#NSS個人 [guest] 想問吓大家會唔會同好朋友傾心事? 自己由細個開始就好少同朋友傾心事 覺得所有嘢自己解決到唔想煩住人 但係咁樣係咪因為我哋未夠frd? 定係正常? sor1999

#NSS家庭 [GUEST] Admin plz po ig thx 大家好，我係一個來自單親家庭嘅女仔，佢哋係我好細個離咗婚，我跟爸爸。 由細到大，我爸爸同埋佢嗰邊啲人都成日同我講離婚係我媽咪嘅錯，叫我唔可以搵佢見佢，唔可以叫佢媽咪要叫全名。雖然好似已經係我幼一嘅時候離婚，但我爸爸咁多年嚟對我做過嘅嘢我全部都會記得，鬧我打我控制我。 成日講到佢因為我而冇得再婚，我好辛苦成日喊，點解當初要爭我返嚟。

#NSS學業 [GUEST] 大家好，我今年中四，諗緊關於補習嘅事。 我小一已經有上英文班同數學班，小三已經冇上英文，成績一直keep到，不過中二嗰陣阿媽喺我唔知情底下幫我報咗補習班，其實嗰陣我啲英文成績都唔錯 (b1a全級頭三十)，實在唔明阿媽搞乜。 補咗兩年幾，多多少少都有啲得着嘅，不過唔多囉，補習社進度好慢，個阿sir仲成日吹水唔係講題目，冇錯我啲英文成績一直冇退步，不過我覺得係因為我平時有睇書同做練習，唔關補習事。咁其實我糾結啲咩？話說我學校有個中五嘅師姐都補呢間，我小學已經同佢同校，我小六嗰陣佢返過嚟小學，嗰陣我補緊課，個老師介紹佢嗰陣，話佢喺中學讀得好好，但係英文好低分，不過呢個補習阿sir話師姐而家paper 1攞95分，有咁大進步，可能真係關阿sir事，不過我知道師姐一向都好勤力，所以亦有可能係佢自己嘅努力。高中溫書嘅時間好寶貴，一星期要花兩個鐘嚟補習，亦唔平，如果冇用，就真係得不償失。 至於數學，我仲係上緊小學嗰間，叫k*mon, 藍色logo嗰間，可能有啲人唔知佢係咩嚟嘅，我稍為解釋吓，佢唔係跟住你學校嘅進度，而係會因應你個人嘅進度安排課程，你係學緊未來1-3年或者更耐要學嘅嘢，所以正確嚟講佢唔係補習社。正因為佢唔係補習社，作用只係穩定我嘅數學基礎，如果真係好忙嘅話絕對可以quit 我考慮緊使唔使補習嘅係中作同英作，因為佢哋唔似得其他科咁可以研究marking，冇人幫手改嘅話真係幾難進步，不過去補習嘅話又會少咗好多操卷時間，我比較唔掂嘅係呢兩科

#NSS個人 [GUEST] 嗰嗰friend都覺得我係一個外向嘅人 但係我自己覺得唔係 我只不過係喺friend面前玩得high啲 喺陌生人面前or唔熟嗰人係玩唔開 有冇同我一樣？ sorry for 1999🙏🏻

