話說小弟之前喺朋友推介之下接觸咗Pokémon card呢款卡game，覺得幾好玩，所以一直都有keep住玩開。咁我早幾日同其他frd講咗，想推介俾佢哋。但係佢哋話Pokémon card真係好低能、outdate，仲笑我…究竟我應唔應該放棄？sor for 1999🙏🏻

每晚都會夢見親人離世而喊醒 好冇安全感 亦都驚自己第時接受唔到家人離開我（可能因為阿爸成日食煙飲酒 我勸唔到佢） 有咩方法可以令自己冇咁驚呢樣遲早都會發生嘅事 希望admin po ig🙇🏻‍♀️🙇🏻‍♀️

我阿妹今年中一 日日喺度睇中國版抖音 睇到荒廢學業 每朝早都攤喺張床度睇啲低質罐頭笑聲片 笑到騎騎聲 雖然阿媽已經落咗抖音禁令 而且我都有嘗試同佢傾過 但係佢根本就唔聽 亦都奈佢唔何 唔知道大家有咩辦法可以阻止佢睇抖音

小妹讀嘅係女校。咁小妺自己係動漫宅，亦係班上嘅邊緣仔。 班上面成半班同學都淨係追BTS，或者其他韓星。班房壁報又好，小息嗰陣嘅黑板又好，全部都癡曬啲BTS嘢。我想講，呢啲只係你哋半班人嘅興趣，你哋鍾意追BTS唔代表我哋全班都鍾意，點解成日都要喺班嘅活動用BTS代表我哋班？班army完全無視其他人嘅意見，係咪你鍾意BTS先叫高尚，你話咩就咩？嗰啲高人一等嘅態度真係好反感🙃 （以上內容只針對某部份army) Sorry for 1999🙇🏻‍♀️🙇🏻‍♀️ Please post IG🙇🏻‍♀️Thx

小妹今年中三 今年基本上好多時間都係上zoom 自己都知道自己上堂好唔專心成日攞住部電話係有問題 但係完全改唔到 就算已經擺開咗但係隔一陣都會忍唔住攞返黎睇 唔單止係上堂嗰陣 其實溫書嗰陣都唔係好專心 日頭明明有好多時間溫書但係我攞住部電話好快一日又過咗 去到夜晚先意識到自己一日乜都無做過跟住勁急又要捱夜溫書 呢排開始考試

希望admin抽中🙏🏻小弟今年中五，開學頭冇肺炎嘅時候同一個tb係死黨(下稱a)，熟到每日call同打機，互相都知道對方嘅過去同埋少少情史，我好肯定a唔會接受到男仔，但係呢排開始對佢有啲心動，有一日放學過馬路嗰陣我掛住碌ig連車喺前面駛過都睇唔到，a一隻手捉住我拉返返嚟(成世人未掂過女仔咁滯)講笑咁話「下次再睇電話真係由你俾車撞」。同埋佢好有才華樣樣嘢都識，有時諗起佢認真起上嚟個樣又會有少少開心 我應唔應該表白好….

想問下有冇人試過上網搵嗰啲ig代購化妝品？因為成日見啲ig代購嘅價錢平過官方網站或者專門店成百幾二百蚊，想知會唔會係假貨或者瑕疵品thanks🙆‍♀️🙏

睇返一個舊學會朋友五年前上莊啲相，好妒忌亦好唏噓。佢本身八面瓏玲，六藝皆精，曾經係在下嘅榜樣。 唔係天不時、地不利、人不和，在下早係另一個佢。佢四年最大污點，應係識過在下呢啲自暴自棄嘅人。 大學生涯喺在下心中地位，臻乎基督上帝。 就算人鬧都照講：毀咗大學四年，寧願衰足一世。 注：大學四年白費嘅老👻

Admin pls post ig 第一次投稿請多多包涵，中文唔係我嘅first language 🙏。長文慎入 我上年識咗個叫A嘅”friend”。 次次同A傾計佢都當我係社工咁不停吐苦水。一開始我都好同情佢，但係我心情唔好向A吐苦水，佢就會當係比賽咁同我鬥慘。最誇張嗰次，A掹咗把界刀出嚟，指着我狂笑！認真嚇死人。 我唔忍心同A絕交，諗住下年就會唔同班。但係我好唔好彩，又同A同班，佢仲越來越難頂。有次A俾老師叫去present自己篇文，佢唔肯，就爬咗落張枱下面。老師迫不得已揀咗第二個人之後A先肯出嚟。

小弟啱啱考試肚痛但係因為唔夠時間做所以一直忍著，結果就唔小心放做個屁，結果全場連啲老師都笑，考完果陣我已經第一個走費事見到人地笑，但係聽日又要翻學，我真係唔夠膽望著啲同學，可以點做 😭 Please po ig

小妹今年f3，一直都好中意日本同日本文化，亦都好想學日文，現時嘅日文水平都係我平時睇動漫同日劇日綜學返嚟，勉勉強強識表達下咁樣。但因為屋企經濟問題同埋今年f3比較忙，加上我自己星期六日都有去學鋼琴同畫畫，所以實在冇乜時間可以出去學日文。 我有諗過得閒喺屋企自學，但係背完50音之後完全唔知喺邊度開始學起。 希望有經驗或者喺日本留學嘅人可以比啲意見 thx

