#NSS社會 [GUEST] 那些日子對於現在的我而言，似水流年，一去不復返。 每朝清晨起床，先自律的做一會兒運動，以從矇矓的睡意中清醒過來。通常我都不吃早餐，直接換衣服，出門，穿過屋邨商場，去巴士站，等待着巴士把我送到我的第二個家。 在那從前的日子裏，似乎什麼都是美好的。睜開眼睛，透過窗戶看到初昇的朝陽，即便我是住在約三百呎的公屋，沒有自己一間房，習慣了家人仿如陌路，亦總會有一兩分雄心壯志被激起，對新一日充滿期待的感覺。 落到街看到藍天上那些形態每天各異的雲朵，時而白得像可人的棉花糖，時而如一層層百葉窗讓陽光在背後射出，由潔白渲染成黃金般燦爛，金澄澄的，令人對迎接新一天充滿信心和鬥志。不時有聯群結隊的雀鳥飛過，奔向遠方，不由得聯想自己變成那些雀鳥，一定也會有熣燦奪目的將來。 多謝admin大大 待續

#NSS個人 [GUEST] 小妹今年F2 有啲友情上嘅問題， 我有嗰friend玩得好熟，亦都識咗2-3年 唔知點解呢位friend忽冷忽熱（？，有時唔覆我3-4日不過又見到佢po story..有時又好熱情，不過大多數都係我主動搵佢。佢之前又同我講，話自己冇安全感..缺愛啊呢啲…又有時候無啦啦嬲我..？次次都係我道歉..每次我都同自己講算啦。咁我對佢都係當佢係best friend咁，佢都有話我係佢best friend🤡呢排佢又玩失蹤，明明online又唔覆我。其實我係咪做錯咗？我問佢我做錯咗啲咩，佢已讀不回…我唔問佢，佢又唔開心。我心好亂..其實呢段友誼係咪喺時候結束..？sorry for

#NSS學校 [CFSS] 喺上一個學校嘅post (#NSS220320A) 都有講到，有位大陸同學經常喺班房撩事鬥非 。其實佢已經冇乜朋友，同學都唔太想理佢，但係佢都係喺班房反枱反凳同同學嘈，日日開口唔係”我幹”就係“操你媽” ，畀佢打完都唔知發生咩事。佢其實唔止喺自己班係咁，佢經常喺學校鬧人，打人，之前仲有見過佢喺籃球場撩人打交。仲有騷擾啲女仔，師姐師妹都有，好多女嘅都成日畀佢死纏爛打。嗰位同學仲成日喺社交平台分享同啲女仔去酒吧嘅相。除咗呢位同學，隔離班有一位男同學，佢成日高調同人講自己有好多女。之前試過喺上堂嘅時候對住班同學同埋老師大聲話自己大把女，仲有同學聽過佢話自己同女朋友發生過關係。同啲唔好嘅同學喺同一個環境學習都會好大壓力，人哋對你嘅印象自然都唔會好。其實好多老師訓導主任都認識呢啲同學，希望唔好有咩事淨係記個缺點，訓話下就算。 Sorry for 199

#NSS個人 [GUEST ] 可能有啲人會唔信，但係我有時會聽到公仔同我講嘢。 小妹今年中二，細個嘅時候屋企人送咗隻熊嘅毛公仔俾我，之後每晚都會同佢一齊瞓覺，又會同佢傾偈，最近日日都留喺屋企，跟住就開始無時無刻都攬住熊仔。 小學六年班嗰陣第一次聽到佢講嘢，嗰陣有個同學成日針對，跟住返到屋企就去搵熊仔傾訴，之後我就聽到熊仔同我講嘢，聽到佢安慰我。 升咗中學一排，嗰個同學已經無再聯絡，跟住就再聽唔到熊仔把聲，去到中二上學期鍾意咗個人，我哋試過一齊但係無幾耐就因為我嗌咗交，連朋友都做唔返，之後就同熊仔傾訴，就喺嗰陣再聽到佢講嘢，佢每日都會安慰我。 之後我同鍾意嘅人和好返，跟住又再聽唔熊仔把聲，嗰陣都過得算係開心，又無發生特別嘢，但係過咗一段時間，我再聽到熊仔把聲。 每次聽到熊仔把聲都係我有啲真係好唔開心嘅事嗰陣，但係今次唔知自己有發生過咩事，但係持續仲聽到熊仔把聲。 如果睇醫生係咪會再聽唔到熊仔把聲？佢每一次都會安慰我，佢好溫柔，永遠都唔會離開我，直接同屋企人講我驚佢哋唔信我，同同學講佢哋又可能會笑我，我知自己咁樣係唔正常，雖然好矛盾但係我想可以變返正常，但係又好驚真係聽唔到佢把聲。

