#NSS個人 [Geust ] 第一次投搞,sor for 1999 小女中二小六就開始有恐男症,一個異性朋友都冇。次次同男仔交流都好驚,大腦一片空白,最多都係問問題WhatsApp借功課抄。 次次坐巴士都好驚會有男人坐埋嚟,真係有男人坐埋嘅話會攪到我勁緊張,過一陣先平復到心情。 由細到大得一個男性朋友不過而家絕咗交,同少少hi bye

#NSS個人 [LC] 想同個男仔做個朋友，但佢好似開始避開我。 我今年F4，囡嚟嘅，係個內向又有少少社恐嘅人，冇身材冇樣，係學校通常都無乜點出聲，係安靜嗰一堆人。 相反，佢好外向又識照顧人，人哋話佢唔靚仔，但係我覺得佢其實幾好睇，另外佢同所有女仔都挽得好好，可能係因為溫柔。 咁我就唔知點解有日又突然間變開朗左好多，同好多人傾到計，就同開始佢有少少話題。 一開始同佢傾計都幾傾得。 所以我就一直想揾佢傾計，見佢唔鍾意自己個樣，就話佢靚仔（尼個出於朋友之間安慰同真心，唔係表白，但人哋話我似中意人） Wts 入面基本上係我揾佢傾計，我結束話題，佢永遠都係已讀不回。

#NSS個人 [Guest] Sorry for 1999 小妹 form 2, 最近自己啲奇怪嘅習慣比平時更激烈，想問下大家意見。 1.我宜家就算係屋企冇事都會無啦啦去洗手，覺得隻手好污糟，幾分鐘洗一次。有時仲要洗成幾分鐘。

#NSS學校 [[PKC]] 純粹好奇~ 想問培僑書院點解高中同初中都有兩套校服(女裝)(好似藍裙紫衫同橙裙黃衫咁)? 係咪有得自己揀着邊套定係有乜限制㗎🙆‍♀️?

#NSS家庭 [Guest] 話說小妹F1，讀緊Band 1A中學，有長期心臟病患。 最近成日喊，日日都俾屋企人鬧，都明佢哋關心我學業，但係可唔可以唔好去到咁盡？ 以前小學次次都全級頭五，好多同學都針對我，但係同屋企人講，佢哋淨係話我邊科考唔到九十分，俾人打到流血都唔理⋯我先意識到自己好慘。 依家中一咗大半年，上學期諗住試吓同學水平，結果全班第九，番屋企就當場俾人鬧同打，我都唔敢出聲，因為佢哋肯定會話我駁嘴。 頭先都講過我有心臟病，同呀媽講過可唔可以唔上體育堂，但係佢就無接受要求，淨係話我表妹次次A，即管我喊到死都唔聽，搞到體育考試包底俾同學笑我得F，唔合格。 其實我曾經因為太沉靜，轉介去精神科睇症，醫生面前我都唔敢講真心話。到依家所謂嘅暑假，學校俾三十幾樣功課，到四月中先截止，但係屋企人直接當我唔係人咁，一日叫我做十樣功課，我三日幾就搞掂，點知佢哋原來一早買咗三本大補充，每本七十幾頁，仲要每日廿五頁，真係當我機械人咩⋯ 雖然人哋話做大人都唔易，但係可唔可以從仔女角度諗下佢哋日日都受住俾人鬧到有自殺念頭嘅壓力？

#NSS個人 [GUEST] 原本因為第一次Test同Exam好大壓力，去咗見社工，但係比社工知我想自s之後佢通知咗我屋企人，我開始越嚟越唔鐘意佢，甚至好抗拒去見佢，每次見佢我都講到我好正常、好開心/完全無事咁。其實我自問覺得自己唔嚴重，亦冇病，就係唔係點解有自s念頭（一時時）呢排社工係咁send啲減壓/放鬆活動既資料比我，我覺得真係好煩，我呢排因為放假已經好咗好多，我唔想再比send wts煩住，但係我又唔敢block佢，因為佢有我屋企人電話，驚佢dok我背脊。 Sorry for 1999 多謝你睇到呢度

