#NSS愛情 [Guest] 我只係一個喺深水埗讀書既男仔 讀緊F6，今年19歲，冧過兩年班 因為屋企窮，所以之前上網課成日都會斷網或者download 唔到一啲sources。 我個英文Missy 好好人，今年新嚟接手form6 佢知道我面對緊呢啲困難，所以有時佢會上門幫我補習。可能因為佢fresh grad

#NSS學業 [GUEST ] 本來係2023Dser, 平日成績唔算太好,但係想做中文老師。 咁應該揀教大嘅中國語文教育榮譽學士［中文-5 Best5平均分-21/22)］,港大嘅文學士及教育學士（語文教育）-中文教育（雙學士課程）［中文-4 Best5平均分-33］定係中大嘅文學士（中國語文研究）及教育學士（中國語文教育）［中文-4 Best5平均分-27］？ 戴返頭盔先,資料來自網上

#NSS個人 [GUEST ] 我到底是為了什麼？（純分享心事） 以下為方便閱讀，將會用書面語表達。 小妹是一個平平無奇的f2學生，最近幾個月一直有件事令我感到迷茫，那件事跟一個新老師有關。 升上f2的第一天，我毫不期待老師是誰，同學有哪些。但到了後天，第一次上她的課，我便被這位年輕女老師的教學方式所吸引。 說起她的教學方式，跟我f1的老師非常不同，我f1的老師也沒有什麼特別之處，只是正常地教書，間中說說幾個冷笑話，我也提不起對學習的熱誠。但這位新老師年齡和同學們相差不是太多，只有2字頭，而她也經常開一些我們聽得懂，而且很好笑的笑話。我一開始以為她是個「高冷女神」，但隔壁班的同學卻覺得她很囂張，我對這種反差萌毫無抵抗力。我也因她的出眾的外貌、反差萌和幽默感被深深吸引，學習的熱誠也漸漸提起。 我們班的同學都很喜歡她，當我跟其他朋友分享我這種情感的時候，他們卻說「你瘋了嗎，喜歡一個老師，還要是同性？」儘管我拼命解釋這只是對那位老師的仰慕之情，並無過界之意，但我的朋友還是不相信。但我最沒想過的是，我這種仰慕之情被我朋友和她聊天的時候無意透露了，我第一時間知道後十分慌張，生怕她誤會了什麼，但我也無從開口，只好靜觀事情的變化，但我竟然聽到一句有點傷了我心的話語，我不知所措，只能裝作若無其事。 自這件事之後，我便十分留意在她面前的言行舉止，生怕她看到我不好的一面，但意外還是很快就發生了。（這個意外就不說了，太容易被認出來）那次意外讓我十分害怕，但不是害怕處分，而是害怕我在她心中的印象會不會一落千丈。

#NSS學校 [Hfcc ] 我哋係女校，喺我哋學校有一個同學佢收人錢幫人做功課，其實出面都有啲代做功課，所以本身都唔係話啲咩好出奇嘅事，但係佢收嘅價錢仲有啲貴添，其實大家都係同年級，佢就收人哋大概$40up，咁都算啦，問佢啲答案係唔係一定啱，佢竟然話唔擔保一定啱，只係跟書上面教嘅，認真咁講如果係嘅話搵出面嗰啲同你同樣價錢起碼都會確保啱先囉，況且大家都只係一個學生，係咪應該要讀好自己書先呢？幫人做功課反而會害咗佢，但係佢仲堅持收錢，咁細個就有經濟頭腦真係好佩服佢，覺得佢咁嘅行為真係好唔應該囉，唔知話俾老師聽會唔會記佢一個缺點？

#NSS其他 [Guest ] 小妹依家讀緊F.5，日日有小測/考試已經係家常便飯，都積慮咗唔小壓力痛壓迫感，所以想係到問吓大家平時點樣放鬆自己，活著有無解壓嘅好方法，唔該曬咁多位！ （同大家講個小秘密，我平時都係睇星夢學園解壓(唔知身邊仲有無人睇呢)，咁樣講好似有啲怪，不過呢套嘢真係絕世第一卡通片，啲歌又勁好聽😍）（小莓世一！）

