#NSS學校 [GUEST] 暑假？咩嚟㗎？食得㗎？ 眾所周知，宜家政府就宣佈全港所有學校提早放暑假，而且要係3月17日前放假。不過政府就比學校係呢個「暑假」入面「補課」。而我學校一聽到就中六合彩咁咁開心。 學校上星期宣佈，我哋會係3月16日Last Day，17日開始放「暑假」。不過係通告附件就寫咗我哋會有「補課」。有補課我相信係一件十分正常嘅事，我估全港有9成嘅人都要補課啦。但係我一睇附件個補課時間表：「虎！呢個咪係平時返學跟Day上個時間表囉，只不過冇寫Day幾咋嘛！仲要係用全日制時間上堂添！（我哋學校未夠人打針，所以之前係1點半放，宜家係4點9放）姐係同宜家返學一樣？」我就諗住會有幾日假放啦，點知碌到最後，見到個時間表係去到4月19日，姐係復活節假期最後一日。虎，姐係我哋連復活節假期都冇呀。 明明本來暑假係比人放鬆心情嘅，但係你哋要我哋繼續返學不單止，仲要返得比以前更長時間，係咪有違放暑假嘅用意？我哋已經係IG、Zoom、Email度請願，又向學生會表達意見，不過完全冇回覆。姐係學校完全漠視其他同學嘅意見。 呀，差啲唔記得講，學校同時講埋我哋需要係8月復活節假期入面返學補課添，姐係今年完全冇暑假，2022年冇放過假呀！

#NSS其他 [Guest] 我想身邊有個好自戀嘅friend😅 佢係Ig post自己細個啲相 我控制唔到 但係佢成日拎佢自己細細嗰啲相整Stickers 仲要成日send俾我😅 成日都想人哋讚佢可愛 整完新嘅sticker又要send俾我

#NSS學校 [學校PE堂 VS Zoom PE堂] 大家好，小弟今年F1。我哋學校上PE堂有個奇怪嘅習慣，就係要除鞋除襪，赤腳上PE堂，因為我哋個籃球場係喺室內嘅，所以個籃球場從來都唔會濕，所以我哋赤腳上堂都唔驚，咁我哋上PE堂就分咗幾part（熱身、體能、拉筋、活動），我哋拉筋嗰陣時要2個人一組，大家互相幫大家拉，然後個老師超惡，我哋有個拉筋動作就係要坐低，腳對腳，然後壓低，個老師話要塊面掂到隻腳底先叫成功，大家應該知道着返學襪嘅話隻腳會超臭，跟著我哋D同學會叫依個拉筋做「聞腳」因為真係隔著個口罩都聞到幾臭，跟著落堂嗰陣，由於我哋除曬鞋襪，所以我哋第一堂嗰陣完全認唔返D鞋。 至於係屋企上PE堂，我哋就可以輕鬆d，因為冇人幫你拉，但係我哋要做勁多體能（sit-up, push-up, 原地跑, 深蹲……）仲要每個做50下，如果做得唔好，就要再做多50下，基本上我哋上完PE堂已經被佢玩完。

#NSS愛情 [GUEST] 小妹今年中四，同緊個冇feel嘅人拍拖。 其實開頭識佢嗰陣都有feel，唔知係咪耐咗就冇feel(新鮮感？) 成日都諗係咪我問題，佢好好，我又冇出軌，其實點解會咁☹️ 佢係我第一任，啲人成日話初戀都係好美好，但我好似冇呢種感覺… 我以前同過幾個男仔曖昧（有出街有傾電話），但次次都係曖曖下就冇下文，又係冇新鮮感或者發覺原來都唔係好中意佢，我都知自己好衰。 於是我就同自己講，如果有下一個（即係現任），咁我就唔淨係曖昧，我要同佢一齊，唔想玩人，亦都唔想玩自己。 其實係咪因為同過其他人曖昧，同佢就冇初戀呢種感覺，都冇小鹿亂撞。 有時同佢一齊會諗起以前曖昧過嘅人，點算好