#NSS個人 [對呢段關係有啲奇怪⋯求解答] Y 係一個同級男仔 小妹同Y一樣而家中四，我地由中二開始同班識，而家唔同班，我同佢就同普通同學差唔多，走廊經過hi bye咁樣。我個ex不嬲都唔鍾意佢（分咗手成年），因為覺得佢成日聊兄弟女朋友，所以我之前都冇特別同Y講嘢。 但直到今年2月14日情人節，因為咁啱派成績表，我不嬲都全級頭10，但可能因為Y喺學校公布欄見唔到我名，佢就ig我「唔好咁灰，你永遠喺我心裡面都係第一」我覆返佢「多謝你早唞」，之後佢就由2月15開始到今日3月23，每日早晨早唞，但大家冇其他特別嘢講，只係每日佢主動早唞，我第二朝先覆佢早晨。請問各位，咁即係點🫠有點僵⋯⋯求解答🙏

#NSS個人 [Guest] 唔知有冇人同我一樣🥲雖然有啲矛盾，好想疫情快啲完回歸正常生活，但又唔想俾人見到自己除口罩個樣，例如嗰啲喺疫情期間識嘅人，佢哋未見過我真様，如果比佢地見到我除口罩個樣嘅時候我會覺得好驚😞我覺得我會咁應該係因為我個人平時冇乜自信🥲🥲想知道有冇人同我一樣諗法

#NSS家庭 [Guest] 小女今年F3,想講我真係頂唔順再留喺屋企，我真係好大壓力…我真係唔明究竟係我問題定點，點解我D家人咁鬼嚴…已經逼我打晒三針，但係又唔俾我去街係咩事？成日就話驚我啲朋友中咗唔知跟住同左我出街…咁打完針都有抗體啦 仲驚得咁多咩？我真係覺得我已經冇晒自由…咁唔通一世唔出街？其實真係好唔明點解佢哋咁嚴，我連可唔可以拍拖或者拍拖都驚比佢知或者比佢鬧… 我真係唔知可以點做 … 我覺得佢真係比起好多人嘅家長嚴好多。所以究竟係我問題定係佢哋問題？Thank u

#NSS愛情 [GUEST] 小妹第一次拍拖，前幾日發現男朋友會望住同其他女仔diy，雖然我平時都有同佢講性嘅話題，但係佢都唔會話想同我做或者諗住我黎diy。其實嗰日聽到佢話diy諗住嘅係另一個女仔，唔係自己嘅時候，都好唔開心，好嬲😔我唔知道自己會唔會有啲咩問題，或者自己控制欲太強，不過佢講完之後我覺得自己好似對佢冇吸引力，唔開心咗好耐。想知道大家會唔會有相同問題或者可以解答我點做🙇🏻‍♀️ （sorry for 1999) 麻煩admin post🙏🏻

#NSS個人 [Guest ] 睇到人哋嘅story有感而發純粹想發洩吓,每次睇到人哋生日嘅時候總係會有一大班人同佢地慶祝,po ig同佢哋講生日快樂,寫長文比佢哋。有成10幾個人寫長文鋪IG整佢哋啲相/醜照同佢哋講生日快樂。甚至有啲將所有嘅祝福鋪晒上IG。我呢,連佢哋嘅一半都冇呀😀 每一次睇到呢啲嘢,我都有啲sad,人哋生日嘅時候我都有同佢哋講生日快樂,點解到我生日嘅時候啲同我講生日快樂嘅人即使睇到我story,都唔同我講生日快樂,可能而家啲人就係咁善忘⋯ 啲唔熟嘅人都算啦,至弊生日嘅時候連有啲朋友知道我生日都唔會同講。而家講句生日快樂好難為你哋?都係一句啫嘥你哋好多時間?平時問功課要抄答案要WhatsApp就唔覺得麻煩嘅😀,咁好囉,以後你哋有乜嘢事我都唔覆你哋咁好唔好啊?都幾好喎咁簡單嘅嘢你哋唔寫,咁啲咁複雜嘅事情我都冇必回覆啦棧嘥我時間😹😹 經過呢啲事我發現永遠生日正日都唔會過得開心,再諗返轉頭其實以前冇IG嘅時候,生日係過得好開心,而家有咗IG反而生日會過得冇以前咁開心.… 麻煩Admin po上ig🙏🏻

