#NSS學業 [GUEST] [2022 dser] 呢幾年好多香港嘅本地媒體都被逼停運，但jupas band a我依然堅持擺左journalism呢科，即使我知道新聞自由越來越低。想知道有無人同我一樣？ sorry for 1999

#NSS愛情 [guest] 點樣追遲鈍嘅女仔？ 小弟出去做兼職，識咗個好斯文嘅女仔，佢好中意笑好可愛。以前未遇過女孩子會咁溫柔同細心聽人講野，更難得嘅係我同佢講高達、打機，佢都肯認真聽，又同我一樣中意小動物。但係呢，可能佢係讀女校，所以佢聽唔明男仔暗示中意佢，連其他同事笑我地好襯，佢都好似聽唔明噤，無咩反應，各位讀者可以教我點追佢？

#NSS學業 [Guest] 希望admin出post~ thanks! 是咁的，我係一個平平無奇嘅中學生。身邊嘅人成日提起自律，而我自己亦希望自己可以自律到。 返學嘅時候仲好啲，變咗online lesson之後，自己做嘢拖嚟拖去嘅習慣逐漸嚴重，唔少assignment都欠交/遲交。其實每一次都會後悔，跟住下一次又係咁，好痛苦。 就好似梁啟超嘅《最苦與最樂》所講，未完成責任就係最苦嘅事，而身為學生，準時繳交功課確實係我地嘅責任。 可能你會話，好多人都係咁啦，冇錯，呢個係一個事實。只不過，想改善自己一啲壞習慣又有咩錯呢？ 除咗喺Deadline之前趕功課好專心之外，平時做功課真係可以分心，見到有個message彈出嚟就忍唔住覆，

#NSS愛情 [Hk] 好羨慕大家嘅愛情閱歷咁豐富，而自己仲係一個A0仔。其實又唔係識唔到異性，但就係唔知點解段段關係頂盡都係普通朋友（簡稱被friend zone)。當遇到真正鍾意嘅人嗰時又唔識點樣先可以醞釀到段關係促成情侶。好奇拍緊拖嘅大家，段關係係點樣建立翻嚟，可唔可以俾啲經驗小子。個個都拍拖，唔通個個都想拍拖咩。唔係唔想，係冇呢個機會。

#NSS學校 [Guest] 校園欺凌（我都晤知算唔算係） 長文慎入 小妹今年f2， 讀緊band 1名校，早排就同11個同學好熟，但係因為種種原因（晤方便講），令到一個又一個同學俾人踢出我哋嘅小圈子。 至於點解我會話係校園欺凌，就係因為有四個同學（簡稱A,B,C,D) 喺學校杯葛、玩挑撥離間。 本來我同A係好好嘅朋友，直至到B嘅出現。B其實為人都算虛偽，成日都同我講佢唔鍾意D，但係喺佢面前扮到好鐘意佢咁。我自己可能大家覺得，中學生少少爭執好正常啫，但係事情冇你哋諗得咁簡單。

#NSS愛情 [guest] hello, 小妹我係 #NSS220112B 嘅po主。 文筆差,敬請見諒(有少少長） 上次投稿之後見到好多人話sure佢係鍾意我 又叫我「去馬！！」 所以自從投稿完嗰段時間,我開始諗我係咪真係鍾意佢

#NSS愛情 [GUEST] Sorry 呢篇野會有啲長 小弟今年17，嚟咗英國差唔多兩年，人生拍過3，4次拖，不過同白人女仔就得一次，兩個月前分咗 咁我有一個女仔friend，間稱A，唔知幾時開始我鍾意咗A… 佢係一個生人勿近，唔太鍾意同男仔講嘢既人，但對住識嘅男仔勁shy（普通講嘢都可以紅都面晒🥱）所以成個friendship group都係女仔，另外佢係一個又乖，又讀得書，而且全校數一數二靚嘅女仔 嗰陣我知道A係鍾意另外一個男仔，所以我都想keep住Secret，因為暗戀好痛苦，所以隔咗一陣我頂唔順同我個best friend講咗我鍾意佢嘅事，叫咗佢保守秘密，不過最終都係傳咗出去。不過大家都係半信半疑，加上我係咁否認，因為唔想搞大件事（主要原因係因為我係香港人，而全校數得出亞洲人多唔多嗰10個，所以個個都好有興趣）

