［音樂］ 有冇人有聽My Little Airport? 佢哋啲歌真係好正⋯啲歌詞好中現實 好聽又有啲sad～ 講愛情嘅遺憾 社會 抗爭 香港

其實有冇人覺得有啲老師借啲意用google classroom出好多功課？放放吓聖誕假無端端出份功課話後日交 個份量仲要唔係少😓以前都唔會話放放吓假叫人返學校交功課😅

有冇人有Asso退校經驗，想退校/轉科了。被逼選擇左自己完全冇興趣ge科（本身已經成績唔好），覺得自己好迷茫，成績好差，自認唔系讀書材料。有冇人可以分享下經歷

唔知大家想同friend unfriend會點樣表達出嚟？話說之前就同一個friend unfriend 我哋就簡稱佢做a 約佢8點minecraft見 不見不散 我同班friend 7:30就上線就拆咗佢間屋 仲喺佢間屋裏面瘋狂spon北極熊 同雞

是咁的，小妹呢排係友情上遇到D問題，我有兩個frd,就將佢地簡稱為a同b. 一開始我嘅某一科test成績炒左，咁我就好希望有考試可以補返D Grade,跟住所以我就唔希望停課，但係點知第四波疫情果陣，教育局宣布停課，令我跌落谷底，好擔心如果考試取消，咁我嘅grade咪會好差?加上我平時嘅成績唔係咁，我就好驚如果比阿媽阿爸發現左，佢地會點對我…所以就好愁 呢個時候a就send 左條信息話「停課啦🥳」，跟住就好開心咁啦，但係佢成績好好，所以冇嘢好擔心，但係係我嘅角度，我會覺得佢係度幸災樂禍（我之前有同佢講過驚如果停課我個grade會好差）所以情緒就唔係好好 跟住唔記得左咩原因，我就搵左一個平時唔算特別frd 但係都frd 嘅人傾啦（個個係啊b)，我就同佢講我覺得a唔當我係朋友，係度幸災樂禍（大約內容係咁啦）跟住b就同我講「係咯你知唔知佢點點點」跟住就講a嘅壞話啦，跟住b就話不如我地test下a睇下佢咩反應，咁我當時就冇明確拒絕，跟住就應承左b，之後啊b就走去同a講，話我講佢壞話，就叫我求其Send D鬧a嘅嘢畀佢，咁我就開始覺得有D過分，就同b講話，下唔好喇掛…b就話快D啦，要cap圖啊，咁我咪是但打兩句話有時啊a有D返煩咁。 跟住佢就send

(無小人小妹👀)真心覺得而家有啲人質素好差，D人投稿啫，有人又係咁鬧人，又話玻璃心又話xxxxxxx，其實講一句好聽啲嘅嘢唔得咩…….唔好以為每個人都係鐵石心腸。最後如果你覺得反感嘅話請離開¯_(ツ)_/¯ 另外唔好問點解冇寫自己係女定男嘅因為我唔想

小妹中一，一直都好鍾意唱歌(淨係連上床瞓覺嗰陣都喺度唱歌嗰種)。 你問我唱得點嘅話，我覺得還可以啦，冇太難聽，都唔係好勁好勁嗰種。 問題嚟啦～記得唱歌考試嗰陣，好多同學都話我唱得好聽好勁完全同佢地差好遠，唔知點解覺得內心有啲唔舒服，一方面可能我唔鍾意比較，一方面又覺得佢哋唱得唔係好差……. 到底係我太唔知足定係對自己信心太低？

致王xx，其實我鍾意咗你幾個月。每次和你談話，我都覺得很開心和興奮，我很認真對待和你說的每一個話題，你很聰明，熱情和很有氣質，我好想和你有更進一步關係。可能你覺得我有時不經常說話，有少少蠢。多謝你看這一番說話，答案唔緊要，我只想俾你知道我嘅心意。❤️❤️❤️

係咁 小妹自從入咗間女校，發現自己好似鍾意女仔，開始有啲擔心。雖然依家社會文明左開放左，但係始終都係有班人唔接受(包括我阿爸阿媽)佢地一直思想都比較保守，每次提及到有關啲同性戀嘅嘢，佢哋都會感到反感，同埋之前亦都因為政治立場鬧過一次交，所以唔敢同佢哋講，怕會傷到我同佢哋關係。又唔敢同我啲friend講，但係呢啲嘢隱唔到一世，佢哋日日同我講女仔大個要結婚生仔，令我感到好大壓力，我係咪好細膽？佢哋得我一個，唔想令佢哋失望

我係一個好黃嘅人，我鍾意咗一個藍嘅偶像，究竟應唔應該繼續追佢？ 我哋全家都好黃，只係聽黃藝人嘅歌。有一日，我無意中聽到一首好好聽嘅歌，不過係藍藝人唱嘅（唔係tvb)。跟住就鍾意咗佢。 究竟我應唔應該繼續追佢？ Sorry for 1999 Admin pls po ig🥺

小弟今年中六 鍾意咗我個中一就識嘅兄弟 佢好charm 每次同佢出街我都心跳加速 然而佢下年去英國 我去日本天各一方 但係我真係好鍾意佢 （佢唔知） 我愛佢嘅程度令我對芫茜極度反感到慢慢為咗佢接受芫茜 點算好

