#NSS個人 [GUEST] 分手後幾日無聯繫又開始傾番計，有啲糾纏不清。分手原因係我發現咗佢平時同佢朋友講我壞話，私底下同另一個女仔傾計又扮唔識，甚至post story hide我，不過我冇同佢講我知道咁多，只係以缺乏安全感為由分手。我知道佢唔好，但係我真係忘記唔到佢，點算？

#NSS個人 [GUEST] Hello唔知大家仲記唔記得我呢，我係 #NSS210126K 嘅樓主，講返我依家嘅情況先，我依家係153cm，雖然我覺得唔係高得特別快，亦都唔係特別高，但係我仍然覺得好開心，因為我已經接納到生得矮嘅自己。 我今日投稿就係希望同大家講，唔好咁在意其他人嘅意見呀！我明白㗎，聽到人哋因為身高體型而嘲笑你，望住同齡嘅人或者明星有着自己最羨慕嘅身型，難免會覺得自卑…但係希望咁多位可以欣賞同埋愛錫自己，無論高矮肥瘦，你依然係獨一無二又閃閃燦爛嘅你呀！呢幾年嚟我曾經因為身高而好自卑，甚至會喺夜晚偷偷地喊過，但係後來我慢慢學識接納自己，發掘到自己嘅優點，亦都接受咗生得矮呢個事實，明白到愛自己真係一個好重要嘅人生課題。 另外，為免有人想知，喺度講一講返我為咗增高做咗啲咩： 首先就係每晚臨瞓前拉筋，具體方法都係上網搵，呢度就係唔詳細講啦。 第二就係我每日朝早都會食早餐同飲豆漿。 最後就唔使我多講啦，都係早睡早起，每日都行吓至少半個鐘，做吓運動。

#NSS學校 [何文田某傳統名校] 小妹係插班生,本身係因為依間學校嘅名氣而入嚟,喺大家眼中佢係校風好好,但係入到去完全唔係依回事。第一日返學，大家都唔歡迎插班生，因為會覺得我哋拆散佢哋啲友誼。永遠都係小圈子，直至識到一個比較好嘅朋友，佢就要去外國讀書。之後就係惡夢嘅開始，欺凌,俾人偷嘢,俾人笑,俾人打，我可以話我冇諗過Band1學校會發生呢啲事！點解做插班生咁難嘅？

#NSS學校 [CFSS] 之前學校嗰位大6同學講到自己變埋受害者。佢講到自己觀音咁,話咩自己會畀次機會投稿佢嗰個人,肯道歉就原諒人哋。仲有話呢啲係自己生活,其他人唔應該評論,而家係因為係你搞到其他人呀嘛。嗰位同學自己都識講係自己生活啦,日日都同人講話自己有幾多女,去洒吧,覺得自己犯法好威又唔知出面D女個個都成隻鬼咁。喺學校周圍攞人哋電話,煩住我啲friend同埋啲女同學,成幾級都畀佢煩暈。知道自己奶咗事,話會同學校講??!真係笑死,佢仲即刻del曬自己去酒吧,同女一齊嗰D story,咪又係淆底。連廣東話都未學好,覺得自己英文好勁,書面語+口語+英文 撈埋一齊去鬧人,成個低能咁。而家佢死口唔認自己同人上床,咁唔明點解要佢要同咁多人講話自己有,而家仲講到自己係受害者。 之前喺學校打人,鬧人,我相信好多學生冇睇過都一定有聽過,唔知今次佢點兜呢。

#NSS學校 [lhymss] 小妹文筆唔太好請見諒🙌🏻 話說小妹今年F1，聽聞班主任重女輕男同一直想佢教d學生同佢d仔女一樣，每日都攞我哋同佢d仔女比較，佢嘅仔仔女女已經係大人我哋同佢哋有得比咩？？ 直至有一日，班主任無端端打嚟同我阿媽叫我上進d見我交功課嘅時間好耐先交，我知道我的確係有小小，但係佢又話我到時全家靠我一個？？我屋企人唔止我一個仲有我兩個細佬，仲話我再咁樣到時做收銀，跟住又攞我同佢個女比較😅咁我都唔care啦，佢每日俾我哋一大堆功課又話佢d仔女做嘅功課比我哋多，要我哋學習吓佢仔女，開口埋口唔係要我哋學佢仔女就係話我哋平時唔聽書，之前佢又留返d男仔留堂，Form 3嘅師兄師姐話我哋嘅班主任對d師兄特別嚴格，就算做錯一dd 就俾佢鬧到飛起，我真係好唔理解點解佢要一直攞我哋去同佢嘅仔女比較🤦🏻‍♀️