#NSS家庭 [sss] 最近疫情傳播率嚴重左，咁小妹不幸中左，好理所當然咁放自己係房同戴口罩基本咩都做齊，但係卻得不到家人的關心反而係冷熱嘲諷驚我傳染佢哋，我爸爸係誇張到一知道我有事冇關心過我反而關心錢同外人多過我，仲馬上去買消毒用品，全部for佢哋間房同廳，我媽媽仲篤我背脊話我成日咳好煩仲話我肯定想傳染佢同隻貓，咁我當時聽到當場係房喊左出嚟，同埋我想講我一個月冇出街反而佢哋日日出係咪佢哋中嘅風險高D？咁我叫媽媽快速檢測，佢竟然話我都冇病症唔洗啦，但係佢以家係咁咳，想問一句我可以點？同埋zoom仲洗唔洗上😂

#NSS學業 [GUEST] 我應該要點做😩 Hello 第一次投稿sor for 1999 「文筆真心好差」 講返先我今年f.3 成績好差，差到得一兩科合格，本來我係上年f.2去加拿大讀書，但係太遲遞申請，同埋成績太差間學校唔收，所以就去到而家又有機個去美國，美國嗰邊有我嘅親戚，但係佢係比較嚴，我驚我會頂唔順，但係我屋企人不停講話去美國好好呀，嗰度啲教育制度好過香港，數學容易啲，讀完兩三年就可以選擇返嚟香港或者繼續讀，如果我應承咗，就有可能今年五月就過去。

#NSS其他 [GUEST] 不懂拒絕真頭痛 小弟中五，最近有個舊朋友(男)有d煩。 故事來了。 我同佢中一就識，一直同班，好熟，乜9都傾，dead air 都唔尷尬。有時夜晚會傾計，打機。 問題來了，有時打打下機，佢有功課唔識會問我，尤其phy，因為我出名phy成績好。咁一題兩題梗係冇野啦，但係近排變得過分。 依家zoom比較早放學，佢差唔多日日晏晝都搵我問功課，我又唔好意思拒絕。仲要係佢好似上堂冇聽書咁，大佬阿我唔係你補習老師阿，我係同學/朋友咋。其實我自己都有功課/其他野做，唔通真係咁得閒日日幫你補習咩。（有讀過phy嘅都知，有啲theory要明都真係唔少野）

#NSS個人 [guest] 其實嘛 跟本不用分正常不正常 這地球本來就不正常 很抱歉用了書面語，只是感覺比較容易將想法説出來，並沒有任何其他原因。也很抱歉中文文筆不太好，因為我是國際學校的學生，所以中文比較遜色，還望大家多多體諒。 我是一個患有雙向性情緒病和焦慮症的中五學生，確診大約半年了，暫時情況尚算穩定。 證實患病之後，其實一直都沒有機會向別人説出心底話。我害怕別人奇異的目光，更害怕再次被無情的玩笑傷害到。今天鼓起勇氣決定要好好的作一次剖白。 「我正常嗎？」這是我每天起牀都會問自己一次的問題。我，今天看起來正常嗎？昨晚的淚痕抹乾了嗎？衣服有好好地蓋着傷口嗎？笑容準備好了嗎？看着鏡中的自己，我微微一笑，是時候要正常地迎接新的一天了。今天也要努力地當個正常人呢。 「今天的情況有進步喔，看起來這星期過得很好吧。」心理醫生劈頭就讚我一次。我看着她，邊點着頭邊坐下，用力地遏止着不安的手在震動。沒錯，我要努力當個正常的人。

