#NSS學校
[Guest ] 我真係就嚟頂唔順..
話說我有個男同學，冇同班過但係因為共同朋友多就識咗。本身幾fd，但係自從佢去咗外國讀書之後就開始24小時瘋狂message我，不斷咁問我食咗早餐未，食咗晏未。唔覆佢一陣就unsend然後莫名分享人生。例如：「我又homesick喇」、「我又忍唔住喊喇我係咪好脆弱」、「我今日又冇胃口食飯喇」等等等等。但係覺得佢自己啱啱到外國，而家又網課，佢應該識唔到新朋友之後就覺得block佢又唔係幾好。
有次同啲朋友講起，原來唔係得我一個係咁。身邊有幾個朋友都係日日比佢煩住。日日同我啲朋友講自己想死 ，然後又無啦啦同人講自己仲有兩個禮拜生日，問人買咩生日禮物比自己好。 我覺得好唔舒服，好似迫人記住佢生日祝佢生日快樂咁。仲有朋友搵返幾年前啲聊天記錄發現佢原來之前周圍問女仔胸幾大，人地唔答佢佢就然後直接叫人地B cup。我知道咗之後覺得自己之前好似盲咗咁竟然會同啲咁嘅人做朋友。但係其實我都知以上都唔算咩大事，可能係我太缺乏包容嘅心，但係真係覺得比佢搞到我覺得完全唔想用手機，完全唔想接觸同佢有關嘅所有事。
我已經潛曬水冇覆佢，但係佢依然stalk住我啲story然後問我係咪嬲佢，但係又強調自己覺得自己冇錯，淨係做緊平時嘅自己，唔知點解我同我啲朋友最近唔理佢，覺得有人有心想玩佢。
想問大家我對佢有極強嘅厭惡感係咪因為我嘅問題
同埋有冇咩方法可以幫我同我嘅朋友和平咁擺脫佢…
圖Link: