Hi 近排感覺心情有啲鬱悶所以純粹宣洩下，希望唔會嘥大家太多時間🙈 小妹今年中五，本來都應該係要開始計劃下將來，專心啲做嘢嘅時候，但最近總係提唔起精神，面對壓力好容易驚，然後就逃避，一直拖。 我知道呢個係好唔好嘅處事方式，我嘗試想過得productive啲，做到個處事游刃有餘嘅人，但呢個壞習慣唔係話的起心肝就改到，亦唔知要點開始改 因為父母離婚嘅關係所以屋企得我同老豆，五年班開始，平時學校嘅所有嘢老豆都會放手比我搞掂，小至簽通告，溫書，大至揀科，人際關係，一向我都有自己決定嘅自由。到低form為止都叫搞得掂，無補習但靠前一晚溫書input output咁考試，成績附碌地有中上，生活亦無其他需要擔心嘅事，感覺好似係大部分嘅問題自己都知道解決辦法，生活有自己嘅規律。 到高中之後生活就開始失去平行，唔知自己做緊咩咁。首先呢種靠小聰明嘅溫書方法已經唔啱用，成績明顯跌咗啲，本身寫字慢嘅我重寫唔曬LS同綜合卷s。前者可以靠勤力，後者真系完全唔知點算，部份科好似溫極都唔會進步咁，令人好氣餒，亦好迷惘。老豆都係繼續好放心咁，平時都唔係好睇我考成點（其實份考試卷得我睇過，我唔講佢唔會問），又話考得唔好都唔緊要，有咩唔識可以問佢（但老豆對唔住每次用1hr+聽完你講都係未知答案😂），屋企全部人都係咁諗，所以每次佢地問我考試 功課呀成績果啲我都會答 ”ok ah

(希望admin可以po IG🙏) 小妹中二，未來想做社工。 – 我因為遇過一啲事而好想做社工，但我聽過唔少社工都唔係真係幫到個學生。如果社工真係唔係真正幫到學生嘅話，噉請問有咩其他工作/義工係可以幫到佢地🙏如果要做個類工作嘅話又有啲咩要留意？ – Sor for 1999,如果有咩講得唔清楚希望大家屌得細力啲🙏,麻煩晒

【我最想去嘅五個地方】 1. 美國國會大廈 2. 亞靈頓美軍公墓 3. 加州西敏市小西貢 4. 德州越戰老兵紀念碑 5.

小弟今年中一 ，本身份人好懶， 如果唔考大學， 中五中六畢業 出到社會有咩可以做？ 又養得起家庭 又買到樓 嘅工作？ 煩惱咗好耐呢個問題 Sor

今夜夜長，思念更長，情思綿綿，就像是吐不盡的蠶絲。幾夜相思，幾多企盼，這焦灼的心，擂得像是小鼓一樣……我不斷妄想班grp傳來消息，可以延遲考試。因為我為在坐上進學習的同學們心身理的狀況而feel到焦慮，……所以關乎到新冠的嚴重，我並不希望分批回到學校考試。等待，因其有所希冀而令人興奮而又因等待的過程無所安排而使人百無聊賴。因此，這樣的等待是混合了興奮和無聊的一種心境。總有一種期待，像無形的力量給予信念，讓心無比堅定，讓夢無比清晰，讓愛無比從容。這種期待讓我不會停下尋找的腳步；這種期待讓我在迷茫中摸索幸福；這種期待讓我在青春里譜寫歌譜。這種期待給我積極向上的力量，讓我在徬徨的路上找到方向；在挫折的迷失里突破自己。等待，讓一代偉人譜寫出一曲曲流芳後世的樂章，奏響他們生命的音符，穿越時空，鏗鏘等待的真諦，編織起絢麗的彩虹，閃爍流光。學會等待，就會學會捕捉希望，學會尋找成功之路；學會等待，令心靈的天空群星閃爍，令智慧的花朵芬芳燦爛，令生命的海洋寬廣無垠，多謝

直入正題 如果有一個科技可以俾你進入一個類似用意識創造好真實嘅夢或世界(你想做咩都得)，其他人入唔到你個個，可自由出入現實世界，冇任何副作用。你會入定唔入？❤️❤️=想入 或者留言講下點睇🤔🧐 有人發明或者我發明到呢個科技係我畢生嘅夢想 希望po IG，可以見到多啲人嘅睇法🙏🏻🙏🏻唔該

