#NSS學業 [GUEST] 同我哋講好好利用呢個特別假期 放低學業休息下 但就個個禮拜每一科都俾功課我哋 今年學校轉咗個新校長 所有制度都變晒 最離譜嘅係呢個特別假期每個禮拜每一科都俾功課我哋 真係好有問題 中三有大約十科

#NSS個人 [Guest] 女 14歲 想知道女仔會唔會自慰 成日都聽到男仔會打飛機 但好似好少聽到女仔 我個人來講比較早熟 應該話好早就比同學帶壞 小四小五就開始知道有AV之類嘅東西

#NSS家庭 [女校] 小妹屋企長期有個問題，希望大家可以安慰下/幫手解決下。好耐好耐之前，小妹嘅阿媽由於頂唔順佢老公嘅鼻鼾聲所以下令分房瞓，於是就出現咗依家阿媽瞓大房，老豆瞓我間房，我瞓客廳嘅情況。 大概三年前，老豆意識到自己嘅女兒開始長大，需要自己嘅私隱，於是產生咗俾返間房我瞓而佢係屋企再劃一個房瞓嘅念頭。只可惜嘅係，老豆佢貴人善忘，早出晚歸，一直無時間去處理依家問題，而媽子亦表示唔關我事我唔理～ 三年前嘅我仍然係個細路，所以一直對於呢件事無太大嘅需要，阿爸問嘅時候我都話慢慢嚟啦無所謂。但依家嘅我已經就嚟18歲，小妹開始意識到私隱嘅重要…是關小妹無論同朋友同學定機友傾計，必定會被父母係邊個，然後就叫我唔好講嘢太大聲/叫我唔好亂識人之類；另外小妹瞓覺嘅時候睡姿真係麻麻，不時就會飛起咗件衫，然後當呢個畫面被老豆/阿媽見到嘅時候，小妹又準備要被教導一番… 另外衛生都係一個大問題，客廳由朝到晚都被人坐係正常的，偶爾坐係客廳剪甲都係正常的，但重點係當上述兩個事情遇上夜晚係客廳瞓覺，就會即刻感受到成個畫面有啲唔太頂得住。 講到呢度，大家可能會問點解唔解決咗佢，但事實係老豆有種開空頭支票嘅感覺。雖然老豆好忙，但佢亦會不時抽時間嚟陪我哋，享受天倫之樂，只不過就算放假有時間行街，但一講到房嘅問題，佢又即刻話唔得閒。小妹認為事情嘅進度慢無所謂，但點都好過咩都唔傾唔做，然後不停講想阿女有私隱，俾假希望我。 感謝睇到呢度，如各位有任何方法嘅，歡迎講出嚟幫下小妹。感謝admin。sor for 1999。

#NSS個人 [Guest] 我成日都覺得我父母有啲偏心，我細個已經覺得係不過就冇乜點出聲。我由細到大都比較容易病，成日都會肚痛同埋感冒，到近排我細佬佢病咗，我阿爸阿媽好緊張佢。我病過咁多次佢哋都未試過咁樣關心我。我唔明白同樣都係病點解我細佬病就咁關心，我病嘅時候就佢哋好似覺得好平常，唔會特別關心。 其實我都知可能係我多心，不過我真係成日都會忍唔住咁樣諗。大家可唔可以幫我分析下佢哋究竟係偏心定係只係我多心。 以上純粹係我個人嘅情緒。Sor for 1999

#NSS愛情 [無性戀] 無性戀 唔知大家對無性戀有咩睇法同認知 無性戀、無性向（英語：Asexuality）是指認為他人缺乏性吸引力，或是缺乏或有着低度性慾的狀態(雖然Google搵 而我係由正常性取向到性單戀再到無性戀而且係不婚主義 一開始我都有諗過點解最近對異性不感興趣 而且抗拒接觸 甚至一諗到同異性拍拖就覺得好煩好嘔心 格住屏幕傾偈都係。但係我對女仔好似又冇呢種感覺所以我有懷疑過我係同性戀