#NSS愛情 [中西區某男女校] 初識時，我對你並無特別感覺，因為以為你是那種表面熱愛教學，內裏嫌我們煩的人。但逐漸地，我在你一次次的安慰中，不知不覺地喜歡上了你。直到有一天，你告訴我其實你是個很理性的人，並不懂安慰人，我所認識的你，並不是真正的你。真正的你，竟是一個高度理智，說話耿直，並有點熱衷政治的人。那些安慰，竟也只是你耿直的話，你從沒想到我竟會感到如此溫暖。 漸漸的，我覺得你好像已經不是我想像中的人，我感覺你冷冰冰的，也很少回覆我的訊息，但是，我仍然是很喜歡你。網課期間，我也想念你，希望再次面對面的見到你，因為，真實見面時，你即使不說話，已讓我感到萬分溫暖了。 老師，你就不能關心我一點點，多看幾次我傳送給你的訊息嗎？ 對，我知道師生戀，還要是同性，成功機會幾乎等於0，但是我仍然是十分喜歡你啊。只不過，我不敢跟你說，怕打擾你，增添你的煩惱。 但願我們能快點再見，但願我能再次感受到你的溫暖。 Sor for 1999

#NSS個人 [GUEST] 究竟我係咪確診？ 依家第五波疫情好嚴重啦，咁我同我屋企人都好注重衛生，每次一出街之後就即刻沖涼，成日洗手。前幾日我細佬一起身就唔舒服，我一起身個喉嚨少少痕，痛，但係我無講出黎，因為我覺得係之前食太多熱氣野）可能有少少自欺欺人，但呢個係我第一感覺。跟著我同我細佬就要上堂，我細佬上到一半，就突然好唔舒服，仲要有PE堂😅要做一堆體能，做到佢喘曬氣，安全起見，佢都係做左個檢測，結果陽性，係深色兩條紅線，個下係完全唔敢相信，我阿爸都懷疑係咪準架…..咁就即刻隔離我細佬，我個喉嚨就時好時壞，一到夜晚就勁累，超想訓覺，所以呢幾日就9:00訓覺，跟著凌晨同一個時間醒，跟著第二朝勁早起身訓唔返。安全起見我都做左檢測我係陰性，但係我今日明顯個人無咁累，但係開始咳，唔知係咪確診定係普通感冒🙏🏻 希望各位比下意見，祝大家身體健康！ sorry for 1999 admin please

#NSS學校 [西貢區男女校] 話說睇到有人投稿話自己返到唔知幾時好慘 但我想講我地間學校得個4日暑假，仲要有2日係星期六日 都係要返到17號 仲係度考緊試 考到11號😊😊😊超無謂 17號開始放假放到21號就開始做我地嘅project 仲要google meeting真心咩？

#NSS學校 [GTEYC] 之前見到有人話佢哋返到星期五好慘，但係有冇人慘得過我哋優才？ 政府話提前放暑假已經唔係啲咩新聞所以唔詳細講，話說我哋學校3月1號開始考試，就要考到11號，都估到學校唔會俾我哋cut咗個考試，但係最估唔到，係學校俾得四日暑假我哋，唔係星期一開始wor，係3月17號到20號呀。我哋學校係「暑假」入面有learning support同埋要做project，老師話即係要上堂，究竟點解放暑假可以上堂？之後7,8月要返學即係我哋冇暑假，暑假根本唔係暑假，放嚟做乜嘢？ P.S. sor for 1999

#NSS學校 [某tko區學校] 咁話說有日就睇到新聞，3、4月放所謂嘅”暑假” ，彈性安排，最遲 17/3 放。 然後就有好多人抱怨自己16 17號先放，咁我就去睇下我學校嘅安排。結果搞到我都唔知要喊定係嬲。🤕 首先通告話考試繼續，其實都估到㗎喇但係其他學校有啲係取消㗎囉。 再睇落去，