#NSS社會 [GUEST] 講返少少背景先，我今年17歲，讀f5。可能有啲長，希望大家睇晒。我有啲字會特登寫錯因為怕畀ig ban，希望大家明白唔好喺comment捉我錯字，同埋希望admin會po🙏 不論以往有過啲乜野防亦政策，我都堅持唔打金十，依家我冇針紙冇豁免紙，即係代表我冇得堂食冇得入商場，可能你哋會覺得我好蠢，報自己中左咪有豁免紙囉，但係我見到個隔離營嘅情況，加上聽到身邊真係有人入左，我就真係寧願唔攞喇。 然後我就有個朋友都係堅持唔打金十，好對抗呢啲policy，但佢就中左，咁我都覺得呢啲野係個人選擇黎嘅，所以無論佢報唔報我都唔會怪佢，佢報咗所以有豁免紙。 但佢自從有得豁免之後，佢就係咁哂佢自己有得堂食，有得做我做唔到嘅野，例如佢會無啦啦話第時有晚市我冇得食，有時行過d餐廳就串我冇得堂食，傾計又無啦啦笑我冇得同女朋友堂食，但係我女朋友根本唔介意，仲尊重我做嘅選擇。唔知佢受左啲乜野刺激，佢突然同我講打金十有幾好，我完全唔知佢發生乜野事，佢自己口講嘅堅持，難道只係因為佢冇其他辦法嘅藉口？佢仲會係咁嗌我試下堂食，不過講明如果罰錢佢唔會負責。 可能你哋會覺得係我敏感咗姐，但我都幾肯定唔係。佢直程係會無啦啦行行下街，show個qr code出黎，喺度話自己有得豁免，好開心，仲喺度講佢全家都有豁免紙，然後就會不斷問我點解唔申請，唔係一次，係不斷不斷。我已經解釋咗點解我唔申請，但佢仲要係咁問，仲話入隔離營咋嘛有咩所謂，大把人都入左，但如果我真係入，係咪佢幫我入先？除左呢個理由，我仲已經講左如果我食野前要掃code又要做一堆野，我都唔會食得開心，既然我唔開心，我仲做黎做乜撚野？但佢都係當我耳邊風，繼續問我點解唔攞豁免紙。 呢件事令我好困惑到底自己係咪真係有問題，點解我會因為一啲個人選擇而畀人笑，仲要係最熟嘅朋友，佢一開始都係咁話堅持唔用亦苗通行證，但係依家呢？有啲「著數」就串返曾經嘅自己，仲要覺得自己好威，我真心唔撚明有乜野好哂？？？唔通佢覺得自己高人一等？何況我嘅個人選擇關佢撚事咩，我自己會負返責任，但佢又係咁逼我做第二啲選擇，但又唔會負責任，真心覺得佢好撚仆街。想問下呢啲frd我應該絕交，定係點？之前佢都成日笑我同佢做唔同嘅野，我已經分唔清佢係想我乜都聽晒佢話，定係純粹笑我冇得豁免。同埋想問下有冇人有同我差唔多嘅經歷。

#NSS個人 [Guest] 吾知大家有冇聽過一個病叫妥瑞症/抽動症～ 係嘅冇錯，小弟我患左呢個病～相信好多人都對呢個病名好陌生，吾知係咩黎。其實呢個病嘅患者，通常身上都會出現一啲不自主嘅抽動，好似抽一抽搐咁，呢 D動作係控制吾到～其實我真係好想講，我哋呢個病嘅患者，真係真係好辛苦。 好似以我為例，我抽動嘅動作有時大有時細，通常番學或者同朋友出街嘅時候，因為佢地吾知我有呢個病，佢地就會問：你郁完未呀？/你做咩成日係咁Fig？雖然我知佢地吾知我有呢個病，我吾怪佢地，我知道可以同佢地解釋下我咩事，但係都會有 D難開口。同埋其實我聽到佢地咁話同咁問，其實心裡面都有 D難受～ 我真係好想同大家講，我地呢類型嘅病患者真係好影響我地嘅社交～ 我真係真係好希望，如果大家身邊都有缺陷，例如患有可能係妥瑞症，過度活躍症或者自閉症嘅人，希望你地可以包容下佢地，吾好笑或者歧視佢地🙏🙏

