#NSS其他 [嘉靈] 咁嘅 我住公屋 相信大家都知公屋唔畀養狗 但係偏偏就好多人養 而我鄰居就養咗三隻狗 之前落街買嘢撞到個鄰居放狗 由於我鄰居係一個非常健談嘅人 就捉住我係咁同我講嘢

#NSS其他 [GUEST] 第一次投稿 先唔該admin幫手出po 長文慎入 是咁的，小妹有位仆街補習阿sir想介紹比大家。 首先，我相信老師鬧人其實都十分普通不過，但係會鬧自己學生叫自己學生奶返個地板嘅補習老師你又見過未呢？事源有一位男同學，以下簡稱佢叫A，因為本身間補習社隔離個廁所不嬲都冇提供抹手紙，咁可能A去完廁所見到冇抹手紙就選擇左係廁所fing乾對手再返嚟，點知返嚟補習社個陣唔小心滴左幾滴水係地下，個阿sir見到之後就係度破口大罵，係度好激動咁鬧A。大概就係係度話：‘我啱啱先拖完達地，宜家又比你整污糟左，你想點啊，一係你幫我拖，一係你就幫我奶返達地佢，你宜家奶返達地佢啊，奶啊。’小妹個陣時聽到完全係O撚曬嘴，重要嘅係佢唔係用緊同學生講笑嘅語氣而係真係好大聲好激動咁鬧A。 第二，因為有啲學生嘅基礎就比較差，就唔係好跟得上進度，而個阿sir會點做呢，佢就係度鬧個啲基礎比較差嘅同學，鬧佢地冇認真聽書，冇比心機去讀，甚至會詛咒一啲數學成績冇咁好嘅同學留班。除此之外，佢曾經暗地裡諷刺加貶低過一位準備移民去外國嘅學生，大概內容就係佢當住全班嘅面話：‘某啲同學唔好覺得去左英國啲數就會變簡單啊，外國啲數更加難架，宜家啲數咁差我都唔知你去到英國點讀到書啊。’ 第三，因為宜家疫情嘅原因，就由本身嘅f2f變做用google meet上堂，但係每次上堂都一定可以聽到個阿sir係度同佢條女鬧交，仲要係唔熄咪好大聲兩個人係度互相對罵嘅個種鬧，認真講句我比錢嚟唔係為左食花生，，全部學生都係度聽住聽你兩公婆係度發癲，有同學甚至已經係個chatbox到打左問佢：要鬧交可唔可以熄咪鬧，換來嘅結果又係一句暗諷‘有啲同學可以聽到我鬧交覺得我吵，但係又聽唔到我叫佢比答案，係想點呢？’”。另外，佢曾經試過教書教到一半寫notes寫到一半突然之間彈左出去，入返嚟課室個陣唔係繼續教或者講聲唔好意思，而係係度怪我地上堂上太耐拖太耐堂然後搞到佢部機出問題，本身完全無關學生事嘅嘢就直接賴落啲學生到。

#NSS社會 [Guest] 回應返同性戀唔值得支持嘅嗰篇投稿，首先我唔太理解點解要支持或者反對同性戀，LGBT同異性戀其實一樣都只係一種性傾向，無論係邊一樣嘅性傾向都好應該係同等條件咁公平對待。但係而家好多人都係度講我支持定係唔支持LGBT，其實我覺得有啲搞笑，其實根本唔需要你支持同唔支持，因為本身LGBT同異性戀就係正常嘅性傾向，只係異性戀嘅人比較多，而呢種令到LGBT同異性戀變成一個唔等同嘅關係，唔知幾時候開始異性戀變成咗社會嘅主流，而其他非異性戀嘅性傾向需要得到社會主流嘅認同或支持先可以證明到自身嘅正常性去融入到呢個社會。其實大家都只係一種性傾向，唔應該去求你哋認同先得到佢哋本來應有嘅權力，支持或者反對其他性傾向，其實有時就係已經否定咗佢哋嘅正常性，大家係咪覺得佢哋追求平權，而自己去認同佢，佢先可以得到呢個平權呢？其實平權呢個概念就係佢哋本身有嘅權力被他人剝奪，先需要去爭取平等，無論係女性定黑人都好，佢哋追求嘅平權係佢哋本來就應該要有嘅權力，你哋畀番佢哋相應嘅權力係應該，因為呢個本來就係屬於佢哋嘅，只係主流嘅諗法排斥咗佢哋或者畀佢哋貼上咗一個標籤，唔否定爭取平權嘅過程中扭曲咗原本嘅理念，就好似女權變咗女拳，但係本身追求公平對待，擁有同等嘅權力係應該同合理嘅，根本冇唔支持或者支持嘅說法，就算有隻大概係因為你嘅思想已經習慣咗社會主流只係允許異性戀存在，只係ㄙ許男人/白人有更多嘅機會，老實講呢種概念其實就係壓揸咗其他小眾嘅權力同自由，佢哋要求平權都只係要你畀返本來被剝奪嘅權力畀番佢哋，所以即使你唔係嗰批需要平權嘅人，你擔心變彎或者點都好，支持佢哋唔代表你迫自己變成同性戀，係支持佢哋喺社會得到返同異性戀一樣嘅地位，唔再畀人用有色眼鏡去睇佢哋，同正常人冇任何分別。 Sor for 1999

