#NSS愛情 [Guest] 分手後可唔可以加我做朋友

#NSS愛情 [Guest] 我只係想分享一下自己既故事 :0 從小學開始，我同 朋友A(女）同 朋友B (男）一直都係彼此最好既朋友，生活中嘅大事小事都會一齊分享。 小學畢業之後，我哋都好有緣咁入咗同一間名校，由於我哋嘅成績都唔錯，所以一直都係同一個精英班，見面嘅機會好多，有時放假都會約埋一齊出去玩。 朋友A

#NSS個人 [GUEST] 有沒有男喜歡穿女校裙？

#NSS學業 [Guest] 就係咁嘅，小妹今年中三，咁而家就放緊呢個嘅「暑假」，學校係放完暑假之後安排咗三日嘅小測，咁我係一個成績極差嘅人，中三要揀科，對於呢件事好煩惱，好驚自己行錯每一步都會影響到之後嘅人生或者學習？睇到依度可能大家都會叫我溫書，有嘅，呢個假期都勤力咗溫書，但係始終都係要睇吓到時嘅發揮，雖然呢個嘅小測應該唔會佔太大嘅分數，但係都係想盡力去測好。佔得比較多嘅應該係學期尾嘅考試，上學期好似已經佔咗40%，咁唯有喺下學期嘅平均分或者考試拉返。問題嚟啦，小妹目前對揀科呢樣嘢毫無概念😭，上網都係睇得多話跟住自己嘅興趣揀,或者第時想做啲乜嘢。興趣呢講真每一科我都冇乜，想學關於心理嘅嘢，但係中學當然冇呢一課學啦，跟住就轉咗目標準econ(主要係因為好似econ對工作有幫助)，咁我學校就未介紹過econ要讀啲乜嘢🥲，上網睇又好似唔定，所以希望大家比下意見🙏🏻econ但佢要學啲乜嘢同埋搭咩科最好（冇咁難讀嗰啲因為始終成績比較差，就算想揀都未必揀到👋🏻）或者大家有冇讀緊啲咩科推介下大概讀啲咩或者點樣搭配，萬分感謝！ Sor for 1999 Thanks admins po ig

#NSS個人 [GUEST] 多唔多男仔返學打耳窿？

#NSS個人 [九龍城某中學] 話說最近我有個朋友要移民，真係勁唔開心勁唔捨得。佢係我中學嘅第一個朋友，我哋做咗friend都有成四年。最近佢突然之間同我講佢要移民，離開香港，又話已經退咗學。當下我嘅心情真係勁驚訝，我從來都冇諗過呢啲事會發生係我身上。諗吓諗吓我突喊咗出嚟，喊左有半個鐘，真係勁唔捨得佢。但係好奇怪嘅係，我問過佢身邊嘅朋友，佢哋都冇喊，而且嗰個人唔係我最親嘅朋友。我喺學校唔係一個好入群嘅人，而佢就係一個好外向嘅人。所以我啱啱入嚟讀呢間學校嘅時候，佢都幫咗我好多。我依家成日都會喺度諗返學嗰陣時冇咗佢之後會變成點，成日都越諗越唔開心，搞到我冇心機做其他嘢。我都有嘗試去接受，但係一時三刻真係適應唔到。再加埋呢個疫情，可能連係佢離開香港之前同佢見個面都唔得，搞到我呢排成日都好唔開心，日日都諗住呢件事。我應該點做⋯⋯

