1月26日係紅磡個到地下執到呢張八達通，希望物歸原主，物主留個言我pm你

（admin po ig plzzz 🙇🏻‍♀️🥲) 有冇人同小妹一樣鐘意係ig睇啲sponge ripping asmr. 我自己睇嘅時候都覺得自己好怪，但係睇嗰陣又覺得好療癒。 係一年前發現呢樣野之後就不斷睇，因為睇嗰陣時啲壓力飛走晒🥲but

To: My crush 中六 我係中三XXX，我想同你講，其實我很鍾意你。 我知道，你嘅preferred age係大你1-2年，但係我想同你講，其實我好鍾意你。 其實我好清楚，你身邊嘅男仔，有好多比我高，比我大隻，比我有錢，比我靚仔個男仔。 我好明顯都冇可能。 但我想你知道，其實我一直係你身邊守護你，希望你可以考好D個DSE。

小妹今年 F.6，唔知係咪因為壓力大嘅緣故，夜晚成日瞓唔著，然後又會諗番起幾年前同屋企人一啲不愉快嘅經歷，諗諗吓又忍唔住喊。其實已經過咗幾年，錯嘅亦唔係我，平時我又冇咩事，唔會因為件事一直好憎屋企人，但係又諗起又覺得拿住拿住，有咩方法可以解決？

究竟駁嘴嘅定義係咩… 今日食飯 阿媽：你有冇食菜？ 我：有。 家姐：咁你有冇食？ 阿嫲：唔好駁嘴！！ 我&家姐：(what the …🤡) 我對於駁嘴嘅定義真係好不解wo

To: My crush 中六 我係中三XXX，我想同你講，其實我很鍾意你。 我知道，你嘅preferred age係大你1-2年，但係我想同你講，其實我好鍾意你。 其實我好清楚，你身邊，有好多比我高，比我大隻，比我有錢，比我靚仔嘅男仔。 我好明顯都冇可能。 但我想你知道，其實我一直係你身邊守護你，希望你可以考好D個DSE。

是咁的,小妹我由細到大中英文都好差,原本諗住唔理佢,但我宜家已經f3,準備要揀科,中英文好差令到好多想揀科都揀唔到,想問下有冇辦法可以係半年內提高自己嘅中英文成績… p.s. 本身屋企條件已經一般再加埋垃圾武漢肺炎,父母都失業,屋企已經係冇錢畀我去補習 sor for 1999 admin pls po ig🙏🙏

各位靚仔靚女,小妹今年中三 想揀econ 但係唔知econ係講乜(>^<) 有冇人有讀econ可以解釋比我聽(*¯︶¯*) 唔該晒呀！(｡･ω･｡) sorry for 1999~ Have a

我今日交咗人生中第一個朋友 ［可能係長文；慎入。］ – 我今日同一個喺學校經常玩嘅同性男同學傾計，其實我覺得佢好好人，唔似佢講得自己咁衰咁。可能我地兩個都有小小缺乏安全感。不過，佢會輔導我功課、網課瞓遲咗會提醒我上堂、我會同佢傾小說⋯⋯ – 我其實好鍾意佢❤️，我暗戀緊佢。我諗，所有關係應該由做朋友開始。我其實由我出世都依家都無咩朋友，呢次係我人生第一次交朋友，我其實好緊張。我唔知要點做。 – 當時，我嘅喉嚨有一種好緊嘅感覺。我問佢「我哋要唔要做朋友？」 – 空氣靜咗幾秒，我嘅心當時沉咗。我驚佢唔會接受我，或者佢淨係當我係hi-bye

小女今年中三，由細都好想做社工類嘅工作，或者一d帶動正面氣氛嘅工作。但可惜父母並冇特別支持我呢個夢想，父母嘅諗法係認為社工並唔係應該當為首選嘅工作，因為佢哋認為做社工會令自己好大壓力，前途又唔廣闊，唔覺得我應該將呢個工作太理想化。 要講嘅話我認為自己父母未到怪獸家長嘅地步，我嘗試過同佢哋溝通，佢哋有仔細聆聽但始終未有太支持我，覺得我唔清楚呢份工作嘅辛酸之類。 父母希望我可以成為物理治療師呢類工作發展（佢哋冇強迫我，覺得我可以自己考慮）我知道父母係為我好，個人都唔反感呢項工作，但係依照我嘅成績，我嘅理科成績並唔係特別突出，我擔心自己並未有能力handle呢方面嘅事業，所以對自己嘅前路感到些許迷茫。 我承認自己並未有特別了解社工呢項工作，但我唔否認自己對呢份工作存有熱情。我而家開始唔知道自己應該點做，我應唔應該繼續有希望從事社工類工作嘅諗法，定係按照父母嘅已經嘗試提醒自己理科成績比較好？ 小女語言能力不強希望可以表達到我想表達嘅嘢出嚟，希望可以睇下能唔能夠響呢個page搵到些微意見。sorry for 1999同埋錯字 ，希望就算我嘅內容有唔正確嘅地方都屌我屌細力d🙇🏻‍♀️辛苦各位願意認真睇嘅人睇到呢度，本文好冇冒犯任何工作嘅意思，如令您不適再次抱歉！唔該晒admin同各位！感謝！🙇🏻‍♀️🙇🏻‍♀️