#NSS愛情 [guest] 鍾意一個鍾意其他女仔嘅男仔

#NSS學校 [Guest] 是咁的,我想分享一下以前小學俾人bully嘅情形。 人物: 我(受害者),A(我以前BFF),B(欺凌者1兼青梅竹馬),C(欺凌者2), Miss D(p1,p5,p6班主任) 話說小妹依家中一,以前喺新界區某小學全級頭一二,揀學校時,為咗同B一間先會揀嗰間。一年級時,C已經做大家姐角色,佢同我一班,仲當面同主任講話我笑佢四眼田雞,個主任真係信,佢當面叫我同C道歉。講真嗰陣先六歲,連田雞係咩都唔知啦！但係我同主任解釋佢又唔信,結果就道咗歉。 嗰個Miss D又太溫柔,唔識質疑人,嗰陣好似先二十五六歲,仲要因為C扮乖,選佢做班長,結果惡夢開始咗。

#NSS社會 [HKMUA] 我同一個女仔fd係唔同日子，用 的士app call車 ，比同一個年輕嘅的士司機騷擾。 話說我嗰日夜晚call咗呢架車出去，然後個的士司機就講埋好似講溝女個d野，又透露自己買左的士牌！之後話我走嗰陣可以車翻我，車埋我出去遊車河個d。當然我無理到佢 直至我嗰friend 今日同我講，佢嘅經歷發現係同一個的士電話，佢同我嘅friend都係講埋差唔多嘅說話！ 之後發現原來佢呢幾日佢一直有無啦啦打電話過黎騷擾，同wts騷擾

#NSS愛情 [Guest] 其實啲男仔心裏面係諗緊啲咩 男仔係永遠唔會明一個女仔成日喺度胡思亂想係有幾愛佢 唔會知道你平時同佢嘈交唔哄佢對佢冷暴力 佢一個人係點樣熬過來跟唔知道呢個女仔播吓佢嘅南哥同委屈同佢嘅失望告訴了你一次又一次你毫不在意嘅感覺 當佢已讀不會不讀不回 你知道佢係有幾難受 幾辛苦 當佢每一次電話叮一聲響

#NSS愛情 [GUEST] 我放唔低佢。 是咁的，小妹我有個暗戀咗差唔多6年嘅對象。我地一直以來都係以好朋友/知己嘅關係相處。佢有功課唔識我會教佢，我想打機佢會陪我。本身諗住唔表白就咁一齊渡過中學生涯就算，但係之前聽到佢準備移民嘅消息，心諗如果唔表白就後悔一世，所以鼓起勇氣係佢移民之前表咗白。雖然佢好坦白咁拒絕咗我同埋同我講冇鍾意過我，但係我哋依家仍然會一齊打機，仲打得密過以前，關係仍然好好。 但係依家個問題就係我放唔低佢。我其實好想move on，唔再視佢為暗戀對象，因為我知道佢一直以來淨係當我係好朋友，我就算幾努力都好都係冇機會，再加上我相信佢移民之後會遇到更好嘅女仔，唔會特別留戀香港嘅人。但係永遠同佢打機嘅時候總係覺得好幸福、好開心；成日諗住佢幾時會call我，好期待。我淨係想好好咁放低佢，視佢為好朋友，再加上小妹嚟緊都要移民，我哋兩個嘅時差係打唔到機開唔到call，會少咗好多相處嘅時間。我唔想移咗民之後仍然掛住佢同埋留戀同佢相處嘅時間，所以想問各位有冇方法可以好好放低佢？

