#NSS其他
[Guest] 請大家唔好好似我咁蠢，俾騙徒呃咗屋企人$1500
間公司叫 waterpower水之源，話有免費十年保養
今日晏晝，有個女人上黎我屋企sell 濾水器。我坐咗喺客廳，我嫲嫲同妹妹就去睇下咩事啦。其實我第一下都覺得喺呃人嘅，但係我全程由 sell 濾水器到俾錢安裝我都冇理到。間公司叫 waterpower水之源，最後個女人走之前俾咗一張 ‘單’ 嫲嫲，同埋叫我同妹妹俾心機讀書………之後媽咪返嚟上網睇返先發現，原來三年前已經有人俾同一間公司呃錢，我究竟係蠢到咩地步，唔去制止嫲嫲俾錢……. 同埋個女人講得啱，我真係要俾心機讀書，唔好再俾人呃…….我真係好內疚，好對唔住屋企人。大家千祈要小心騙徒，特別係公屋屋邨，保安唔好，啲騙徒好容易就上嚟撳鐘。