唔知大家對感情係點睇？小弟我想分享一個小小嘅故事，你地信唔信都好，全部都係我自己親身經歷，我只係想奉勸咁多位唔好比戀愛沖昏頭腦，唔鍾意一個人更加唔好比假希望人，玩弄人地感情。 小弟我中2個時遇到一個可以話當時曾經想用一生時間去守護嘅女仔，我同佢越嚟越熟，直到中3個年嘅聖誕我同佢表左白，佢唔單止冇拒絕我，仲同我講佢都好鍾意我但係家庭方面所以想讀完中學再一齊。我傻仔信左佢，佢仲叫我同佢揀同一科之後可以一齊升大學。到考dse個陣，我發憤圖強，好想讀到醫，希望自己可以比好生活佢，照顧佢一世，最後我考到唔錯嘅成績獲海外大學取錄。相反佢嘅分數唔足以升讀海外大學，但係佢好支持我去，仲應承我讀完書返嚟之後先一齊生活拍拖，因為佢唔想longD，我亦都唔想佢咁難受要自己一個，有困難冇人可以係佢身邊幫佢，分離兩地。 讀書個幾年我地keep住成日傾計，然後隔左幾年我終於讀完書返到香港，我再搵佢，排除萬難，正當我以為可以同佢一齊個陣，佢同我講自己已經有男朋友，仲話自己一直冇鍾意過我。 個一刻我心情真係好低落，一個用左幾乎10年時間去守護你去為你著想嘅男仔，你就咁一句從來冇鍾意過我就算，你明唔明白係件幾Hurt嘅事。你大可一早同我講唔鍾意我，而唔係一個人為你付出左咁多先敷衍我。 或者我可能真係唔適合你，我都唔會強逼你，但係希望你望到呢篇文章，知道背後一直有個男仔願意為你付出咁耐，係幾咁鍾意你，無論點都好，我好希望你同依家嘅男朋友白頭到老，祝願你幸福快樂，平平安安。 sorry for 1999&長文
想講吓政治問題2.0 上次我見到大家嘅留言，不過我真係唔夠膽做呢啲嘢囉… 今次又借nss 抒發一下啦。咁我都講過我阿婆以前係小學中文老師，所以佢就同我溫中史。溫到秦朝嗰度，佢又講嗰啲嘢啦🙄。 首先秦始皇做嘅所有統一制度缺點都係人民反感，然後我阿婆就話：「人民反感反下反下就唔反感㗎啦，即係好似普通話一開始啲香港人都好鬼反感㗎啦，依家有冇呀？」其實我想講而家仲有好多人反感㗎，但係又唔夠膽所以被逼附和佢。我知如果我唔講嘅話佢又會話啲後生㗎啦。 然後就講到秦始皇嗰個時代香港呢個地方已經成為中國版圖嘅一部份，然後我阿婆又話：「係囉都唔明點解啲人成日都話香港獨立，香港明明就係中國嘅，blah blah blah。」我想講何謂港獨？你有冇fact check 過？然後我嗰陣好大膽咁講「都冇人話港獨」然後佢又話啲後生啦…
是咁的，小妹今年form 2。係一個月前睇醫生diagnosed 有anxiety, 開始食藥。其實我係5年級嘅時候已經開始有，但係一直冇點同人講過，只係家姐同啲close friend 知。去到兩個月前先同社工講咗，佢就叫我睇醫生。啱啱開始咗食藥個陣，都冇咩事，但係食咗2個禮拜就開始覺得冇咩用。我會好似以前咁無啦啦手震，跟住會想又尖叫又喊，但係又喊唔出，心入面好難受。真心唔知點。去到今日，我仲無啦啦上堂發作，唯有去休息，搞到要成堂缺席。而家咁嘅我真係唔知想點，有時會有自殺嘅諗法，希望完咗一齊嘅痛苦。有冇人可以幫幫我。。。sorry for 1999 ,admin please
