#NSS愛情
[GUEST] 第一次po嘢，唔係好明成個系統點work
if possible admin pls post ig, thx 🙏
———-
學校搞嗰個活動辛苦曬
雖然因為唔同學校 我冇可能喺你身邊支持你 但係你成日喺度嘈話麻煩又話邊個邊個on9 最後都係照做得成 感受到你對你鍾意嘅嘢嘅愛可以去到幾深
之前成日約你出街 literally差一步就遇上 而家最後冇得同你以情侶身份出街雖然都係有少少後悔 但係始終「情侶」呢個身份喺呢個社會嚟講 俾嘅壓力同埋要求太大 綁死咗喺一個我哋兩個都唔舒服嘅一種關係入面 解綁咗之後都覺得舒服好多（鬼叫我哋兩個精神健康都差得咁相似咩 但係唔係嘅話當初我哋會唔會係冇計傾？）
但係無論我哋兩個之後嘅關係係點定義都好 係叫做「知己」定係唔知加埋「友達以上」嗰啲嘢都好 我鍾意你呢個事實係唔會變 你講你鍾意我趕時 我雖然成日自卑到諗得太多就會懷疑你對我嘅感情 我都全心全意咁相信你
以我哋兩個嘅身份同埋圈子 根本連相識都唔應該 只係我哋兩個咁啱喺網上呢個巨海中 跌跌撞撞咁喺同一個角落遇到 我呢世人識到同埋鍾意到一個你咁嘅人已經心滿意足 好開心可以做到互相第一個情人
我只係希望 你作出最後嘅抉擇趕時 唔好氹低我一個人 以咩身份都好 我都想陪住你 睇你笑 睇你嬲 得閒就傾心事傾廢話尷尬傾到凌晨三點鐘
我知你有煲開呢個page，sor我又忍唔住喺凌晨打咗篇尷尬癌出嚟 仲要send喺度jpg（
諗返起我當初同你告白太過曲線 冇直接講到明
而家嚟返一次直接啲嘅：
I love you so much.
分手快樂。