#NSS個人 [GUEST] 有沒有人有易服癖？

#NSS其他 [guest] 長文慎入 係咁的，我今日搭地鐵去旺角，因為疫情冇咩人，個車廂只有幾丁友。有個哥仔上左車，當時我右手邊一個人都冇，全部吉位，個哥仔環顧四周之後坐咗係我隔離個位。當下我嘅第六感同我講要小心。果不其然，1分鐘都冇就開始搞小動作，開始扮打電話一邊摸我大俾。一次兩次我就算，一而再再而三試探性嘅摸我真係忍無可忍，於是我就一嘢搭上咗呢位哥仔嘅膊頭問：好唔好摸啊？然後呢位哥仔就彈起身。笑死仲要話我無中生有，離嗮大譜。我就開始鬧人，扯住佢件衫鬧。我話你真係以為我唔知？呢度有人證有人睇到巴拉巴拉。我估計嗰陣時我鬧佢嘅聲音應該兩節車廂都聽到，佢以為自己好高其實我覺得佢連170都冇，仲要係度用身高由高到低想要壓我（指氣場），笑死我直接兇翻去，真係我唔發威你就當我係Hello Kitty係唔係？摸人大俾唔認仲要咁大聲反駁話冇做過，真係笑死我。哥仔以為自己大聲就係啱。 好好彩坐係我對面個大哥好好人，自己打緊電話都幫我，就叫個哥仔落車去搵客服報警處理。落咗車之後個哥仔越行越快，個大哥就叫住佢。停係停咗，但個位非禮我嘅哥仔就好似腦殘咁大我話報警啊，我唔驚之類，然後將自己身份證攞出黎，我就攞手機去影啦，佢隻手又縮得幾快下，真係笑死我。因為太嬲所以有啲片段唔記得咗，不過最後調解，呢位哥仔90度鞠躬道歉。我之後同幫我個個大哥道謝都帶好深的怨氣(主要係一時間調節唔到情緒）嬲到手都震埋，真心好嘔心。（語無倫次） 我想講而家啲人睇落去五官端正，白白淨淨，青靚白淨，斯斯文文都會做埋呢啲嘢，真的很嘔心。如果唔係我腳痛我早就起身換位了。順帶一提我著衫著得好頹，就波鞋加短褲（學校運動褲短啲嘅普通短牛仔褲）加上一件長袖連帽外套，拉鏈拉上去到心口位。就真的認真嗎？精蟲上腦？我甚至係熬夜成個星期加素顏？？？個look頹到咁都可以遇到咁嘅人真的無語到極地。可能有人就話，你露得你隻腳出黎你就預咗俾人睇或者俾人摸啦巴拉巴拉之類。唔該用下個腦，而家係唔係古代？而家21世紀啦唔該，邊個再講埋呢啲咁嘅冇腦說話我就真係覺得你好好笑，係咩封建思想？？我只會替你覺得可悲：） 我喺度提醒大家，無論係男仔或者女仔，一定要小心周圍的人。尤其是係有人開始有意無意咁接近你身邊並且企圖或意圖做齷齪事嘅人。雖然我知道冇可能有預知能力，但係只可以盡可能避免。有時候自己的第六感都係一個好好的工具。另外大吉利是講一句，如果當真係咁唔好彩有人非禮的話保持冷靜，拍片影低罪證，然後捉住隻手大聲叫非禮或者大聲質問你做緊咩之類。氣勢要夠，唔好驚，宜家好多人都唔夠膽出聲。男仔就可能擔心面子所以就默默啞忍，女仔的話就怕，唔敢出聲。我同你哋講，唔好怕，香港地好心人很多，講出黎一定有人會幫手，只怕你唔講。 最後再次多謝出手相助嘅個位大哥，如果可以的話真的想講多次多謝。大家都要小心宜家啲變態，光天化日都可以做埋呢啲事真心離譜。願大家唔會遇到呢啲人。

#NSS個人 [PRE-抑鬱症患者] 距離上次行街，已經係年初一嘅事🙃 如題，我已經差唔多兩個月冇行街。而年初一嗰次甚至係我喺屋企一直黑面一直話「年初一要出去行大運」，屋企人先俾我出。點知幾個月前同而家相比，簡直係小巫見大巫😵‍💫 可能有人會問：「你點樣可以足不出門兩個月😨」以我為例，呢排「暑假」我日日都上Duolingo(P.S.唔係ads)學法文，一次個幾鐘左右。剩低嘅時間大概係趕晒啲功課先，或者睇書；再唔係就玩健身環。總之就係渾渾噩噩咁過日子😑 今日問咗阿媽，問佢幾時再俾我出街。點知佢話：「百幾宗或者清零先。」我即刻嚇到喺張床度彈起，擘大對眼望住佢🙂識嘅人類其實已經可以出街，有啲甚至係一直都冇停過；而我就淨係可以困係間屋入面。如果係咁嘅生活，咁我寧願入jail幾個月，起碼可以出戶外放下風先😇 往好嘅方面諗，呢個「暑假」可以趁機improve下自己。但如果咁樣落去，我諗我應該會有精神病，入青山(or小欖)🙄