求令老豆老母離婚既方法。 我老豆係個仆街，佢係出面叫雞，係屋企打屋企人，係出面養女人，係屋企做米蟲 我哋全家都知佢有問題，老母亦都想離婚，但係老豆死都吾願意，一講話要離婚就話啊媽外面有男人，又話我無老豆會比人笑 其實有時我真係寧願我出生係單親家庭，至少我吾會比人打

Admin呢個係尋人p o嚟嘅，麻煩曬🙇‍♀️🙇‍♀️ 小妹係2011~12年度畢業喺天主教聖安德肋小學嘅6B班女仔，我想搵緊一位多年冇見嘅舊友，以下係一D關於佢嘅資料,麻煩曬咁多位，一直以嚟想同佢講返聲多謝，你係喺我小學生涯中銘記於心嘅好友☺😁，名叫蔡偉麟 Alan(好似係咁寫嘅🙈) 以前曾擔任我1~2B個班嘅班長，你係帶眼鏡，中意跑步;有樣好搞笑又變態嘅嗜好。明明知我驚望到傷口疤痕嗰D就不停比我睇膝蓋定大腿條疤痕🤣，成個弱智咁但偏偏英文同數學好高分，最後你好似係入咗彩天嘅(? 相信你應該唔係好記得我呢個童年玩伴啦~希望你可以係comment 到留言，等我揾返你 Sorry for 1999

小妹今年f1，學校band 1尾，但係其實我本身嘅成績可以話係band 2 中，入到都係靠運氣 經過上次test發覺同其他同學真係好大距離，試過努力溫書，但係次次都係過一陣就拎起部手機嚟玩 試過set 時間表，最後都係冇用 又試過叫啊媽收咗部機跟住去溫書，但係我又專心唔到 啊媽都話過盡咗力讀唔到都唔緊要 但係我真係好想讀好d書

呢排好大壓力，有諗過自殺，好似有抑鬱徵狀，上網做抑鬱症測試，做左幾個唔同嘅，都話我可能有抑鬱症，但係我唔想同阿爸阿媽講😶（考考下試無啦啦流眼淚，之後打打下機本身好開心，無端端唔知想點之返左房瞓覺) 可以點算😟 Sor for 1999

篇野有啲長希望你哋有耐心睇啦😢 係咁，我成日覺得自己好沒用失，乜都冇同咩野都做唔好同垃圾沒分別，因為我想法係如果要做就要做最top個啲，但我已經好努力緊嘗試作出改變，但好似冇咩成效呢個已經唔係第一日嘅問題。 就講運動個方面先，本身有學開跆拳道學咗成8年都有，未有武漢肺炎嗰陣時，有參過全港、學界個啲比賽都有扲過獎下但好渣5年都輸，只係扲到第二、三名仲要輸比同一個人，之後仲要睇屋企人面色唔比我喊話我冇盡力沒資格喊，又話又係啲個成績？所以之後都冇叫過屋企人去睇比賽。除咗運動之外，仲有讀書成績個方面。今年我己經 repeat咗一年from5呀,但7科裏面我得3科合格(通識同2科選修科)差到貼底，又比老師針對。加上，我屋企有個阿哥佢讀書成績算好 ，Dse成績得數學唔掂，攞個1其他科目都有3，4，只要係ivy讀年到就駁到返上大學。而且佢不單係成績好，學課外活動都好勁鋼琴已經學到八級仲要past埋鋼琴考試、樂理。好彩我同啊哥係唔同中學。 下年就到我考Dse，成日俾屋企人話我乜都半桶水,就算大把人垃圾過我，我都係最垃圾個啲，又話工我讀書、學課外活動咁辛苦， 只係得咁嘅成績，又講總之唔生我只生我阿哥，成日攞阿哥同我比較。 仲話無心機讀書點解唔去讀vtc嗰啲唔好嘥時間。 搞到我成日好heart、好灰。加埋係香港讀唔掂書上唔到大學，好難揾到份好工，我已經對末來沒希望。 只係同咗最fd嘅兩個fd講，我想同其他fd講呢啲嘢又驚佢哋話我玻璃心，喺到搏同情。所以只好係到發洩講下，加上想你哋比啲意見我點做好會更加好。