#NSS愛情 [GUEST] A3又恐女？ 小弟係 #NSS220316A 既Po 主 上一次投搞有d怕醜 好多都講得唔夠詳細 今次想補充返

#NSS愛情 [Guest] 小弟發現自己男朋友好似冇以前咁愛我…… 交一交代背景先，小弟既佔有慾係極高，係學校識咗個男朋友（一樣年紀）一開始頭個兩個月幾佢都對我好好，好少搵其他女仔傾計，又送呢樣又送個樣。但係之後個幾個月我發現佢係咁搵女傾計，跟住我係咁嚴刑逼供佢，佢又話冇野，跟住呢排係咁睇女。我一開始覺得冇問題佢gay架嘛，冇乜可能變直變得咁快，但係後黎呢個collar既誕生，我先發現佢原來鐘意collar個個candy仲多過我🥲。咁我唸過可能係自己之前逼得佢太緊，跟住我小咗搵佢傾計比空間佢。但係就係我比空間佢既呢段期間，佢直成不讀不回我，隔成幾廿個先覆個emoji，我有唸過同佢分手，但係佢又即刻瀨死唔肯分，畢竟我自己都唔捨得。 Sorry for 199 冇頭冇尾🙆🏻‍♂️

#NSS家庭 [guest ] 我有陣時好想阿爸阿媽離婚，我嘅眼中入面阿爸係一個喺出面好outgoing,樂於助人,一個好錫老婆仔女嘅人，但係喺屋企，特別係weekend，工人姐姐放假嘅日子，佢一定會黑口黑面，叫外賣諗唔到食咩發脾氣，pizza hut個website 傻撚咗發脾氣，出街食飯間餐廳service 唔好嘢食唔好食發脾氣，簡單啲來講weekend 係成日發脾氣嘅時候 次次阿爸發脾氣阿媽都會同我講：佢係咁架啦，佢發脾氣代表佢身體好。係，佢係有長期病患、心臟病，咁就可以成日發脾氣咩？由細到大見到佢咁多次發脾氣，有一次佢發脾氣我記得特別清楚，個陣我好似係p3,4，個日我哋返阿婆屋企食飯，個睌啲嘢食特別正，偏偏我阿爸覺得唔好食，乜都冇食，當我哋成家開開心心食飯吹水，佢自己一個坐左係梳化到黑口黑面，我阿婆見到佢咁，就過去問佢：XXX（我阿爸個名）今晚啲餸好啱你食呀？我煮其他嘢俾你食阿？我阿爸講左句唔使就繼績坐喺梳化自己發自己脾氣，冇記錯嘅話我阿婆問阿爸個陣全部人係靜唒 。返到屋企之後我見到我阿媽去咗我間房同工人姐姐講，一邊講一邊喊（阿媽當我個工人姐姐係frd）個一個moment，我開始亂諗嘢，我會覺得如果唔係因為阿媽有左我所以佢哋先結婚，冇左我佢哋大家都開心啲、冇左我阿爸就唔會成日發阿媽脾氣、冇左我阿媽就唔會有咁多壓力，又BNO又阿婆病⋯⋯

#NSS家庭 [Guest] 大家好！我係一個S1嘅女仔，仲有個成日問人拎錢嘅舅母。 前設：我呀婆生咗六個仔女，我呀媽最大，有三個妹兩個細佬，計埋我媽，有五個嫁咗人。 我嘅細舅父係做警察，佢之前已經係A3，唔知點解佢咁得閒玩交友app，分別識咗兩個韓妹同一個本地人，至於點分手，唔係重點。 佢好似唔盡忠職守咁樣，做差佬都可以成日灘係屋企撩女仔。終於識到個勁樣衰嘅肥妹。 嗰個肥妹都係有腦，拍咗拖三個月就同我舅父講，可唔可以分我呀婆間店嘅股份俾佢，我舅父話唔到事就去問佢呀媽，咁我呀婆又重男輕女喎，直接應承。 咁先係開始，個肥妹成日問我呀姨同埋舅父攞錢，我呀婆仲傻更更，叫佢哋攞得幾多得幾多，咁我作為中間人，一早知呢個係伏，但係佢哋連十幾歲嘅我同表姐都唔放過，開始叫我哋出錢。 佢係咁叫我哋打麻雀，仲出曬千咁，無幾耐就食大四喜，我哋梗係輸晒啦，一晚無咗三千幾蚊儲蓄。 過咗幾個月，佢要求我舅父同佢結婚，但係無擺酒淨簽紙，之後仲有咗。

