#NSS愛情 [GUEST] Sor for 1999 我今年16,男朋友15,我哋而家都係中三。因為我中一留過級所以我哋中二先同班,我哋一開始冇講過嘢,下學期嘅時候我哋兩個一齊坐,慢慢就熟咗,而因為佢數學幾好,所以每次有數學功課都問佢攞答案,就變得更加熟,但係當時佢有女朋友,佢同我講喺網上識嘅冇見過面,之後又同我講佢同佢女朋友感情淡咗,後來同我講佢女朋友話其實佢係男仔,所以佢哋分咗手,之後我哋好似就開始曖昧。 我哋成日一齊打機,有一次佢話佢想要個姐姐問我可唔可以做佢姐姐,我話是但,從此佢就開始叫我姐姐。隔咗幾個禮拜佢問我有冇鍾意嘅人,佢話佢鍾意坐第x排嘅x個(即係我),我話我同你一樣都鍾意我自己,就咁又曖昧咗幾個月,到前年12月佢正式同我表白我應承咗。 之後我哋第一次嗌交係因為一個女仔稱A。喺學校A坐我後邊所以我哋都算得上係朋友,但係A同佢中一己經識,所以佢哋都幾熟。係一齊咗幾個月之後我哋感情開始變淡,我哋成日嗌交,佢就將我哋啲對話send咗畀A,又偷偷地同A喺遊戲入面set情侶關係(呢啲全部都係A同我講,佢係專登想拆散我哋定唔想我畀佢呃) 後來我問番佢,佢都承認咗,佢話即刻刪咗以後都唔會,爭啲分手,可能因我唔啥得,我原諒咗佢,就係因為呢件事我哋又變得好似熱戀期咁 第二次嗌交係因為A同另一個男仔稱B。我哋換咗位B坐我隔離A都係坐我後面,我哋三個上堂成日傾得好開心,有陣時就淨係我同B傾計,佢呷醋,叫我以後唔好再理B,但係我上堂無聊可以做乜,我只係唔理解點解傾計都唔畀,但係佢自己有同其他女仔傾計我都冇阻止,因為呢件事我哋嗌咗幾次交,有一次我仲block咗全部佢搵到我嘅方法,後來我忍唔住同佢講,如果你可以三日除咗老師同家人唔同任何一個女仔傾計先再話我,佢堅持咗一日話好難,之後就冇再講過

#NSS學業 [Guest] 分享一篇 因為見到一啲類似 #nss220221a 嘅學業post，我覺得我嘅經歷有可能會啟發到有相關煩腦嘅同學，所以決定嚟投稿 我今年f2, 小學嗰陣年年成績都好好，間小學係一間極普通嘅小學，咁我之後叩門就入咗間band1A中學啦。小學嗰陣阿媽好注重我啲成績，雖然佢都有分寸，唔算係怪獸家長，我話唔想補習佢就冇叫我去補，不過佢平時考試測驗同我日溫夜溫，喺當時仲係小學生嘅我眼中，已經算係一種束縛 (雖然當時唔多覺) 上到中學，阿媽完全放手比我自己溫書，我一直都冇試過可以咁自由，但係我又唔肯比自己低分，於是ut前一日先開始溫書，自然就成個ut半炒咗啦，比較多嘢背嘅全部背唔切，少嘢背嘅同主科就仲過得去。當時嘅我見到張成績表科科都唔掂，身邊又咁多學霸，就下定決心考試要認真讀，結果考試有幾科都係炒得好嚴重，我因為咁頹過一排，未至於抑鬱，不過處於一個自我放棄嘅狀態，上堂發白日夢，功課亂做，quiz又唔溫