#NSS愛情 [GUEST] 男人有上進心係咪必需？ 兩個都中六，佢留咗兩年。我最後一個月急起直追緊，底唔差所以進度幾好。但佢係留過兩年，好多科都係勉勉強強嘅程度，又唔肯去温去讀，係摷埋notes俾佢都唔願睇嘅程度。 當初會一齊係因為佢好識關心人，所以唔夠兩個月就一齊咗，到而家一年幾。佢其他方面未必好好，可能因為第一次拍拖唔熟，但佢好聽我意見好就我，我鍾意食一樣野會係咁食，佢就陪我食到我厭為止，我揀飲擇食都唔嫌棄我。唯獨係要做野呢方面，佢其實唔係蠢，但真係好懶，懶到我同佢講好多次今屆係易咗入大學，只要肯讀一定得，佢都唔理我，繼續日日打機。 原本諗住睇開啲，成績唔代表一切，直到佢尋日話要我將來讀到大學返黎養佢，我個心即刻超唔舒服。我睇唔慣佢咁大個人都冇啲掙扎，得過且過嘅態度。我讀書係為咗將來嘅自己可以獨立，唔使邊個養我，就算俾男人拋棄都可以自己養自己。可能我諗野太傳統，我覺得男人要女人養係無能嘅象徵。佢講嗰下可能只係玩笑，但由佢一向嘅做事態度黎睇，我覺得唔係冇可能。有諗過要唔要同佢講清楚，但我真係冇信心可以說服到佢去温書。 撇除呢樣野我地一齊得都幾開心，但一諗起/提起呢樣野我就覺得好厭惡。男人有上進心係咪必需？將來嘅野好難話得埋，可能佢突然有機會打到份好工，就唔會有上面嘅問題，但現實真係有咁理想？萬一到時佢又成舊爛泥咁錯過曬啲機會，咁真係會變我養佢架喎？我又唔想咁樣，我個人而家好矛盾。

#NSS愛情 [沙田Band1學校] 我決定放低你啦。 其實，我地之前一起嘅時候，我成日都覺得你好似完全唔想俾人知。我都明。以前嘅我勁任性，唔夠成熟，成日欠交功課同埋走堂。仲有，我做好多嘢都係想用功先用功。雖然我成績好，讀band1學校，但係有一排我都feel倒你唔鍾意我嘅態度。宜家雖然我改變咗，但係我地一齊嘅時候我都覺得你好明顯超唔想同校人知。如果你接受唔倒我以前既印象分咁低（例：我玩埋D幼稚嘢而羞恥），咁一齊只會令我唔開心。所以，最後我都要好決絕咁講，我地冇可能一齊。 仍然以朋友身份留係你旁邊嘅我希望你可以早日揾倒個好嘅女朋友，同佢過得幸幸福福。

#NSS學業 [Guest] 想問下有冇人係retake報ucas去英國？ 諗大家都知BNO㗎啦，小妹都係睇到新聞先有去英國讀書嘅念頭，但係做完research之後我發現今年UCAS報名截咗止🥲等clearing section剩低嘅都唔會有我想讀嗰科 咁我就即刻去搵agent睇吓有乜方法解決，最簡單就係讀foundation，但係計埋生活費一年都20幾萬，有錢都唔係咁用㗎🫠 第二個方法就係retake/repeat，我問個agent佢話我淨係要retake 4科唔包中文通識，問IDP嗰邊又話要有學校比嘅predicted grade，變相我一定要repeat?（&我預咗今年成績都好唔到去邊，而想讀嘅又係神科，所以基本上點都要重考） 依家我乜頭緒都冇..有冇人之前有retake/repeat去英國嘅經歷可以分享下😭🙏🏻🙏🏻

#NSS學業 [GUEST] 我係DSE考生 但係我唔係好明SBA個抄襲係點判定 因為我上次做完中文SBA嘅時候 得閒無聊多手走去睇其他人對本書嘅評論 結果發現我有啲part同網上嘅好似 我好驚因為咁而俾人DQ或者大學會因為咁而唔收我 所以想問下DSE係點樣為之抄襲 唔同字但同樣意思計唔計？

