [GUEST] 平時大聲少少就話我唔尊重佢，唔當佢係阿媽，阿哥大大聲叫佢收聲又冇問題喎。佢不嬲都冇當過我係佢個囡，次次鬧交就一係叫我去死，一係就話自己想死。同阿哥講野佢覺得煩，我就要立刻收聲走開，唔可以騷擾佢。佢地煩住我，我就要企喺度比人鬧。佢對我外婆態度從來都冇好過，成日鬧佢屋企人鬧佢阿媽，我地細細個幾驚到依家都係走埋一邊唔敢出聲，個個都唔想同佢嘈，見冇人話佢就仲得戚。你都冇當你阿媽係你阿媽啦，我可以點X樣尊重你？（以上我從來冇對佢講過，我驚比佢打，純粹想發洩下🙏🏻） Sor for 1999

#NSS愛情 [Guest] 本人14歲 小學都會有男女鍾意對方 雖然絕大部份都係puppy love 中學所有人應該都會比較想真正拍拖 但我除咗F1 有段時間有想拍拖既感覺之後 就冇咗啦

#NSS個人 [GUEST] Sorry 唔該可唔可以post ig, 同咪依家唔係香港讀書少打筆劃所以會1999🙏🏻🙇🏻‍♀️（長文加文筆差） 相信大家對恐怖情人依四隻字唔陌生，但係親身經歷過先知係幾咁可恥。 我依個係一個extreme case，但係我都想講，只係想話俾大家知唔好因為情到濃時就盲目咁去相信佢，就算滿口謊言都選擇原諒佢。 話說當時佢係喺我最需要一個人完全支持我嘅時候就進入咗我人生中，當時同屋企關係出現裂痕，佢就會好”supportive”

#NSS個人 [沙田某中學] Admin po ig please🙇🏻‍♂️🙇🏻‍♂️ 呢件事我冇同過任何人講，藉住呢個機會睇吓有冇人同我一樣。。。 —— 中一果陣成績差，得一科pass，quiz又炒，科科都唔合格，搞到好大壓力 因為小學嘅嘢同中學嘅嘢真係完全兩個世界，真係好難

#NSS學業 [Band 2頭學校] 想問下悉尼大學英文系好唔好，大概要雪d乜嘢？同香港d大學比較邊個會好d？我自問英文底唔差，都有lv4嘅，所以想搏一搏 圖Link:

#NSS家庭 [Guest]人哋信耶穌我respect 但係道德撚真係好煩啊!!! 話說我屋企人入咗院(唔係阿爸阿媽) 由於我啲親戚全部都信耶穌, 跟住我阿媽阿爸就話 人哋入咗醫院幫佢祈禱啦 咁我個人就唔信呢啲嘢嘅 但係佢哋又係度逼我祈禱 仲話咩唔祈就係冇親情

#NSS其他 [GUEST] 覺得邊間女校校服最靚？ 圖 Link: https://images.app.goo.gl/cX17jzeVvc8osam27

#NSS家庭 [Guest] 小妹而家14歲讀女校 老豆老母唔比我識任何男仔朋友 會唔會癲左啲🙃

#NSS學校 [Guest ] 有無任何software/app避免上堂開錯咪

#NSS家庭 [MKP] 我今年F.2,之前我個frd問我一唔一齊出街,我就同佢講話要問吓啊媽. 問完之後我啊媽就話唔得,仲話啊婆講唔得,但係啊婆唔係同我一齊住,又攞我同我表姐比,因為我表姐F.6先可以出街,但係我啲同學成日都可以出街,我想知自己同frd出街有咩問題呀？

#NSS個人 [[GUEST]] 其實屎忽(pat pat)大有罪咩？日日喺屋企我老母就話我pat pat大，但係我又唔係肥。就連細妹路過我身邊都會拍下我pat pat仲話好大。

#NSS愛情 [GUEST] 其實拍拖有乜意義呢？為咗完成所謂「大學五件事」而出pool，又係咪值得？ 一拍拖，就會俾班best friends話係重色輕友，放棄多年嚟嘅深交，值得咩？ 「以後只有我與你」，然後其他人唔再重要，值得咩？ 一個bf/gf，係咪真係拍得住5個6個best friends？ 做你所謂「另一半」嘅財產，乜都聽晒佢講，放棄自己嘅individuality，值得咩？ 浪漫根本就係攞嚟摧毀友情嘅廢話，啲咩「主動表白」根本就係攞嚟害人嘅。