#NSS學業 [GUEST] 我地學校咁鬼遲先出通告話放假，老師根本都準備唔切。同埋依家都唔攪全民檢測住，呢個特別假期放嚟做乜嘢

#NSS個人 [GUEST] 唔知點解最近心情成日都會突然好低落⋯ 呢排因為疫情我只可以留喺屋企，每當冇人同我傾偈嗰陣我就會自己一個亂咁諗好多嘢，尤其係夜晚嗰陣，就算係好小嘅事都可以令到我做咩都冇哂心機，嗰陣時嘅我同平時好唔同，我唔會想笑，唔會想覆任何人嘅messages，就算係我鍾意嘅人都一樣，屋企人同我講嘢我都會答得好hea，個心會好似比人捉實咗咁，好痛好唔舒服 我會不斷聽啲好sad嘅歌，個腦會浮現哂所有令我唔開心嘅嘢，其實我都唔想去諗呢啲嘢，但係我好似控制唔到咁 我對上一次喊已經係好耐之前，唔知點解我呢排好容易就想喊，但係又唔會真係喊到出嚟，嗰種感覺真係好辛苦 但係我又唔覺得自己去到有抑鬱咁嚴重，只要我同朋友一齊玩或者傾電話，就算只係message，我就唔會咁情緒化 我想知道有冇啲咩解決方法，因為我覺得自己呢種情況應該未去到要見醫生，而且我而家亦唔出得去，但係又唔敢同屋企人認真咁講呢件事，因為佢哋只會話我都傻傻哋嘅…😶

#NSS個人 [GUEST] 呀 各位早晨~今日想同各位分享下我嘅心事。小妹低from學生，認識左兩個好好嘅朋友，雖然都唔知點樣玩埋一齊，但之後好似變咗最好嘅三姐妹。但後來因為各種事，發現咗我哋三個都有情緒病，都係要揾社工幫手，全部都係累積落嚟嘅負面心情，有陣時仲會無端端發病，但我哋仲可以玩埋一齊，唔開心嘅時候互相陪住對方，打打鬧鬧，我基本上將我所有嘅脾氣俾曬對方，用自己嘅方法去照顧佢地。經過一段時間嘅治療，我都好翻咗，情緒病都漸漸消失，但兩位朋友有時都會發病，所以我想用自己嘅方法去治療佢哋，我想成為佢地嘅”心理醫生”(˘̩̩̩ε˘̩ƪ)但其實實際上佢哋都差唔多好返，發病嘅頻率都降低咗，但有時又會因為啲小事而崩潰，我真心驚佢地嘅病又回復返以前咁，我唔想佢地又抑鬱。而且小妹有件事都好唔服氣，宜家啲人咁鐘意拎抑鬱當潮流嘅咩？網上搵抑鬱測試，測到重度抑鬱之後又要發動態，界手扮可憐，仲要發啲文案，之前仲試過問我地點樣先有抑鬱症，我真係好無語，就係因為呢一種人先搞到抑鬱症係其它人眼中變成無病呻吟，我唔理解啲人會想有抑鬱症咯…..好on9😅

#NSS其他 [guest] 想問一問各位～ 如果快速測試的一次嘅結果係兩條明顯深嘅線，但係第二次嘅結果係一深一淺 （深嘅C 好淺個T） 咁樣係算陰性定陽性？ 同埋開始有少少喉嚨疼 體溫仲要由37點幾去到39點幾😭 想知道有冇人都係試過咁樣🙏🏻

