#NSS個人 [Guest] 我好唔捨得依間屋（sor我用拼音所以有啲書面語） 小妹今年f2，屋企一直都有投資物業。有一間細屋，即係我依家住緊那裡。屋企人早幾日話政府打壓緊樓價，要賣左我地住緊嗰度。搬去佢哋一間租客退左嘅屋 ，那裡比我現在間屋大幾倍。明明我間房會比現在大，寵物終於有位跑，屋企裡都會有做運動的空間，但是我開心唔到。 好驚因為嗰度係豪宅區，全部鄰居都有司機，泳池，但係我連車都沒，會比隔離屋的人（尤其小朋友）歧視。 另外，我係依間屋住了多過十年，有好多回憶，一諗起我細個玩啲畫面，新主人會重新裝修，就喊到爆。但我亦都知道我嘅意見係唔會影響到父母的決定。 各位點先可以唔再留戀依間屋啊😩 Sor for

[GUEST] 小弟就讀F5，預計四月至七月可能會去外國留學。近日我家人還未決定幾時飛，因為現時東歐準備開戰。他們怕航班受戰事影響。 想問下各位，你們認為幾時飛最好？

#NSS學業 [GUEST] 點解只可以讀英文？ 我由細到大啲英文成績都唔錯，但係其實冇話好鍾意英文，甚至覺得讀英文根本唔係我想要學嘅嘢，見住身邊有啲同學「對英文冇興趣→冇動力去讀→成績差就更加唔想讀」係咁惡性循環覺得有啲可惜，如果佢哋係讀緊自己鍾意嘅語言情況會唔會變好？始終動力勝於一切。 我都有自學日文兩年，礙於我唔可以放晒時間落去讀日文度，進度緩慢之餘程度仲係唔上唔落，但我真係比英文有興趣10倍囉，我都好想擺多啲時間落讀日文度，如果其他英文唔好嘅同學都可以以鍾意嘅語言作為正統科目，佢哋會唔會可以利用個人優勢呢？ 我明~英文係香港法定語言呀嘛，而且識英文出嚟競爭力都會強啲，但係香港咁多人學日文韓文都差唔多變香港人第三語言喇掛，我覺得可以將英文當作minor，將自選語言（不外乎最popular嗰幾種，你唔會走去讀威爾斯文掛）當作major咁讀，諗唔到讀咩嘅都可以揀返英文做major，咁樣讀自己鍾意嘅嘢，學習氣氛同效率都會大大提升，同學之間唔會有無謂嘅競爭，dse唔會因為英文唔過3而入唔到大學，但係又唔會話完全唔識英文，將來出嚟做嘢可以去使用你學嗰種語言嘅國家，例如學德文你就擁有去德國發展嘅選擇，仲可以增添香港multicultural嘅氣息。 以上僅為FF😂I don’t care about

#NSS學業 [應屆dse考生] 大家撐住呀！！！！ 屋企人中咗招，等得正苦嚟都好返晒，所以就喺家居隔離算，但係生活模式可以話改變咗好多，除咗食飯沖涼瞓覺其他時間都要帶口罩，吸少咗氧氣，加上本人住新界近排凍到癲🥶自然個腦都慢啲，同埋食飯要分開食就少咗同屋企人傾計😢一日到黑都係自己一個過，而且仲要擔心唔好受感染，雖然話同感冒差唔多，但係中咗又頭痛又喉嚨痛又乜又物真係會好影響溫書，原本考dse已經大壓力，依家仲飛來橫禍，真係頂唔順呀😭 不過都同同路人講聲加油！！不論你身處咩情況都好，都要記得博盡無悔，辛苦埋嚟緊呢兩個月到，就可以見證你咁努力得來嘅成果，撐住！冇咩事我返去溫書先喇~