其實我係咪真係好廢 14歲 女 阿爸阿媽喺我細個嗰陣離咗婚，已經過咗十幾年，點解我仲行唔返出嚟？ 阿爸依家有新老婆，生咗嗰阿妹，唔係惡毒後母，算得上對我好好，我係咪已經好幸福？ 想見阿媽嗰陣就可以見，無比人限制過自由，有物質上嘅富足，我係咪幸福過其他人好多？ 明明有其他朋友都有類似嘅情況，點解佢哋可以睇得開，而我唔得，淨係可以好似條廢柴咁匿喺度喊 我知我講野一舊舊，好難理解咁，但係好對唔住，我依家打緊字嗰對手都震緊 我知天一光，我又要開心返

小學細細個成日比阿媽鬧，以為大個左會唔驚佢可以反抗。依家我中三，高過佢都算大力，點知有次阿媽打我嗰陣時，我諗住反抗，都係比佢撳住黎打，完全唔夠佢黎。我阿媽見到我發嬲佢跟住仲嬲，一嬲起上黎真係冇人夠佢抽，搞到依家我係屋企完全唔夠膽出聲，驚比佢打。

喺低form嘅時候，數學都ok唔錯，但係一到中四就深左好多，而且我仲要揀左M2，開始覺得有啲concept唔係好明白，而且好易唔記得，但係屋企冇人識做數，又冇補習嘅習慣，大部分都係問同學或者老師，又或者上網睇下人地嘅教學。我自問平時好懶，考試前一日先溫書，又係deadline fighter，但係一到中四之後，逢考試一個月前左右都有開始溫習，唔係話讀數學好辛苦，而係唔係好知道同埋唔係好理解數學嘅concept/skills。而且bio好多野背，背野都ok但唔係話好好，唔想淨係背，唔知點樣溫bio好，想問有冇建議？🙏🏻

同性戀很難，追人本身就唔容易，仲要係同性，對方有機會淨係當你做friend，比佢/其他人知道又唔知會係咩反應。所以就算幾鍾意佢都要睇/暗示對方接唔接受到同性，又要接受別人的目光。男仔起碼可以「名正言順」咁暗戀/單戀佢，比人知道都可能覺得冇乜嘢，但係女仔嘅話就只可以暗地裏鍾意，而對方有機會永遠都唔知你鍾意佢，連機會都冇，真係難😫。

想問你地對愛嘅價值觀？

著校裙活動唔方便 風大啲又要遮 一陣又畀老師捉唔過膝咁 同埋冬天嗰陣上身包到成隻糉咁 但係隻腳就凍到死 都幾煩 唔鍾意著裙 你地有冇諗過點解女仔校服一定係裙 男嘅就有得著褲 其實我好羨慕

小妹今年中三，自從停課開始，成日同個男仔打機，傾計，同佢講嘢好開心，不過有時會有少少緊張，得閒嘅話就會諗起佢，想搵佢傾計。見到佢同其他女仔一齊就會有啲唔開心。。。呢啲係咪叫做鍾意？希望咁多位 comment話俾小妹聽。感激！

回覆新名校secrets backup 嘅#NSS210118U2 就你所講嘅問題，窺淫罪係幫助女性逼害男性嘅法例。同女性做愛之前需要先取得對方同意，然後記錄作出證明你係有取得對方同意嘅情況下進行性行為先唔會俾人告上法庭。 * (下文嘅你字唔係指上一篇嘅po主) 首先，女性有幾大機率會將你告上法庭。呢個世界大部分嘅人唔算好人，但至少唔會無端端控告一個人。儘管佢可能同你熟，但大多數時候會釋放善意而唔係惡意。 其次，假如你咁唔好彩被衰女人纏住，女性有幾大可能可以將你告上法庭？第一，證據方面。其實女性告你上法庭大機率需要取得驗身報告，假如冇嘅話佢仲可唔可以成功告到你呢？第二，經濟方面。(假如有錯，請細細力diu)以我所知，上法庭需要好多金錢。假如係冇外界幫助下，對方有冇經濟能力可以控訴你強姦？第三，時間方面。打官司通常都係需要好長時間，對方有冇足夠時間可以”專心”咁同你打官司？有冇呢一個”持之以恆”嘅心？第四，對方智力方面。假如對方係故意作啲野陷害你，咁你完全冇做過，佢講嘅證供有冇足夠嘅說服力，令人相信？ 從po主嘅推斷嚟睇，該男性係有同取得女性同意下發生性行為而有影低證據證明自己唔係強姦，但係又會犯咗窺淫罪。 首先，窺淫罪嘅定義。根據香港01嘅一篇新聞。“窺淫罪指，為了得到性滿足而觀察或記錄私密行為。而私密窺視指，不論目的為何而觀察或記錄私密行為，包括賺取金錢，勒索或報復等。後者為前者的法定交替罪行。「私密行為」指身處有合理期望能提供私隱的地方的行為，包括正露出其生殖器官，臀部或胸部，或這些部位只以內衣遮蓋;正在如廁;或正進行性行為。

希望大家比少少建議🙏🙏小弟第一次投稿 A=男仔frd B=女仔frd 我本身係因為A先識到B，佢哋都係中一，而我中二。 我最近知道咗A鐘意咗B，但係A表白咗之後，不出所料A被拒絕咗，而A呢排成日同我講佢有幾鐘意B，成日仲覺得自己有機會，我婉轉D咁勸又聽唔入耳；而B仲係知道A仲鐘意自己，所以成日叫我勸A佢哋係無可能嘅。 但係我每次想真接啲咁叫A認清事實，但係又驚hurt到A，同埋A嘅心態係唔成熟嘅，就算追到，都未必長久。 而家兩邊都搞到我好困擾，我究其點先可以勸到A。我而家做中間人做到勁痛苦🌚 Sor for1999，唔該唔好鬧我鬧得咁勁🙏🙏