#NSS個人 [GUEST] 唔該admin🙏🏻辛苦晒🙏🏻 長文慎入，主旨係最後三句。 大家好，我同#NSS220221B嘅樓主情況有啲相似，不過主角係我阿爺。小妹都係嚟緊15歲。因為一d原因，我而家同阿爺住。f3比較多科目，比較忙，唔會好似之前咁成日陪到佢，可能我阿爺就孤獨d? 我阿嫲係我大概小2嘅時候已經因病去世，我阿爺比我嘅印象係，溫柔深情，同阿嫲好sweet，但係原來唔係。有一個大陸阿姨睇落去幾後生，大概50？睇落去細過我阿爺。佢哋之前每日光明正大打電話，我接受唔到。大約一年前，第一次facetime見，問我阿爺佢係乜水，佢答我好朋友，ok冇問題。有異性朋友好正常，但係事情慢慢變得唔正常。第一，我阿爺pin咗佢。第二，我一個星期前無意中發現我阿爺每日都入錢比佢，由一開始2019年4月嘅2XXX到而家2022年2月高達一萬幾。我整個腦都係問號。第三，我開咗佢微信，發現嗰個老阿姨曾經send咗一段自慰片比我阿爺，我阿爺喺微信嗰度save咗。我整個腦d問號變咗大問號。我覺得我阿爺應該因為知我唔鍾意嗰個老阿姨，所以del conversation，不過佢個孫我咁聰明(x，就算平時唔用微信，都一定會搵到蛛絲馬跡。第四，我阿爺wallpaper，係佢同我阿嫲嘅合照，不過佢cut咗我阿嫲，x你我接受唔到(sor)。第五，我喺佢相簿嗰度發現，佢哋2016年一齊去咗旅行，仲有我阿爺其他嘅frd。我阿爺唯一一張selfie係同佢一齊影。我阿爺相簿係冇佢同我阿嫲嘅相架！x佢！第六，同#NSS220221B嘅情況一樣，佢哋講嘢都會注意我有冇見到佢部電話，我喺佢隔離佢都會刻意打斜部電話，好似唔想俾我見到。全部人都知道有老阿姨嘅存在！冇人出聲！ 由細到大我阿妹同表弟表妹都唔黐佢地，作為大孫女，我想補埋佢哋嗰份，所以我由細到大我都黐實我阿爺阿嫲。當然，佢哋兩個就梗係特別錫多d。不過果d已經係過去。而家嘅阿嫲離開咗，阿爺有第二個。我唔再收埋所有野係心入面，我嘗試同身邊嘅朋友傾，佢哋亦都俾咗勇氣我去post。我唔再傷心，而係嬲，而家佢哋一喺我面前打電話，我就會反抗。對唔住，可能睇緊呢篇嘢嘅你地接受到，覺得我overreact但我絕對接受唔到。我只想喺移民之前做返d野。雖然應該改變唔到，但係起碼我試過。 好多謝每一個睇到呢度嘅人，雖然我選擇未必係正確，不過我希望可以鼓勵到同我有差唔多經歷嘅人，亦都希望有同我差唔多經歷嘅你地唔會因為呢啲事冇晒動力，做傻事⋯⋯希望冇經歷過嘅大家唔會落井下石。 如果可以，我都想聽吓各位嘅意見，同埋遇到呢啲事會點樣處理。

#NSS學業 [GUEST] 我是東涌某一中學校的中六學生。 剛才在班群收到下圖的訊息，近日疫情嚴峻，東涌更是重災區。學校在可網考的條件下（中三今早已成功完成網考的程序也在先前實體課教導了中六對網考的操作），仍堅持實體考試甚至建議學生以付費檢測的方式來應付回校考試，這豈不是加重前線醫護的負擔及令更有需要的人無法得到檢測機會？ 再者，學校儘管有分流和防疫措施但依然會讓學生聚集，絕大部分同學居住在東涌，這不就是為我們的社區帶來更多播毒的風險嗎？ 圖Link: https://ibb.co/LZHWfn3