#NSS愛情 [GUEST] 想問下點樣安慰失戀嘅人🥲

#NSS個人 [GUEST] 長文！可能會講到九唔搭八咁，但都希望大家唔好太mean🙇🏾‍♀️ 小妹form 4，讀band 1學校，但係就成日比老師話我係一個讀緊band 1學校嘅band 3學生，其實我都明點解會咁話我嘅，就係我懶又成日遲交功課，上堂玩電話之類呢啲，直到有一次比人話我究竟係憑乜讀到入去，我真係重新由頭開始睇返自己去到依家嘅人生。 小妹一啲都唔鍾意屋企人，3歲未夠父母離婚，之後跟左阿婆個邊一直到依家，因為父母離婚個陣我仲好細個，details係咩唔太記得，淨係知道自己個陣就係因為呢件事而有自閉症，又變到去到4歲都唔識講嘢，唔識喊，無感情嘅一個小朋友，一直去見言語治療師，直到小學三年級先好返。而且，父母離婚後，我只可以一個禮拜見一次阿爸，而去到依家幾乎一個月見唔見到一次都成問題。至於點解我唔鍾意屋企人，父母就係因為離婚所以帶比我嘅傷害太多，而且父母兩家人都淨係將我當係一個讀書機器，為嘅係我可以讀大學，比佢地攞出去同啲frd威吓，可能你地會話係為左我好，錯啦，我係直接問過佢地，而佢地得呢個答覆，所以我小學讀得好辛苦，一定要全級頭10，再加上每日都補習補習同埋其他課外活動，最終係6年班個陣搞到有胃病直到依家都有，每次胃痛都要住院嘅程度。 去到中學，我原本以為會好啲啦，始終入左band

#NSS個人 [GUEST] 我今年15歲…就快16歲..不過仲未有任何嚟M嘅跡象。見到周圍啲friend中一小六就有，一開始好開心，因為唔使有咩顧慮。到而家就快16歲開始有少少擔心啦😬我係咪應該去睇吓醫生…

#NSS愛情 [HKUGAC] 請問拍緊拖嘅ching認為有穩定男/女朋友嘅人仲用IG follow其他靚女靚仔，同佢哋傾計係乜想法？ 小弟今年16，有個拍左半年拖嘅女朋友。但我並唔靚仔，又黑又瘦，得168cm。我女朋友好靚，條件好，人品還好，都算完美。我自己蛤蟆食天鵝肉，好自卑。 有好多男仔會request佢，甚至Dm佢，留言喺post下面。我叫女朋友剷，但佢以出於禮貌爲由，冇剷。有一次有個我認識嘅渣男follow時，叫佢unfollow，佢竟然鬧我，話唔俾佢識異性朋友。其實我唔介意佢有異性朋友，但要係學校入面嗰d。佢現有嗰啲全部賤男，但佢仲話如果逼佢同啲賤男斷聯就分手。 宜家佢同我鬥氣，日日Ig search男仔lg名搏cls，仲主動Dm。。。 但我為咗俾安全感佢，同所有女仔(包括同學)斷絶非必要聯絡。。。 我只係想要番少少安全感

#NSS愛情 [GUEST] 小弟最近同我鍾意嘅人傾多左計 本身係件好事嚟嘅 但係尋日佢突然問我鍾意邊個 仲話會幫我追佢 小弟講左幾個大話先令到佢冇再追問落去 其實佢咁講 係咪代表小弟已經冇機會 雖然小弟都未去到好鍾意佢嘅階段