#NSS家庭 [guest] （長文）小妹今年f2，有個兩歲嘅阿妹。係咁嘅，我阿媽性格同情緒好似有啲問題。 第一，佢成日將啲嘢扭曲到係人哋蝦佢，之後周圍同人講。例如 佢自己唔入房，喺梳化坐到腰痛，之後鬧我唔肯出房，唔肯讓間房俾佢哋。我話 你想入房可以自己出聲同我講。佢話 費時你又話我麻煩啦（我冇印象自己有咁講過，有可能又係佢扭曲出嚟）你唔識自己主動問㗎咩，咁你係咪冇叫我煮飯，我就唔洗煮？ 但係小妹屋企細，得360呎（住公屋，單位錯咗嘅唔好意思）阿妹啲玩具又多（阿媽唔捨得丟）要成日出房入房好麻煩，zoom嗰陣攞住部機（部機幾大部）出出入入仲麻煩。所以我無啦啦行出嚟問佢要唔要入房都幾麻煩。 （send訊息叫佢入房冇用，佢唔睇。有時阿妹瞓咗唔可以喺間房嗌出嚟問佢入唔入房，會嘈醒佢） 佢又成日將

#NSS社會 [guest] 呢個暑假有啲冬。大家都知政府宣布3月4月放暑假，話用學校來檢測，打針喔。我對呢個政策無話可說😶。其實本身話清零行動我已經嬲到爆，因為個一兩個確診就檢測成棟樓，影響哂日常生活。冇得見frd同男朋友，小妹先得F1,我唔想成個童年都俾疫情奪走。我到依家都唔明點解唔可以好似外國咁同疫情共存，外國仲多病例都繼續正常生活，連我表弟係英國讀書都無停課。加上我係國際學校通常八月中就開學，依家俾政府搞亂哂啲嘢。分分鐘今年放完「暑假」要到十二月先再有假。 依家日日係屋企仲引申出好多問題，相信唔係得我有。日日係屋企上堂對著個mon已經超辛苦（知道有人比我更辛苦，對所有因為疫情而變得辛苦的人獻上祝福和鼓勵💪🏻💪🏻）無得出街困獸鬥搞到屋企人成日鬧交，令到自己好似開始有啲抑鬱。希望政府唔好再做出三四月放暑假咁嘅決定，快啲令香港同香港人變番正常🥲🙏🏻在此希望大家面對的困難都能有解決的方法，獻上鼓勵💪🏻大家一齊加油❤️❤️（sorry for 1999 and thanks admin❤️🙏🏻)

#NSS家庭 [GUEST] ［大量粗口慎入］ 小妹今年06，一直以為自己生於呢個幸福嘅家庭係必然，直到有日發生咗件咁嘅事。 有一次，我借阿爸部手機睇相，結果無意中見到個人send咗D好曖昧嘅嘢比佢。雖然偷睇人D對話係唔啱，但好奇心害死貓，我都係撳咗入去睇。 至於內容真係令我「大開眼界」，估唔到佢哋D對話已經好多，多到連幾時開始都唔知。最恐怖嘅係，我見到嗰個八婆send咗張鹹相比佢，仲有一D事後嘅相，喺嗰一刻，我個心涼曬。件事仲要發生喺疫情，真係痴撚線，嗰陣佢仲要病咗，好彩冇傳染比我哋咋頂，我阿媽好悉心咁照顧佢，而佢一D悔意都冇。 我有試過比佢話我做咩睇佢D嘢，話我同個垃圾政府冇分別（垃圾係我加嘅）係，睇人手機的確唔啱，但如果我唔睇，你仲諗住瞞住我哋幾耐？仲話嗰個八婆有精神病所以唔敢block佢。大佬啊，你咁care人感受，你有冇care過我哋感受？ 我阿媽有試過搵身邊嘅人幫手勸佢，但佢都係重蹈覆轍。 話咁快件事已經一年喇，到而家仲未完㗎。最近我都有偷偷哋睇，因為我真係對佢失去曬信心同信任。佢哋而家仲有保持聯繫，有時仲件條死賤精喺度鬧我、我阿媽、同佢阿媽（即係我嬤嬤）我唔明點解佢係都鍾意呢D人渣垃圾。 啱啱再睇，個八婆又諗住約佢出街，但係我都係盡量阻止佢（當然係好婉轉嗰隻）仲要佢買化妝品比佢。