#NSS個人 [guest] 小妹我唔知近排發生咩事，覺得我所擁有嘅一切都唔係理所當然，人生肯定唔會樣樣嘢都順我意。 我12讀year7，19年移民咗嚟澳洲，屋企小康家庭，細細個已經體驗過好多嘢，係香港住九龍塘讀國際學校。成績全級都有頭十，運動都ok，田徑、單車、游水、攀岩…，鋼琴、古箏、芭蕾。有個錫我嘅姐姐同埋理解我嘅父母。身體健全 睇到呢度你地一定覺得我好幸福，我都覺。我成日諗我上一世究竟做過啲咩好事，但係如第一句所講，人生一定唔係樣樣順我意，所以我好驚將來會發生咩事同我依家所擁有嘅嘢交換。 老實講一句，學咁多嘢係一定會攰，但係都可能我樂觀積極嘅原因，所以克服咗好多困難。

#NSS個人 [GUEST] Po ig plz thanksss adminsss~ 我鍾意咗我個best friend 講返背景先，小弟18，鍾意男仔，有識好多男仔，但係由細到大都冇咩好close嘅男仔frd，反而close嘅女仔frd超多，如果我係異性戀嘅應該一早出咗pool。

#NSS愛情 [GUEST] 去咗外國讀書半年, 因為以前香港讀男校, 到宜家都唔係好識同女仔溝通, 但我好想識女朋友, 咁啱其實我返嗰間教會有個女仔我有好感, 所以有啲問題請教各位師兄姊！ 1. 點同女仔有多啲接觸

#NSS社會 [Shdc] 利申 小妹今年f3 眾所周知F3係揀x la 咁所以呢中3呢一年我覺得係同中6都咁重要啦！咁頭先呢政府直播就宣佈咗三四月提早放暑假啦！咁我係覺得係好唔合理啦！ 首先呢病毒係唔識聽人話，咁所以其實我覺得三四月放假係冇特別幫助。相反提早放咗假唔係應該會多咗人出街咩？咁除非政府諗住停課嘅啫！咁但係之前政府有表明話暫時唔會咁做，咁所以我覺得係冇用囉！ 然後呢其實而家一直都上緊zoom 時啦，都已經唔係話

#NSS個人 [Guest] 唔知大家有冇呢個煩惱（女仔） 小妹嚟M嘅頭三日係非常多血嘅 所以一定會著安心褲/棉條/大容量M巾 但係之後嗰幾日好奇怪 會可能成日12個鐘都冇血 咁愚蠢嘅我就放鬆咗警戒換咗護墊 結果無啦啦會爆血 就又要洗底褲

#NSS學業 [GUEST] 本來係22年dse，但上年考得差，加上老師覺得我未準備好，所以今年留多年f5。以我過去3年嘅高form經驗可以話比大家聽，早畢業，早逃離呢個疫情危機，唔使比林鄭玩殘，唔可以睇下今年dse考生，林鄭話要停課，但f6可以照面授，話要提早放暑假又影響唔到。所以大家真係唔好留班

#NSS學校 [Band 1 英中] 我地學校一個數學老師好鬼煩 佢教f1 f2 一轉嚟我地學校就做咗副班主任 然後每日都講勁多廢話大道理 好q煩囉

#NSS家庭 [GUEST] 屋企人成日太敏感點算 話說小妹最近食飯嘅時候都會同屋企人一齊睇電視上面嘅YouTube/Netflix/Disney+ 呢個時候問題就嚟啦，正常有用開Netflix嘅人都知劇集裏面係會有個intro然後有個制係可以skip。咁正常唔係想聽佢首歌或者係介紹嘅都會直接skip，咁我都一樣啦但係老豆竟然勁惡咁同我講話我都唔知佢咩嚟（但係其實套劇可能已經係睇緊第二三集） 睇YouTube嘅時候一樣情況，有陣時可能係我嘅問題，咁但係正常來講影片內容睇晒嘅話應該都係會揀個下一條片（I得返最後嘅廢噏）但係老豆又係鬧我佢未睇晒（但係其實有陣時佢真係同老母傾緊野，根本都冇睇，最難頂嘅係當你終於諗到佢會再同你講，問吓人哋先好skip啦好冇嘅時候，你問返佢佢又唔答你😵‍💫 投稿當天林鄭就宣佈緊學校提早放暑假，咁因為我哋切緊嘅時候佢可能已經係cut緊一啲重要嘅Part，咁我就淨係同老母講咗一聲「佢依家唔係直播」敏感的老母親勁惡咁同我講「你老竇未睇呀」（但係其實我連個Remote control都未攞起仲食緊飯…… 有冇人可以俾啲意見點樣同佢哋相處🥴（已經有N咁多次都係咁，知道有陣時係自己太心急，但係冇意圖嘅時候真係勁無奈）