halo 😚 我今年f.1 我之前讀男女校， 所以都有女仔frd la。 咁都有幾個同我同一間中學，咁因為之前停課嘅關係我哋體育老師要我哋拍片。 有一日，見到其中一個女仔frd post close

各位我有一啲嘢想問下🙏小妹今年中二身高得152cm 黎咗M一年，仲有無得再高？ps阿媽155 阿爸172，中一個陣得147cm 但小六去中一個排高咗7.5cm 係咪已經高完？從細都好想高啲， 屋企人一日到黑都嗌緊話要我早瞓但我成日都做唔到拖到十點半十一點。每日早晚都有飲兩杯奶，但好似冇乜效果，運動平時有玩開排球單車籃球跑都有但疫情所以冇得做，點算？個啲親戚關係六伯七舅三姑六婆阿叔姑媽打住關心我身高嘅名義而不斷係度中傷我。一直講生唔高嘅壞處好似笑緊我但佢地認為可以威脅到我身高啲！？唔通係我唔想高啲？一見到我剩係關心生長，阿媽就會係咁以講下我幾號黎M又點點點好似開匯討論咁，令我有少少抗拒見佢地。不過呢啲都唔緊要最緊要真係高到就算，以前目標係170cm 但睇黎冇可能,咁想問下163有冇可能呢？

小妹今年中三 完全諗唔到揀咩喎身邊朋友都諗晒 ，而我自己咩都諗唔到。完全唔知點算。 唯一有興趣就係旅款同經濟 但佢哋同一個X。 所以都唔知點算，好大家覺得邊一科難讀有出路有前途多啲？ （第一次投稿。要屌嘅細力啲）

Admin pls post Thqq 小妹今年15，s4，喺學校都邊邊地。自從上中學之後，發現原來有口臭問題(聞到臭嗰隻，唔係粗言穢語嗰啲)(自己都唔知幾時開始，係有次朋友暗示我先知)。知道咗之後越嚟越唔敢出聲，唔敢主動識人，驚畀人拒絕做frd因為口臭，又驚人地聞到好臭變得尷尬，由小學都既熱情嘅我變得越嚟越邊，有得唔出聲就盡量唔出。今年因為戴住口罩，主動咗，識咗個新frd，但係遲啲除口罩，我驚我好似突然間冷漠咗咁，但係又解釋唔到畀佢知… 其實我試過上網搵方法除口臭，都係啲刷牙要刷好、食香口膠嗰D。我由細到大都早晚有刷牙，都試過食香口膠，但係都唔掂 所以我想問下，如果有個口臭嘅同學想同你做frd，會唔會因為佢有口嗅而佢絕？同埋有冇啲咩其他可以除口臭嘅方法可以分享出嚟？ sorry for 1999

Admin places po ig thx🙏 我寫呢篇文想發洩一下。 我今年f.3，舊年因為鍾意而學咗古箏，到依家都好鍾意。家姐住大學宿舍，好少聽到我練琴，佢琴日返屋企聽到我練琴。昨晚食飯時，佢話：「阿妹，你不如唔好學古箏啦，又老土，又冷門，只有大媽先會鍾意，真係好垃圾。」「你嘅老師一定喺呃你學古箏，又藍，通常教中國嘢都係咁」， 佢不斷貶低古箏再叫我學鋼琴算。 我好唔認同佢講嘅話，我覺得古箏唔老土，好好聽，只不過好少人學，好少人彈流行曲，先比人覺得老土。佢仲話老師呃人，但佢從來未見過我老師，教中國嘢晤一定藍㗎喎，我老師都喺黃，好用心教導我。 而且中華文化有千年歷史，中共得個70幾年，中共去統治中國先係侮辱中華文化，所以鍾意中華文化唔一定係藍，我覺得家姐有啲以偏概全，唔尊重，令我有啲嬲同無奈。