#NSS其他 [GUEST] 本人今年15 （雖然唔係好關事）咁有兩個bestfrd啦即係三人行（一個A 一個B） 咁其實大家都會互損,我覺得玩下冇乜問題 但係A就開始越嚟越過份, 但係我唔想好似成日無理取鬧所以我都淨係send🌝🌞嗰啲. 咁我都有同B講呢啲野,佢都覺得好似唔係咁好咁. 之後我追星A又話我花痴咁樣但係去自己都係咁樣仲要嚴重過我咁濟等等等等……

#NSS愛情 [GUEST] 無聊寫下😅 輕輕凝眸 　　不覺你如一球的蒲公英 　　散佚一地 　　而某天綿雨撐一柄寥廓 　　方明瞭 　　不論閶風折枝 　　或陰晦連雨

#NSS學業 [GUEST] 想問下大家有咩溫習技巧

#NSS學校 [將軍澳區某間Band 1中學] 大家好，小弟今年F5。一直以來，我有一個問題，但不知應不應該講出來。我班有一個同學，經常炫耀自己家幾有錢。 他平常在班上藉機炫耀自己住將軍澳區某間豪宅，又說自己家有請司機接送。更說他爸爸經營一家大公司。但明明學校同他家在同一區，還要搭車回校？ 他幾乎每天在學校炫耀，令幾乎全級都知道他家很有錢。他在全級的成績只是屬於下下等（即是幾乎包尾），但仍然很受歡迎，很多同學找他談天。 我在想，這個世界到底是否出現了甚麼問題？明明我的成績是中上等，卻不及他受歡迎？ 希望admin會post這篇感想

#NSS家庭 [Guest] 我爺爺今年都八十幾歲啦，十幾日前中左covid，投稿前一日入左醫院，爺爺佢就係醫院急症室等，佢嘅身體機能好差，肺功能得返30％，佢入左醫院好驚佢冇人照顧俾人遺忘，好擔心佢會因為咁就… 好擔心但係又做唔到野幫佢……. 只係舒發下感情🙍‍♀️

#NSS愛情 [Guest] 兩個人可以係埋一齊真係唔容易 特別男同男女同女 真係要好好珍惜 茫茫人海中遇見對方真係好難得 好羨慕啲老公公老婆婆可以到八九十歲都仲恩恩愛愛 拖住對方嘅手 溫暖嘅笑容 希望我哋都可以咁樣

#NSS其他 [GUEST] 我今年f4，是咁的，我喺前排仲上緊zoom嘅時候就確診左，休息咗三日無上堂，跟住我啲朋友就喺度話我偷懶，借啲意唔上堂，仲喺度話「上zoom啫又唔係實體，有幾難」，我想講我嗰陣真係又發燒又頭痛又頭暈仲有少少想嘔，每次食完藥成個人就好攰好眼瞓，唔係我唔想上堂，而係我真係好唔舒服。後尾得返喉嚨痛同咳嗰陣已經有上返堂，但係其實嗰陣仲係陽性。 我見到佢哋send啲messages 嗰陣真係好唔開心，佢哋淨係聽網上啲人話好似感冒咁無乜事，但係唔代表我都係咁。講嘢之前可唔可以諗下，其實你講嘅嘢會令到人哋唔開心。 Sor for 1999

#NSS學校 [GUEST] (Sorry 第一次投稿 請見諒🙇🏻‍♀️) 我今年讀中二，讀書嘅壓力對我來講真係好大，特別係上數學堂。 每次上數學堂嘅時候，老師都會好快咁樣講晒所有書裏面嘅example，然之後就到做練習嘅時候。至於一日有幾多個練習，視乎佢講書講得幾快，講得快嘅話一日甚至可以有三個練習，而每個練習裏面都有四十至六十幾題數。其實我唔介意，但係佢比嘅時間實在太少。喺疫情之下，大家病嘅機會都高咗好多，休息嘅時間要多啲先可以提高自己嘅免疫力，但係要喺deadline之前交晒所有數，對我哋來講根本係冇可能。甚至乎佢講完要你交嗰日佢第二日都會再開一個新嘅topic再比數你做，吸收唔到之餘，你做嘅數學根本就係無限… 你要知道，我哋唔係剩係得數學嘅功課，其他科都會有功課，甚至乎係要即日交，根本應付唔到咁多….. 其實我真係唔介意做數學，只不過我認為會唔會太誇張…好多同學都身同感受，可能係我太過執着，但係真心我為咗做數作息時間都亂晒，成日頭痛，甚至乎而家投稿嘅時候都想嘔，其實真係好辛苦。