#NSS愛情 [guest] 唔知大家點睇同性師生戀？而我，就係一個成功嘅例子… 我係f4先開始發覺自己係鍾意佢…而佢又好似唔反感我，我就日日落教員室搵佢🤭差唔多一個小息，都會聽到😄(我):「 Excuse me, I’m xxx from class

#NSS學業 [GUEST] 作為一個今年DSE考生，又係一個成績好差，差到連一個可能連asso 都入唔到嘅人，有時真係覺得好攰。 我相信有好多人比我辛苦同攰，但係我係呢一到有小小想分享。 最近好多人都話04年嘅人好慘，我唔敢講邊年係慘又或點，但係對我哋黎講疫情比咗好大壓力同挑戰我哋。 雖然我好耐冇出過街，但係屋企人要維持生計都要返工(冇得WFH)，佢哋每日都會驚因為返工而確診，最怕嘅係會連累我。如果真係因為咁確咗診，我都唔會怪佢哋。但係我始終每日都會好驚係考個一排先嚟確診冇得考。 就係因為確診，而連入考場機會都冇，咁我呢幾年為咗乜？講真個句，我哋讀咁多年書唔係就係為呢一個試咩？ 冇得考，就以校內成績作準。但係對我呢啲成績本身都差嘅人嚟講，真係連asso 都入唔到。

#NSS學校 [GUEST] 見到#nss220320f, 我又諗返起一件小二發生，至此令我有一段時間唔願意同人交流既事。 講番個背景先： 我同「朋友」小一開始認識，但係呢段關係由小二開始逐漸變質。 “如果你想繼續同我做朋友嘅話，你就同我做某啲野” 我一直當佢係bff，再加上當年年少無知,就任由呢一段扭曲嘅關係持續落去。 無論係喺運動場免費將我啲嘢食畀你食,抑或是老師送畀我嘅禮物轉贈畀你, 我都唔介意,我唔介意付出,我只係想繼續同你做朋友.

#NSS學業 [可唔可以唔講] 大家好‼️我係一名band 2b-2c學生成績好差老師話有機會留班自問唔太想讀落去加上疫情玩到冇心機想學一門學藝想轉vtc會唔會太遲😵同埋本身學校啲老師唔太好大家比下意見💗讀緊嘅同學麻煩俾個提議🙇🏻‍♀️🙇🏻‍♀️🙇🏻‍♀️thanks all

#NSS學校 [Guest] 小妹今年F4，喺一間band 1直資英中讀緊。 自從升上中學後，我一直都好想逃避自己小學。我唔知係咪價值觀同埋習慣問題，周圍人都對讀直資中學嘅人感到奇怪，覺得我哋都一定係有錢人，而且學校因為培養學生品格同埋自我，會實行一啲其他學校唔同的教學方式。我哋今年啱啱揀完科，對上一次校友會我已經唔想返小學，到最後都係被逼參加。去到老師同學都問我揀咩科，我自己讀理科 好自然亦就咁答，點知我啲小學同學開始笑我話係靠錢買返嚟嘅，自己唔需要付出努力。 而我亦都算，反正唔需要成日返去，冇理太多。點知有一次我同小學2個frd 去gathering，話飲奶茶，點知佢哋order完之後話自己冇錢要我出錢，話乜讀直資肯定有錢啦，唔請太小氣。 其實問心講句，你哋唔覺得自己做人好失敗咩？成績自己hea唔溫書，走嚟笑啲認真嘅同學。咁厚面皮要人請你，唔慚愧咩？ 純屬發洩