#NSS個人 [guest] （長文慎入）小妹今年f3，生活係一個好幸福嘅家庭。 我生活係一個四人家庭，阿爸阿媽都系讀書人，經營緊一個購物網站，雖然我細個嘅時候佢哋會打我鬧我，但系當佢地知道用打鬧唔系一個好嘅教育方式嘅時候，佢地已經9年冇打過我同我家姐，而轉做好聲好氣咁同我哋講野，教育我哋，所以每當睇到其他家庭d爸爸媽媽嘅行為（例如打，強烈嘅控制欲）我就會覺得我有個咁好嘅家庭真系好幸福好幸福。 但系我覺得我好似身在福中不知福。 疫情開始嘅時候，每個人都唔好過，我父母嘅經濟都進入困難，嗰陣時候我仲未有自己好幸福嘅諗法，所以我將父母對我嘅好全部都覺得係理所當然。每次我諗到呢度就想殺咗之前嘅自己，漸漸地，我唔會再反駁我阿媽同我阿爸，諗到佢哋對我嘅好，我就唔忍心辜負佢哋，一切都好順從佢哋。f2嘅時候，我甚至考到頭30，我父母都對我好滿意，而我一直都約束自己，見到父母嘅努力，唔想再比更多壓力父母，我唔敢同佢講關於自己嘅煩惱，唔系驚比人鬧，而係驚會令佢地會為咗我而煩惱。 但系f2最後一次考試，我唔知點解咩都唔記得晒，成績直線掉落，係我考得最差嘅一次，最低分嘅卷甚至只得17分，雖然我阿爸阿媽冇講咩，但系我覺得我對唔住佢哋。 从個陣開始我就覺得自己怪怪地，我嘅記憶力開始變差，情緒都開始變得奇怪。我以為係我失常後嘅抑鬱情緒，但系唔知點解我真系咩都記唔住，就連朋友同我講過嘅野，阿媽嗌我買野我都會唔記得。而f3第一次ut，我諗到f2嘅經歷，由一個月之前就開始溫書，我以為嗰次唔會炒，但系成績出嚟我唔系啱啱好合格就系差幾分及格，嗰一刻我覺得自己冇資格生活係呢個世上。而都係因為噉，我更加唔敢俾我阿爸阿媽嬲，我係佢哋面前唔會喊，唔會嬲，只系會比佢哋笑容。 而我因為一直用我阿爸阿媽嘅視覺睇我，令到我好識企喺其他人哋嘅立場諗野，例如其他人做咗一啲令我唔開心嘅事，我都會笑笑口話冇野，因為我唔鍾意其他人係我玩嘅時候發嬲，所以我知道佢哋都唔鍾意佢哋玩緊嗰陣時候我發嬲。而我朋友都一直話我好好人，但系其實我當下唔開心到成身都喺度震，但系我都只系比個微笑比佢。因為我唔想佢都唔開心。 而我家姐就同我完全相反，佢好似冇見到爸爸媽媽對佢嘅好，而家經濟唔好，佢手機啱啱好壞咗，阿爸阿媽儲咗幾個月錢幫佢換咗一部手機，但係佢一拎到手機就一直喺度打機，一直打一直打，由朝打到晚，連我都覺得過分嗰隻，搞到我依家真系超憎光遇（佢一直打緊嘅就系光遇）。有一次我阿媽要收佢手機，佢甚至同我阿媽搶，令我真係好嬲，但係我甚至唔知係嬲佢對爸爸媽媽唔好，定係我妒忌佢可以自由自在噉玩。

#NSS個人 [guest] 小妹今年F5 讀緊band 1 但係成績認真係差 但係冇乜心機去讀書 而且屋企又唔算富裕 老豆人工頂多兩萬多 一家五口

#NSS學校 [GUEST] 唔知有冇人同我有一樣嘅煩惱🥲 今年F.3，但係學校一個真心嘅朋友都冇，普通朋友就好多，但佢哋全部都有自己嘅圈子，唔好意思加入佢哋….. 之前都有一個死黨，但之後佢就同班上嘅大陸同學玩得好埋，所以之後我就離遠咗佢，費事阻住佢同其他人玩，冇再搵返佢。 宜家係學校淨返一個算係玩得埋嘅frd，我哋係同班，都係香港人，佢本身都有一個朋友，但唔同班。但佢好似好鍾意學我？ 識佢之前都唔覺，但近排就發覺我用咩佢就用咩，我買咩佢跟住買，連講嘢嘅語氣都同我一模一樣🌚好似有啲恐怖，搞到我有啲唔太鍾意佢，但宜家除咗佢之外就冇學校嘅其他人同我玩…..(因為全級80%都係大陸人)😢 所以我係咪應該就住佢？放假就可以約小學同學出嚟玩，但一諗起仲有成3年中學要讀….自己一個又尷尬就唔知點算好….😢

