#NSS個人 [guest] 小妹係 #nss210126a 嘅投稿者 本來事情已經告一段落,雖然好hurt,但諗住呢啲嘢會隨時間慢慢忘記,喺我投稿下面又有好多人支持同鼓勵我,令和個心舒服好多(多謝你哋!<3),所以就冇再理。 不過,再唔知用咩方法揾到我第二個account,仲同之前一樣,post我張相,tag我,再喺下面侮辱我。 我好快考試,個心真係唔亂得。雖然公開佢ig account 我都好可能畀人起底,但我真係忍夠啦。 佢開咗無數account ,但最多fans應該係 adamcheung12 其實我唔係要佢受啲咩嚴重嘅懲罰。唔好再騷擾我同我朋友就得㗎啦… 圖Link: https://ibb.co/d77V6xS
#NSS其他 [GUEST] post ig please 見有人分享惡夢 我又想分享下👀 話說我幾個月前夢見我係屋企樓下間老麥走出嚟,準備過馬路。咁嗰條馬路都好闊下,係一條由山上而落嘅斜坡,斜坡頂仲有一列嘅公屋住宅。 正當我踏出第一步,天空突然畀一片鮮紅色濃罩,火燒雲真係變成一舊舊嘅火焰,而且斜坡突然變到好高好斜。正因為咁,山上駛落嘅巴士全部收制不及,通通被拋落斜坡。 當時我仲係斑馬線上面,唔知點解唔回頭行番行人路,反而繼續向前行,一路躲避飛落嚟嘅大型雙層巴士,一路避開巴士所引起嘅爆炸。我記得當時身邊都有啲路人,有唔少因為躲避不及而被壓在車底,被赤毒嘅火舌吞噬。畫面真係好血腥。 突然,馬路變長,多面行人路變得遙不可及。正當我費盡全身力氣向前衝刺嘅時候,斜坡頂嘅公屋窗戶突然陸續打開,好多條赤裸裸嘅活人由高處墮下,有唔少係女性(利申都係女仔)。哇我嗰下又要避開巴士,又要避開跳樓人士,真係嚇到震。當然身邊亦有唔少人不幸被壓中,血肉模糊。 跳樓嘅都有好幾十人,係我就嚟抵達對面行人路時,有隻金毛尋回犬飛咗落嚟,係正我隔離噠落地下,仲要有聲,仲要係夾雜住爆頭bit血嘅聲,好噁心。 好唔容易到對岸,畫面一轉,救護車警察、新聞記者已經全到達現場。我企係做緊直播嘅以為記者隔離,見到一架泥頭車搬運赤裸裸嘅女屍,感覺好似進行緊邪教儀式,依家念番都不寒而慄。 平人我係一個好樂觀開朗嘅女仔,無咩敵人,成績尚算ok,壓力未至於爆煲。而且從未有過自殘念頭或自殺傾向,亦都好鍾意狗狗。有冇人可以推測下點解會發啲咁血腥嘅惡夢?有冇咩意思? ps 夢中公屋屋苑為筲箕灣耀東村,斜坡對出上東區走廊,附近有麥當勞、天仁、sharetea等
#NSS學校 [SPC] Admin post ig pls To “非名校嘅學生”, 呢排nss有好多關於banding嘅post,咁我都發表下我對呢件事嘅睇法啦。 我發現有好多lower banding 嘅學生都好鍾意有林鄭作為一個例子,諷刺我地就算入到一間比你地好好多嘅學校出到社會之後都會因為我地嘅態度或者各種各樣嘅心態而唔收歡迎。你地有冇諗過如果佢唔喺同中央行得埋,你地對佢既睇法會係點?其實佢在任嘅時候,已經做左好多幫助香港人嘅事:派免費口罩、成立就業基金……只係你地對佢做過嘅嘢唔滿足、嫌三嫌四。再試諗下,佢都係讀名校先至有機會做到特首,再睇返你哋,成堆讀野雞學校,連基本嘅英文造句都未識,有咩資格話人地。你覺得被侵犯嘅話,你可以試下喺你大個之後參選特首。雖然應該好大機會做唔倒,但係就算做到,你推出嘅方案有好大機會都唔係大部分人所鍾意。 第二,你地啲學校嘅學生嘅水平的確喺遠遠不及我地。先唔講成績呢樣南轅北轍嘅嘢,我地先講文化水平。最明顯嘅係,我地唔會好似你地咁每一個字都加幾句粗口,以為自己好有型,尤其是喺嗰啲famj、mk仔/女。去到呢度,你地一定會講:「唓,呢d野你地學校都會有啦,我地咪一樣半斤八兩。」呢樣野我都冇辦法擔保每一間名校都冇,但我可以肯定,你地學校一定俾我地多。呢嗰比例可能就係我地幾入大學率同你地嘅比,只不過係相反。正所謂「近墨者黑」,同呢d人相處得耐,自己嘅個性可能會潛移默化咁俾佢地同化左。本身你地可能想好似我地咁好好讀書,但係最終都係不了了之。 第三,你地可能都會話,以我地既性格做打工仔既話一定好快比人炒魷魚。我想講,我地大部份人除咗做打工仔都有好多唔同既出路,例如教琴。同埋幫我地嘅人脈冇你地想像中咁少,冇你地想像中咁少或者應該講一定俾你地多。你哋識埋個啲人全部都你未來都冇幫助,但係我地識嘅人,會喺你真正需要嘅時候,作出實際行動去幫你,而唔喺好似你地咁淨係識得吹雞、隻揪。呢樣野正可以對應番我上面講嘅「近墨者黑」。 或者你會話我以偏概全,想話其實唔喺全部學校嘅學生都係咁,但係當你地舉出林鄭作為例子嘅時候,有冇諗過其實你地都一樣? 一個普通嘅名校生 不喜勿插 Sor for 1999 如果有人想,我可以投多篇提出多幾個論點