#NSS家庭 [Guest] 大家好，小弟今年中五，阿哥二十幾歲。佢已經大專畢業，返緊兼職，平時有同朋友夾band, 有租band房，佢多數喺嗰度瞓，一個禮拜先返屋企一次沖涼，次次都好鬼臭，成陣流浪漢味。其實而家疫情咁嚴重，佢咁嘅衛生真係分分鐘搞到全家中哂，就算冇疫情，一個禮拜淨係沖一次涼都唔衞生啦，仲搞到成間屋咁臭。阿爸阿媽同埋我都已經叫咗佢好多次要衛生啲，要日日沖涼，不過佢講極都唔聽，點算好？

#NSS個人 [沙田區band 2中學] 唔知有冇人同我一樣，同人講野嗰陣唔習慣望住人地對眼嚟講 是咁的，小妹今年13，最近呢幾年不知不覺養成左一個習慣，就係同人講嘢嗰陣唔習慣望住人哋對眼。但係對住屋企人或者好熟嘅朋友就唔會，係對同學或者唔係好熟嘅人先會咁，自己都係唔覺意，就係不自覺地望住其他地方同人講嘢…我唔知咁樣對人哋來講會唔會好冇禮貌，但係望住佢哋對眼講嘢又會覺得好尷尬好唔自在，係咪淨係得我先會咁？😂😂Thx admin!!

#NSS個人 [GUEST] 小弟f.6 想分享一下我自己的故事 好似係由小學六年級開始，便被人冠以「鹹濕」之名。我都已經唔記得會咁，去到中學更開始變本加厲。 女人喺我眼中就好似物品一樣，隨意唾棄，任我擺佈。佢哋從來都未著過衫，只有白嫩的胴體，令我目不轉睛，眼神迷離。 中二嗰年，我遇到一個女仔，我好似對佢一見鍾情，我對佢完全冇上面所提及的諗法，只想好好去呵護佢、寵愛佢。但很可惜，雖然我同佢出過街，睇過戲，食過飯，但…最後竟不了了之。我仲好記得嗰一日佢問我傾唔傾計，我答佢唔傾，有野做緊，之後就冇再覆我，呢唔覆就係3年。 我冇再搵過佢，因為我廢，懦弱，又怕羞，次次出街都係佢約我先出。我之所以唔主動約佢係因為我怕阻住佢，驚佢有嘢做緊……總而言之，就係我廢。 之後我就喺屋企，終日瀏覽鹹網，荒廢學業，打飛機呢啲就不在話下。我仲變態到睇啲女仔甚至女同學啲story嘅時候，我會cap底佢，之後隱藏佢，得閒可以回味下。 我記得有中四一次，嗰女同學實在太吸引，我print左佢張大頭照出嚟，當顏射左佢，但我覺得唔夠喉。我主動約佢朝早早啲返到學校，教一教我功課。（呢次係我第一次主動約人亦都係最後一次）估唔到佢真係應承我。

#NSS學校 [PKC] 純粹好奇~ 想問培僑書院點解高中同初中都有兩套校服(女裝)(好似藍裙紫衫同橙裙黃衫咁)? 係咪有得自己揀着邊套定係有乜限制㗎🙆‍♀️? Admin po IG plzz🙏

#NSS愛情 [GUEST] 一開始同佢一齊我好開心好天真，覺得冇咩煩惱困難可以影響我地，但反而佢唔開心(佢係一個比較負面嘅人)，因為覺得我終有一日都會離開佢，所以越美好就越唔開心。 咁當然我有安慰佢啦，但後來我發覺現實其實可能唔係咁美好，然後到我驚失去佢(個重點係明明都冇發生咩事)，但係我就唔知點同佢講同佢溝通，所以就一直都冇出聲。近排開始忍唔住喺佢面前喊，佢有問我做咩事，但係我都話冇事。雖然喊完我係會冇事一陣，但唔知下次又係幾時，佢冇再問不過我感覺佢有少少唔同咗，我唔想佢因為我咁小事又喺度諗，因為佢而家已經冇咁負面，我唔太想影響到佢。 唔知係咪因為ex出軌嘅緣故，我冇乜安全感，現任有個男仔frd成日揾佢，本身我都覺得冇乜嘢，但而家越嚟越睇唔起佢唔順眼，有時佢講起佢，我唔想反應得太衰佢實feel到有嘢，但係又表現唔出開心。 其實有好多野都唔知點同佢講(就算係好小事)，可能我會諗同佢講完會唔會搞到佢唔開心？又會有咩改變/反應？ 究竟點解會咁？有冇咩解決/溝通方法 唔該🙏🏽 sor for