#NSS個人 [guest] 小妹今年F5 讀緊band 1 但係成績認真係差 但係冇乜心機去讀書 而且屋企又唔算富裕 老豆人工頂多兩萬多 一家五口

#NSS學校 [Mst ] Mst ( F1-2 )有3-4個女仔和2個男仔勁討厭lor ，日日講粗口和咸野

#NSS學校 [Mst ] Mst ( F1-2 )有3-4個女仔和2個男仔勁討厭lor ，日日講粗口和咸野

#NSS學業 [Guest] 是咁的 小妹今年f3,讀緊間band1A女校,成績中等偏上掛…,全級四十幾咁樣 之前喺呢間學校經歷咗好多非常不公嘅事, 令我對呢間垃圾學校嘅人同事都好沮喪同失望 我係一個好鍾意art同藝術創作嘅人,近排察覺到香港有間高中書院叫hksc,係專讀art,設計之類嘅嘢,(非廣告，真係想了解）而且風向都feel到好自由,老師都好有heart,我好想f4轉讀呢間,睇吓可唔可以嘗試更多野,但係我好驚做錯選擇 去,定唔去？ 但係,我家媽子俾我嘅感覺其實好守舊,都係個啲覺得讀大學就可以出人頭地,搵到好工嘅人,我好驚佢會拒絕（老母份人比較強勢 而家想問下各大施主/讀緊嘅人其實真實嘅書院係咪真係咁自由？有冇落差？同埋有啲咩建議可以俾到我…

[GUEST ] 小妹今年f3, f6畢業之後想去外國嗰邊讀書(暫時想去澳洲), 可以嘅就順便喺嗰邊發展同生活。但基於以下原因我都唔知點好。 我屋企嘅經濟條件供應唔到我去外國讀書, 我係住公屋, 父母一個月嘅收入唔算好多, 依家我有補習中英數, 已經洗咗父母唔少錢,

#NSS學校 [某中學] 人類有權唔打疫苗 我想講就係咁簡單，憑乜嘢逼我哋中學生打疫苗？大家都係人，大家都應該有權選擇自己嘅嘢，我係唔愛惜自己身體呀，又如何？學校班老師借啲意講到疫苗好重要咁，唔打又會點xyz咁，我想問下你媽媽安好嗎？我同你班谷針老師講，我一針都冇打過，但係乜事都冇呀，唔好講到冇打會死咁啦。 你班谷針老師係一復課嘅時候就不斷問人，「你打咗針未呀？」「你快啲去打啦」「我都打咗3針呀！」我想問，關你咩事呀？我打唔打又點？打完3針好威威？ 最後想同大家講句，冇人打政府就推行唔到惡法，你每打一針就間接逼害緊冇打針嘅人，唔好同我講「反正都要打㗎啦」，人反正都會_，又唔見你_🥰我係唔打㗎啦，你班老師點谷都冇用㗎啦，2月24號我慢慢自生自滅啦😘 #人類有權唔打疫苗

#NSS學業 [guest] 小妹05，嚟緊dse冇得擺脫eng speaking 話說學校啱啱先開始練，但係我練到成pat屎咁 每次預備完之後去到真係講嘅時候 就會成個腦空白，唔知講咩 仲有老師提我哋用嗰啲字眼呀、成語呀、嗰啲全部唔記得曬 有咩方法可以令到我講嘢流暢啲🥲

#NSS愛情 [Guest] 唔好意思 小弟其實純粹想知道溝到師兄師姐嘅成功率係幾多，希望有人可以留言你地嘅成功例子比大家FF下

[guest] Admin po IG pls and thx🙏🏻是咁的小妹我今年f2，學校算係band1C，英文數學成績唔算差，但係Science係班裏面最尾嗰啲人，遲啲會移民英國，擔心自己學業會唔會追唔上，有冇已經移民英國嘅可以分享吓🙏🏻同埋想知道嗰度會唔會有好多歧視，sor for 1999

#NSS家庭 [GUEST] 小弟今年17歲，有個扑街老豆，想屌柒佢，比大家睇吓佢幾扑街 自私撚，老母煮好晒餸，食得飯自己9衝入廚房攞筷子，淨攞自己筷子，自己飯。食相又核突，係咁食成隻狗咁，驚死人地搶佢飯咁，自己鐘意食嘅餸自己食晒，唔留比人。食完就走入房，咩都唔做，抬唔執，唔洗碗，最扑街係自己宵夜食完唔洗，留係到聽日比老母洗。 佢成日講佢d做人道理聽到想打7佢，叫我快啲娶老婆，話娶左唔洗做咁多野，比哂老婆做，呢啲人真係正扑街。自己成個廢柴咁，45歲人返工一個月搵得萬五蚊，係到9叫，不思進取，講到自己幾勁，有十幾人比佢管，自己點玩d新人，又咪係得萬五蚊一個月，成個on9咁，返譚仔人工都高過佢，仲話自己唔洗服務人，啲人唔配佢服務。 細個8歲生日老母買個蛋糕比我，咁啱星期日，個扑街係屋企，咁細佬同老母唱生日歌比我，又影下相咁，個扑街唔知發咩神經，一下打爛個蛋糕，話影m9咁耐冇得食，細個真係哭出來，童年陰影，而家都唔會再係佢面前搞任何慶祝。 性生活，老母返完工，攰唔想扑，凌晨係到9叫，話咩滿足唔到佢，驚死我同細佬聽唔到，仲打老母，我好嬲，但又做唔到啲咩，只可以繼續扮瞓。 個扑街極怕阿爺，聽我老母講佢啱啱中七畢業，阿爺比錢佢做生意，個扑街攞去炒股票，輸到死，賠左300萬，阿爺勁嬲，嬲佢炒股，幫佢還左，但係仲嬲緊，直到結婚，比左間屋我哋住，而家都住緊，所以個扑街怕佢老豆老母，比人屌完返嚟屌我哋，滿足自己嘅自卑。 成日係屋企食煙，臭到死，局全家聞煙味。諗住等細佬大個d，同老母搬出去。等個扑街自生自滅。