#NSS個人 [Ps] 我覺得自己好奇怪 成日做緊一啲未做過既嘢/去一個未去過嘅地方 會突然之間有一種好熟悉嘅感覺 依啲感覺已經唔只一兩次 有一次行行下街見到一個境好靚就影低咗 點知返屋企睇睇下張相就有一種熟悉嘅感覺 但明明我第一次見….

#NSS個人 [Guest] Hello大家好，小妹我f2，一直唔知點解有人同我表白，我係想拍拖但係我對嗰啲人完全冇feel，同埋又覺得自己唔值得人地鍾意，所以全部拒絕哂 但係我其實有種感覺唔想拒絕人地(有次拒絕左然後返學坐隔離位變左陌生人咁），不過我知咁樣俾假希望人地唔係幾好，但係當人地表白完，我就會想留意嗰個人，例如睇住佢有冇睇我story咁，但係我真係唔係鐘意佢哋。究竟點解我會咁樣…我係咪好唔正常？求解答… Sorry for 1999… Admins求post IG~

#NSS文化 [#NSS220307B 嘅post 主] Hi 又係我。 #NSS220307B 嘅樓主。 香港係文化沙漠果然名不虛傳。 喺篇文下面我見到好多負評，其實係意料之中嘅事。講真果句其實我篇投稿裏便都已經講話我唔係想要屌鳩任何人，亦都講話明白大家其實係想要鼓勵寫文嘅人，但似乎其實一大堆人錯晒重點。sorry都講咗幾句，大家都係唔收貨，又係話我玻璃心碎。

#NSS愛情 [Guest] 我覺得自己好似越黎越似playgirl….. 其實大家點睇交友app呢樣嘢？小妹之前都有玩玩下交友app國際版local嘅都有，之前玩係為左解壓,同埋無聊啊嘛，自己又無好多特別興趣,小毒L黎就玩囉…之後今年無啦啦好渴望拍拖，想有男朋友錫自己關心自己…所以又識左下人，從開頭係為吹水到開始內心開始認真左，之後約埋人地出黎食買玩喇，開頭都好似朋友，點知對方都幾主動，同我搭脖頭有身體接觸，好感慢慢增加….但之後少約左就無下文喇 後黎我慢慢開始中意呢種約新網友嘅新鮮感，聽下唔同人對一件事嘅睇法啊真係幾有趣。不過好多時我都係約人地一兩次就唔約，而對方又無啦啦沉沉地…利申我無特別做d咩舉動呀 但我有時覺得唔想就hea人。其實係好似幾衰…不過覺得有時係唔可以勉強自己真係扮有嘢對人有意思咁啊嘛….我似乎係enjoy識人而唔係話拍拖發展咁，但又想認真搵個中意嘅拍拖，我係未係度亂搵亂約？好矛盾…其實以前自己都好乖唔係咁….係入面有d人多多少少影響左自己個價值觀….有左d改變…唉真係覺得自己好似就黎壞左，希望大家點醒我謝謝 sorry for 1999

#NSS個人 [Guest] 我到而家都仲未放低到我初戀 我我同佢分手咗半年有凸 當初因為一啲誤會分手 我自己又係白卡妹嚟嘅 一分手/嗌交就痴線 無論係frd定係ex 對於個ex我係比較偏激 我唔知可以點算

#NSS社會 [GUEST] 可能我諗野太怪同陰謀論，但個仆街政府唔聽電話令好多陽性報都廢事，因為知無用，咁政府就做到條數: 大陸派人落香港有效控制疫情。都未知呢張單埋幾多錢，根本係偷香港人錢，呀唔係屌，係搶🖕🏻

#NSS學業 [大學讀電影好唔好？] 大家好，小妹今年中5 對電影方面好有興趣 想畢業之後入間讀film嘅大學，但又有啲擔心會唔值(? 大學覺得讀呢行值唔值讀四年？之後有冇前途呢? 唔該admin po ig🙇🏻‍♀️