#NSS個人 [?????] 因為呢個疫情 就入咗kpop坑 2020 12月仲入埋卡坑 咁直到而家仲收緊卡。本來覺得冇乜人會呃錢 好少會有寄失嘅情況出現，但係呢排就正正發生咗呢兩件事。涉及嘅金額雖然唔係好大，夾埋都淨係大約$100到。但係都係自己儲嘅零用錢 都有啲肉緊。但係都覺得好唔開心，明明收卡就係想自己嘅心情好啲，開心啲，點知就會放多咗時間 擔心啲卡嘅情況

#NSS家庭 [GUEST] 小妹F3，有個P6嘅阿妹，佢唔理屋企冇錢，成日嘈住要屋企裝修，要有自己間房，我覺得佢好煩同唔生性，所以我呢幾日都唔太開心。 由細到大我同阿妹瞓同一張床，房入面有一張書枱。佢又鍾意同朋友FaceTime，每次我都會讓房嘅書枱俾佢，我就除瞓覺外多數都喺客廳。 阿爸本身人工唔係非常高，疫情期間佢仲失業，佢搵緊工，同時又向我地隱瞞。我知道佢失業，係因為唔小心聽到佢同人傾電話。我地最近變得節儉，水電煤少用，煮嘅餸變得好簡單，做主婦嘅阿媽仲走埋出去做嘢，阿妹都唔察覺，仲日日喺度撒嬌，央求改裝書房做佢自己嘅睡房：「我要碌架床！我要自己一間房！」阿爸話：「冇錢呀，一整就要裝修全屋，要70萬，好難儲錢㗎！」我聽到呢句，已經好心痛。阿妹真係唔明白屋企嘅經濟困境……因為咁，我連包養/PTGF都諗過，但自己樣貌身材又唔夠好…… 我明白佢需要個人空間，我都俾咗好多空間佢，好少喺房，又遲過佢瞓，早過佢起身。到底點先可以令阿妹明白屋企嘅困境，暫緩一下屋企裝修嘅計劃？

#NSS學校 [guest] 回應NSS220320F（即係講學校包庇成績好學生嗰一個投稿） 我同嗰位樓主一樣都係中三，小學五六年班嘅時候經歷咗好多，間學校好似變咗古代宮廷咁，個個喺度玩宮鬥。 我哋嗰陣時中文科由一位副校長教，下稱K副校，佢好愛一位同學，下稱J同學，J同學屋企好有錢，經常捐錢畀學校，仲會成日送禮物俾老師討好老師。由於我哋普通學生同埋佢哋嘅爭鬥太多，我淨係會分享最大單嗰一件。 當時我哋派數學卷（冇記錯係呈分試），有一條題目我哋好多同學都答啱，唯獨J同學答左一個奇怪嘅答案。J同學扮晒嘢同佢媽媽講，叫佢媽媽幫佢上訴，然後佢媽媽就不斷捉住數學老師同數學老師上訴。之後經過數學老師嘅討論，學校同意咗佢個答案，俾答呢兩個答案嘅學生都可以攞分。 突然之間有一日，數學老師無啦啦同我哋講學校只接受J同學個答案，本身最開頭答啱嗰啲一律當錯，會扣分。咁因為呈分試關係，本身答啱嘅同學都好緊張，個個都好唔開心，一眾家長亦都唔明點解要改答案，希望學校取消條題目，不過學校唔願意。 最好笑J同學突然向K副校指控我哋欺凌佢，甚至亂作我哋之間有同學篤佢額頭，令佢受傷。明明K副校唔關事，但係佢無啦啦差隻腳入嚟呢件事，仲要對一眾無辜嘅同學作出各種無理嘅懲罰。當我哋以為校長會作為中立者介入，校長竟然因為J同學捐錢多，包庇佢，連同K副校一齊針對一眾同學。自此之後，冇同學夠膽再出聲，每個人都驚咗J同學同埋K副校，怕佢哋會再做出啲咩行為。 我講呢件事係想證明香港嘅教育制度究竟有幾大問題，乜捐錢多就係代表一切？咁同貪污有咩分別，學校係社會嘅縮影，當大家以為香港呢個地方唔會再有呢啲事發生嘅事情，竟然會喺咁多學校之中發生呢啲事。老師教學生唔應該犯法，但係校長老師本人就一直做緊呢啲事，請問公義何在，教育嘅理念又去咗邊。