#NSS社會 [防疫撚都好過你哋依班自私撚] 依家啲人郁啲就話其他人防疫撚，咁驚就唔好呼吸等等 唔知你有冇諗過其實確診案例增加受苦嘅唔係你，而係班醫護，老人家同細路同普通家庭 首先 香港醫療人手不足依樣嘢唔使講 大家都知噶啦 尤其是係依家依個情況，你有睇新聞都知個個醫護做到成只狗咁，醫療不嬲都超負荷，正苦淨係識日日喺度鳩噏，完全幫唔到手 你話唔防疫就唔防疫，你係開心咗，班醫護更加想死咯 你係淨係顧自己唔理醫護嘅，咁萬一你中咗重症請你留喺屋企等死，唔好麻煩到香港醫護

#NSS學校 [Guest] 我今年grade7(國際學校)，呢個係我第一年入國際學校(之前係傳統學校)，我初初對國際學校還有美好嘅幻想。 小女嘅英文就唔係咁好，諗住入國際學校英文可以進步多啲。但係當我入咗之後我發現我嘅英文唔好，導致我唔可以同到啲同學好流暢 地傾偈。好自然地呢我就冇朋友啦。 咁我入咗國際學校應該差唔多有半年左右，我發現嗰啲英文對我來講真係比較難。當我開始明白老師講咩嘅時候，老師已經教完嗰個topic啦。我已經成日喺屋企都嘗試自修去溫習，但係一直感覺好似爭啲乜嘢咁樣。 而家讀咗半年，我突然間有個諗法係我要想入返去傳統學校，因為啲同學又講廣東話，咁我可以識多d同學。咁國際學校主要係俾你去自己諗，唔似傳統學校咁死板。不過傳統學校啲學生講中文，又可以識多啲同學。 唔知大家有冇咁嘅經歷呢？

#NSS其他 [guest] [covid中招］ 見到有人分享中招嘅經歷 跟住就又想分享我自己的經歷 希望大家小心啲!身體健康🥳 ——- 小妹依家中二,前排中左 *上年7,8月爸媽推左我去打兩針BioNTech *我有2個細佬,以免混亂

#NSS愛情 [Guest=] ] 大家好！我係#NSS211109D樓主，我又又嚟投稿laaa＞＜我希望可以分享下同A嘅故事令大家笑下（？） 長文慎入😵 是咁的，我同A 喺上星期過左第一次情人節。A媽喺 12號嘅時候打比我媽咪，同佢講14 號果晚想一齊食飯。想當然，我親愛的媽咪答應咗。 情人節當天，上完堂大約兩點，忽然聽到門鐘響起。「叮噹」一打開門，原來係A同佢細佬。我好震驚，冇諗過佢地會咁早上嚟，最重要係我仲着住睡衣同未執屋🤦‍♀️A同我講A媽叫佢地上嚟同狗玩住先。放左佢地入嚟之後，A細佬同我細佬兩個一齊撩狗玩，而我同A就咁坐埋一邊。我地其實仲未公開關係所以都唔敢有太大動作，亦唔敢講咁多野。

#NSS學業 [Guest] 小妹初中，由學期初開始對讀書好迷惘、冇乜動力。唔知點解見到好多人都係高form先認真讀書，咁我入既係band1，但又唔係1a嗰啲名校，可以入大學既機會少好多，可能你會話好多band3最後都入咗大學，冇乜分別，但係佢地其實大部份都係高中先追返，咁其實係咪就算以家努力，到時都會比人追到？佢哋用一兩年時間就追到以前學到既嘢，而其他高材生就係一直以黎都好努力讀，甚至冇鬆懈過。結果一樣，咁點解要由一開始就努力讀？ 而且學校係用英文教，偏偏我英文差，導致科科都唔太明，成績當然冇咁好 我有試過improve英文，背下wordle,做practices…，但好似一直背極都背唔完，追極都追唔到人，過一段又唔記得d，好憎自己啊🥲做乜浪費時間做呢啲？ 可唔可以屌醒我 我都想play hard work hard

#NSS學業 [Guest] 我係今年嘅中三學生 啱啱見到成績表自己嘅排名好後 尾1x 揀唔到自己鐘意嘅科 唔知我應該點算 又唔知下學期追唔追得番 我唔知自己應該點做 好崩潰

