Hello 想知道曾經患過抑鬱症嘅人有冇呢啲徵狀，因為我自己唔肯定（我覺得自己係冇病，純粹唔開心）希望大家可以俾啲意見我。 我見到鍾意嘅野或者好食嘅野都會想食/好開心，不過個種感覺淨係會維持一陣，得好食嘅野先會想食，冇野食我會寧願唔食（叫外賣上門都唔想）直到太耐冇食野反胃想嘔先會食。對於想做嘅嘢都有少少動力，讀書做功課呢啲我就覺得一日未自殺都要做好。我自己有兩個興趣就係整野食/跳舞，整甜品淨係好想整個陣先陣，跳舞都半個月冇跳，動力相比之前少左好多，但係網上話係會咩都唔想做。 而且呢半年以嚟，好多時候都係唔想郁，淨係躺起床上面，除左好似上面話好想做先會去做。但係都有購物欲不過係網購。同朋友岀街都會開心嘅，不過岀岀下街都會諗自殺，見到啲高樓大廈都會幻想自己係上面跳落去。之前set左個目標，如果今年升唔到班就自殺，不過而家當然唔知會點，有睇過邊到可以跳樓，但係揾唔到邊到嘅天台係開放嘅…. 平時有壓力個陣會用指甲吉手，不過係同自己講一定要吉咁，吉到痛先至會停。一到考試/oral就會係咁吉。除左吉手之外，都會攞指甲刮手腕（割腕嗰個位置）一樣都係刮到痛，都會攞間尺界手，界到紅晒，有灼熱感先停（唔用界刀係因為驚痛同埋用界會有血，會比人發現，而用界刀頂盡一晚就會消）2020年3月/7月係最嚴重，個陣試過返學行樓梯，突然問有把聲同我講「跳落去啦，跳落去就咩事都冇架啦」不過最後我只係差錯腳，而家諗返都幾恐怖😂都可以係撳下手機就會想自殺⋯ 疫情開始之後覺得冇希望，一諗到香港未來嘅情況就好崩潰，係到諗要襯香港未變到最壞就死，咁先唔使受苦。相對地，一遇到一啲難關就會想死，想逃避，講到尾都係我軟弱、垃圾。 上年經歷過失戀、被人騷擾嘅事。當中失戀裏面，我因為一啲原因比人係學校話我係八婆、賤人，而事實係我根本冇做過佢地口中嘅事，個次都只係我初戀，亦都令到我唔想再去拍拖。或者係因為小5小6個陣試過比一個精神有問題嘅男人騷擾，係咁跟跟著我又摸我個頭，後尾我跑左入萬寧先走到。都有一次係黨鐵著短褲（我大概中一）就有個阿伯越坐越迫係咁黐埋嚟，所以我到而家都唔鐘意單獨同男仔相處，所以個次拍拖雖然我好鍾意個男仔但我一到現實同佢相處都尷尷尬尬咁，我都唔知呢啲算唔算陰影？ 我成日覺得自己係一個好黑人憎嘅人，連我自己都好憎自己。自殺又好驚我媽媽傷心，因為我哥哥係一個好唔生性嘅人，做過好多衰野。而我媽媽成日都話得返我一個（單親家庭），令到我唔敢走，令到我更加辛苦。雖然我會自殘個啲但我仲有少少動力去做野，所以我覺得自己係冇病。希望有經驗嘅大家可以幫我睇下，不過我都應該唔會去睇醫生，因為睇心理疾病好似要18歲先可以自己去，而我又唔想比人知。
Admin pls post ig 小妹今年17，中六，自細都好憎薄荷，好驚浸味，覺得好似被火燒咁，連薄荷糖都唔食 見到好多同齡嘅人都係12歲前，甚至初小就會轉用薄荷牙膏，但係我去到依家都係用緊兒童牙膏，啊媽成日都話我廢，話兒童牙膏係俾六歲 即係幼稚園小朋友用嘅，叫我轉返。屋企係用開黑人牙膏雙重薄荷，浸味真係好辣，頂唔順，但之前係我大概11歲嘅時候，因為細妹都唔再用兒童牙膏（佢嗰陣7歲），於是屋企都無再買。但係我真係接受唔到，所以11-14歲嗰陣都冇用牙膏刷牙，直至到有零用錢，就自己買返兒童牙膏，咁我就好彩 無蛀牙，但係有少少牙菌膜，搞到d牙好黃，同埋應該有牙石，俾人以為我食煙，好尷尬同無面。同埋屋企環境唔係咁好，冇錢比我去洗牙，我依家都係自己儲錢，等遲啲自己去。但因為屋企人唔俾我去翻part time，都係自己慢慢儲，因為疫情，唔使返學，我係冇零用錢嘅。所以想問吓大家有冇比較平嘅牙醫推介，有冇辦法克服到薄荷嘅味，同埋有冇d冇薄荷成份嘅成人牙膏？thanks ~