#NSS個人 [觀塘某中學] 唔知大家試過極度妒忌一個人。係，我知道，嫉妒係一種負面情緒，我都係唔係諗住合理化我嘅心態。但係我比呢種情緒困擾左好耐，我都好討厭自己妒忌人。 我好妒忌一個人，簡稱A，佢做咩都好過我，我並唔認為自身資質平庸，甚至可以話係聰穎。我同A相處過，我知道A真係蠢蠢地。但係佢不斷努力贏左我，我好妒忌，唔知幾時開始呢種嫉妒衍生成憎惡。佢做咩我都覺得好討厭，我好清楚我呢種諗法係錯嘅，可能你地會話：你咪承認人地好過你囉！ 我點會唔知佢好過我呢。 所以我好討厭自己，討厭自己只係因為人地優秀而憎恨佢嘅行為，討厭自己咁唔中用。 我有冇努力過？ 點會冇，但係已經追唔上佢。 呢種情緒真係好痛苦，我投稿係因為希望有人可以比啲建議我去脫離呢種感覺。 屌我嘅話就不必了，因為我唔係唔知自己錯咩，所以我唔需要人地黎屌醒我。

#NSS其他 [guest] hi！好奇大家有冇中意嘅外國或者香港vtuber？我最近迷上咗 超正

#NSS個人 [GUEST] 其實我真係唔想再畀人當係男仔咁 小妹今年F1文筆差，因為自閉所以唔係好識表達想法，sor for 1999 *長文慎入* 我小學同中學都係讀女校，因為我性格似男仔，又可能因為我有輕度自閉症，好多同學都當我係男仔咁。 我好記得小學嗰陣有兩個同學特別鍾意話我係男仔，同佢傾計我唔明佢講咩佢就話：「女仔先明嘅」 咁其實我已經好nice，次次佢咁講我都當佢冇講過咁，但係其實我真係好嬲lor。

#NSS其他 [GUEST] 我成日會因為驚俾人討厭覺得好焦慮… 小妺而家form 2，但其實由form 1開始已經好在意人哋點睇我🫠 form 2因為同本來係frd嘅同學發生咗一啲事，之後在意人哋點睇我嘅程度大大提升… 上到中學難得識到一班自己真心覺得frd嘅同學，成日將啲心事講比佢哋聽，好驚比佢哋討厭。 有時會焦慮到喊或者有種唞唔到氣嘅feel，之後就開始諗自己嘅缺點，自己有幾冇用有幾廢，唔知點解之後就會覺得自己唔應該存在，開始想死，仲有幾次夜晚準備瞓覺嘅時候用手叉住自己條頸，但係我又唔敢將呢啲事講比啲frd知，驚佢哋覺得我好奇怪，所以唯有喺呢度講…

#NSS個人 [Guest] 本人中五，呢個暑假真係超多嘢做，d功課多到數唔晒，每科都有三四樣。4月開始仲有補課，每日補三四個鐘，唔敢想像嗰陣嘅我係點有幾累，對眼都就黎zoom盲。好心快d復面授課啦，難得而家同之前幾個星期前比少左咁多宗…… 好想約朋友出街，好耐無見佢地，有d噁心咁講句係有d掛住佢哋同埋返學時光，所以我之前都好珍惜同佢地相處的時光。 呢段時間係屋企度就狂做功課，悶嗰陣就睇下大偵探第7季，真係好睇到不得了（唔知有無人睇過呢）啱晒我呢d推理迷。呢排想聽返廣東歌，大家有無d好聽的廣東歌介紹😶

#NSS學業 [Guest ] 究竟點解中文dse 卷係「死亡之卷」？明明學生自細都係講中文，但係學生就死係中文卷度，咁究竟係份卷太難定學生中文太弱？中文dse 卷出現過一啲情況係連文章作者都唔識答啲問題，咁係咪份卷有問題呢？我真係好憎中文考試呀！我知，學中文係認識文化，提升個人修養，但點解中文可以咁難㗎！ （sorry大家，我只係因為做中文功課做到好沮喪先嚟投稿，我唔知自己講咗咩，希望大家唔好鬧我）

