#NSS個人 [Guest] 每日烈日當空嘅時候，個人永遠都冇動力去溫書去操卷。 夜晚個人想做下嘢，又永遠將啲時間擺晒喺娛樂嬉笑到，仲可以玩到凌晨添。 最後瞓喺張床嘅時候，又會後悔自己嘅拖延，後悔自己冇做過嘢。 仲有一個月到我就要考DSE，想問下咁多位有冇方法可以建議俾小弟，改善自己所謂嘅「冇動力」，或者直接啲講就係唔肯溫書？

#NSS家庭 [GUEST] 小妹我身為追星人，間房牆到黐滿海報週邊好正常la，我阿媽一直都對我追星有d意見，佢今日入我房又開始吐槽d明星點點點，今次終於忍唔住爆咗同佢嘈，內容大概如下： 佢一直指住海報d韓星港星，話男人邊可以化妝，我聽到嗰陣呆L咗，2022年仲有呢啲思想，（p.s.佢係大陸人）我之前聽大陸要整頓娛樂圈，男人唔可以精緻，要陽剛，我仲笑7佢哋，2021年仲有人搞啲咁嘅嘢，點知今日就發生係我身上，不得不讚賞大陸強大嘅洗腦教育。 男人唔可以化妝呢啲觀念我真係接受唔到，佢仲要話我而家接受你審美嘅不完善，大佬，靚唔靚呢樣嘢不嬲都係主觀嘢，我又冇逼你接受佢，佢仲要話呢種美係錯，要矯正我，cls，咁不如我返入你個肚入邊，咁咪唔會有自己思想，獨立思考能力lo。連主觀思想都要控制，咁我真係唔知我要嗰腦嚟做乜嘢。 有個大陸阿媽真係好辛苦，呢啲已經係冰山一角。我、家姐、阿爸都頂唔順佢好多年（p.s.三個土生土長香港人）今年讀大學終於有得走去美國，真係898，咪再灌輸你嗰啲大陸洗腦思想比我。 sorry for 1999

#NSS家庭 [GUEST] 我屋企有個工人姐姐, 佢星期六唔見咗隻手錶(佢唔知自己擺咗去邊), 之後佢不斷搵，搵曬我啲嘢出嚟(我同佢同一間房), 我就同佢講: 啲嘢唔搵過幾日就自動出返嚟。星期日夜晚,佢放完假返到屋企就即刻問我有冇見過佢隻手錶,我話冇,佢態度就180°轉變,我講乜佢都係到串我,仲”勁細聲”係到鬧我(驚死我全屋都唔知),之後又話咩遲D會返印尼,之後我心諗:其實你返印尼係呢個屋企就個個都知。到星期一朝早,我就8:00a.m起身,之後自己去咗整早餐( 其實只係一塊方包+果jam), 喺我整緊呢段時間, 佢又喺我隔離喺度講”

#NSS個人 [CCCKTPS (Primary) CCCHWC (Secondary)] 以前的朋友,現在的敵人 （我文筆可能唔順） K同我係幼稚園就識,係我好好嘅朋友。 直到六年班下學期,我被frd group

#NSS個人 [某女校] 呢篇野係我唸到邊句寫邊句 所以文句唔係好通順，對唔住:( thx admin🙇‍♀️ – 人情似紙張張薄😮‍💨 總覺得女仔嘅友誼好難maintance 有嘢先搵我冇嘢就唔理

#NSS個人 [STTSS] 小妹文筆唔好，純粹想發洩，唔好介意😶‍🌫️ 呢排放假，我都係俾屋企人禁足留喺屋企，可以出一次街已經係好開心，冇得出街都算，仲要日日對住自己阿媽阿婆，佢哋兩個都係嗰D要求自己仔女0粗口，係女嘅話仲要你溫溫柔柔、笑到要暗住口笑，小妺係一個笑點好低同埋會講少少粗口（喺學校先會），而家冇得返學完全冇得俾我開開心心無憂無慮咁大笑，留喺屋企壓力真係好大，我冇得做我最鍾意嘅自己，仲要日日俾屋企人話「女仔要矜持啲！唔可以笑成咁。」真係好煩好煩，大家可唔可以話俾我知我要點做…… Admin pls post ig 🥹 Sorry