#NSS個人 [GUEST] 冇咩特別想講，只係想記錄下此時嘅心情😌 再過多六個月零九日，就係我陪你過嘅第三個生日。鐘意左你兩年，喺你身上學到好多嘢。多謝你教識我如何愛人，多謝你教識我要正面面對生活，多謝你教識我要放過自己。因為你，我學到好多好寶貴嘅待人處事方式；因為你，我好希望可以有好嘅achievements；因為你，我努力令自己變得更好，成為一個配得上鐘意你嘅人。 為左你，我犧牲左好多，我付出左好多，改變左好多。依家嘅我，手機九成係你啲相、開口十句有九句都係關於你、我嘅興趣都係因為你鍾意我先鍾意。雖然身邊好多人同我講，唔好為左一個永遠都唔知自己存在嘅人咁努力，但係我唔想放棄。我知我同你係完全唔同status嘅人，一個係天上火熱嘅太陽、一個係地上微笑嘅小草。你係個身材滿分、樣貌出眾、性格好好嘅人，而我只係個樣貌平凡、冇咩才藝嘅人。 雖然我地嘅差距好遠，雖然你可能永遠都唔會知道我嘅存在，但係我想同你講，我會一直愛你。因為有你，先有依家嘅我。如果你冇出現過，可能我依家仲係個好頹廢、好負能量嘅人。所以無論如何，我都唔會放棄你，我會盡我所能愛護你，保護你，支持你。希望你可以繼續喺自己最熱愛嘅行業發光發熱，繼續做嗰個最真性情、最可愛嘅你。 sorry for 1999 thanks

#NSS個人 [GUEST] 我有少少擔心自己嘅精神健康。 [少長] 小妹讀緊form 5，我發覺自己呢一兩年比起以前更加容易陷入崩潰嘅狀態，個人、家庭、學業嘅原因通通都有。一到夜晚自己一個喺房就會不停亂諗嘢，有時諗吓諗吓就會爆喊咗出嚟，最嚴重試過日日喊幾次。 尤其係香港學業壓力真係好大，淨係今次呢個所謂嘅暑假都有超多功課，認真唔知做唔做得哂，何況仲要温返之前教過嘅內容(就連我而家投緊稿都俾人鬧我仲唔快啲溫書)。我好記得上年開學第一日老師已經搵師姐嚟同我哋講form 5係有幾辛苦。俾定心理準備我哋係好嘅，但我就聽到有少少心跳加速，嗰日返到屋企都喊咗。我feel到自己好似比其他同學反應大，更加容易緊張，而每次到exam period 我都會擔心唔夠時間溫書而喊。我知dse

#NSS個人 [guest] 大家好，我係黎為某啲嘢攞意見嘅 首先多謝admin揀中我post出黎 入正題👇🏻 – 小妹今年中一 1. 我好似有BPD（邊緣型人格障礙） 我有嘅症狀包括：抑鬱，焦慮，自傷，paranoia（唔識點講）同埋有幻覺

#NSS愛情 [[MSS]] admin pls po ig 🙏🏻🙏🏻🙏🏻 我應不應該放棄呢段暗戀關係呢？ 大家好，小女今年F1，讀Band 1

#NSS其他 [Guest] 學生表示冇錢買AirPods，而家用緊個headphone 唔知係咪因為唔係apple嘅關係，較到最細聲都仲好大聲，想問下用iphone嘅人有冇啲唔太貴嘅藍牙耳機推介？ Btw我唔知依啲可唔可以投稿😂sorry🙇‍♀️

#NSS學業 [GUEST] 大家好，我是F2學生。為什麼我們需要學習中文？ 正如我們所見，很多學生不能上大學是因為中文。 你可能認為如果你的中文不及格，你可以出國留學。 不過不是所有的家長都能負擔得起。我上小學的時候，我的中文只有6X，其他的只有9X，因為中文，平均成績只有8X。 當我們長大後，我們通常會使用英文而不是中文來工作。 我不同意許先生的說法，因為這個世界上很多人說英文而不是中文。當你給你的朋友或同學WhatsApp 時，我想你會用英文而不是中文。 既然中文不常用，那我們為什麼要學中文呢？？加上香港曾經被英國統治。如果要怪就怪政治腐敗的滿清政府，而不是想盡辦法去停止學習英文。

