你地覺得離家出走就唔正常？

純粹想知 點解而家啲人衰11好似好自豪咁投稿，將自己衰11嘅事公諸於世？ 成日見匿名投稿（呢個page同埋其他某啲page都係），都係分享緊自己點樣衰11，係我思想太傳統？ 青少年有性生活ok fine，同friend講都算，但犯緊法喎而家，有咩需要投稿同全世界講自己衰11？ 衰11文化？

有冇人都係咁？ 同一個男仔好fd，肢體接觸多左少少， 就會開始比啲同學傳緋聞， 本身淨係當佢普通fd， 但係聽到啲緋聞就會諗多咗， 諗如果真係同佢拍拖會發生咩事， 之後就慢慢中意自己個fd。 咁既情況係我身上發生過好多次， 但係又覺得佢只係當我普通朋友， 而且驚一表白就冇得再做朋友，

唔知大家有冇發過一啲咁嘅夢，唔係春夢。呢篇文係我啱啱起身寫，因為真係好難忘。 夢中我行緊一條回家路(唔喺香港)，仲記得嗰度有一大塊正方形田園，要知道徒步行係會好耐，我都冇理咁多。 突然有一個年約17-18歲，身高米八嘅男仔，佢低住頭，有啲碎碎嘅劉海kum住咗眉毛。喺日光燈嘅照耀下，他那層次分明嘅茶褐色頭髮頂上居然仲映著一圈好靚嘅亮光。凜冽桀驁嘅眼神，雙眼皮，高鼻樑，下面係兩瓣紅潤嘅薄唇，簡直係偶像劇入面嘅百分百校園男神，我認得佢係我阿哥嘅中學同學。 我記得嗰陣係下雨天，下著淅淅瀝瀝嘅雨，迷濛嘅霧氣掩蓋曬整個天氣。佢揸住架摩托車(ps唔係大陸嗰啲 係類似台灣嗰啲) ，擔住一把透明嘅雨傘，問我：「不如…我車妳返去吖？」我一開始都唔係好願情，最後見自己都冇戴啫，條路又長就上咗佢嘅車。 我i喺佢背後，無奈要攬實佢背後，令我耳紅面赤，之後佢同我傾起彼此之間嘅嘢，然後佢突然哼起一首歌…我好記住係「好想你好想你好想你」，佢真係唱得好好聽，聲音清澈溫柔，好似帶咗我去另一個世界嘅夢幻國度。 「想見妳只想見妳，我只想見妳～」 佢將其中一隻手伸向我，我記得佢隻手比我隻手大好多，隨著唱歌旋律演奏，我不知不覺亦將自己嘅背手放喺佢手掌上，感覺自己開始慢慢畀佢吸引，開始慢慢陷入e個陷阱，已經無法自拔… 過程真係分唔到係夢境定實境，真係好真實，好清晰，撲朔迷離，令人永想沉醉喺e一刻嘅童話世界，而我都開始想嘗試「愛情」e個禁果。

香港付費比内地落後？香港97年9月1號起便開始用八達通，拍一拍就能付錢，是當時世上第一個用電子貨幣的地方。不懂什麽叫八達通嗎？還是申請都不懂得？ 至於支付寶？智能電話何時才有？八達通面世後十幾年？沒智能電話裝個屁？沒數據連綫付個屁？

世界上最遙遠的距離 不是生與死的距離 而是我就站在你面前 你卻不知道我愛你。 一年又過去，今年已經第四年。 愛上一個 方知孤獨滋味，也懂了不能開口的絕望；我，已經充分理解了。 各位同路人，共勉之。 Sorry for