#NSS個人 [GUEST] 小弟初中，老豆老母都淺黃，前排佢哋話方便生活所以打咗兩針，呢排出咗疫苗通行證之後開始想逼我打針，之前試過唔問我走去book打針，好彩最後賴死唔走冇打到。到依家都繼續想迫我打針，話唔打針冇得去商場、剪頭髮等等。但係我真係信唔過支針，雖然身邊好多朋友打完都冇乜事。請問我可以點樣繼續say no?🙇🏻‍♂️ Sorry for 1999 謝admin🙏🏻

#NSS社會 [Guest] 大家好 我係一個中二學生 想喺度講少少 關於全港學校提早放暑假嘅事 中文唔係幾好 長文慎入 不喜勿插🙏🏻 —–

#NSS學校 [同葵涌村最出名嗰一間中學有聯繫嘅小學] 小弟係以上小學嘅畢業生，其實本來我都打算啞忍，但係見到咁多人勇敢咁講返小學嘅不良遭遇，情況同埋日本侵華三年零八個月係大同小異，我覺得我都要企出嚟反抗！ 講返啲背景先，我當時幼稚園因為面試次次失敗所以入唔到好嘅小學，但係政府就幫我搵咗呢一間全港最好之一嘅小學。本嚟入到去聽到呢一間小學咁好都應該好開心，但係竟然令我承受咗六年嘅惡夢… 可能係長文嚟，嘅大家可唔可以用心睇埋佢🙏🙏 我將喺小學入面六年內過嘅不良遭遇分成六段寫出嚟，因為真係唔係兩三段講得曬😅 小學一年班，我都承認自己係曳嘅，但係當時啲班長就太過離譜，學校基於有責名制，所以同學犯一次規就會責一次名。咁樣我就因為曳喇，所以班長都針對我嘅，我好記得因為當時我就跌咗一舊擦膠， 所以我就同班長咁可唔可以出去執擦膠， 但係班長就話要等老師嚟先至可以畀我執… wtf！？

#NSS個人 [GUEST] Admin po ig thx 是咁的 我成日都唔識拒絕我表姐嘅邀請。佢會問我想唔想一齊出街，但其實我同佢一啲都唔close, 但係佢就覺得我哋係best frd咁。每次出去都會有埋舅父舅母阿爸阿媽，而且都係去冒險樂園之類嘅地方。嗰啲地方嘅game好貴，我根本唔想嘥咁多錢落去，但係唔去又唔好。

#NSS個人 [Guest] 大家嚟M嗰陣會唔會覺得自己好急屎 個子宮個位好痛 好似塞住咁 然後屙屎嗰陣又會痛到pk 就算屙完都覺得未屙曬 不過又屙唔出 慘過食煙冇火機

#NSS學業 [GUEST] 小妹今年f2 數學嘅成績麻麻地所以就俾阿媽逼咗去間補習社到 我阿媽話呢間補習社有好多同學嘅家長都有介紹 話個老師教得好 而且係針對我間學校嘅嘢教 於是佢就幫我報咗名 我自己一開始都覺得ok嘅 係真係明多咗

#NSS學校 [GUEST] 上次見到做唔到sit up嘅嗰個post，我都想問吓push up可以點練？次次push up都淨係做得幾吓 考試都唔合格…想下次可以做多幾吓 而唔係做得幾吓🙏🏻 thx admin

