—類投稿

#NSS其他 [GUEST] 校服的自述 簡單啦 一堂體育堂寫完 覺得寫得差下面指教 我是一套校服，今天要和主人分離，回想過去我們一起生活，別有一番體會。 「就要那件水手服吧」一個雙十年華的少女指著我說。二零一零年一月十五日，她把我領了回家。 一個大學生買一套中學校服，自然不可能是去學校，我的第一次任務是去見一個男人。 「你還真的買了。」那個年紀相若的男子見面就顯得十分驚訝。 「你上次說喜歡校服啊，讓客人滿意是出租女友的責任啦。」她笑著解釋。 接下來的每一次任務，也是去見那個男子，這是那男子的特別待遇。每穿上我，她總會在鏡子前打量一番，細心地把皺起的袖子理好，然後帶住一絲滿意的笑容出門。 那年的聖誕，她如往常一樣冷靜地挽起他的手，又開始了新一天的約會。一切如常的偽裝下，唯獨我能感受到她心跳的起伏，我終於知道，她有著不止出租關係的情愫。 海傍的路燈不約而同地亮起，預示著約會的尾聲。她的身體越發燥熱起來，幸得迎面而來的海風輕拂著我，才不至於那麼難受。 「我是你的女朋友嗎?」她終究是按捺不住。 「今天整天都是啊。」 「我是說真的女朋友。」 海風戛然而止，那男子的眼神裏，除了錯愕，沒有半點迷惘、掙扎、疑惑，只剩下厭惡，純粹的厭惡。「骯髒、妓女、濫交…… 」咒罵的字句和他嫌棄的嘴臉，諷刺着她的一片赤誠。 她一言不發地回到家中，默默地把我脫掉扔到床上。她凝視著自己的雙手，方才被甩開的感覺彷彿還能感受到。旋即，她把遲來的怒氣發洩到我身上，過往有多珍視，現在就加倍的要我償還。可她一個弱女子，沒扯個幾下，眼淚便不爭氣地流了出來。她抱著我臥在床邊痛哭，熾熱的眼淚落在我身上，我能感受她的溫度，她的心意，那是我離她最近的一夜。 那夜過後我再也沒有見過她了，也應該再不會看到她了。 正當我這樣想着，她就從衣櫃的最深處把我翻了出來，睽違十年，她早已不是當初的青春少艾，眼角多了一絲皺紋，卻少了一絲惆悵，深邃的眼神流露出成熟的韻味。 「老婆，還有甚麼要搬的嗎?」遠處傳來一把男聲。 「沒有了。」她小心地把我放在床上，細心地把袖子上的皺摺舒開，嘴角流出一絲滿意的笑容，不帶牽掛地離開了房間。 恰巧窗外飄來一朵荼蘼花，剛好落在我的身上。

#NSS個人 [Guest ] 退出校隊先對排球有興趣 想問香港大學仲有冇排球部? 呢邊宜家中五 係中二退出左學校排球隊 個陣因為屋企人想我重視學業要我退出 而當時我對排球冇咁大興趣 所以都冇乜所謂 但最近睇左動漫 同現實生活中嘅日本春高/奧運先開始對排球有番興趣 但我宜家讀緊嘅中學冇咁重視體育方面嘅成績 加上我宜家中五就黎要考DSE 雖然都唔係冇時間玩排球 但學業比較重要 我亦都冇呢個能力可以攞排球呢個興趣搵飯食 所以我宜家將目標放左係大學度 希望大學可以參加比賽或者可以打翻排球（呢邊大學想選擇香港/澳洲） 我自己暫時都叫有排球基礎（真係基礎個隻 開波都未必次次開到過去） 但毫無比賽經驗😭對大學排球都唔係特別理解 想問如果係咁嘅情況下 入到香港（或者澳洲）嘅大學仲有冇排球隊可以打排球甚或參加比賽？😭麻煩各位了🥹 Sor

#NSS個人 [GUEST] 想求下大家意見！！ 小弟第五波期間確診左 未上報 曾經打過一針疫苗 依家根據疫苗指引要等6個月先可以打第二針 我唔想六個月唔出街食飯同埋參加唔到學校活動ahhhhhh（依家打唔夠兩針咩都唔L做到） 請問大家知唔知有咩辦法可以令我參加學校活動同出街食飯？唔該曬！！！