我今年中五，係一個由細到大全身都有濕疹嘅人。 老實講，濕疹除左令到我身體好痛苦之外，仲令到我心理好痛苦…… 中五對中學生嚟講，係一個好重要嘅時期。我都好想專心上堂，但係我真係做唔到。平時上堂個陣，我身體都會好痕，一係就一直忍到落堂，一係就偷偷r。我通常都忍唔住會去r，給果就分哂心。我知道r完之後係會嚴重左，但係我真係忍唔到。 除左上堂專心唔到，濕疹都搞到我訓唔到。凌晨一點之前訓已經係一件好困難嘅事。晚晚都兩三點先訓，第二朝又點會有精神。 訓醒起身又係一種悲劇。我起身個陣，有濕疹嘅地方都變得好乾，尤其係頸、膝頭同埋膝頭後面，行路個陣就好痛。所以我每朝起身第一件事就係搽潤膚膏，搽潤膚膏雖然令到呢d部位冇咁乾，但係搽完之後就會好痕。 因為濕疹，我都睇醫生睇左好多次，睇完係會好d，但係時間好短暫囉。加上我啊媽認為濕疹搽下潤膚膏就會好返，所以佢認為淨係買潤膚膏搽就得。見到我r就話我又冇搽潤膚膏，我同佢講過搽潤膚冇用，佢又話我搽得唔夠多…… 到底啊媽點先肯信我…… Sorryfor1999
小妹今年中五，我一直都知自己身邊嘅朋友係對我印象唔好 小學嗰陣，我都成日被欺凌，老師都特別針對我。 升到中一，我都被人欺凌，連前度都夾份欺凌我。 但好采欺凌我嗰班人都肯同我講我衰咩，話我煩、做作、姣、小學雞之類嘅嘢。 之後我就盡能力改哂啲壞習慣，我都幾多謝呢班同學 好采之後都唔同班，到而家佢哋連欺凌過我嘅事都完全忘記咗。 升到中二識咗另一班新朋友，但半年之後佢哋就欺凌我（我聽我當年同我fd嘅人((下會稱佢A))同我講返）咁跟住都算啦，我自己疏遠佢哋。 佢哋憎我係因為我太煩、話我自我中心、話我on9、仲有話我姣。 我之後都好努力去改變自己，收斂咗好多。 不過佢哋之後搵個男仔用感情欺騙我，我嗰陣喊足一晚，真心唔明點解我疏遠咗佢哋，佢哋仲要咁挽我？仲要搵我當年愛嘅人嚟咁對我。
pls po thx 我係一位自願性餵貓嘅人，唔係義工都唔係慈善機構 我係用我媽咪嘅錢去買，我都搵緊工，不過15歲機會不大😞而且某啲原因，令到我只可以收現金 我住嘅地方有好多好多貓，有時見到佢哋住係垃圾嘅地方，都驚佢哋無嘢食，而且都為咗贖罪（差唔多咁嘅意思），所以就決定買貓糧俾佢哋，但其實我唔係有錢嘅屋企，我開始以為只係買貓糧應該唔會用太多錢，但其實唔係，我依家買嘅貓糧係特價緊，以後就會變返原價，我驚我屋企負擔唔到，就想係facebook 籌錢，但唔知犯唔犯法?如果你哋見到，會唔會覺得係呃人，如果價錢喺係10~20蚊左右。我想知我咁樣做係咪好自私，但我已經開始餵咗一段時間，我唔可以唔再餵（應該，如果可以唔使餵，你哋同我講） 我知道可能有人會閙我話，無錢就咪害人和貓，無錢學咩人餵貓，既然呢個係你自己自願咁關我哋咩事 但我每次見到都好唔忍心 但佢哋係嘅地方都有人住，貓都肥肥地，但我去餵時，佢哋肚餓到唔驚人（餵咗幾日，依家實行緊隔一日先餵）
© 2023 NSS Secrets, Seven Sisters Network Limited. All Rights Reserved.
Text is available under the CC-BY-SA 3.0 License. Additional terms may apply.