#NSS其他 [Guest ] 我琴日武肺陽性 但係我唔知點解好嚴重 夜晚冇停過咁咳 加上我鼻敏感 好難呼吸 乜嘢指定診所 online會診全部book唔到

#NSS個人 [ylmass] 小弟16歲，181高，70kg。而家可以原地跳掹框。為左達成入樽呢個夢想，點先可以跳高d or生高d？唔該有冇建議？萬分感謝

#NSS個人 [GUEST] 小弟今年f4, 由中二開始對science好有興趣，成日都好想知每個現象背後嘅原理，次次上science堂都好high, 咁當年已經決定咗大個要做科研，大學要讀science, 而家嘅electives係phy chem bio m2 我今年一直都好開心，因為終於可以告別我唔擅長又冇興趣嘅文科，而且日日返學都有我鍾意嘅science同數學堂，冇晒我唔擅長嘅科，我嘅成績亦都進步咗，滿足感大咗。睇返學校往年嘅數據，以我宜家呢個排名

#NSS愛情 [GUEST] 小妹有樣野想問。🙇‍♀️ 你地覺得係交友app識男仔如何？ 背景：我係交友app識左個男仔（一齊左幾個月），係出左社會既男仔，大我幾歲。 但當人地問我地點識，我真係唔知點答。如朋友的話「交友app識？」（但就係唔知點解唔敢講在這裏識） 所以好想問你地對中學生在交友app識男仔呢件事點睇？

#NSS個人 [Guest] （長文）首先做少少背景簡介，我有兩個close frd，係度我叫佢哋做X 同Y。至於我父母嘅管教方式，可能同其他人有啲唔同。例如我可以出街嘅次數，就比其他人少。有時出去或者返屋企通常都要大人（工人姐姐）一齊，不過呢排都多左自己一個返。呢啲野我之前都有啲介意，但係我父母係注重講道理嘅人，我都明白佢哋點解會咁樣做，雖然介意但係冇不滿。 咁我接受左呢件事就會慣咗啦，X 同Y都慣咗，但係呢排我就覺得好似發生咗啲轉變。 有一次我、X同Y一齊出去食飯，咁我就間唔中會whatsapp 父母話我係邊，影吓相咁。呢個係習慣亦都係話比佢哋聽我安全。走嘅時候我同XY 講拜拜，X就加左句「返到去記得話俾我哋聽呀」，跟住大家係到笑。咁我個陣覺得冇乜嘢，但係返到去就覺得有啲反感。第一，個度係商場，係公眾地方，佢隔住四五米喺度嗌，都唔係咁好啦。呢樣都算啦。第二樣嘢就係佢嘅語氣。佢咁樣講好明顯就係對住我平時嘅習慣嚟講，佢仲要用一種有啲取笑，好似扮緊我父母嘅語氣去講。咁我就覺得有少少唔尊重我父母。雖然我父母嘅管教方式有啲唔同，我從來都唔覺得呢樣係一件令我不滿嘅事，X

#NSS家庭 [Guest] 我真係理解唔到點解啲家長咁鐘意因為好小事就鬧自己仔女。應該好多香港嘅學生都同我一樣習慣晒，但其實佢哋用正常嘅語氣講唔得咩？跟住比佢哋鬧完之後喊又要比佢哋鬧，成日就問喊咩喊咩，喂大佬比你鬧完唔開心喊吓都要你批准？ 其實我本身都因為習慣咗所以覺得無咩特別。但因為疫情嚴重令到我出現咗少少情緒問題，個人好易唔開心，但因為我本身唔會特別同父母分享呢啲所以都冇講。我阿媽乜都察覺唔到，咁其實我都唔奢求佢會，不過呢個唔係重點。可能因為有少少情緒問題，所以就更加在意阿媽嘅粗聲粗氣，本身心情已經唔好，俾佢鬧完就更差，跟住自己匿去廁所喊。講真如果啲家長好聲好氣啲仔女都會聽你話D，但佢哋就硬係要好惡咁講，跟住又唔俾呢樣唔俾嗰樣。 Sorry for 1999🥲🙏🏻

#NSS社會 [Guest] 就算呢一個世界係點，都唔可以俾藉口自己去變壞，除非你一早已經放棄咗自己，自我放棄會令人好痛心，尤其是係你身邊嘅人