#NSS學校 [GTEYC Secondary ] 見啲人話自己暑假唔夠唔夠，不如你將心比己比較下我哋優才中學 我哋真正嘅暑假得四日，仲有兩日係週末，成個暑假俾人剝削左成個月 我哋暑假前仲要考試，冇錯呀啲老師好堅持要考試，唔明剩係佔10%做咩咁執着繼續要考 仲有，新聞上面講嘅係呢一學年會喺8月12日完結，而大部份學校都係9月1號先開學。我哋呢？八月底就要開學，你地都仲有兩至三個禮拜休息，我哋乜休息都冇，仲好意思喺度抱怨 個人真心認為調前暑假仲可以接受，但係學校咁樣剝削我哋暑假係好明顯唔得，原本成個月俾你地縮到得嗰兩日，咁暑假意義何在，咁不如索性返學算。我哋學校D老師計劃真係好有問題，完全唔理學生感受，自己有咩計劃就強行叫啲學生實行，我覺得真係唔得，好過份 Sor

#NSS學校 [某男女校] 我有一個傾開嘢嘅老師 不過停面授搞到要online傾 咁上一個話題佢就已讀不回 好尷尬咁完咗 嚟緊呢個星期佢生日 唔知好唔好同佢講生日快樂 因為上次咁樣完真係令我好尷尬 唔想再搵佢住

#NSS學校 [GUEST] 作為繪圈混了一陣子的繪師，想分享下自己感受，麻煩晒admin！ 我最近瀏覽中文大學棋會的IG主頁時，發現其中一張宣傳的照片的構圖和光源都與自己喜歡的繪師へちま的某張圖很相似。我曾經將兩張圖片疊起來比較，發現並沒有直接描圖。但圖片的構圖，例如書架，梯子和人物的位置，光線來源都過於相似。難以相信是純粹巧合或參考，甚至涉及抄襲嫌疑。日本的版權問題其實看代很重，加上每一張畫都是畫師嘔心瀝血思考過構圖光源去繪製出的。擅自二次創作實在是對繪師的不尊重，亦會對中大棋會的名譽造成影響。希望棋會可以認真看待這件事，給個合理的解釋。 附上中大的宣傳用的圖和繪師へちま的圖： 繪師へちま的圖是2019年5月發布到pixiv上的，網址如下：https://www.pixiv.net/artworks/74537149 中大棋會是2021年9月發布的，網址如下：https://www.instagram.com/p/CTXV4zoBIId/?utm_source=ig_web_copy_link 所以時間上是有可能抄襲的。 圖Link: https://ibb.co/4JCzGJR

#NSS家庭 [No la ] 文筆唔好，純粹發洩，屌細力啲🙇‍♀️🙇‍♀️ 咁先交代一下我嘅背景，我四歲嘅時候就因為父母離婚入左類似保良局嘅家舍，入面都係收留一啲屋企有困難嘅兒童，我而家F.4，差唔多住左十一年。呢十一年入面雖然我有keep住同呀媽見面，但都係1、2年先見面一次，食下飯咁，最耐嘅一次係3年先見到佢。我嘅家長日、運動會、小學畢業禮等等，我人生中所有重要嘅日子，佢一次都冇參與過，我係宿舍入面遇到委屈、心事都唔知同邊個講，我要自己一個去面對所有嘢。表面上佢以為我哋嘅關係好好，但十一年嘅隔閡真係唔係食嗰幾餐飯就可以解決到。 以前我可能都會怨、會傷心，但係人大個咗慢慢就諗通，我已經過左果段非佢不可嘅時刻。冇屋企人嘅日子，我已經習慣左。 但問題嚟啦，因為某啲原因，佢冇左個公屋單位，佢而家係住喺佢細妹度，但係人哋都有自己嘅家庭，我已經唔奢望同佢一齊生活，我淨係希望佢可以自己照顧到自己，所以我叫佢快啲排公屋，但係已經過左一年佢都冇諗過排。後尾我先知，佢原來Expect我將來打份政府工養佢，等我大個咗會同佢一齊生活。我咁樣講可能會有啲不負責任，但係我唔覺得我有做錯，我完全冇諗過我嘅未來會有佢。 最後我想講，其實如果你冇能力撫養孩子，就唔好生佢落來，殘缺嘅家庭真係會影響個細路一世