#NSS家庭 [GUEST] 我唔鍾意我阿爸，阿媽 講咗我呀爸先啦。 我有個成日喺度怨天怨地嘅阿爸，講埋啲日日出去返工已經夠攰㗎啦，仲要返到嚟屋企望住我哋母女，見到都心煩，叫我讀書我又唔讀，但係我又想講當我讀書嗰陣，你又會話「讀書讀嚟做咩，讀嚟有咩用，咪一樣咁蠢。」我真係好憎佢成日講埋啲咁嘅嘢，喺度打擊我嘅自信心，我一直都好想努力去讀書，但係一諗到要喺屋企讀書就覺得好核突，好討厭。成日都諗起佢話嘅嘢…(或者啲嗰可能只係我唔想讀書嘅籍口)… – 我呀媽係一個家庭主婦啦，比較懶嘅人，日日瞓喺張床打機，未到必要時候，佢都唔會落床。佢亦都唔係幾識教我，佢從來都唔會叫我讀書或都溫書，但有時亦都會叫下，只係因為佢同我呀爸嗌交嗌「好心你就管下你個女，日日喺度瞓，學哂你啲衰嘢」類似啲咁嘅説話啦。 – 其實我父母兩個人都冇點管過我，除咗每日嘅晚餐，好似咩都冇做到。 不過我已經成日同白己講我已經好幸福。世界大把人慘過我。

#NSS愛情 [Guest] 喺度想同大家分享吓我嘅經歷 記得中四嘅時候 「他」被編到去同我同一班 因為疫情緣故 中四初時都係上網課 雖然大家不熟絡 亦因為冇咗真正嘅學校生活 而冇咗好似以前咁因為同班多咗接觸而好快熟絡嘅機會

#NSS愛情 [九龍某女校] 想問高中生有冇可能追到大學生😣 小妹今年f5，但係鍾意左一個year2嘅男仔，同佢唔算係frd黎，之前有段時間我識佢但佢唔識我😂係有次係佢大學撞到佢問佢攞左ig，但係一直都唔敢同佢講野🫠所以想問下大家意見…大學生會唔會同中學生做frd…或者傾下計都好 admin pls post ig thx～🫶🏻 sorry

#NSS個人 [GUEST] 咁喺喱個無聊既「暑假」，頭先見到有個關於cam既post，令我唸起一個我覺得幾無厘頭既故事。 _ 小學我有去補習社，放學去做功課溫書。其他人我唔知啦，但我個人覺得嗰到既氣氛好恐怖😹 有次就黎要考試，9歲既我放學照去補習社。我份人本身就容易唔記得野，上一秒都仲記得，下一秒就可以完全唔咗件事。就係咁，我完全唔記得要同補習老師講考試件事，亦都無溫書。嗰日唔知點解就特別多人啦，由於我做完功課，又「唔洗溫書」，老師難得俾我早放。 好啦，返到屋企，阿媽就問我溫晒書未啊？我就知道瀨野。佢繼續問既然未溫晒書做咩咁早返黎？我話因為補習社嗰日好多人。嗰晚我阿媽逼我溫書溫到凌晨12點。我有聽到阿媽打電話俾補習社，但細節聽唔到。 第二日，又係去補習社既一日～我一入門口老師就拉咗我入去，係其他學生面前用好嬲既語氣問我：「你琴晚係咪溫書溫到好夜啊哈？」 我答唔係 老師：「咁你溫到幾點？1點？12點？」

#NSS個人 [GUEST] 求早訓方式 每晚都會hea到3/4點，重點係真係淨係hea，睇yt，碌手機。成日話要1點前息燈，冇次做到。 小弟已經中6，DSE，咁樣落去唔係好掂。 求屌醒