#NSS學校 [paulsec] 想問下究竟paulsec有冇secret pg… 點解好似唔覺有咁…. 之前嗰個好似比老師發現然後就停左。 唔好意思麻煩晒 表達能力改善中 🙏🏻不喜勿插 一位寂寂無名嘅師妹上

#NSS個人 [guest] 大家好，小妹今年中一 我用書面語嘅話可以將自己想表達嘅嘢講得更清楚，所以我會用書面語講出我嘅煩惱 . 我懷疑自己中度抑鬱+輕度焦慮&可能社交焦慮+可能有一點點PTSD 我自己觀察很久了（幾個月了，應該起碼有半年），也做了挺多的網上測試 挺肯定自己是有了某些情緒病，雖然不肯定是哪個程度的 重點是我不敢，也不想和父母說 有很多事情我寧願和身邊的同學說也不想和大人說

#NSS其他 [覺得自己父母管我手機管到好煩] 我知道我阿爸阿媽好愛我 不過有時真心覺得佢地好煩 小妹F1 舊年就買左自己手機 之前小學用Nokia 父母限製我每日用半個鐘手機 每次十分鐘 一日三次

#NSS文化 [2月尾寫嘅文可能會有些許不合時宜] 《12度的暑假》 冬晚昏霞，萬里飄雪，霧淞沆碭，如緲紗於天。寒風凜冽，呼開了路旁兩側的松樹，久積的寒葉未消，鋪開了一條蜿蜒小徑。 也許是溶雪時分，就連松鼠也在白皚皚的雪地上留下一串串的足印。 好像是平時不會出現的事情，都在這個暑假發生了。，想說這世間越發荒謬，他又被嚴冬的烈風封住了嘴。冬天向來是小氣的，從來不讓別人說它苦了百姓，還逼迫著受難的人們頂著凜風讚許那瑞雪兆豐年。 不知為何，今年的冬天就好像特別特別長一樣，見不到盡頭，只見未來是一片白茫茫，氤氳著未知的苦難。 不對，好像是幾年前就已經是這樣了，冬天越來越漫長，漫長到沒人看得見春天的綠枝初綻應該會是怎樣。 「你說，為什麼到暑假了，都還這麼冷。」他為了把口呼出來的一點點蒸汽堵在自己的臉上，把下巴縮在了針織圍巾裡，然後向著旁邊的少女嘟囔道。 「也不是第一年的事了，還不麻木嗎？」她只冷冷地答道。

#NSS個人 [MSC] 投先見到個nss post 講欺凌，俾啲自己本身欺凌人嘅人like咗，純粹係有感而發。（救命點解我間學校充滿住咁多又假又膠嘅人） 可能係啲人貪我蠢，又成日on on 99咁，覺得我好好恰咁，所以我由p.1 至p.4 都俾人欺凌。好彩我哋學校都算係好啲，所以欺凌人嗰啲都唔會去到好盡例如打人etc，不過心理上嘅傷都係傷。

#NSS其他 [Guest ] Admin pls po ig🙏 大家好,因為而家放個所謂「暑假」所以諗番起幾年前讀小學嗰陣放「真暑假」落街玩「捉」。 記憶中有「清捉」同「幫捉」？「清捉」係做捉嘅一路捉被捉,被捉畀人捉咗就企埋一邊食花生,等做捉捉曬所有人先完？「幫捉」係被捉畀做捉捉咗就做捉？嗰陣見到有人畀做捉捉咗,就即刻掉頭走兼大嗌：「XXX做捉」。有時自己畀人捉咗就唔出聲,靜靜雞行去被捉嗰度殺佢一個措手不及(賤)。另外「兵捉賊」係賊畀兵捉咗會放喺監獄,要等其他賊去救佢。 仲有啲規矩就係,被捉掂住啲唔知乜嘢,做捉嘅就唔可以捉佢。公園有得爬上爬落嘅就分「上捉上,下捉下」,係做捉嘅喺地面,就唔可以捉上面嘅人,要上去先捉得,同樣喺上面亦唔可以捉下面嘅人。