#NSS社會 [GUEST] 點解香港人對LGBT嘅意見都咁落後？ 時不時，網上面都會見到香港人好鍾意講嘅一句：「我尊重LGBT，亦唔會歧視佢哋，但係我冇責任去支持佢哋。」其實講呢句嘢嘅人，到底知唔知自己講緊咩？ 「我尊重性取向直嘅，我唔會歧視佢哋，但係我唔支持佢哋鍾意異性」又合唔合理？呢啲嘢係由我哋選擇支唔支持嘅咩？你唔支持我哋，又何來係尊重我哋？你唔打我哋、唔侮辱我哋、唔欺凌我哋，咁就叫尊重？ 支持LGBT，唔係要你當我哋高人一等。唔係因為我gay所以我做咩你都要支持。唔係要你嘗試做LGBT。唔係我鍾意咩人，你都要接受佢個性格同人品，點都要討好佢。 當我哋出櫃嘅時候，我哋最close嘅朋友，都可能會離我哋而去；而我哋嘅屋企人，都可能會唔接受我哋，鬧我哋打我哋，甚至唔再愛我哋。喺街上面，兩個相愛嘅同性會驚似一對情侶。一拖手，可能會俾行過嘅人用唔歡迎嘅眼神啤住，俾人暗中議論，俾人無端端鬧。 支持LGBT，係喺呢啲我哋最脆弱、最無助，當其他人都離開我哋嘅時候，你都仍然會企喺我哋嗰邊，同我哋講：「我支持你去做真正嘅自己」，明白到我哋其實同普通人無異。支持，係當我哋俾人歧視，俾人無理對待，俾人攞嚟當笑話嘅時候，你會走出嚟幫我哋，同你幫自己嘅朋友一樣。 LGBT唔淨只係你又一個嘅政治討論——背後嘅，係一堆堆活生生嘅人。呢啲人，係你嘅朋友，係你嘅同學，係你日日見到嘅人，係你身邊嘅人。 身為一個gay嘅香港學生，有時我會喺度諗，點解我作為一個人，明明同你一樣，但係大個之後，我又冇權利去同相親相愛嘅人結婚？

#NSS個人 [Guest ] 我今年F2，最近我情緒好似唔係幾穩定，我係一個平時笑臉迎人果種人，平日啲壓力都係會自己收埋喺心底，去到某一個程度就會因為好小事而喊，通常都會係屋企發生，我之前都想改依個習慣，因為我覺得依個唔係一個好嘅方法，但係我唔係幾擅長將自己嘅感受同人講，到最近，我全家會係7月移民去英國，上幾個星期又中咗covid，依兩樣野令我好大壓力同埋好唔開心，移民屋企人又要搞好多野，情緒唔係幾好，所以成日罵我，中咗covid我都唔係幾開心同好驚，我唔想令屋企人擔心我。我係讀Band 1A既學校，但係學習壓力都唔算好大，平時平均1個月先喊一次，但近排4-5日就喊一次，我知道再咁落去都唔係辦法，我同屋企人既關係越嚟越疏遠，我應該點算？應唔應該同班主任/社工傾下？

#NSS家庭 [GUEST] 小妹好羨慕有兄弟姊妹嘅人。先講背景，我係一個獨生女，冇兄弟姊妹。 喺屋企整係得我一個，阿爸阿媽要工作，就算喺屋企都冇乜點溝通，工人唔會同我玩，而且我冇乜朋友，所以日日都好悶。 我一直都好想領養個細佬妹翻屋企，但係唔知點去說服我啊爸阿媽俾我咁做。 Sorry for 1999