#NSS文化 [Guest] 身在香港，鐘意中國傳統文化就係罪？ 樓主自細就特別鐘意傳統文化，係當年春晚聽到相聲之後就更一發不可收拾。會自己係屋企練樂器、唱曲，屋企人都鐘意聽我唱啦。 但係呢排我隔離搬來一個新鄰居，佢聽到我係屋企練呢d之後次次都狂拍門，有一次我自己係屋練，佢突然走過嚟我門口鬧爆我，搞到勁驚完全唔敢出聲，之後我每次練嘅時候佢都鬧到超難聽，直接上升到人身攻擊以及政治層面。 疑惑放負之餘仲想問下我應該點算，就此放棄鐘意嘅野唔練、定唔理佢鬧我繼續堅持🙏🏻。 thx admin po. Sor

#NSS學校 [GTEYC] 其實我地學校今年八月係會再放一個月暑假，我代表之前亂UP話得兩日暑假D同學向大家致歉，唔好意思

#NSS個人 [GUEST] 求admin出post 是咁的，小弟今年f.5，出年考DSE，最近同上幾屆已經畢咗業嘅師兄吹水，咁我先假設下年疫情已經受控，有O camp，咁CHing就話O camp其實去同唔去都冇咩分別，因為小弟母親就覺得O camp嘅風氣唔太好，唔想我去。但係我又驚唔去識唔到人grp project會俾人孤立，我想問有冇冇去O camp嘅師兄師姐可以分享下？比啲意見我？ 唔該🙏🙏🙏

#NSS愛情 [TMS] 大家覺得拍拖幾耐先可以吻？

#NSS家庭 [GUEST] 首先多謝小編揀小妹編文，事先聲明小妹今次第一次投稿，會好長氣，加上平時係個英文人，所以請見諒 <333 我好攰，覺得自己唔單止想放棄相信人同放棄夢想，仲覺得自己本身就唔應該生存喺呢個世界上。。。 我呀爸呀媽係因為有咗我先結婚，本身諗住分手，點知就發現咗我，小時候我當然唔知情。我一直以為我好幸福，有佢哋錫，以為連續幾日都唔見呀爸好正常，話就話返工，但依家嘅我先知係出軌、佢哋之間嘅爭執同矛盾，但係呢個唔係最黐綫。 小二嘅時候係我第一次正式發現爸爸出軌，更加係我先發現。可能我細個太傻瓜，唔知道有幾大件事，所以直正媽媽發現先講，亦都唔知點反應好。依家啲我都終於明白，原來嗰陣時我已經心知呀爸根本唔愛呀媽。我同媽咪離家出走一個月就返屋企，當冇事發生，我到而家都扮咩都唔知。 中二嘅時候再發現多一次，我叫做明白事理，開解到呀媽，我先知事情嘅來龍去脈。好彩中一鐘意咗Kpop，識得愛自己同做自己，可以話佢阻止我自暴自棄，令我有希望，所以我都堅持到，但係我自己原來一啲都唔OK。原來我失去左對人嘅信任，原來所有人都隱瞞真相，令我好驚，本身好想得到一個愛我嘅人，依家都怕左，見到中學生拍拖表面笑佢哋，但其實有小小羨慕佢哋嘅單純。媽媽再次扮冇事發生，我再扮唔知情，但係我d心底話都唔敢講，因為唔想呀媽擔心。 突然間，我再得到一個痛症，要戴支架，外形同行動上，我失去左好多自信。我同時間覺得，如果我冇出世，呀爸呀媽都唔需要一齊，可以分開，就唔會有咁多問題。 我以為，由嗰刻開始，就係我同媽咪互相扶持，但係，呀媽係個敏感，唔識考慮人哋感受，唔會接受人哋批評嘅人。我好想同媽媽一齊成長，一齊堅強。我成世人淨係介意媽媽對我嘅意見，但係偏偏係佢令我失去自信。佢嘅自私同無知，令我唞唔到氣。佢係我唯一信任嘅人，但係佢反對救咗我心靈嘅音樂同演藝，要我參加佢想我參加嘅活動同比賽，全部都係我最抗拒嘅嘢。我覺得佢好唔了解我。我已經多咗表達自己同講我嘅心聲，但係佢聽完之後冇咗回事，我覺得好心痛。所有同學都係呢段時間覺得爸爸媽媽麻煩，我想同媽媽親近啲，偏偏令我開始憎恨佢。我好唔想，但係我已經放棄同佢溝通。我好鐘意音樂、設計、演藝，但係呀媽成日話賺唔到錢。