小妹今年會移民去英國，我由細到大都好想做獸醫，但我喺form4選科個陣就選咗econ同埋bafs (因為理科嘅底子真係唔好)。上網有睇過做獸醫就要讀phy chem bio，咁我係咪零機會做到獸醫? 有冇其他方法可以做到? 如果做獸醫助護嘅話，之後可唔可以讀番啲課程做獸醫? 20210118 唔該曬admins

請問大家對我哋gay有咩睇法？

大家好 我有個細妹，最近識左個男友，係初戀。 有男友其實唔緊要，但佢成日呃我爸媽去個男嘅屋企過夜，成日只係話自己去fd屋企。 讀緊副學士，但其實佢除左某幾日要上堂，一星期都有三日假，但唔揾工返。每次出街都問我爸媽拎錢。但係為佢男友就好肯洗錢，我唔想破壞屋企感情，冇話過佢。 我應該點？係我思想太守舊定點？人人都係咁？我感覺呢啲行為好不孝。

小妹今年就中一啦，我由細到大呢都係同爸爸媽媽一間房，自己呢就得張書檯，其實我都好想有私人空間，成日同朋友傾電話只可以係客廳，但係又要勁細聲驚嘈到公公婆婆，我唔敢同啲朋友講我咁大個人都係同爸爸媽媽訓同一張床，好驚佢地笑我，大家有無啲咩方法無間房都可以有啲私人空間？ Po ig thx

當年讀完UG，出邊做過一年＿工返返來讀PG，話咁快過多四個月又要畢多次業。 六年前中學畢業起都冇好過。人有三衰六旺固之然，唔肯接納新地方、新人事，自暴自棄更加係禍根。 當初要四年先認清自己唔再係中學生，今下要幾多年先認清自己唔再係UG？ 無論幾多歲命，嗰四年噩夢永遠都唔會抹得甩。好多人第一年之後都冇再聯絡，話知你O’Camp定O’Night識幾多人，咪又息間霧化。 唔講舊年入來嘅人O’Camp都冇得玩。在下當年唔玩冇乜損失，但遭仆街家人屌唔玩點識人，屌唔玩嘢就係反社會人格。屌唔通大學生涯剩係O’Camp咩。 當年今日在下斷然冇再玩學會活動，不知所謂摺，摺足四年，衰足四年，禍延至今。諗返起就燥。運氣衰、讀書麻麻而家人唔好，倒霉倒到黐筋。 最唔捨得係校內兩個沙灘，其中一個因抗爭、疫情、颱風交替而長期關閉，更唔捨得係清水灣牛尾海。 在下有朋友，有電話，有電腦，有網上，有歌聽，可是從唔快樂。咪估人幾多歲，你估來冇意思。人生唔係幾多歲，而係見過幾多風景。 唔知講乜好，求其寫段廢話總結： 中午起床，下午完膳。回黌休憩，轉瞬黃昏。暮色蒼然，憂憂我心。

我家境唔錯， 阿媽冇做嘢。但係佢就成日買名牌手袋，行名店。佢已經有 at least 20幾個手袋。但係全部都要成三、四萬。有時就將以前買落嘅 3 個 LV 送俾我，大佬我要黎做乜鬼啊！ 我都仲未15歲,要黎做乜鬼,

(admin po ig thankss🙇‍♀️) hi，小妹今年14歲中三，最近剪咗個男仔頭，之後啊爸啊媽已經有兩星期冇同我講過嘢，唔知點算好，連家姐都鬧我死tb/人妖/樣衰(家姐好似恐同)，搞到我好冇自信。 講下背景： 其實我由細到大都好男仔性格，鐘意玩男仔嘅玩具，好細嗰陣就想剪到同男仔一樣嘅髮型，平時著得比較中性。我係les，但前兩任都係男。 入返正題： 上個月，我鼓起勇氣就問啊媽俾唔俾剪 佢話「冇得講，女仔就要有女仔樣，出街見到d不男不女都覺得核突。你如果剪咗就唔準返屋企，出去跟mk仔一齊，唔好認我做啊媽」聽完即刻扮冇嘢，就返房偷偷地喊。

小妹今年f1，家人唔睇重成績，但係睇重操行分。眼見就嚟派成績表，想問下大家知唔知Band1B官校通常點俾操行分？係咪唔同科老師都要比個grade，定淨係主科老師，或者係由班主任自己決定？

小妹今年中四，中文分分卷都掹掹緊🥶尤其是卷一，而家學嘅文言文淨係明字面意思，一去到分析就完全黑人問號……仲有就算我明明哋作者嘅性格、篇文嘅感情，我都唔知寫乜落答案到。最主要係自己連寫中文都寫到一舊舊，冇乜靚字靚詞喺手，唔識表達😓 我老師都建議我哋寫筆記，但係筆記要寫乜、點樣係課文搵到重點，我完全冇頭緒……老師上堂都有比我哋做練習，但係篇文我都唔明，我做乜都無用…… 再加上我喺meet完全專心唔到，真係好難搞掂呢科 我中三嘅時候已經認定自己係懶，唔鍾意寫字，所以選修科都揀曬啲計數科。起碼唔洗背嘢，而家除咗中文同通識之外都讀得好開心😵有啲咩方法可以救下我嘅中文 1999屌細力啲thx admin pls po ig thanks