#NSS愛情 [GUEST] 是咁的 小妹鐘意咗個人好耐 我哋其實係雙向但係我哋並冇一齊……. 我曾經表白過 但係佢嘅回答好蒙糊 所以件事就不了了之 我哋嘅關係亦都從此僵持到而家 其間有互block

#NSS愛情 [GUEST] 其實我真的很喜歡你，只可惜我們有緣無分。 在得知你有女朋友後的當晚，我在床上無聲地躺著。抬頭仰望天花板，腦內一片空白……心裡想著的，全都是你的樣子。 我知道一見鍾情未必有好結果，我知道你不會看向我……但我仍然願意默默坐在一旁看著你的每一分每一秒，繼續喜歡你那無可替代的笑容。 每個人都有自己的戀愛自由，所以我當然不會去干擾你的戀愛——能看著喜歡的人幸福的樣子，即使你對象是誰，我也感到非常開心。 ……只是，讓你幸福的人並不是我。 想到這一點我就更難以入睡了。 每次上課時的分組活動，我們都會被老師分到同一組。我很享受這種兩人的獨處時光，而我每次分組活動結束後心裡總會感到寂寞，擔心著下次的活動還能否與你同一組。 情人節那天，我曾經打算向你寫信匿名表白。

#NSS愛情 [Guestt::) ] 我係 #NSS211109D 樓主～～ 就咁既，我想對上次情人節果篇加返少少補充。 A喺最後咪講咗句勁L尷尬既野，我之後問返佢，佢話原來係佢班損友教嘅😂A話：「你知我唔識講野架啦，所以！我去揾班A0戀愛大師求教。你知唔知我練左幾耐先可以咁厚臉皮，臉不紅氣不喘咁講出黎。同埋我想講果句野真係好～～～老尷，救命。」 嗯，果然係有人教嘅。我認識嘅A係唔會講出D咁嘅嘢。笑死：）

#NSS家庭 [某男校] 我阿爸阿媽自從2021年1月開始，已經冷戰咗一年幾，有時有啲爭詏，有時都幾和睦，甚至今年情人節，佢哋主動買蛋糕、買花慶祝。本來以為咁就可以和好，但自從我哋中咗 covid 之後，件事180度轉曬。 前幾日，我阿爸、阿爺、我快速檢測呈陽性，當中全屋得我阿爸有出過街。我阿媽怨「你（我）老竇啲衛生意識咁差，口罩周圍劈，返到屋企唔即刻沖涼，返到嚟啲衫唔即刻洗，累全家」等等。我阿爸話：「而家好多香港人都中。」我阿媽就反駁：「就係因為有你呢啲冇公德心嘅人，你係咪想全家中曬先開心？」我覺得我阿爸好自私，但費事佢哋衝突再升溫，我就講我阿爸有好大壓力，試圖安慰下阿媽。阿媽返到房之後，打畀阿婆，將件事話畀佢聽，阿婆反而火上加油，講阿爸幾唔好，最後阿媽講：「我帶阿仔（我）外國」，我聽到呢度好心痛，好驚之後阿爸阿媽會唔會離婚。 過咗幾日，我阿爸條T線淺咗，而我同阿爺病情冇乜點好轉，我阿爸就開始返工（佢自己做生意，所以冇得請病假），佢份人搵少啲都唔得，我阿媽喺家庭 whatsapp group 鬧阿爸好自私，冇做好公民責任，如果阿爺出事邊個負責等等，阿嫲喺個group

#NSS家庭 [GUEST] 話說上個禮拜係房到睇youtube，冇啦啦下面有啲痕，咁間房又得我一個就伸隻手入條褲到r 啦，點知咁啱youtube 就播個唔知咩宮廷game 嘅廣告有個女仔着到好暴露又好挑逗咁講嘢，點知又咁啱我呀媽開門入嚟，嚇到我即刻好大動作咁縮手，佢應該都睇到我電腦啲嘢，仲講咗句唔阻你啦就好快出返去。 而家我呀媽每次入我間房都特登敲門仲要大大聲嗌「仔，我入嚟架啦」先入我間房。其實入嚟前敲門係好事，但係我就唔知點解覺得好聚財咁。 我真係好想解釋清楚但係又唔知點開口，唔通同呀媽講我嗰日唔係打緊飛機呀你諗多咗啦咁？ 我真係淨係睇緊YouTube 咋！！！！！