#NSS家庭 [guest] 大家好，小妹今年f2，懷疑有躁鬱症，少少嘢就好想大叫、喊、發癲，夜晚經常失眠喺度爆喊，少少嘢就諗好耐、煩好耐，搞到自己好唔開心（自己控制唔到亂諗嘢）但係自認都有好好控制自己嘅情緒，發脾氣嘅次數大概 一年唔多於三次。 咁我媽媽就係公認 脾氣暴躁嘅，少少嘢都會鬧爆我或者阿妹，有時無啦啦大叫，嚇到我彈起，同埋非常無理取鬧，好多鬧我嘅原因都係無中生有，通常我俾人鬧都係一頭霧水。咁我本身就唔太醒目，（喺屋企弱智咁，出到去就冇咁唔醒目）做嘢會亂曬手腳，做得好慢，或者好少事都唔識做（應該係因為太緊張，幫其他人手嗰陣唔係咁弱智），之後佢就會鬧到我飛起，發曬癲咁，阿爸有時都會一齊串/笑我唔醒目。 我面對呢啲情況，大部分都係任佢鬧任佢打，但係有時真係會駁嘴，例如我失眠，佢早上7:00左右都會叫醒我要我落街幫佢買飯（其實佢自己都買到），我同佢講 我啱啱先瞓著，之後佢就會狂鬧我，我覺得咁都幾無理，咪黑曬面咁換衫出門口，佢又鬧我態度唔好，我忍唔住反問佢「你唔覺得自己有問題？」佢更加嬲，然後我爸爸要出嚟做和事佬。呢啲事都發生得幾頻密（對我爸爸嚟講） 我唔認為我係發脾氣，就算係，我反問完佢之後都有係咁道歉，最尾都係佢係咁鬧我，全程我淨係出聲問咗一句嘢。但係我媽媽非常識得加鹽加醋，佢會同我爸爸講「頭先你個女話我臭雞啊」「佢有鬧我啊」咁我緊係有澄清啦，但大家都仲覺得我脾氣差。 咁問題嚟啦，我爸爸成日話我脾氣好大，成日黑口黑面好難搞，話我成日俾麻煩佢。咁小妹本來個樣已經係好似黑面咁，再加上克制情緒嗰陣會有啲嬲，面色唔係幾好，但係我認為呢啲唔算發脾氣，反正阿爸阿媽見到我黑面都會繼續鬧，同埋黑面呢啲真係改唔到，我個樣就係咁。

#NSS家庭 [guest] 大家好，小妹今年f2，懷疑有躁鬱症，少少嘢就好想大叫、喊、發癲，夜晚經常失眠喺度爆喊，少少嘢就諗好耐、煩好耐，搞到自己好唔開心（自己控制唔到亂諗嘢）但係自認都有好好控制自己嘅情緒，發脾氣嘅次數大概 一年唔多於三次。 咁我媽媽就係公認 脾氣暴躁嘅，少少嘢都會鬧爆我或者阿妹，有時無啦啦大叫，嚇到我彈起，同埋非常無理取鬧，好多鬧我嘅原因都係無中生有，通常我俾人鬧都係一頭霧水。咁我本身就唔太醒目，（喺屋企弱智咁，出到去就冇咁唔醒目）做嘢會亂曬手腳，做得好慢，或者好少事都唔識做（應該係因為太緊張，幫其他人手嗰陣唔係咁弱智），之後佢就會鬧到我飛起，發曬癲咁，阿爸有時都會一齊串/笑我唔醒目。 我面對呢啲情況，大部分都係任佢鬧任佢打，但係有時真係會駁嘴，例如我失眠，佢早上7:00左右都會叫醒我要我落街幫佢買飯（其實佢自己都買到），我同佢講 我啱啱先瞓著，之後佢就會狂鬧我，我覺得咁都幾無理，咪黑曬面咁換衫出門口，佢又鬧我態度唔好，我忍唔住反問佢「你唔覺得自己有問題？」佢更加嬲，然後我爸爸要出嚟做和事佬。呢啲事都發生得幾頻密（對我爸爸嚟講） 我唔認為我係發脾氣，就算係，我反問完佢之後都有係咁道歉，最尾都係佢係咁鬧我，全程我淨係出聲問咗一句嘢。但係我媽媽非常識得加鹽加醋，佢會同我爸爸講「頭先你個女話我臭雞啊」「佢有鬧我啊」咁我緊係有澄清啦，但大家都仲覺得我脾氣差。 咁問題嚟啦，我爸爸成日話我脾氣好大，成日黑口黑面好難搞，話我成日俾麻煩佢。咁小妹本來個樣已經係好似黑面咁，再加上克制情緒嗰陣會有啲嬲，面色唔係幾好，但係我認為呢啲唔算發脾氣，反正阿爸阿媽見到我黑面都會繼續鬧，同埋黑面呢啲真係改唔到，我個樣就係咁。