#NSS個人 [GUEST] 小妹F3 我阿媽成日叫我去英國讀書，想問下去咗外國嘅人意見。🙏🏻

#NSS學校 [Guest ] 其實我係一個同性戀，本身識左個朋友A打機（A唔係gay), 跟住我同A朋友一齊玩，被佢既friend 笑我係女人，gay，btw 我接受，我在意既係，未來我同A打機，我擔心佢都會被人笑。如果為左佢，我離開佢就無野啦，不過我其實鍾意左佢，鍾意得都幾深，1年半度，我唔想失去佢。我好擔心最終佢會係佢朋友同我選擇前者，因為之前就發生左一次。。。不過係因為我打機水平差，我唔知可以點做，離開Aor 繼續下去？

#NSS個人 [Guest] 我覺得生存好辛苦。(長文慎入) – (如果認到我係邊個睇完就算。) 如題，我真係好攰， 由於上年十二月頭到而家三月中， 我一直喺一個抑鬱同焦慮嘅狀態入面，仲越嚟越嚴重。 由友情到學業，越嚟越大壓力。 –

#NSS學校 [［GUEST］] 長文慎入，特別羨慕X。同X唔熟唔同班，但每次經過我都會起心裏面諗系咪我做得唔夠好？對X既感覺都不斷轉變。 有次老師叫我個名，某D同學開口問，乜xx班有個咁既人？我知佢冇惡意，但我都系班中既一份子呀……😢相反X一個人坐係自己位，都會有好多人自動波走埋去。X一個人企系走廊，無論嗰日太陽幾晒，都會有好多人走埋去。 我知道X系一個好女仔，我都好鐘意同呢種人be frd。X俾我既感覺系內向，明明我同X都系內向者，點解待遇完全唔同？😃 我開始留意X，甚至想追蹤X IG，想學佢、仿效佢，可惜我得到既係0⃣️吖，X唔俾我追蹤，見住X嘅追蹤者由幾百跌到幾十，不斷又跌又升，又淨Fol我唔俾我fol返，我就知X唔系見唔到我既追蹤要求，而系特登唔俾我Fol，花咁鬼多時間刪Followers都唔俾我Fol😇 因為X，我開始焦慮，覺得自己有情緒病。我以為我同X系同一類人，系我既救贖，點知無論我幾努力，起佢眼中，我系禽獸不如。的確，連貓狗都不如。如果我當初考好D，就可以同X同班，或者，大家都會記得我。我明白X可能永遠都唔會知我既存在，但我會以X作為目標，堅持永遠會有結果💖 後尾X批咗我既追蹤，我先發現誤會咗佢😅佢根本乜都唔post，X既Follower全部都係同級、同校，所以X系咪記得我?

#NSS個人 [Guest] Hello，我係一個就黎要移民既F.3學生.👋🏻 其實移民呢樣嘢我最擔心既係去到嗰邊嘅校園生活🫣所以我想問吓大家有冇啲自己或者身邊朋友移民，去到嗰邊既校園生活經驗❓ 想知道同啲同學仔相處得點？或者係功課考試各種跟唔跟得上？唔該曬🙌🏻 （麻煩小編po ig 呀唔該🫶🏻）

#NSS個人 [guest] 今日係3月25日我坐喺屋企睇住出邊落好大雨但係我真係好肚餓我想出去嗌外賣食但係我又唔想出街因為出邊落緊雨就算我真係出咗街咁我應該嗌乜嘢外賣食大快活定係麥當勞 admin pls post thx 不喜請噴 噴大力D

