#NSS家庭 [Guest] 我唔知你所講ge變態妹控係咪我。因為我見到個post,突然有種似曾相識ge感覺。就係早排,我喺房睇緣之空,你突然衝入嚟,仲要吾覺意被你見到,嗰時咁啱做到高潮位,之後你話我シスコン,然後就走了。然後你就從此吾叫我歐尼醬,叫我全名。我以為你因為我妹控所以嬲我,所以我曾經喺到出post問點樣修補關係,但Admin最後冇出到。 但原來你係因為coin master 嬲我,I am so sorry about that. 打你條村其實係愛你ge表現,希望你明白。詳細ge事會慢慢喺屋企同你解釋,費時喺呢啲公家地方講。另外,因為我地啲私人事,晒咗大家時間,吾好意思。我妹妹只係比較天真可愛而已,希望你地唔好怪佢,唔好再話佢。 Sor for 1999 最後重申,我非妹控,但都希望你叫返我歐尼醬。
#NSS社會 [DBS] DBS alumni 我想講嘅嘢好直接,唔轉彎末角啦,我想問一句點解香港學生咁崇尚平庸? 名校生有成績有成就,就話係靠父幹,投胎投得好。Band three考得差就話唔緊要,下次努力啲,未來好多出路等。話說我屋企樓下有個公園,以前讀書嘅時候係屋企望落去總會係有一班衣冠不整,粗口爛舌嘅學生,有男有女,開着個喇叭喺下低籃球場吹水打波打機whatever ,有一次我忍唔住好奇心想睇佢啲咩學校,原來係觀塘區某Band three中學(我唔開名啦)。果下我笑咗,求學不是求分數,只不過係比一啲社會寄生蟲浪費光陰,浪費社會資源嘅理由。我重申一次,我唔係歧視成績差嘅人,係我哋拔萃,有運動員畢業之後去咗打甲組,有音樂人去咗美國深造。就算佢哋成績唔好,但係佢哋都係各自嘅領域有所發揮,大家只不過係選擇唔同嘅出路。反觀某啲其他學校嘅人,每日放學周圍流連,又去下shopping又去下行街又去吓打波,毫無長進。自己唔努力,掛住玩,又唔抵得我哋Band one學生嘅人有成就,咁你哋想點?今日我寫呢篇野,唔係想得出Band one嘅人有幾咁犀利,而係想點醒自己又唔努力,又唔抵得其他人有成就嘅人。睇到呢度,如果你自問係一個努力嘅人,你唔需要答我任何野,大家都係為咗夢想而努力嘅同路人,我欣賞你。當然亦都會有啲人睇完之後照舊又鬧一大餐,怨天尤人, 我想奉勸一句,唔好將自己嘅平庸宣洩喺其他人嘅優秀。唔該多謝!
#NSS愛情 [guest] Admin po ig plz 辛苦曬你哋♡ 暗戀真係好辛苦 我依家中四,女,鐘意咗隔離班一個男仔,以下係我想同佢講嘅嘢。 我真係好鐘意你,我用盡方法暗示你,但無奈地,你好似feel吾到,或者你喺扮feel吾到。 我由中二就已經鐘意你,俾你吸引住,你嘅每一個動作,喺我眼中都係無比迷人 你怕醜嘅時候用手摸住個頭 你笑嘅時候,嗰對彎彎嘅雙眼 你教我數學嘅時候,嗰把温柔嘅聲 都令我着迷 每日上堂嘅時候都會偷偷地望住你,你每次只要喐一喐 ,我都即刻低頭,好驚你發現,但係你好似從來都冇望過我。 你同我whatsapp嘅時候,仲會問我點樣溝女,我會同你示範,叫你send「我好掛住你呀」, 可能你會覺得我玩緊你,當係朋友之間講下笑,但其實呢一句係我想同你講嘅嘢,可惜我冇呢啲咁嘅勇氣,隻可以趁呢個時候同你表達我嘅心意。 喺呢兩年嚟,我諗過無數次放棄,放棄鍾意你,下定決心忘記你呢個人,但係我做唔到,你每次對我少少嘅關心 都會令我有翻希望 ,你喺我生日嗰日十二點send句生日快樂,呢簡簡單單嘅四個字,都令我覺得好開心,甚至呢個開心程度仲大於朋友嘅千字文。 我唔想再好似而家咁。每日放學兜遠路,都只係為咗同你一齊搭車,每日問你數學,都只係為咗同你send多兩個訊息,每次喺走廊經過,都係為咗有機會同你擦肩而過。 但係我冇勇氣同你表白,我驚表白之後,連上面我講嘅嘢都冇得做,我可以點?