小妹今年F3，本身前兩年都同一個女仔好frd，同傾得埋，但之後發覺佢同班男仔行得勁埋，我唔係話唔比，只係佢慢慢咁疏遠我，例如話有時想搵佢call 一陣，佢都話同個班男仔傾緊，而我就開始搵其他既frd，變得開始唔係好信任佢，即係我鍾意左一個男仔都唔敢同佢講。 雖然依家平時都會keep住send野比對方，但係真係比以前少左好多，我依家應該點做至好？ （上左中學最frd就係佢） sorry1999 pls admin po ig

小弟f5,有個由細玩到大嘅frd,大概去到f1佢搬屋之後就冇再聯絡，但係我同佢一齊經歷過好多野，我唔希望呢段友誼就咁因為距離而完結，有佢聯絡方式但係唔知點開話題好，我可以點做？

小妹今年 F3，想徵求下啲意見. 自從轉返做online teaching之後，已經欠左過百樣功課. 亦都經常收到老師打電話俾屋企，話我今堂冇上，果堂又冇上，功課又唔交. 睇到呢度可能會諗我一日到黑都係做埋啲無聊野，浪費光陰. 其實唔係好係，我根本從學校見唔到個 point, 又逼鳩我做呢樣做個樣，不如做返一啲真係幫到手、有興趣嘅嘢. 結果就不斷喺度學理科(DSE+初級大學果種)，喺度skip堂同唔瞓，忽視左原本嘅「責任」.

我有個同學成績都幾叻，不過超八卦。問題係佢超受歡迎，因為佢成日上堂都問問題。但係我唔鍾意佢嘅地方係佢有時八卦嗰陣時笑聲超恐怖。總之我好憎佢啦

小妹第一次投稿，如果有寫錯請見諒 小妹今年12歲F1，喺小學一直都好開心，成績喺小學嗰陣都唔錯，所以入到間幾好嘅中學。但間中學教學速度好快，唔知係咪自己問題先跟唔上。UT之後成績下滑，小學嗰時每次都有全級前5，入到中學之後就落到90-95。第二次考試之前會有個預試，明明都溫得幾熟，但一落筆個腦就一片空白，完全唔記得所有野。預試個成績比第一次UT仲差，知道個成績之後嗰一個星期一直都好驚，做咩都好擔心，好似無形中有種壓力咁，之後好似痴左線咁一直做補充，都唔知點解一直喺度做(飯又唔食又唔練琴)做到凌晨3點之後太眼瞓就瞓左。之後上Zoom完全冇精神，根本唔知個老師講咩。 有咩方法可以令自己冇咁擔心同埋F1跟唔上進度正唔正常，有咩解決方法？

我放唔底佢 我係雙偏les,係女校讀書 我中一嘅時候對咗一個唔靚但係好型嘅女仔一見鍾情而佢個姓都好特別（下稱Y)，Y係隔離班嘅而我係透過我朋友而識Y，Y同我朋友喺小學同學 佢哋亦都好frd。之後有一日Y問我朋友攞我電話，之後我哋就開始傾計咁兩三日之後就一齊咗，我放哂嗰真心落去，我都feel到佢係鍾意我嘅但係我哋好低調去到分手之後都冇咩人知我哋一齊過，得幾個好frd嘅frd知。分手之後Y好快同另一個女仔一齊左，我見過佢地拖手同攬，我個陣心好痛同埋有好勁嘅無力感，同埋我覺得Y同佢一齊嘅時候同我嗰陣唔同 我feel到Y真係好愛佢 但係我到而家都未放底Y 中二嘅時候 Y係同緊女仔一齊嘅時候 Y就同我講佢一直都放唔底我又話個女仔唔理Y Y又一直同我傾計令我以為有機可乘，佢有時整嬲我會氹番我，佢亦都會呷醋，隔咗一個星期左右Y開始唔理我