#NSS個人 [guest] 見到前幾篇投稿講起蚊，就想問下有冇人討厭飛蛾、蝴蝶之類嘅昆蟲，大家一齊圍爐取下暖🥲 幾乎身邊所有人都好鍾意蝴蝶，但我就真係唔識欣賞，每次見到有蝴蝶都會驚到即刻避開+縮埋一舊，嗰種恐懼程度真係非一般人可以想像到😭 重點係唔止蝴蝶，連見到類似嘅生物都會覺得好驚。有時喺屋企會出現一啲細細隻嘅衣蛾，又或者喺啲郊野地方出現蜻蜓，都會驚到即刻跑走避開+想喊咁滯🥲

#NSS學業 [Guest] 我係咪太蠢🥴定係咩原因：（ 我小學嗰陣成績好好, 入咗間band 1A嘅中學, 考入學試仲入到精英班, 嗰陣都有全級30名內, 正常都入返精英班,（全班名次就20幾) 但係我哋校長話要互相交流,

#NSS其他 [guest] 之前見到篇關於蚊嘅post,我真係覺得好好笑同埋好幼稚。睇完篇文我應該comment俾人鬧不過唔緊要。 係蚊嘅種類入面，得6％吸血。而且 公蚊唔吸血，而係以吸取露水、花蜜和植物的汁液維生，吸血嘅蚊都係雌性，而吸血嘅目的是為左產卵，繁殖下一代。係蚊嘅自然習性。而宜家人類因為蚊嘅自然習性騷擾到自己，到而要滅絕d蚊，真係毫無道德可言。 大部分蚊其實集中喺熱帶雨林，於人類無仇無怨。反之，人類對地球多個物種構成嚴重威脅，又對熱帶雨林呢d自然生態構成極大破壞。過去1萬年，幾多人嘗試踏進熱帶雨林，大肆開發，but因為母蚊帶來疫症而放棄，在保護生態方面，蚊反而好過人類好多。 另一個問題係，蚊喺地球的歷史超過1億年，與多個物種共生多年。對於青蛙、雀仔、蜥蜴、昆蟲、蜘蛛嚟講，蚊係容易捕捉嘅主食，蚊嘅滅絕會打亂大自然食物鏈，都會令很多植物失去一個主要嘅傳播花粉者。 唔係我亂up，有查資料。 冇錯蚊的確好煩，我都唔中意蚊，但唔應該因為佢地嘅自然習性影響到大家所以就要滅絕蚊。人類搞到咁多動物滅絕仲唔夠？人類搞咁多嘢，破壞大自然，好多生物失去家園，佢地都好討厭人類啦，咁以你個邏輯，人類係咪應該滅絕？留言堆人話咩應該所有昆蟲都滅絕，老鼠啊咩都要滅絕，真係好笑，就係因為驚昆蟲，所以就應該滅絕曬。自私同無知到一個點。大家都喺個地球生活，資源應該共享，而人類一直砍伐樹林，令到d動物棲息地被破壞，先至係衰嗰嗰角色。而蚊，老鼠，昆蟲，只不過都係一個物種正正常常咁生存緊。

#NSS學校 [Guest] 大家好 小弟今年form 3 今日想同大家分享一件我自己會形容為「補習社濫權」嘅事件….. 話說幾個月前（補習社未畀政府下令關閉之前）我去咗一間喺港島區嘅補習社 結果就發生以下嘅事件…. 1. 小弟嗰日係著涼鞋去（某C字頭品牌嗰間嘅大頭涼鞋)

#NSS個人 [Guest] 你好啊，小妹第一次投稿，有咩做得唔好，sorry！ 小妹07‘s，由幼稚園開始就識自慰，第一次係唔覺意嘅，亦都唔知道呢種感覺原來係自慰，但係就對呢種感覺上癮，所以一直都有keep住呢種行為。去到小學三年級之後有電話，就開始搵AV睇，邊睇邊自慰，每次睇完都有一種罪惡感，覺得自己好衰，到依家都咁覺得，但係就忍唔到。 我完全唔知點解自己咁細個就會做出呢d行為，覺得我自己係個好壞嘅女仔，呢件事一直擺係自己心入面，唔敢同任何人講。 thx🙇🏻‍♀️