#NSS個人 [guest] 小妹我由細到大都成日自己一個係屋企，父母成日都要返工，媽咪朝早出去夜晚好夜返嚟，爸爸就開夜更。 二年級屋企請咗工人姐姐，去到四年級姐姐就冇繼續做。然後我就成日自己係屋企，做完功課一直睇電視，就算播新聞我都唔會熄電視，開曬屋企燈，我只有咁樣先可以令到自己冇咁驚。 上年我地成家移民咗嚟英國，屋企都會大過香港個間好多，我父母依家就係下午返工，夜晚11點先到屋企。同埋可能有人唔知，英國嘅水電煤真係貴到飛起，係香港嘅8倍。所以我根本唔敢浪費電開曬啲燈，所以日日喺房度睇電話，出房去個廁所都要提心吊膽。加上呢度唔係香港，冇高樓冇汽車，屋企附近都好安靜，變咗日日都好壓抑。又唔敢同父母講，因為佢哋返下午班都係為咗可以接送我返學，同埋工作難搵，所以唔想打亂佢地安排。 真係唔知點做可以令到自己唔驚，英國嘅時差同香港差8小時，我夜晚自己係屋企嘅時候朋友啱啱好瞓曬覺。

#NSS愛情 [GUEST ] 我想問下意見 咁樣係咪好衰？ 。 。 咁我有個好朋友 f1識到依家f4仲好friend 一齊打波

#NSS學校 [GUEST] 喺女校其實啲人鍾意tb，係咪因為tb行為髮型似男仔所以先「鍾意」？但係其實係咪真係鍾意？定話只係純粹情竇初開，喺女校冇男仔，所以見到tb會鍾意咗佢哋？🤔🤔🤔

#NSS愛情 [GUEST] 好長，書面語。失眠所以紀錄一下情緒。 希望唔好tldr，勿相認，謝謝admin。 隨便寫寫。 真情實感總會在深夜表露無遺。有些人注定會相遇，卻只是我抓不住的美好影子。 失眠了。妳的笑容，在腦海裡揮之不去，我多麼渴望的妳。自從那個陌生的影子進入了課室，便成為了我刻在心底、一個擦不掉的痕跡。 坦白說，一開始我根本沒有特別注意妳，人們說妳很漂亮，我也只是笑笑。只是直覺告訴我，妳是一個很好的人。我覺得妳的教學方式很新穎，今個學年，課堂應該不會那麼枯燥乏味吧。 漸漸的，事情從一個回答中出現了變化。妳總喜歡在課上講課外的一些知識，有次，當妳問大家的問題時候，我衝口而出了。我喊出了答案，妳笑著點了點頭，識嘢啊。夢是林夕。 我開始想發掘更多，更多關於妳的事。我發現我們喜歡同一隊樂隊，我說，我因為這首歌而看了這本書，妳說，妳也碰巧剛剛聽完了這首歌。妳說，妳喜歡這部電影。我說，張國榮好帥。妳說，嗯！真的很帥。

#NSS個人 [一條龍Band1學校] 我想有多D好朋友，但係有咩途徑可以識佢地……. 話說我今年讀中四，下年會係英國讀一間新學校。我自問我內向，同埋社交能力中等，唔係好但都唔係差，D親戚都會估我有朋友。但係，我之前因為抑鬱疾而對佢地唔好，所以冇晒大部分朋友，而我道歉佢地都唔肯原諒我。宜家，望住人地ig咁多朋友，而我就得嗰幾個friend，密友story得三個人，我覺得好自卑。 或者，ig根本D人tag其他人都唔係咁friend，朋友應該係講質素。但係，好多人都講求popularity，佢地會因為我ig小friend 而對我差。 我諗過下年開學識返D朋友，但係講真嗰句，我係插班生，又唔係寄宿生，D同學又要努力準備考公開試，會好難識朋友，宜家都唔知點算。 不過，我會努力，多D花時間識朋友。途中，我會以真誠待人。

#NSS愛情 [[GUEST] 我唔知應該點做] 唔該admin🙏🏻 sor for 1999 我地一齊左差唔多一年，佢平時對我都好好係除左脾氣方面有待改善。咁有一日我就係ig見到佢ex dm me

#NSS個人 [Guest] 小妹15歲仲未嚟M，正唔正常？音毛同胳肋底毛都有。哮喘或者出過水痘會唔會影響？ 唔該晒大家同admin，麻煩po喺instagram。