#NSS個人
[Guest] Hiii：）
唔知大家有冇咁樣諗過，而小妺我成日都喺度諗，令我心情成日都非常差，覺得自己好冇價值咁。
有時我會覺得自己係可有可無，不論喺社交，定係喺屋企方面。社交方面，自己比較內向，存在感低，有試過expose 自己一下，例如講下笑，但我發現原來我最介意嘅係尷尬嘅感覺，又唔知點樣令自己面皮厚啲。朋友又唔多，而家都只係同返一齊升上中學嘅小學同學+中一識嘅朋友玩。自我感覺唔太好，覺得自己廢。屋企方面，屋企人又好鍚我，想要啲咩就有咩，最近參加咗學校嘅結他班，我話佢哋揀到我，所以就需要一支結他，爸爸就二話不說咁同我去買<3 我有咁樣嘅屋企，我真係好感激，所以平時考試測驗都會比足200%心機，只係為咗令爸爸媽媽覺得我係有用嘅人。但係我唔知點解我好有罪疚感，我會成日都諗點解自己咁廢，又唔係多才多藝，又唔係其他人咁鋼琴八級等等（而最近都有盡量積極參加課外活動），但屋企人仍然無微不至咁照顧我，疼鍚我？佢哋搵錢咁辛苦，如果冇咗我，係咪會少一份負擔？
唔該晒admin
Sorry for 1999
祝你哋今日過得快樂