#NSS家庭 [GUEST] 「其實我比任何人都關心你 只不過用錯方法 對唔住」 先講少少背景，我今年中五，媽咪係家庭主婦，大約年半前佢因為手痛，睇左醫生，發現原來因為條頸嘅軟組織大部分都走哂出來，而且掂到神經線，仲係中樞神經，所以影響到佢兩個手踭痛，手指從不間斷麻痺，好痛好困擾，呢個病冇藥可以醫，唯一方法係做手術，但風險好高，所以都唔打算做手術，寧願痛症跟一世，平日佢晾衫摺衫煮飯，甚至掹插蘇、揭廁板都好痛。 因為呢樣野，冇一日係訓得好，佢形容每朝「擘大眼就係惡夢嘅開始」。 有一日下晝我都得閒，佢話落街買餸，我想同佢一齊落去幫佢攞啲，唔想佢攞咁重。 我：「你多唔多野買呀？」 媽：「都冇咩呀，你沖涼先啦。」

#NSS個人 [on❾林] 講真聽到林太話要用校舍所以提早放暑假，我腦海裡只浮現左四個字「鵰你老姆」。 講真如果你淨係諗住係落台之前證明自己嘅能力，以為自己可以搞掂晒，真係一個笑話…其實你有冇諗過中三揀咩科？中六同學點算？DSE提早考？你在講笑？最好笑既係邊個會想突然提早暑假？你其實有冇企係學生方面去諗，將心比己啦，老林 你講就算啦，仲講一半唔講晒。而且先前先叫我哋打針，唔打就邊度唔去得，簡稱「軟禁」，而家又叫我哋放假，你其實想點？ 其實使唔使用校舍呀？叫大陸呀嘛！？你唔係好識叫既咩？依家又想證明自己掂？！你認清楚你自己未？如果你以為你一系列措施可以令我對你另眼相看，重新考慮，咁你諗多咗。 我認真唔明，亦get唔到你既想法，我只有一句嘢想同你講：睇你幾時完！ admin 出post pls🙏🙏🙏。文筆唔好，細力啲屌！

#NSS家庭 [guest] 第一次投稿，希望大家屌細力啲 是咁的，我有個細佬，次次沖完涼唔著衫衝出黎。 今日佢沖完涼又唔著衫，我鬧佢阿爸叫我收聲，跟住佢喺個房度跳舞挑釁我。我入房覺得好嫐就出去打佢一下，我講「你次次沖完涼唔著衫出黎，打機又叫得咁鬼大聲，我受夠你啦！」跟住阿爸就好嫐，拉著我比我一巴掌又鬧我，我冇嘢講入翻房，我好後悔自己又意氣用事，跟住阿媽入黎打我個頭好幾下，我邊喊邊同佢講打佢嘅原因，佢同我講我唔應該出黎嚇佢，我講我當時同佢講左佢不但冇聽仲挑釁我咁我咪打佢，講完佢鬧細佬跟著又話我抵打。 我依家覺得好迷茫，我到底有冇做錯，我次次都咁衝動，我好後悔，希望大家可以比啲建議我或者我到底有冇做錯🥲

