我今天S2,14歲，由細到大都係偏高成熟型。前幾日有個S6嘅師兄同我表白，話唔想後悔。其實如果我18歲，佢22歲，差4年咁係冇咩問題。但係佢已經成年，我仲未。
佢話可以等到我18歲先發生性關係，佢唔會亂黎。佢話到我大學畢業後，我23歲，佢27歲事業穩定個陣同我結婚。
我父母話只要保護好自己，唔影響學業成績可以拍拖。我同佢都係librarian,所以之前面授課個陣差不多日日見。佢話佢當時對我一見鐘情，相處之後先知我當時係S1,覺得我無論外形定心態都好成熟，好欣賞我。之後網課都一直有聯絡傾計，佢覺得我好好，係佢完美嘅理想型。
如果真係可以好似佢講到咁，當然好好，係好多女生理想中嘅愛情。但事實好難做到，佢一定可以陪我讀完中學，再讀大學，之後結婚？
其實我都幾中意佢，係圖書館見到佢第一眼就係個種電視入面嘅師兄。相處落都好舒服，但係始終過唔到「成年」呢個門欄。佢大學畢業個陣我就18歲。所以最後我同佢講，如果佢大學畢業個時對我仲有feel嘅可以聯絡我，我地可以試下。
唔知呢個覺得啱唔啱，希望各位比d意見🙏🏻