我地學校可以無賴到出爾反爾，明明之前出咗notice話農曆新年前考唔到試就cancel，宜家又要我地番學考試

迦密主恩分批返學考,高玩高玩😉 下個禮拜一就中一中三，再下個禮拜就中二中四，分上下晝😉

小弟今年18歲，中五嗰年我老豆生cancer。我呀媽要照顧我老豆，所以嗰年我要自己一個人住，自己照顧自己。我老豆升中六前一兩個星期開學死咗。咁我都預咗，過咗一個月我個人先好d，因為嗰陣時返學見啲朋友，同日日打機。咁正正我老豆死果斷時間，我識咗呢個女仔。佢係我friend啲朋友。咁當初大家唔熟，有一齊打機，send memes。我哋covid嗰陣時，又唔使返學，就開始日日同班朋友打機，吹水，約出嚟玩。後尾我同佢一齊咗。我地兩個都冇咩感情經驗。佢係我第一個我話比佢知我老豆死，連我d朋友都唔知，因為我老豆未到六十死，我呀媽唔想咁多人知。我真係覺得佢好特別，我以為佢係我老豆比我最後一份禮物。佢唔小心比佢屋企人知，後尾仲見埋家長。兩邊屋企人都都冇咩話咩，話讀好D書。兩邊都係中上產。佢唔係特別靚，普普通通，但係真係鐘意佢。我對佢非常好，又就佢，我有諗過同佢長久落去。佢有好多男性朋友因為佢打機真係好勁。咁我就冇咩女性朋友，就開始自卑，同次次講sorry。咁我就九月大學開學，我開始feel到d壓力，大學全部上網，又唔識人，又揀錯科。然後佢同我講分手。我完全唔知發生咩事。因為都冇嗌交。佢話不如做番朋友，有機會再一齊番。我問佢閨蜜，佢話唔係我ge問題，話我哋發展太快。咁我好灰。我以為係因為佢煩緊報大學。我同我中學個朋友訴苦，點知個朋友咩都話晒比佢知。個中學朋友唔係介紹嗰個朋友。我有比次機會個朋友，但係佢話我bitching around，之後block咗佢。我覺得咩都諸事不順，又比人出賣。真係崩潰晒。之後我個人變得好唔信人，日日留喺屋企，自我封閉，一兩個月唔見人。其實呢啲嘢我根本冇人可以傾。頭一兩個星期我有想挽回，之後冇講過。咁佢都繼續send嘢俾我。其實我想話邊個比人飛可以咁快做番朋友。頭一兩個月真係日日發惡夢，訓唔到，上堂專心唔到。之後搞到要睇醫生。上學期完咗，我抄咗兩科。好灰。咁我同佢一直都有聯絡，但佢好似冇當過我係佢嘅朋友，開始疏離。十二月開始佢冇send嘢，咁我都無謂騷擾佢。我成日係reddit訴苦，我唔記得佢有我reddit，咁我都係講差唔多內容，佢覺得我話佢樣衰，真係冇講過。點知最後嗰幾日咩都比block哂。我好傷。我想話呢幾個月，我冇一日開心過，連之前啲興趣都冇晒。日日只係攤係張床，咩都唔做。我醫生轉遞我去睇心理或精神科，唔知邊個。佢有諗住開啲抗抑鬱藥俾我。佢出現同消失係我最需要佢嘅時候。咁我都知好多人係mid 20s開始認真。我中學發生咁多事完全冇諗過拍拖。但係我真係好傷，因為我有認真過。 Sorr for 1999

小弟今年中三，可能今年要讀10幾課，搞到好大壓力。小弟唔知點解唔想温書，一温書就容易肚痛或者個身體有D唔舒服。小弟可能俾自己好大壓力，因為測驗考得唔差。跟著又成日用ZOOM上堂，搞到自己分心。想問係正常情況定係小第太大壓力？ 求admin post IG

我今年f2 由細到大都搵唔到方法溫書 開始溫嗰陣 都忍唔住攞起部電話玩 我有嘗試過叫阿媽收起 但係都冇用 因為我只係會坐喺度發呆 唔到最後一刻都唔肯溫 所以前嗰排嘅ut炒咗幾科 聽人講f3要學同溫嘅嘢都多咗

小妹今年中二， 話說我間學校係一間競爭好大嘅學校嚟。 雖然好大壓力，但都知道係為咗之後dse冇咁辛苦。 咁我哋學校都出咗名係dse考得唔錯， 但係亦都出咗名係啲資源分配會係elite class優先。即係話elite class嘅人會有多啲卷操，有extra嘅嘢做咁。 咁小妹成績就一向麻麻，偏科都偏得好嚴重下。 英文算係最好嘅一科啦，所以撞彩入咗英文精英。 入咗精英班之後的確係有進步，但同樣好大壓力。

點樣解決拖延症？ 小妺自停課之後就患有嚴重嘅拖延症⋯ 好嬲自己咁頹，唔想再咁落去，但又改唔到， 硬係keep住個惡性循環。 乜都溫唔入腦乜都唔想做（冇動力） 但又覺得咁樣唔得。 不過根本做唔到實際嘅改變⋯⋯ 成日做deadline fighter，成日遲交功課 其實唔想係咁⋯⋯

自從12月取消面授課堂開始，我就冇溫過書，上堂亦都唔係咁專心。 我知再喺咁落去，會跟唔上進度，考試，甚至dse可能會未如理想，所以打算開始溫書，追返以前教過嘅嘢。 但係事與願違，當我坐喺書枱面前，就有啲傍偟，唔知點樣開始好，跟住就不自覺咁攞電話打機/碌ig，最後就當然係咩都冇溫過啦。 所以想問下有冇方法可以令我專心啲，認真溫書？ Thanks a lot 🙇🏻‍♀️