識咗一個男仔四個月左右，我哋嘅關係好Close，差唔多每晚都會傾偈傾到三更半夜。我發覺我有啲在意佢，但唔知係朋友嗰種定係愛情嗰種。前幾日，佢打俾我嘅時候把聲好沉，好冇力，只係係咁講：陪我。我同佢傾咗幾句之後我只係以為佢眼瞓，就cut咗佢線啦 第二次打返比佢嗰陣時，佢成把聲喊晒，好似失戀咁，佢同我講而家唔係時候同你玩，就cut咗線，而佢cut咗之後我先意識到佢好似有事，依家好自責，覺得係我害咗佢。依家搵佢又唔覆我，一諗到冇咗佢就想喊….好想修復返啲關係。想問吓各位覺得我係咪鍾意佢，係咪做錯事，我又應該點做？ sor for 1999🙇🏻‍♀️ 求各位嘅意見🙇🏻‍♀️

有一日上上下堂，突然想放屁，望一望周圍，有人，以為係呀哥，唔緊要啦，之後就放咗。仆街，原來係呀哥女朋友嚟。個屁都幾響下，應該點樣化解尷尬💩

唔知大家同我上網課有冇相嘅遭遇 部💻or📱本身冇data 所以要靠屋企wifi 然後d wifi 仲load 得慢過隻🐢 每次轉link都要load勁L耐 所以有時候真係會遲咗一至兩分鐘 跟住入到去老師就會聲大夾惡咁問你「做咩遲到」咁我咪話我WiFi有問題

F3女仔 我有四個bestfriend（簡稱A、B、C、D），上年同班而friend 我同ABC因為疫情好悶冇嘢做所以日日call而慢慢變左best friend，而D就係同我同埋A、B好熟（因為傾功課傾kpop而熟）但係D同C只不過係普通朋友。 C同D本來就冇咩共同興趣，只不過係因為我同AB而friend。但因為個陣時係四人限聚令，我地放學之後想5個人一齊食lunch都唔得，而D就有時都會好識做咁自己返屋企（雖然有時候我地都會分2-3個人一台但係C就唔鍾意咁樣），本身我地都覺得冇嘢，直到上年9月… 我地五個人約左，本身好地地咁玩啦（申利：我地喺A屋企），但我地（我，a，b，D）一傾D韓劇嘅嘢（C對我地四鍾意嘅韓劇一D興趣都冇）就冇講嘢，自己係到睇電話，我見到佢黑黑地面，但係佢都冇講嘢，直到D返左屋企，剩返我同abc係到，佢就無啦啦講左句：「得啦你地唔洗理我架啦係咪？」然後自己走左。我同ab勁無奈，唔知點解佢會無啦啦嬲，但係都好擔心因為佢本身有D情緒問題（唔肯定係咪抑鬱，但佢好容易嬲同埋介手）。 雖然過左幾日佢搵返我地道歉，但係我同ab都覺得C好唔鍾意D，唔想同佢出街。而過幾日就係某男團嘅出道週年，我同abd約好一齊去佢地嘅應援餐廳一齊食嘢，但係就驚C唔鍾意（驚佢會介手）我同ab有傾過呢件事，覺得其實都D好慘，知道佢其實一直好唔開心因為我同abc約出街有時唔會搵佢。 我想問下各位可以點算？有咩辦法可以解決佢地嘅問題？ 我地三個夾係中間好辛苦，但又唔想絕交。 多謝各位睇到黎呢到，我知道我中文好差，希望大家屌得輕手D，sor

小妹中三，對學業好迷茫，個個同學都好有方向讀邊科，但係我到而家都唔知我想讀咩。成績方面好飄浮，有時合有時唔合格。我比較鍾意畫畫，但係覺得冇出路，即使老豆老母有能力比我出國學(但我自己冇諗過，都唔知可以去邊度比較好)，但係都係賺唔到錢，呢個係事實。同埋有聽過有人講話art係留畀啲讀唔到書嘅墊底去讀…. 我喺歷史方面比較好，背書好過用腦諗，但係我對佢哋冇興趣。又或者講都仲未搵到讀書嘅方法，之前想過跟住youtube睇好多人哋點樣讀書，我都有試過但係都唔係好啱。 靚仔靚女可唔可以幫手解答下！ 1)讀art辛唔辛苦？ 2)有art嘅人出咗嚟可以做乜？（google我已經搵過 想問下啲讀完出嚟嘅人 或者有少少了解嘅人 3)個個都話跟興趣好啲 但如果好似我咁應該跟興趣定係跟考得比較好嗰科？ Sor