真係好唔想返呢個屋企，完全冇家既感覺 一家四口，每一日講既野少到十隻手指都數得曬，連出黎食飯都係工人叫，每次食飯從來都唔會講任何愉快既話題，老母一係就叫我唔好欠交但其實我一早已經交曬，一係就睇住新聞係到話特朗普獨裁，一兩次當聽下笑話，講多幾次真係頂唔順 由我升中學開始，屋企就開始冷淡。以前間唔中都會出去行下山、海旁踩下單車，但依家連落街一齊食個飯都唔會。 我老豆未有疫情個陣一至五已經要上大陸做野，就算假期翻黎都只係自己一個係廳睇戲，依家更加已經3、4個月冇返過黎，電話都只係打過一次比我，話新年個陣會翻黎，叫我check下屋企wifi會唔會好慢 有陣時見到其他人ig，同屋企人一齊玩下遊戲，食下飯，真係好羨慕，我已經好多年無試過成家一齊落街食飯 講真，會咁樣我都有份造成，但係依家個個都好似完全唔想改善下呢種情況 我真係好想成家一齊出去
長文慎入 小妹今年form3，咁全港都知而家form3,6很困難，一邊係揀科，一邊係考DSE。咁今年我要比前兩更加把勁去讀書，但係屋企就發生左啲事對我嘅學業有好大既影響。 係舊年，咁本身住開個到因為業主毀約我地全家被趕走，咁加上爸爸生意又因疫情開始虧錢，我有個阿哥就自己同女朋友住一間屋（租，本身阿哥租個到都係for我哋住），我同媽咪就因為咁搬咗入去住。 咁本身我哋相處還好，阿哥個女朋友就教壞咗阿哥，一個本身乖乖仔對媽咪好好，而家被佢教到好似媽咪係十惡不赦既罪人咁。 前幾日因為要搬但係冇同媽咪講過就簽約，因為個邊比較遍返工返學好唔方便加上又細成倍，媽咪放工返黎就阿哥傾關於搬屋個方面既野，咁本身成件事大家都平心靜氣咁傾啦，阿哥女朋友沖完涼突然衝出黎鬧我媽咪唔好比咁大壓力阿哥啦，又將把聲提八度黎講好鬼乞人憎，係咁話我媽咪呢個呢個唔好等等，好似教我媽咪點做人咁。 好難咁大家冷靜下，媽咪就去沖涼，阿哥條女就打俾佢屋企人係咁話我媽咪啱啱成個八婆，同佢講道理又唔聽（ps:佢講既全部係歪理，我全程在場），又話好似要佢教我媽咪點做人咁，講到佢好委屈咁。 我同媽咪都唔想佢嫁俾阿哥，但係女方家長係咁吹佢地結婚（好似驚死個女嫁唔出咁） 我而家真係唔知點做，又話搬，又唔俾地址我同媽咪搬唔到野過去。 我好驚會冇地方住，媽咪手頭都好緊仲要幫老豆還錢。
自認讀書麻麻地，動力唔高。好好采入到大學。仲要係讀到自己熟悉嘅專長嘅學系。點知好多科都唔合格。😓 有一科，我中學有讀過，成積每次都合格，仲試過八十幾分。但上到大學讀嗰科，成積五十幾分，唔合格。 我亦因為咁被迫重修返唔合格嘅科。😭 五十分或以上喺中學嗰陣係合格，而且我讀中學嗰陣，考得合格嘅分數通常都係五十幾分。我每次考試亦都係盡曬力做嗰份卷。 上一次考試雖然好多科合格，但我某程度上覺得係好采，而且仍然有啲科都係唔合格。有一科仲要係三十幾分。😖 係考試之前，我幾乎背到好辛苦。當考完之後就覺得好解脫，終於唔洗咁辛苦。不過考試又點只一次吖！好快又有考試。 每次上堂好多時都係學唔到嘢。考啲嘢又多，有啲仲超級難。前路茫茫。😫 點算呀？😖我已經決定咗唔讀副學士、ive、高級文憑、先修班等等。即使會冇書讀。喺較早之前，我已經發覺我嗰個學系讀嘅嘢超越咗我讀嘅能力，學嘅嘢根本唔係我所諗嘅程度，其他學系我亦無能力讀。轉校都冇用。😫 唔好覆埋啲咩退學啦、休學啦、唔好考試、唔好返學之類嘅廢話，亦唔好發表傷害性同侮辱性嘅言論攻擊我同我嘅家人同朋友等等。唔該！！！
© 2023 NSS Secrets, Seven Sisters Network Limited. All Rights Reserved.
Text is available under the CC-BY-SA 3.0 License. Additional terms may apply.