#NSS個人 [GUEST] ｛內含負能量｝我是今屆DSE考生，向來成績還可以。以學校predict的成績確是能入到理想科系，但又覺得學校可能predict得太高，不是我能力範圍能考到的成績。 最近這段時間我平均每天溫8、9小時，但有時覺得自己能力不足或休息太久，會很沮喪，加上在疲勞的狀態下，甚至有衝勁自殘/自殺。我有看精神科及見社工，但目前先暫停了，因為與他們傾訴需要花費一段時間，而且他們聽完之後也未必能給我有用的安慰，反而我要花更多時間向他們解釋。 我身邊有一個常關心我及 較理解我的朋友，是個比我大幾年的男生。但我覺得自己有點太依賴他，有很多事都想與他分享、傾訴。所以最近很努力地克制自己不要去找他，因為這樣好像會令我們之間的關係變得奇怪。我很清楚感受到 他只是當我是朋友/妹妹般照顧。 但我在日常生活中表現尚算正常（在朋友、家人、老師眼中）我會與身邊的人有講有笑，定期向朋友、家人表示關心，買禮物給他們。這是我出於真心為他們而做的。但同時我亦感受到自己心理狀況非常不佳，但又無法開口與他人傾訴。陷於這種狀態，我很迷惘。請問有什麼建議給我嗎，或是責罵也可以。最後感謝你看完這段文字，亦衷心祝福你身體健康以及快樂。

#NSS個人 [GUEST] 做女仔好辛苦 我平時出街前都會打扮下，襯下衫咁。但自從大個左開始打扮之後，我出街經常會好明顯地感受到其他人的目光，令我非常唔舒服服。不論我着短裙長裙，都係有人望實我（同正常路人嗰種一閃而過嘅目光好唔同），唔理佢內心係含有色情定係鄙視嘅成份，但嗰種眼神真係會令我好唔舒服。我又唔想為咗其他人而去改變自己嘅衣着，因為我鍾意着咩其實根本冇錯。最後，想話俾各位男仔聽，其實你望人嘅視線係好明顯，不論係望腳定望胸😉

#NSS個人 [我係咪有病] hi,大家好。表達能力唔係咁好。sorry🙏🏿 唔知點解，小妹而家越嚟越難同人相處，冇任何嘅原因，我見到人，聽到人聲等等，都會變到非常煩躁、炆憎。😢 除此之外，身體接觸，小妹都係非常之討厭，冇原因，就係討厭同人接觸。(屋企人,朋友) 更加希望所有人當我透明，唔好叫我，唔好掂我。或者當我死咗都ok 以前好有耐性聽人講嘢，而家態度都變到非常惡劣，就係三句唔埋就鬧人。小妹都知自己非常有問題。控制唔到。(有嘗試控制)🙏🏿情緒好似過山車咁大起大落。 比起同朋友一齊玩，小妹更加鍾意自己匿埋喺間房度，聽唔到任何聲音，見唔到人，好安靜咁樣做自己任何嘢。唔會覺得孤獨，反而好enjoy(？) 小妹咁樣其實係咪有病？有冇方法可以解決(？希望大家唔好鬧得咁犀利🥹🙏🏿 sorry

#NSS個人 [Guest 比同級人大3年，好似冇真心朋友] 我本人F2 ，正常應該08？但我05… 總之比人大3年，因為之前某啲原因要重讀。由中一到依家冇咩人知我幾歲，我只有同小學朋友/中一幾位frd講過。我唔知有冇人同我一樣係咁嘅情況🥲 係學校唔知道點解有啲尷尬，唔知啦 總之有種feel… 小學全級人都知我幾歲，佢哋以為我太大個？挽唔埋？所以冇真心frd ，其實有啲唔開心.