#NSS學校 [有個同學好煩，啲老師又好鍾意佢…] 小妹10，宜家小六。有個大陸人真係好煩，日日唔交功課，勁多籍口，又話咩嫲嫲一個人喺屋企樓下，要去接佢上屋企。我屌 佢一個人識嚟唔識開門，佢屋企樓下冇保安？ 我就噹真係冇，佢第二日又欠，老師問佢點解唔交功課，佢話佢曰日都喺嫲嫲屋企上zoom，啲作業喺自己屋企，冇拎過嚟。佢識拎書唔識拎作業？ 之前返學校佢帶電話返去冇伸請，放學我咁啱同佢同一架巴士，無啦啦拎部電話去嚟，仲勁串咁同我講。屌 我有試過同老師講，佢噹聽唔到，有一次佢上堂玩電話，比老師睇到，個老師仲要扮晒冇嘢。仲揀佢做班長… 今日上網課，佢之前佢話佢阿媽唔喺屋企，今日佢無啦啦Unmute ，佢阿媽用普通話話咩「閨女，下課了沒？」佢用普通話話「就快下課了，就快下課了，就快下課了！」我真係笑死，跟住我老師睇到，要留堂，屌 佢玩電話就睇唔到，我笑佢就睇到…

#NSS愛情 [plk83] 我只偷看他一眼 在這浩大的青春裡，人聲鼎沸，我就在人群中，只偷看他一眼。 　　——————- 　　「今天很榮幸在我們的節目上，邀請到了最近爆火的作者，溫渝梡溫小姐。 　　溫小姐你好。」 　　「你们好。」溫渝梡淡淡點頭，禮貌回應。 　　溫渝梡，因為一本暗戀文，一夜爆火身價上漲的老作家。 　　主持人拿着手上的話筒，有些按耐不住的開口問着：「溫小姐，我們都知道你寫文已經有很多年了，但是我們發現似乎你的所有文章裏，男主的姓全都是以C開的頭，並且在你最新創作的那本暗戀文裏，很多讀者都在蛛絲馬跡的描寫中，找到了原型的學校，不知道這，是否是真實的呢？」

#NSS愛情 [GUEST] 希望admin揀中我🙏 暗戀就係，見住你鍾意咗第個女仔，好呷醋但發現自己根本冇權咁做。 仲記得我點解會鐘意你。開學嘅第一日，係班上面無人識嘅我極度徬徨，而你主動同我傾計。係呢一刻，我已經鍾意咗你。之後你調咗位，同咗另一個人（A）坐埋咗一齊。調翻位，同A同你一齊坐。呢段時間，我地嘅關係變咗有d曖昧，上堂打打鬧鬧，講真啊，呢段時間好似夢咁，好開心。我有諗過同你表白，連段文都打咗出嚟，但最後都係驚表白比拒，同你連frd都冇得做。 有一日，我喺細帳Po咗Q&A，Q&A裏邊講咗有鍾意嘅人，而同我好熟嘅A問我鍾意邊個，而我答咗你。 之後A同我講你哋原來已經喺埋咗1個月，果日，我喊咗成晚。 過咗幾日，我同A​又繼續frd，但你好似一早由你密友del咗我。見到你又開翻private acc，根本冇勇氣去撳request。 我都想放手，但我唔知點做，我一瞓落床我就諗起你，亦都奉勸大家，見到有鍾意嘅人一定要表白，唔係就會好似我咁後悔都嚟唔切🙌

#NSS愛情 [guest] 我同男朋友一齊左差唔多三個月，我同我男朋友同我好朋友，以前三個都係好朋友的，我男朋友同我好朋友之前拍過拖，但而家我同左個男仔一齊，但我個心成日都好唔舒服，因為佢 ex 係我好朋友，有時同男朋友wts 我就會諗起，佢呢 d 對話，呢 d 甜言蜜語，其實係唔係都同我好朋友講過？當我地打情侶角色時，我又會諗起佢以前都係同我好朋友玩過，我好似覺得自己係代替品，我有時覺得其實佢唔係真係鍾意我，其實佢仲掛住我好朋友，因為好多佢同我好朋友做過嘅嘢都冇同我做過，我覺得佢好多嘢隱瞞我，但我又講唔出，而最大問題係，我同我好朋友冇以前甘

#NSS學校 [hfcc] 話說我哋教ict嘅老師好奇怪 我哋上咗兩堂 每堂都攞咗成個鐘嚟點名 我唔知佢冇嘢教定係點 十分鐘點完名之後佢又會繼續重複點名 就算個同學影咗成個樣出嚟 佢都係話我哋冇show樣 又話要左啲又右啲