#NSS個人 [Guest] 「其實咁樣真係令到人好煩惱」 Hi小妹今年form4,有件事想問下大家意見，咁前排見到個post話俾異性朋友鐘意好煩惱，我自己身同感受，所以有感而發。 之前同佢一直處於同學狀態，唔係好熟。但之後我同佢陰差陽錯咁喺同一間補習社補習，就慢慢變咗朋友。真係完全係朋友嗰種。到後來佢會成日搵我傾無聊嘢，又逼我同佢打機（我本身係唔打機 佢係咁叫我陪佢打機 我懶得再同佢對抗就同佢打咗一排 之後就搵籍口拒絕）成日問我一唔一齊跑步，話自己邊緣人冇人同佢玩叫我陪佢，又趁機喺班同學面前話想同我一齊，我就知瀨嘢喇。 咁我就即刻遠離佢，完全唔俾假希望佢，但佢成日無啦啦走嚟暗串我係渣女，但我乜都冇做過。可能係因為我不嬲唔係嗰隻日日攞住部手機等人搵我嗰隻，佢經常訊息轟炸我，我一冇覆佢message佢就問我係咪真係好憎佢，佢係唔係好煩，我有同佢講過「係，唔係人人都得閑到攞住部手機等人搵，我都有嘢要做，有嘢想做，但我要做同想做嘅一定唔包括全天候等你嚟搵我」當然都有更mean咁鬧過佢，但佢send個😂俾我之後就扮冇事發生，繼續煩我。 之後佢同我住同一個屋苑，日日朝頭早就喺我屋企樓下等我。喺學校佢周圍同人講佢鐘意我，之後佢個frd日日帶頭起哄，搞到全班一有機會就起哄，老師一叫佢個名就起哄「表白表白」一叫我叫名就起哄「應承佢應承佢」搞到我好尷尬，啲老師完全唔理，由得佢哋起哄。

#NSS個人 [guest] 小妹今年f2 ，我好似鍾意坐隔離班一個男仔，唔係話特別迷戀，都係超級鍾意，就係只係成日諗起佢。小五、六嘅時候已經有啲feel，不過我覺得只係短暫嘅好感所以就冇咩諗頭，但係近排一諗起我嘅理想男友，就會諗起佢啦。我會成日夢到佢，唔知點解🤔我同佢冇咩交集，小學同佢講過幾句嘢，但係中學就冇。而且仲會成日諗起同佢一齊，不過現實冇可能㗎啦，我同佢都唔熟，我好細膽，所以唔會主動搭訕。感覺九成都冇機會，感覺佢淨係知道我個名同我係邊個😅😅

#NSS愛情 [Guest] 我真的喜歡了您很久。 她是一位同性老師。轉學後的一見鐘情，導致了我幾乎大部分的中文課都在表現自己。我成績好了很多、但也因為這事兒苦惱了很久。 不過我還不知道她有沒有對象。 每一次的WhatsApp聊天，我都好期待她到底會回什麼，每一次鼓勵我我都好開心。 可是這段關係成功與不成功都見不得光。 山有木兮木有枝，心悅君兮君不知。

#NSS社會 [Guest] 作為一名中國香港人，我對中國香港人愛國的熱情之低感到憤怒，為了教導中國香港人如何愛國，我會展示一個愛國人士的日常。 首先，我起床後會立即大喊共產黨萬歲三次，然後向習主席像行禮。我頓時沐浴在主席的光輝下，十分温暖 然後，由於陪合政府防疫，我已經兩年沒有出門了。我在家裏種草，養幾箱蟲，偶爾打開窗抓野鳥，畢竟吃野味是中國人的優良傳統，只有吃野味才能百病不侵，不怕新冠。 然後，我會打開cctv學習。我不由感嘆新中國真是強大，以一已之力抵抗八國列強，在最困難時期也只是餓死幾千萬雙豬，沒有餓死任何一人。 晚上，我摸摸自己的瘦小的身軀，不禁感謝黨對我的恩，我摺好了棉被，然後睡在地上，很快就睡了。 中國香港人忘記了國家的大恩大德，令我痛心疾首。中國香港人，務必開始上述在止暴制亂後的美好生活，才能刀槍不入、保家衛國。