#NSS學校 [Guest] 為人師表？ 小學三年級，一次嘅次交功課變成我嘅陰影。我唔小心留咗本音樂書喺學校，而下一日第一堂係音樂堂，但係功課要做3頁，我唔夠時間去做。事後我同老師講番，佢話都要照罰企，我認我係抵死，咁我都同其他欠交功課嘅同學一齊企喺後面。然而喺呢個時侯，我妹妹嗰班咁岩經過，我望住佢，佢望住我。我已經覺得好瘀好想搵窿捐，但係個老師仍然加多把口：「Aiya, 比人睇度添，真係好醜怪。學吓你精英班嘅妺妹啦。」 即使而家已經過咗7年，而家升左中四，唔需要再面對呢位老師，但係呢一句嘅威力已經令到我喊過無數次，更加係促進成抑鬱症焦慮症嘅其中一個元素。你當時冷嘲熱諷嘅語氣、諷刺嘅眼神、冷漠無情嘅冷笑……你做嘅每一個動作、每一句說話都可以經常出現喺我嘅惡夢入面，嚴重嘅甚至會以幻覺既形式出現。我好想佢消失，我好努力唔去諗，但係佢嘅威力我抵擋唔到。我當時只不過係小學三年級，我冇做過任何得罪你嘅行為，每一堂我都好靜好專心咁樣聽書，我唔明你點解要咁做，點解要加多一腳去踩踏我唯一嘅童年。當時我好努力忍住眼淚，向大家微笑，同大家講我冇事呀，但係最後我都係忍唔住。 前一排返小學探老師，無意中見到佢，我當吓好驚，我唞唔到氣，腳軟，手指不停刮自己，刮到流晒血都繼續。佢嘅行為又浮現喺我嘅腦海中，嗰一把聲、語氣、笑聲全部出晒嚟。 身為老師唔係要做一個榜樣嘅咩？為人師表？你完全冇資格做一個老師。一句說話嘅殺傷力就係咁有威力，就算道歉都冇用，傷害咗就係傷害咗。我係咪可以好返？我想正常。

#NSS個人 [guest] 喺外國讀書仲大壓力過香港。 當時俾人半呃半tum咁話要移民，但係歸根究底我根本就唔想離開我啲朋友同埋喺香港慢慢建立嘅一切。我好感激父母對我做嘅所有事，但係我一直都唔ready去離開我嘅成長地。 好啦咁諗住喺外國讀書會輕鬆啲啦個個都咁講㗎嘛，我婆你阿嬤彈彈波仲辛苦過係香港喎。可能因為我讀文科啲同學個個都係native speaker又對學緊嘅嘢有basic knowledge，我成日都覺得好自卑好痛苦，唔知自己幾時先會到同學嘅level，加上又就嚟考mock搞到自己勁精神緊張，日日都唔productive之後又好內疚乜都做唔到。 可能因為我父母讀書都唔錯，我成日覺得自己好蠢，好似咩都做唔到咁，又覺得自己會冇大學收，搞到原本好咗少少嘅undiagnosed depression and

#NSS學業 [guest] admin po ig pls 好唔開心…小妹有adhd，自知要比其他人努力先可以追上其他同學，但好似幾努力都冇咩用，我已經一個禮拜日日補習但成績都係上唔到去，由其是數學同LS，英文都唔係幾好…仲有Bio 同geog，D卷我基本上做曬，但做嚟做去都差唔多個個分。 想知各位學霸平時點温書可以教下我，我好似點chur都進步唔到🤕

#NSS學校 [Hfcc] 我哋係女校，喺我哋學校有一個同學佢收人錢幫人做功課，其實出面都有啲代做功課，所以本身都唔係話啲咩好出奇嘅事，但係佢收嘅價錢仲有啲貴添，其實大家都係同年級，佢就收人哋大概$40up，咁都算啦，問佢啲答案係唔係一定啱，佢竟然話唔擔保一定啱，只係跟書上面教嘅，認真咁講如果係嘅話搵出面嗰啲同你同樣價錢起碼都會確保啱先囉，況且大家都只係一個學生，係咪應該要讀好自己書先呢？幫人做功課反而會害咗佢，但係佢仲堅持收錢，咁細個就有經濟頭腦真係好佩服佢，覺得佢咁嘅行為真係好唔應該囉，唔知話俾老師聽會唔會記佢一個缺點？

#NSS學校 [Guest ] A F.2 girl, have some friends in