#NSS社會 [GUEST] 小弟想喺度分享下我呢排中covid嘅經歷 Day 1：朝早喉嚨痛+流鼻水 Day 2：喉嚨痛再嚴重咗少少，同埋開始乾咳，於是乎用快測去驗，結果係陽性 Day 3：發燒同發冷，成個人好攰，食咗止痛藥，瞓咗成日 Day

#NSS其他 [GUEST] 致那個受抑鬱症困擾的你 我無法體會抑鬱症有幾辛苦 我知道你應該無辦法抑制想死嘅念頭 我哋叫你唔好死你又好辛苦 叫你遵循自己嘅意願好似又唔多對路 但係當你有咁嘅念頭 希望你可以回頭 諗一諗你嘅家人

#NSS個人 [Guest] 究竟生存有咩意義？ 由係阿媽出世個陣，我就無得選擇我想唔想留係呢個世界上，細細個，阿媽叫我做咩咁我就要做咩，阿媽叫我聽老師話，我聽，阿媽叫我唔好揀飲擇食，我聽，阿媽叫我唔可以做咩，我就唔做咩。 以前無自我思考嘅能力，就會覺得聽人話就係乖，我聽老師，阿媽話，佢哋就唔會鬧我，仲會讚我，我會覺得開心，但係慢慢開始就會發現，自己就好似個公仔咁，人地叫我做咩我就做咩，唔比我做我就唔做，我生存嘅意義又係咩呢？ 我而家中四，我由上到中學開始，有可能係叛逆期嘅影響，我開始欠交功課，唔溫書，從一個成績唔錯嘅學生變成一個成績差，無責任感嘅人。我無在聽佢哋講要做功課要溫書，但係我亦都唔係做緊一啲自己想做嘅嘢。 好多人會話自己有啲咩夢想，有咩目的，但係我諗嚟諗去，都無一啲自己想做嘅嘢，其他人眼中我可能係一個好鍾意打機好懶嘅人，我承認我係一個好懶嘅人，但係打機對於我嚟講只係一件唔討厭嘅嘢，係一件令我無咁無聊嘅事情，並唔係想做，只不過係對比於溫書做功課來講無咁討厭嘅事情，如果我呢一世人最唔討厭做嘅一件事，或者係了結自己嘅生命掛。 可能你會好奇，如果唔討厭，點解我到而家都仲喺度，我係一個好細膽好驚痛嘅人，平時望落去好似好開朗活潑，其實我只係將一啲唔開心嘅嘢收埋，收到真係得返自己一個嘅時候先會攞出嚟，我好驚同其他人表露自己唔開心嘅一面，淨係會同人講開心嘅嘢，由細個到而家都係咁，其實屈住屈住都幾難受，但係我唔夠膽同人講，我驚人地對我嘅意見，都驚喺某啲事情做唔好之後會令人失望，而搞到自己好緊張，好攰，點解我會生活得咁辛苦，我生存係呢個世界上有咩意義，明明無問過我就令我出世，明明有啲嘢唔想做亦都可以唔做，點解要比我做，明明我根本就唔想係呢個世界上出現，明明我有好多機會可以結束呢段生命，但係都因為我嘅懦弱而失敗，我真係好憎我自己，好憎生存喺呢個世界上嘅自己。 （Sor for