#NSS家庭 [Kyc ] 1.其實自我小學開始 我老豆已經係個勁麻煩又長氣嘅人 只係當時小學唔識反抗 先至造就左今日嘅佢 好啦宜家到咗中學 自從由中一開始 佢好似踏入更年期咁

#NSS學校 [To CFSS] 各位CFSS嘅同學，你哋真係覺得學校會處理？ . (希望admin可以擺上IG，唔該晒🙏🏻🙏🏻。如果有字詞可能會觸犯社群守則，咁希望admin可以幫手修改，萬分感激🙏🏻🙏🏻) . . 各位中華基金中學嘅同學你好，本人早前見到 貴校有4個post都鬧一個人同人性交和去酒吧飲酒，我相信應該是同一人所為。本人在此想表達自己的經歷，希望各位同學知道怎樣處理。

#NSS家庭 [Guest] 其實點解我屋企人一直控制住我嘅？ 我現在F4，16歲。我從小就一直被我媽管著。先說一下背景，我爸就很長時間都在工作，我媽就家庭主婦，無時無刻看著我。 在家的時候，因為我沒房間，我媽就會在我的附近一直“觀察”著我，無時無刻盯著我，就連做作業，打遊戲，聊天都要在我身邊看著我，一點私人空間都沒有。 在日常生活方面，我媽會煮東西給我吃，每天一樣的，分量還是很少的那種。之後我就跟她說我吃膩了，她還是不會讓我自己煮東西吃，只能她給我煮。然後，每天都有固定的時間吃飯和洗澡，還不讓我自己調熱水，只能用她給我調的水。如果我想買一些吃的回家，她也是不讓的，她會一直罵我亂買東西什麼的，就是我不能買自己想吃的，只能吃她買的。 一開始以為疫情原因吧，我媽不讓我出門，一月到現在都沒有出去過了。後來我才想起來，我是本來都很難出門，基本上一個月才一倆次，每次出門都需要提前的“審批”。我就算出門了，也要四點多就要回去，還要跟她報備我去哪了。看到朋友他們都能隨隨便便都能出門了，不管多晚也可以，而我的出門機會是真的少，就覺得很與眾不同，也很想像他們一樣能隨時隨地出去玩。 在很多方面我總是覺得我媽在控制我，從小就這樣被管著了。希望成年之後就終於獲得“自由”吧

#NSS愛情 [Guest] 係咁嘅，小妹宜家F.5，讀緊女校，上年發現咗自己嘅性取向係偏向bi嘅，咁係幾個月前就鐘意左個frd下稱A，到宜家都繼續暗戀緊佢，唔夠膽表白因為「佢都鍾意我」呢個只係錯覺人盡皆知。 之前我對A同對其他frd係有好大差別嘅，搞到啲frd話我重色輕友，咁我就諗住改下啦，宜家放緊所謂嘅「暑假」，我同A傾少咗好多，反而成日同frd傾偈，咁我因應唔好重色輕友呢個大前提，我對我啲frd講啲嘢又好似好曖昧咁（我認為），但係應該係正常女仔frd都會咁樣講，例如咩「愛你呀」「唔好咁掛住我呀」或者講下疊詞咁樣。 但係我唔知點解好有內疚感，好似對唔住A咁，（雖然只係暗戀）但係對A差別待遇又俾人話重色輕友🫠。 純發洩，sor for 1999 Thx admin

#NSS個人 [GUEST] 小妹今年一開學嘅時候識咗三位好朋友，但係我近排覺得我好似好唔合群。 我呢三位好朋友好多共同嘅話題，例如佢哋都鍾意聽日文歌、鍾意畫畫、一般都係用英文嚟溝通同傾計，但係我就鍾意聽韓文歌、係畫畫方面毫無天份、英文說話能力方面亦都唔好，所以有陣時佢哋講嗰啲話題我都插唔到入去，而我有興趣嗰啲佢哋就一啲都冇興趣。 雖然有陣時講呢啲話題嘅時候，佢哋都好包容我，嘗試比我一齊同佢地傾，但係去到中間我已經完全唔明佢哋講乜嘢，每晚瞓覺之前都喺度諗：「佢哋會唔會因為我參與唔到佢哋嘅話題，而同我絕交呢？」 而我喺度嘗試了解佢哋嘅話題，嘗試加入佢哋嘅討論嘅時候，佢哋就已經講緊另外一樣嘢。當我問佢哋講緊乜嘢嘅時候，佢哋雖然好耐心咁答我，但係我硬係覺得自己好似好蠢咁。 雖然我都有諗過同佢哋唔再做好朋友，但係我覺得咁小事就唔做好朋友好似好衰。 sorry for 1999

#NSS家庭 [N/A] 講下我背景先：係家中嘅獨生女，因為某啲原因，所以冇細佬妹😭（其實我唔知點解😢）！ · 我想講下我嘅感受比有兄弟姊妹嘅人🥲 · 我身邊好多朋友都有兄弟姊妹，而個個都話佢煩/唔鍾意佢/佢蝦你，但我其實好羨慕🥲，因為我自己一個真係好悶🫠 · 我知～佢哋會搶你嘅玩具，但係你試諗吓，如果你一個人，係真係好悶😭😭😭😭😭 ·

#NSS個人 [Guest] 我呢排好辛苦，做每樣野都覺得好對唔住阿爸阿媽 事源係兩個月前，阿爸阿媽喺度傾緊比家用同埋錢嘅問題，我聽到佢哋話呢兩年因為疫情都無去旅行，但反而錢用多咗，以前阿媽啲家用過完一個月都會有剩，但而家每個月差唔多用晒咁滯，我個陣就係度諗會唔會係我嘅問題，因為呢一至半年左右我轉左間學費比較貴嘅補習社，多咗兩樣課外活動。 個日開始我就無時無刻都諗緊呢個問題，我覺得自己去咗補習但係成績嘅進步上升咗唔係太多，比起其他同我一齊補習嘅同學成績仲有一段距離，我就覺得好內疚，可能我性格比較內向所以我平時都比較少問問題。另外我補習社都會有教一啲讀書方法，但有一啲我覺得對我來講唔係太work，所以我本身都冇跟，但而家我覺得唔用就好內疚，我覺得我令阿爸阿媽蝕錢。 而呢種內疚感只係越嚟越嚴重，我有追星，平時去cd舖我都會忍唔住買一隻專輯，但而家就算佢哋話送俾我，或者我可以用自己零用錢或者利是錢買我都唔想要，因為我覺得我成績同各方面都冇進步唔應該收禮物，同埋如果我用自己錢買就等於浪費左佢哋啲錢。 而家我會用唔同方法想減少我嘅內疚感，我比平時專心咗上堂，補習多咗答問題，多咗好多時間溫書，放多咗時間係練習個啲課外活動，無再買嘢，我仲會幫阿媽做家務，一齊買餸，甚至我會襯佢哋唔覺意放啲錢落佢哋銀包，入啲錢落佢哋Alipay，再攞佢哋電話刪除收款紀錄，但呢啲方法根本行唔到，就算我溫緊書我都會覺得好內疚，諗起佢哋話家用唔夠洗，或者我煲吓劇做吓平時鍾意做嘅嘢都仲係覺得好辛苦，甚至我覺得我唔可以娛樂，空閒時間應該攞嚟讀書，唔係嘅話我就會我就會辜負咗佢哋比我嘅栽培。 我可以點做？我知可能誇張咗，那呢啲嘢全部都係我而家經歷緊，我日日個心銀住銀住好唔舒服，又瞓唔着，今朝仲因為呢件事五點幾就扎醒咗，大家可唔可以俾啲意見我，我應該點樣做，唔該晒大家🙏🏻