Admin po ig pls 其實人生嘅起跑線喺咪一早定好左？ 小妹早排喺一個交友app到識咗個讀SPC嘅男仔啦(我讀band3…)，一開始都冇咩野，只係唔係太習慣一直同人用英文溝通。但係後尾佢越講越令到我覺得我地之間嘅距離差左十萬八千里… 首先，我本身覺得我係我間學校英文成績都係最後個10名內，但同佢溝通左一陣就覺得我嘅英文差到不得了，連佢平時常用嘅字眼都唔識。簡直覺得我有認知障礙症… 其次，佢屋企超級有錢。有次我同佢call嘅時候，我同佢講：「我要去做家務，費事阿媽返嚟鬧我。」佢話:「今日都唔係週末，你工人咁早放假？」之後我同佢講我冇工人，佢個下個反應係完全嚇親，覺得每個家庭都會有一個工人，我真係完全唔知俾咩反應好，我覺得如果我話俾佢知我住公屋，佢應該會嚇到死。 最後，都係最痴線，佢話佢讀書完全係為左玩，因為佢之後都可以繼承屋企嘅公司，完全無壓力，仲話其實佢依家都可以入到大學(f5)，只不過想再玩多陣。今次到我嚇親，我從來都唔知有人讀書係為左玩，喺我地學校入到大學既人都唔知有冇5%，佢竟然同我講可以輕輕鬆鬆入到，我真係唔知應該俾咩反應佢好… 突然間覺得個天好唔公平，點解我好努力咁讀書考到嘅成績都不如佢裸考，點解佢屋企可以咁有錢，啲係咪教育嘅問題？定係純粹我個人諗多左，喺我廢，如果當初認真讀考一間band1中學會唔會完全唔同？而家我見到一啲band1學生都會覺得自己好自卑，完全冇競爭力…

小妹今年讀中六，4月就要考dse真係好大壓力，學校依家連書都未教完，真係唔知可以點樣去考，補習社又唔比開，想講上zoom真係好廢，同埋睇左一日手機/電腦呢啲對眼真係好酸好乾，夜晚根本冇心機去溫書。不過依家最大嘅煩惱都係ies⋯⋯ 唔知大家有冇試過比老師針對啦，不過我同個老師關係唔太好，同佢鬧過幾次交，係關於教學上同改卷上嘅問題。但係我好認真咁做結果份ies好低分，個老師好似仲教埋低form，同埋佢好後生（都唔知點解咁後生都可以咁······），下幾屆個啲繼續比佢禍害嚕

想知有冇學校個學生會做野廢到連新開嘅secret page d post都多過佢

想問下有冇人試過上網搵嗰啲ig代購化妝品？因為成日見啲ig代購嘅價錢平過官方網站或者專門店成百幾二百蚊，想知會唔會係假貨或者瑕疵品🙏 btw麻煩admin po ig thanks🙆‍♀️🙏

