#NSS家庭
[[GUEST]] 是咁的，我老母問都冇問就揼撚哂我啲新書同筆記。
*長文慎入,含有大量粗口,結尾負能量注意(敬請原諒,打呢篇嘢嗰陣已經嬲到唔打粗口係會激死)
講返少少背景先：
由細到大老母都係一個我行我素，自私自利嘅人。我就一定要聽哂佢講，佢永遠啱哂，唔會理其他人嘅意見。
回到正題：
小妹今年F5，買咗返嚟嘅新書自然會比上年多，於是我將新書同我之前嘅筆記一齊擺喺床底。一嚟唔會阻住其他人經過(利申.我冇房,我瞓廳)，二嚟方便我拎出嚟用。
結果正式返學前兩粒鐘，即係凌晨4點幾，我老母起身唔瞓走去吸塵，吵撚到我忍唔住叫佢等到全世界起哂身先去吸塵。我老母唔gur，鬧鳩我好撚惡，仲吊我話我啲新書好撚阻訂(Sorry,用同音字代替住先)。我費時同老母吵，然後冇理到佢，繼續瞓。
其實嗰時我已經feel到有種不祥預感，但係衰眼瞓所以釀成咗今次嘅悲劇。果然我起身一check床底，我驚到爆咗句“頂你個肺，我啲書同筆記呢！？”我老母即刻開門，又鬧鳩我吵住佢瞓覺，佢仲話已經揼撚哂我啲書同筆記，太阻訂。
你老闆，邊撚度阻訂啊！？我就係為咗唔撚阻住個地球轉，我先擺喺床下底。你自己自把自為將我啲嘢拎出嚟然後揼Q咗去，你條粉腸有冇尊重過我啊？啲新書仲要係我自己用我啲利事錢買㗎，佢叫我自己再買返嚟，仲話揼哂我啲書係對我唔聽佢講嘢，唔敬老嘅懲罰。我吊！有你呢個老母已經係我成世人最撚大嘅懲罰！
我諗住即刻衝去垃圾房度執返我啲書，結果我老母話嗰度污糟邋遢到死，我行咗入去就咪撚再返嚟，唔好整污糟頭家。我冇理到佢，去咗垃圾房度搵，但係完全唔撚見我啲書。
我而家可以點撚做，我啲錢絕對唔夠我買過新(絕對唔係要求讀者捐錢比我買書或者捐書比我,想喺麻煩少數人嘅情況之下搞掂)。我冇老豆或者兄弟姊妹可以幫我，班仆街親戚更加唔會幫。
我已經唔撚想理我老母，我只係想知我之後要點返學。
人生冇希望，前路要點創？殺咗我多謝。
多撚謝哂我老母送咗大驚喜比我。
多謝你哋睇到呢度，Sorry for 1999(第一次投稿,錯別字可能會好多)，麻煩哂Admin🙏。