#NSS學校 [某九龍band1a女校] 我有個朋友識一個Undercut嘅同學（利申：係長頭髮嗰種紮辮Undercut，唔係平時Sport team短頭髮嗰種）就係我耳邊日日係度話好好睇點點點想試點點點，日日講埋同樣嘅嘢。講真，我真係唔明點解呢啲嘢會被人推崇，一個Band 1a學校嘅學生，唔應該樹立一個好嘅榜樣同形象俾其他學校啲學生睇咩？更何況我地學校附近咁多學校，人地睇到你呢個髮型，會唔會覺得我地學校教睇人係黑社會定係啲咩Mk女？會點唸我地學校？而且呢位同學剪咁嘅髮型有咩意義？好好剪一個普通女仔髮型唔好咩？無非就係想吸引人地啲Attention？但係咁做又有咩意義？讀書就認真讀書，唔好為左懶叻做埋啲唔三唔四嘅嘢，就係咁。 咁我就將我嘅想法投稿到去學校Secret account，結果一班人係度圍攻鬧我。我原先只係想為呢位同學提啲意見希望可以改進，冇唸過俾人圍攻，而且我並冇惡意。 真嘅唔明，呢家雖然話言論自由被打擊，但係唔代表唔可以提意見，提意見都可以俾人圍攻，呢件事我係真嘅唔解🫠

#NSS愛情 [GUEST] 嗨 又係我 話說小妹都係想寫抒情一啲嘅文章 於是⋯⋯我寫返我本身嘅style 偷偷話比你地聽 我係凌晨四點半嘅作者🤫 所以好代入到 哈哈 其實我間中學有靚女miss👊🏻 所以⋯⋯嗯⋯⋯我又趁溫習空檔寫多咗個續集 唔想過多宣傳自己 不過都費事次次喺nss投稿 好似太消費呢個acc了 所以我鼓起勇氣開咗個寫嘢acc @lautomnedernier 如果大家鍾意可以去睇吓 多謝賞面 最後多謝nss 比咗個平台我去寫自己想寫嘅 #NSS220427A #NSS220429G 續集 樓主我支持你

#NSS其他 [GUEST] 可唔可以唔好再留嗰啲咩乳酪蛋糕做法嗰啲留言 平時喺嗰啲唔知up乜嘅post下面玩吓就算啦 但係喺嗰啲尋意見嘅post見到都會覺得煩啦 而且根本係對成件事冇幫助囉 樓主係想尋意見唔係尋乳酪蛋糕做法啊 同埋冇人想同你一齊整乳酪蛋糕囉 呢度係NSS Secrets唔係BBC Food啊 開頭見到一兩個都會覺得好笑 但係而家幾乎個個post下面都見到 個meme玩得太多都唔好笑啦 Sor For 1999

#NSS個人 [GUEST] 小妹第一次投稿，講嘢1999請大家睇諒🙇🏻‍♀️ 我覺得自己越嚟越廢 我小六個時正正常常，唔會拖功課+唔溫書，我有陣時仲覺得個時係真係勤力嘅 到咗上年中一，雖然懶咗少少但都仲會自己溫書個時寫notes 但係到今年中二，因為好多時候交功課都係GC，所以好多時都係撳咗mark as done就當交咗，之後先慢慢做，或者有時甚至唔做。 溫書又係咁，成日都係臨急抱佛腳，有時就直接裸考唔溫 我覺得自己越嚟越廢，加埋呢兩年嚟成績越嚟越差，好驚第時揀唔到科 我想趁我仲有機會可以個時追番啲成績，但係無論我點樣同自己講我就係會一日到黑攞住部手機，請問我可以點樣做。。。

