小妹今年中6，本身有補數學（係私補）。咁我補習老師係男 我父母又比較介意我帶啊Sir返屋企上堂，因為屋企太細同超亂，佢哋話怕失禮就叫我去會所補習。 咁大家都知最近因為疫情，娛樂場所都要關閉，會所都唔例外，咁所以我無地方補習就去M記補習，淨坐唔食嘢。不過間唔中我會用啲VIP卡換吓薯條做吓樣扮食嘢。 今日13:00我去補習，平時去開嗰間M記就無位坐。咁我去遠啲嗰間M記補習。 結果補補吓被經理趕走，我個老師就問我借啲VIP卡換個包做吓樣。 其實我都知自己去到人哋間餐廳淨坐唔食係唔啱，但我哋都唔想，屋企又唔太方便，會所又唔知幾時開返，我上網堂又唔夠專心先要face to face補習，我都唔想去餐廳補習，但我又可以去邊到補習呢？ 仲有啲姐姐坐成日你又唔趕佢哋走淨係趕啲無佢哋坐咁耐嘅走？公平嗎？
大家好呀～我係一個06嘅女仔。我小學有啲唔好嘅經歷，我轉過兩次校，第一間係因為老師質素比較低，第二間係程度比較低，而且有好多支那人，而第三間係九龍塘一間小有名氣嘅學校。四年級嗰陣，即係我啱啱轉入第三間學校，啲人比較有錢，而我只係個屋村妹。我冇咩朋友，甚至畀人欺凌或者睇唔起。但係我冇乜所謂，反而付出更多，所以我成績可以話唔錯，佢哋唔抵得，成日喺背後議論我，講我壞話。佢哋問我成績，我都會報低十分左右。小五嘅時候，我班有個留班生，佢叫L，有一次L出丑，我出於好意，去咗幫佢。之後我哋就變得好frd。L家境好好，正正同我相反。L會上一啲社交平台識人，嗰啲人大多都唔係幾正經，印象比較深刻嘅係有個16歲就食煙，我勸L唔好繼續玩，但佢唔聽。有一日，我班主任叫我去見佢，原來L老母投拆我成日同L傾電話，但係嗰陣時我已經同L小咗聯絡，而且我見L放story 係同網上識嘅人傾電話。我其實好嬲，但係我唔想失去佢，於是我就當冇事發生。之後有一次，我同L同另外一位同學出街，佢哋喺街度抌低左我，自己出旺角玩。我覺得好失望，之後升中，我同L慢慢疏遠，我入咗間香港區嘅中學。中學嘅同學真心質素好好多，我亦都識咗兩個frd，佢哋完全冇小學同學嘅嗰種心機。今年，我同L有返聯絡，但係同佢相處真係好唔舒服，佢嘅message句句帶刺，搞到我對咩都冇咩信心。我可以點做？
唔知點講，咁多年我都係放唔低佢，好似呢世都愛到其他人咁。 平均暗戀一個人會過幾耐先會心淡？3個月？半年？一年？我暗戀左佢足足五年。 可能有啲人覺得，五年姐，有啲人暗戀左十幾廿年都未出聲。但係，五年近乎等於成個中學生涯，一個人生最重要嘅階段，直到依家都未曾停止過。 我同佢玩得好埋，見到就會一齊攬黎攬去，日日傾計傾唔停，都係多謝我係一個女仔；同時，亦都因為自己係女仔而無奈。有時會諗，如果我係一個男仔，會唔會就有機會？嬉笑怒罵中講嘅我愛你、我鐘意你，其實每一句都發自內心，不過比大家好詼諧咁帶過左。 我仲記得有次，我話你去grad trip嗰陣屋企人會掛住你，你問我「你講你呀？」我呆左，然後自己係度傻笑，個一秒連我地第時個仔叫咩名都諗埋。我答你「係呀」然後加啲emoji，令睇落去冇咁令人懷疑。然後大家笑下笑下就去左第二個話題。 唔知嗰刻，你知唔知我鐘意你呢？ 又一次，你去同朋友慶祝生日，我內心百感交集，一方面見到你咁開心又鄧你開心，另一方面又諗緊，你會唔會有機會同我慶祝生日呢？ 然後自己又打消左呢個念頭，始終我同你現實中都只係學會活動一齊玩。 你好靚，好可愛，成日有狗公搞你，每次問我點算點拒絕，我都會叫你block左佢。然後跟住你話：「咦我都未block佢已經unfollow左我。」我就會笑你：「可能眼花睇錯女掛」
© 2023 NSS Secrets, Seven Sisters Network Limited. All Rights Reserved.
Text is available under the CC-BY-SA 3.0 License. Additional terms may apply.