#NSS個人 [GUEST] 有無人都試過發夢夢到同一個人，但係你唔識嘅？ 我試過幾次都夢到同一個完全唔識嘅男仔，一起身就唔係好記得佢個樣，但個夢係點 發生咗啲咩事都好深刻 而且好神奇，個幾個夢好似都係有關連嘅，好似係喺唔同時間發生，搞到我而家好想知現實中係咪都有呢個男仔 琴晚我又夢到嗰個男仔，喺夢入面見到佢嗰陣都有種好神奇嘅感覺，我而家諗返起個夢都仲有個種感覺，形容唔到出嚟

#NSS個人 [GUEST] 我今日搭東鐵比成班痴線佬偷拍，但係黨鐵唔會處理 唔知大家有冇體驗過，由上年開始，黨鐵就慢慢係東鐵度將啲12卡車改造成9卡車，話乜因為過海喎。車廂就越嚟越短，班次又冇加密到，搞到越嚟越迫。真係唔知邊個聰明決定要將啲12卡車拎去改造成9卡車。 是咁的，今日搭車返屋企，咁啱就嚟咗㗎12卡，應該冇咁迫啦，點知一上車就見到成班痴線佬係架車度影相拍片，有啲仲揸住成支mic。我就怕有人偷拍我啦，所以我全程都提心吊膽，根本冇得休息。大佬呀，架車咁鬼嘈又咁鬼震，邊可能拍到好嘅片架？仲有呀，架車咁鬼嘈，有乜好錄音？ 之後嘅事仲痴線，沿途每個站同路段之間，都有班人攞住支相機影相，唔該你唔好影到我呀，我唔想比你影呀，雖然我知戴左口罩會靚女啲，但係我又唔識你，點解俾你影我呀？ 於是我就係我落車個站去月台捉班痴線鹹濕佬啦，點知佢竟然話佢唔係影我，仲話我阻住佢影相。痴線架，條友仲諗住去偷拍其他女仔呀！我當然要實行公義，要將佢依法處理，交左佢比站長，站長就叫佢比我哋睇佢影咗啲乜。哇，全部都係火車嚟嘅？你扮嘢都扮得好啲啦，點會有人影啲成隻烏龜樣嘅火車呀？仲要大部份相都係烏龜樣車頭嘅火車，偷拍地點由車站到郊區，簡直係專業色狼。之後佢仲話：”呢啲係MMR清，啫係12卡車嘅相，佢哋就嚟退役，所以我咪過嚟影相記錄下囉。”聽完之後我真係哇左一聲，大話都唔該作得好啲啊，佢哋去車廠改造，掹走咗4卡車變成9卡車咋喎，都唔係退役，你唔好覺得我係傻架啦，偷拍就係偷拍。最令我煩惱嘅係，個站長竟然放過佢，大佬呀，而家證據確鑿喎，佢真係喺度偷拍呀，點解唔拉佢呀？ 所以我在此呼籲，各位女士搭東鐵千祈唔好坐12卡嘅MMR清，小心比人偷拍，因為垃圾黨鐵係會放生班鹹濕佬架。

#NSS學業 [GUEST] 我係#NSS210808D的樓主，今年終於選科啦！ 之前出左成績表，見到History個成績好好（有頭三），就諗住揀啦。但係我而家個plan就係Physics+M1再加多科。 本身個兩科比較屬於理科，但係History就比較文科。會唔會比較奇怪呢？ 我而家有Econ同History做第3科的選擇。我應該揀邊科好啲呢？ Admin pls po ig,

#NSS個人 [GUEST] 希望admin po ig🙏🏽 係咁嘅，小妹今年form 5，最近煩緊好多學校嘅essays(黎緊就有3篇關乎畢唔畢到業)同埋揀大學嘅問題(想出國讀書，望住自己整理嘅uni資料覺得好無助 唔知點做)。幾個月前開始成日喊，可以因為好少事就trigger到(可能係自己成日鑽牛角尖，又或者將自己嘅錯無限放大)，喊15-20分鐘都收唔到聲，有懷疑過自己係咪壓力過大有輕微抑鬱。呢幾日喺網上搵到個醫生睇情緒問題好多好評，想趁黎緊復活節假期去睇。 其實每次都係瞞住屋企人喊(雖然唔知佢地係真唔知定假唔知)，今次睇醫生都考慮緊應唔應該同屋企人講聲，始終唔想佢地擔心，但係又怕到時睇醫生嘅時候有嘢要大人在場處理。 大家覺得