#NSS社會 [GUEST] 《紛爭解決機》 處理好所有的工作後，我已有了些許的睡意，便躺在了床上，飄進了夢鄉中…… 在夢中，我隱隱約約看見一處地方，一片莊嚴的氣氛正在四處籠罩及彌漫著——那是法庭。「嗶」的一聲，便到了時間，所有人隨即站了起來，迎接著審判官的到來。俄爾，他便宣佈開庭了。 我看向被告庭，那裏站著一個男子，神情是有些抑鬱不平，似在不滿著。他只是站在那裏，身軀便已經在輕輕地顫抖著，害怕著，舉止也因而越發地憤懣和焦躁。他目光詫異，嘴角又在微微地抽搐著，我想他應是為捲入這一案件而覺得憤怒吧。 起訴書開始被檢察官宣讀。 「我們相信一部令人毛骨悚然的恐怖裝置，由被告製作出來了。假若我們只是對其熟視無睹，視之不理的話，只怕這社會的秩序，將會被徹底地弄亂，引起社會恐慌。因而為了殺一儆百，我們理應對其判決重刑，這可能是香港自開埠以來，最爲危險的案件……」 我細心地聽著檢察官説話，只見他停了一會，便又認真地看著手中的起訴書。 「有一位熱心市民告訴警察，說是有一個社區内公認的危險分子，正躲在自己的房間内，似是要製作一種前所未有的荒誕機器。基於公衆安全的考慮，警察便即趕去調查，終成功查獲該未成的犯罪案件，又於現場逮捕了嫌疑人，其所製作的恐怖機器便也一并被沒收掉了。這雖然未對社會造成不可逆的災難，但從可能發生的結果而言，這絕是一個令人心驚膽顫的舉動，我們因而也只好做出這樣的結論，以平民憤。」 隨後，我便聽見「砰」的一聲，一個通體白色的機器便搬進了莊嚴的法庭内，是以物證的身份被搬進來的。機器大概有半張桌子大，上面滿是一些精緻的小按鈕，邊上的螢幕又閃爍著些深奧的數學公式，令人第一眼便覺得這機器必是精心製作之物。 一道聲音從被告那處傳來，内裏滿是按捺不住的激動「那可是我的心血啊，這些年來我一直都在研究如何製作它，我可是為其花費了一大筆的製作費用啊!你們這群人只是聽信著一個不知道從哪裏來的人的話語，便把我的驕傲之作奪去，光天化日之下，豈有如此道理!警察和小偷簡直一個模樣……」 審判官的神情突然變得更爲嚴肅了，便用法槌拍了一下桌子，嚴詞道:「你知道這裏可是莊重的法庭嗎，胡言亂語可不被容許出現在此等神聖之處，被告不可繼續騷擾法庭審判流程的進行，假若真的有話要説，請按照規矩，讓辯護律師替你轉達。」 辯護律師看著被告一面的着急樣子，便走去安慰他:「作爲一名有經驗的律師，我完全能夠你在此時此刻的心情，只是在這莊重的法庭内，隨意地大叫著可不是一個辯護的好方法啊!而且你也看見了，只有我自己一人為你辯護，我也實話實説了吧，其他的律師一看見你的案子，或是頭痛，或是不解，或是嘆氣，卻不約而同地推辭了案件。我也只是出於同情心，才決定為你辯護的，所以我也希望你能諒解我，並交給我來處理你的案件。」律師花費了九牛二虎之力，算是暫時説服了被告人，并向審判官說:「按照被告的觀點，那機器并非會對社會造成危害，相反還對社會大有裨益，希望您可諒解。」 辯護律師的腿部卻突然被輕力地捅了一下，那是被告人在提醒他，因而辯護律師又繼續辯護道:「假若市民皆可清晰知道這部機器的具體公用，我相信被告人一定可以獲得社會大衆的支持。」其後，辯護律師便向法庭申請，説要邀請經驗豐厚，學識又極爲淵博的權威學術人士，前來法庭進行嚴密的鑒定工作。 不過這刻，有一道異議聲被提出了。 「在如此莊重的法庭内，進行所謂精密，實則兒戲的鑒定工作，可是不受許可的行爲。我們若果容許這樣的行爲，世人便將可知道這部恐怖裝置的訊息，勢必引起慌亂。所以我於此處想向法庭請求駁回此荒謬至極的提議。另外，我也要求本案後續的裁判工作，應該要以非公開的形式所進行。雖然非公開似有此地無銀三百兩之嫌疑，不是一可令人滿意的處理方法，但我們也要因應不同案情而異。假設有人發明了一武器，該武器的製作方法極其簡單，只需些許的金屬便可，其又可用於殺害他人，若要向所有人公佈該發明，錯抑或對?顯然答案是不對。本案正如該合理假設有著不約而同之處。」 審判官隨即説:「檢察官的提議考慮到了公開審判可能對公衆造成的影響，因此經過我謹密的思考後，審判從 現在起，將轉以非公開形式繼續進行。」 法庭工作人員隨即趕走了記者和旁聽人士，用力地關上了門，外面的光綫竟無法射進莊重的法庭内，被告人又歇斯底里地叫嚷了起來。 「這是秘密審判?這是何等的荒誕不經啊!我難道還處於中世紀時期嗎?當今的世道會容許發生如此荒唐之事嗎?我要抗議!并且說真的，辯護律師先生，您是不是也過於昏庸無能了，您的責任難道不是為我這一被告出力嗎?您好得要想一個好辦法啊!」 「可是審判已經定下來了，我們倘若決意要違反它的話，可能反而不利於後續的辯護工作呢。」辯護律師一邊説著，一邊擦著額頭上的汗水，不尷不尬的神色已然顯露了出來。 只是被告人聽見後，反倒是更爲的怒火中燒了，他捉住辯護律師的衣領，又用力把他扯上半空中，後又抓起一把椅子，肆意地向四周揮舞。莊重的法庭此刻竟成爲了馬戲團。保安花費了些許的功夫，才成功制止了被告人的胡鬧行爲，他也不再像先前般癲狂了，只是仍在大聲地斥駡所有人。 「你們串通在一起，相互勾結來算計我!給我安上了莫須有的罪名……這世道真的變了，好人竟淪落至要坐牢的下場，你們所有人都是瘋子……」 保安從口袋中拿出了一個破布，一下子塞進被告人的嘴中，逼迫他安靜些許，法庭又重歸莊重了。這刻辯護律師似是早有預備般，在那皮包内掏出了一些文件，讓工作人員遞給審判官「相信各位從被告人此刻的行爲中，已經可以不難地看出，他只是一個神志不清，恍恍惚惚的精神病患者。您們看看他竟然把尊敬的審判官以及檢察官大人，還有一直在法庭内盡職工作的保安和工作人員，甚至我這為其辯護的律師，統統罵了一遍。他之所以會這樣，便是因爲其神經錯亂。看!審判官大人手中正拿著的那一份文件，便是專業醫生所寫的精神病鑒定書，經過這些權威人士的鑒定後，被告人已經確診為妄想病患者。有鑒於此，希望法庭可爲其免刑。」