#NSS學業 [GUEST] 學校最近派咗成績表，自問唔係考得好差。但係因為小弟今年入咗精英班，梗係同其他同學有比較。我媽管我好嚴，一定唔比我跌返去其他班，我好大壓力，甚至夜晚失眠，自己匿埋喊。 成績表出咗，小弟冇唔及格，開頭都幾開心，但係其他班嘅同學陸續post story話自己考得唔好(唔係精英班）佢哋overall考得好過我，令我好自卑，好憎自己，心入面好亂，唔知自己想點。我好驚我跌返去其他班，更驚其他同學會笑我，我媽會打我。 依家唔係返學嘅日子，Zoom成日掛機，功課問人抄答案。我都好想認真上堂，溫書，做功課，但如何可以控制到自己。我已經試過download Forest, 鎖晒d遊戲apps, 或者delete games,

#NSS其他 [Guest] 各位早晨啊，香港人放鬆吓啦 🙂

#NSS學校 [GUEST] 唔知點解覺得個老師講嘢令我好反感，定其實係我諗多左。 事源 呢排考完試返學校拎卷，去左揾英文老師睇oral分，雖然聽佢講分時已經預左會炒，因為今次自己真係考得好差，但係佢同我講分時無啦啦係到講「今次XXX佢係全班最高分拎左XX分，係你嘅幾倍啊。因為平時佢都好外向好talkative成日同其他人傾計所以先考得咁好，你學下佢啦唔好咁內向成日唔講嘢」之後差唔多企左幾十分鐘都係不停重複聽佢係到話我少同人講嘢同內向。 聽完之後覺得好反感，唔明點解自己都已經考得差仲要係到聽佢講埋晒啲咁嘅嘢。之前見啲同學唔合格時老師都係講「下次努力唔好放棄」之類，呢啲鼓勵性（？）嘅嘢。但係佢同我講嘅嘢就好似係到打擊我咁。 第一次投稿唔太識寫,sorry for 1999🙇🏻‍♀️

#NSS個人 [guest] 是咁的，小弟14歲，有一個由細識到大嘅同年紀嘅frd，我哋係因為雙方嘅阿爸係死黨，所以先會由細識到大。 之前大概小學5、6年級嘅時候，嗰時佢一直好鐘意偷拍我，有時會比我發現。其實我好唔鐘意佢咁做，但係都忍下，發現嘅時候都笑住打鬧下就算，無好明確咁拒絕，驚佢唔開心。 但係大概五年級嘅時候，我哋兩家人一齊去旅行兩個星期，回程嘅時候我唔知點解爆發咗，講咗呢件事出嚟，甚至講到話要絶交。跟住佢係whatsapp度打咗一大篇野同我道歉，我仲已讀咗佢一陣，直到我阿媽同我講佢喊到好犀利，勸我原諒佢覆番佢。 咁我都淨係嘴硬，其實心裡面一早冇野，所以當我阿媽同我咁講嘅時候，我就即刻同我阿媽去佢屋企度當面和好番。我仲記得嗰陣佢哭住攬實我，實到透唔到氣嗰種，我感受到佢真係好唔開心，好珍惜我呢個朋友，所以我跟住喊埋，超級後悔。 其實依家諗起都衹係好細嘅事，唔明點解我要搞到咁。 之後佢就冇再偷拍我，但係慢慢發現佢好似疏遠左我，即係同我講野有啲客氣，又會避免同我有身體接觸，連佢間房都唔比我入，相處嘅時候好尷尬，冇之前咁好。 我覺得係我嘅錯，覺得之前件事搞到我哋關係淡咗。其實依家對得人多，學校啲frd係咪都玩偷拍，影人哋啲黑圖，所以我都慣咗，對呢件事冇咩所謂，仲會對住鏡頭擺啲懶型嘅姿勢玩下咁。但係佢仲會覺得我唔鐘意咁樣，會就住我。 我都有諗過直接同佢講「我宜家已經唔介意你偷拍我」，但係咁講又好似同佢講「請你多啲偷拍我」咁，超級奇怪，所以我唔知點做。。。

#NSS其他 [guest] 我想問下 大學容唔容易搵到男朋友/女朋友？

#NSS社會 [GUEST] 同性戀冇錯 理得你係咪基督教，做人就應該互相尊重，我哋鍾意邊個係我哋自己決定，憑乜嘢去決定我哋鍾意邊個唔鍾意邊個。假如你話同性戀就代表冇人性，咁我寧願做一個冇人性嘅人，都唔想成為你哋啲歧視人哋嘅人。