Admin唔該po ig 可能會有少少長 Hello，小妹今年f.3，爸爸媽媽喺我好細個就已經離左婚，喺我記憶之中好似係我6歲嗰陣就已經離左婚，爸爸媽媽都唔要我，我係比爺爺嫲嫲帶大我既，不過我其實自己對於我無爸爸媽媽無乜太大既感覺，亦都由爸爸媽媽離左婚之後無再見過佢哋，爸爸探爺爺嫲嫲都唔會選擇我係屋企既時候探爺爺嫲嫲，因為細個話過比其他人知我既情況，佢哋都會露出一種好可憐我既眼神，令我覺得好唔舒服，所以我好少會同人講我既家況。 小妹有個好朋友，佢屋企依家都遇到呢個情況，就係父母要離婚，爸爸要哥哥，媽媽要妹妹，而佢就無人要，爸爸媽媽都互相推卸責任，唔想要佢，我好想安慰下佢，但係又唔知點安慰佢，因為我記得我細個嗰陣，知道左無左爸爸媽媽都無乜感覺，所以都唔識安慰佢，只可以佢同我講嗰陣係度聽佢講嘢，因為其實我本身都唔係好鐘意講嘢，而且我認為我幫唔到佢既話其實聆聽係對佢最好既方法，但係有一日佢叫我比啲意見佢，咁我就同佢講唔使咁擔心呢啲嘢，而我比左我嘅意見佢之後，佢同我講左句，你都唔明我既感受，之後我就答左佢一句，我都無爸爸媽媽，之後我哋就靜左，而佢都走開左，就嗰日開始我哋兩個就無再聯絡，可能係我既意見令佢感覺到唔舒服，但係我當下真係唔知可以同佢講乜。 Sor for 1999

本人只係想喺度講啲嘢， F.3 XxX(唔需要對號入座)， 其實有啲嘢呢我都唔係太想講， 但其實你想向人哋表白你咪表lo，日以繼夜夜以繼日咁喺度投稿有咩意思，個重點係表白並唔係問題，但係你自編自導自演，你為啲咩？仲要同啲女仔講自己沖涼嗰陣打 機， 你又想從中獲得啲乜嘢？

我輸.兩個月了 雖然時間好短 但見你咁開心而我仲未走返岀嚟 係我垃圾 祝幸福99.🖤

大家好，今日其實想分享小妹既一個煩惱，亦都希望有朋友可以留言分享你既意見～ 我係一個中五嘅學生，同時都係學校嘅學生領袖 雖然讀書方面唔係好好，但身邊都有唔少對我好好嘅朋友，所以其實我對自己既校園生活或甚喺人際關係上我都好感恩同好知足有呢一切。 但問題係，我會好討厭呢個自己，好多時候喺同朋友食飯或者傾偈嘅時候，我會突然情緒好低落，好靜唔出聲，令到佢哋覺得自己講錯嘢令我唔開心，我就發現最近嘅自己越嚟越控制唔到自己嘅負面情緒。 我唔知道自己有咩唔開心，有時夜晚晚自己會突然爆哭，會好崩潰自己咩都做唔好，愛唔到咁樣嘅自己，有時亦都唔敢同朋友傾訴，因為我都唔知自己因為咩而哭，我明白佢哋好愛我，所以唔想令佢哋擔心咁樣嘅我，呢種突然哭嘅情況其實由今年一月頭已經開始，真係好辛苦同好攰。 其實有懷疑自己係咪有抑鬱症，因為自己有做過傷害自己嘅行為，但我喺作息同飲食上都冇特別變化，加上臨近考試我只係覺得有唔同嘅事逼近緊自己，所以唔清楚自己係咪只係短暫性係咁 p.s. 希望大家唔好覺得我好奇怪同可以畀畀意見喇🙇‍♀️🙇‍♀️🙇‍♀️多謝你哋睇完，亦都希望唔好因為呢篇文而有任何負面情緒喇🙊 唔該曬Admin～

覺得自己好似一座孤島，同任何人都冇咩關係。融入唔到群體，又同人相處唔到。 自己試過搵朋友，但係到宜家都係一個朋友都冇，學校分組從來都搵唔到人同組，全班約出去玩，從來都冇我份；同人傾計唔知傾咩好，好容易尷尬，同人線上傾計，對方會無緣無故消失；容易搞唔清人情緒，成日唔知d人唸咩，有咩感覺，都唔知比咩情緒反饋，搞到我覺得自己好似唔係地球人咁… 真係唔知自己要點解決呢d問題…真係好想要一個朋友