#NSS愛情 [GUEST] 求admin po ig🙇🏻 title：鍾意咗個女仔frd兼補習師姐 大家好，交代一下背景先，小弟今年中五，之前喺朋友介紹識左一個大我一年geh女仔friend，簡稱A，佢亦都係今年dse考生，都識左一段時間，佢份人好nice，有禮貌，心地好好且成熟，吾公主病，樣同身材都唔錯。朋友唔開心或者有感情煩惱，佢都會識得畀意見同埋安慰佢哋。有時我心入面覺得，佢系一個不可多得geh好女仔，亦正因為咁，佢都有好多男仔追同埋鍾意。 . 喺我眼中，A系一個成績唔錯，人品好geh女仔，多才多藝。由於佢成績幾好，所以幾個月前我搵佢幫我補習，佢都好熱情咁話ok無問題，無論喺ig定面對面，我哋都有講有笑，每次補習我坐佢隔離，個心吾知點解跳得好快。雖然佢最近要考dse，但系都義不容辭咁幫我補習，而且佢嗰種又認真，又有耐性，把聲又溫柔咁同我補習，真系令我著迷。可惜geh系…..我哋雙方都有男女朋友。 . A同男朋友一齊咗半年左右，我就同女朋友一齊咗幾個月， 我同女朋友感情好差，成日鬧交，已經想分手好耐，但系吾知點講好，而A同佢男朋友感情幾好。 我哋雖然之前曾經對大家有feel，可惜當初某啲原因，我怕辜負咗佢，所以吾敢應承佢，最後同佢無結果。而家佢可能淨系當我系補習學生兼好朋友。我心入面肯定，系中意咗佢，但系我吾敢同佢講，去到最近，我頂吾順我女朋友嗰種冷酷無情既感情態度而分左手，至於A同佢男朋友間吾中都有爭執，不過好快會和好如初。雖然我真系好鍾意佢，真系我鍾意geh type，但系我知道佢一日同佢男朋友一齊緊，我都一日都無機會同佢講我對佢geh感受甚至一齊，我應該點做？希望大家畀意見我😢