#NSS其他 [GUEST] 小妹第一次投稿，sorry for 1999 小妹純發洩=］ 每次提起我中意或者想做嘅事都會有人話我。 每次講到我中意嘅明星，身邊仲會有人話「你個大陸妹」「你唔係覺得你配得上佢啊！？」「你呢啲人真係6uo 嘅，中意理啲大陸明星」「你中意佢啊？等我買佢嘅地氈返嚟踩」 「佢都唔靚仔，咁樣衰」「你點都唔會同佢結婚㗎啦」；每次講起我嘅夢想，都會有人話「你唔好發夢啦」「就你，你做到咩」「你發乜夢啊」

#NSS學校 [Re #NSS220320A] 冇錯，一個中二男仔同女仔上床 早前見到 #NSS220320A 有人話有個大6人蝦蝦霸霸，又同其他女仔上床，見到有幾多人討論佢，我決定要比大家評評理。 一，佢有勁多女朋友。冇錯，一個中二嘅學生竟然有非常多女朋友，多到一隻手都數唔晒。佢條友仲要引以為榮，成日係IG放佢同各個女朋友嘅dm出嚟，仲成日喺度唱情歌，最重要嘅係唱得好難聽。而且佢因為廣東話勁差，而且只係識殘體，所以佢啲女朋友都係大6人 二，成日去洒吧飲。眾所周知，香港法律係講到明洒吧係唔可以俾18歲樓下嘅人飲洒（佢07年），不過佢就成日去洒吧飲，仲po上IG，驚死冇人知佢犯法咁。佢仲會帶埋佢啲女朋友去飲添。 三，與未成年少女發生性行為。佢之前係課室度承認佢曾經衰十一，而且佢曾帶個女仔去洒吧飲洒，令到個女仔墜咗，然後帶個女仔上個男仔屋企度同佢性交。冇錯，就係咁痴線。

#NSS其他 [GUEST] 有冇人都好鍾意睇國家地理頻道National Geographic?早排訂咗Disney+，發覺National Geographic真係好正，有好多例如歷史、大自然同埋太空的documentary。基本上你噏得出嘅都有。 圖Link: https://m.media-amazon.com/images/M/MV5BMTczNDg2ZWEtYWU1OS00NDA5LThjYzQtZTA1OTY3YmQzM2NhXkEyXkFqcGdeQXVyNDExMzMxNjE@._V1_.jpg

#NSS學業 [GUEST] 辛苦曬admin！ 大家好，小妹係2023dser，成日聽人話2022dser係condom，確實2022dser係真係好慘，但2020，2021dser都一樣慘，但係我一直好羨慕佢地有完整嘅初中生活，可以感受中學校園嘅氣氛。 聽到身邊好多2022dser表示想retake嘅時候，對於dse係越黎越緊張，佢地可以retake，我地連retake呢條路都冇🫠。同時林奠表示將暑假推前到三月嘅時候，即係表示緊我地要連續全年無假期咁chur到dse嘅時候，就更加驚之後會冇時間好好整理自己啲notes。2022dser係condom嘅時候，2023dser就係炮灰。大家dse都要加油，身係呢個咁嘅教育制度同政權底下，更係要考驗大家嘅時候，加油💪🏻我躝返去溫書了🫡。 sor for 1999 再次thxxxx admin！