#NSS學校 [GUEST] 學校表演kpop推薦 想知大家會推薦邊啲歌？Fyi：2個人、唔好太難(ITZY程度下面都得)想要帶動到氣氛嘅。目前淨係諗到TWICE-The feels，好少歌可以兩個人都跳到😭IRENE SEULGI嘅Monster好似比較帶動唔到到氣氛（？）同埋要佢哋嘅氣勢先至跳得好睇😂希望大家可以推薦多啲歌thanksss

#NSS個人 [GUEST] 小妹14歲 唔知大家有冇呢個問題，成日夜晚係牀上面明明好眼瞓，但係又訓唔著。 呢個問題困擾咗我好耐，我有時超眼訓，但係唔知點解一合埋眼就會諗嘢（會自己諗一個故事、諗一啲恐怖嘢…），總之就係成日幻想啲嘢啦！ 我每日夜晚明明11點幾上牀，但係永遠都係凌晨三四點先訓得著，跟住朝早就好攰。想知道有冇啲咩解決方法🥲🙏🏻🙏🏻

#NSS學校 [[某間唔知幾多年前係Band1(現Band2尾)嘅沒落名校]] 最近遇咗啲有啲煩惱嘅嘢，所以上嚟問下大家點樣解決感覺會比較好。 我有個朋友，暫時叫住佢做M先，今年佢中三，中一嗰陣佢畀人Bully，帶頭嗰個叫佢做D啦。 M佢係一個可以話係好呆嘅女仔，中一嗰陣不諧世事，不知世間險惡，好天然呆嗰種女仔。 因為佢幼稚園同小學都冇俾人或者見過Bully呢家野，我聽佢嗰陣時都嚇死咗，呢個世界真係有d咁嘅地方嘅咩？ D呢，我對佢唔清楚，但係我見到佢做嘅野，我都覺得真係好恐怖，周不時就打人，你話佢可能玩玩下？錯喇，佢一拳打人唔係玩嘅！ 佢仲會恃住自己生得嬌小，有d可愛，喺度扮可憐⚆_⚆ M系係一個開學前嘅類似預備班嘅野度識到D，嗰時我仲記得M佢好開心同我講佢識到第一個係中學嘅朋友。 誰知變故產生。

#NSS學業 [Guest] 小妹今年f2，讀一間band2a嘅學校，我有一個疑問，其實我一直都唔係好知點樣溫書。 升上中一我每次溫書都係考試同ut之前先瘋狂背，我平時溫書大多都係睇吓本教科書，搞番掂平時老師上堂我唔明嘅嘢，或者我冇聽到嘅嘢，我就會自己睇多次本書，mark下重點咁，但我冇整筆記嘅習慣，因為就算整咗我都唔會溫筆記，最多只係會將老師講嘅重點或者可能會考嘅嘢係本書度Mark低寫低，或者有時有啲科有派筆記我就直接溫佢比我嗰份。 而我溫數學嘅習慣就係將唔明嘅睇多次，問吓人，之後再瘋狂做一啲自己唔熟嘅題目，而中文同英文都有特定嘅範圍可以背，所以我呢三科都冇咩問題，但係相反科學，地理，中世史，同埋通識，因為每次考試同測驗嘅範圍都好大，我上堂又唔可以即刻明白到老師講乜（就算我返屋企再睇幾多次，我都唔知要由邊度開始睇，有啲位唔明白Click住咗，從而令到後面教嘅嘢都跟唔上）同埋我預測唔到佢會大概出啲咩題目，所以我每次溫都係要溫晒成本書（係完全冇重點咁溫），即係打開本書唔知由邊度溫起，同埋喺未到考試或者測驗之前溫定書我會記唔入腦，明明我已經好專心淨係搵書，但背完記完嘅嘢嗰一陣就唔記得，所以我成績一直都係中間水平，而家又提早放特別假期，都已經過咗半個月我都Keep住做唔知點溫呢幾科，所以想問吓各位師兄師姐應該點樣溫書，唔該晒大家🙏🏻

#NSS個人 [Guest] 點樣先可以解決一睇到尷尬場面就起雞皮嘅問題？ 小妹由細到大睇卡通片定電視劇都會好驚尷尬嘅場面 細個睇飛哥發仔見到凱蒂絲話俾阿媽知嗰陣就會驚到縮埋一舊唔夠膽睇（因為通常佢講得好浮誇結果都會唔見） 前幾日睇Nanno嘅時候都會因為配角出醜就跳過啲劇情 不過睇prank又唔會驚 唔知大家係咪都係咁樣 因為我一直都係咁 搞到我細個試過同學俾老師話自己都驚埋一份