#NSS愛情 [GUEST] 標題：我只想擁有你 呢個係我嘅真實故事，歡迎大家評價。文筆上有誤，還請各位見諒。希望各位耐心可以睇完呢篇文🙇 （我係一個中三學生，男仔）唔知幾時開始，我開始好在意你，由你調位調到我附近開始，呢一刻我對你有咗感覺我自己都唔知。 一日返學調位，我只係希望調去後排坐，咁樣就唔使比老師見到。只不過我畀班主任調咗去中前排近，我都只不過諗住HeaHea地過埋呢個學期佢，靠前都算。緣分，你就坐調咗過嚟我前面，我都唔系太留意到你，可能因為上年冇點熟悉你。調位嘅周圍都冇我嘅朋友，我就打算識下附近其它嘅人，大家同班相處下咁。最初我都只係覺得你好溫柔，把聲好聽，人都好有禮貌，除此之外冇諗過其它野。但後來我發現冇咁簡單，我開始好在意佢，好留意佢，就連你冇翻學個日我都有一種好掛住嘅感覺，上堂都起度諗緊佢。個一日我心情好鬱悶，前面個位空咗，我個心都空。 我都開始問自己究竟係咪鍾意咗你，是好感？我變得好想擁有你，幻想點點滴滴你起我身邊。第二日你翻咗嚟學校，我又好似開心返咁。當我發現自己開始在意佢嘅時候，我開始注意自己嘅言辭，行為舉止。同佢傾計唔敢一直注視佢，我好怕羞。加到佢聯絡方式，我都唔太敢講野太過。唉 最開心就係每次有分組，你都係第一個來搵我嘅。畀我感覺係你需要我。 日子一日一日咁過，我翻學就好似為咗見到你咁，你就係我嘅動力。最想就係每日見到你.但係咁耐，都係收唔埋，佢好似都發現我對佢有感覺。唔知咩時候，我感覺佢開始避我，想遠離，有一次我問佢落唔落去食野，佢只係搖頭，然之後就冇出到聲，放學都係直接走，平時都會同我講幾句野再走。呢種感覺真係唔好受，自己噯味嘅人突然開始冷漠，人未做到手就要放棄，心情好沈悶。佢幾日都係呢個樣，同佢講野都唔係好想答我，呢種感覺唔好受又好辛苦。 「你接受到我哋係男男嗎」，我曾經多次有諗過想問佢，但我真係唔敢。如果我講出口，我怕失去一個我想擁有嘅人，即使唔能夠表達出我嘅情意，我暗暗、默默地暗戀你都好啊…只要見到你我已經好開心。 我大概已經知道我哋最後會點樣，我永遠尊重人哋嘅想法。半夜忍住眼淚Whatsapp同你講清楚一切，我表明我自己對你嘅愛慕之情，講清楚所有野，最後結束我對你同性曖味關係。講一句「我哋做返同學啦」，用同學方式繼續維持自己同自己想擁有嘅人嘅關係，真係唔想同你冇曬來往，乜野都唔係..Whatsapp對話嘅最後只係得返個「嗯」 可以有如果，我希望呢個故事純粹係我靈感湧出而作，但…就係我真嘅故事，我打篇文都係忍住淚水打，從未放低過佢。係我想擁有嘅人，係自己曖味嘅人。 最後感謝各位耐心睇完呢篇文，願各位可以追到自己心愛嘅人。我哋都係愛情，暗戀嘅都係人。唔提及同志話題，感謝大家🙏🏻