—類投稿

#NSS個人 [GUEST] 標題：情緒問題可以點做 表達得唔好請見諒 講一講背景，這邊上年轉咗校(有問題係由嗰段時間開始)，同學老師都好好人，屋企人都對我好好，除咗有時會令我無言之外。生活一切安好。 當時一開始番新學校，我係單純緊張，發生咗既尷尬事我都覺得唔點様尷尬。甚至覺得自己無任何壓力。 之後幾星期後，我突然情緒開始失控。我嗰陣就當咗係壓力突然自己爆咗出嚟。 後來我越發越唔想番學，經常唔知點解喺番學既路上胃/頭痛。同埋喺學校嗰陣因為無聊而喺到諗 可唔可以制做意外俾自己入院/發場大病/消失失蹤等(來導致唔使番學)。甚至想死… 有時有presentation 就更加想死 加上 上堂我聽唔明，又跟唔上，成個人好廢。有時喺到自己cry/鬧自己做咩唔自律，之後cry完又繼續廢。 有時我到比較高既樓層上堂，等緊入課室既時候，係企近欄邊，咁我多數會望落去。之後就會有個想法就係跳落去，由其喺下雨天。但我又諗諗咁做會影響學校，同唔舍得屋企d嘢，就冇咁做。 或者我會上網search 點死先唔會影響到其他人/唔痛。(並有好多次行行下/坐喺海邊嗰陣幻想如果跳海會點) 但因為後來有位之前學校既朋友fol咗我細賬，見到我咁就喺到開解我之類啦，我嗰排就冇話想死。佢叫我應該去睇醫生，懷疑我有抑鬱之類，但我冇去揾醫生，我雖然自測過幾份不專業問卷都話我嚴重抑鬱。但我喺網上見到d真抑鬱既人同我唔同，我冇自殘，我最多打自己幾巴。 雖然後來冇話要死，但依然超拒絕番學，甚至有2次我喺我媽面前cry咗出嚟話唔想番，第二日佢就幫我請咗個假，本來我以為休息下就冇嘢啦，點知越嚟越嚴重。 我既胃口都越嚟越冇，唔食breakfast 唔食lunch，淨係食小小dinner… 連之前不停食既零食都唔想食。 同埋我經常唔知點解明明之前俾人話俩句我冇嘢，但最近容易cry咗。或者有時聽到d歌都會cry。(甚至會唔知點解咁突然cry) 到前排網課開始 先食番breakfast，lunch 就一時時，dinner

#NSS個人 [GUEST] 身邊都係Hi-bye friend 小妹性格熱情，唔食煙唔飲酒唔MK，幾個月前同一個形影不離嘅friend散咗（之前以為我哋可以玩一世），而家一個交心friend都冇 其實同邊個都相處到，但都係學校入邊先至交流，而家疫情上網課少咗見面就變成零聯繫，即係hi-bye friend…每日都好孤獨。 小妹學習成績同人品都冇乜問題，而且冇乜要求，（興趣唔同反而有新趣味！）真係好想搵到一個知心朋友😭

#NSS學校 [guest] 最近學校人員變動好大，換左個已經退休嘅英文老師教書。理論上中五就應該係以past paper為主，但係佢唔做卷，反而比d無用嘅練習我地做。呢排開始操卷，我地d答案啱就話我地抄marking，錯就話我地無做功課撞答案。咁以後係應該做定唔做

#NSS學校 [Guest] (麻煩admin po上ig唔該) (長文慎入） 關於師生戀呢樣野… 作為一個過來人, 等我話俾大家聽. 係form2 嗰陣, X做咗我哋班某科嘅老師. 由於嗰陣時已經係疫情嘅原因, 改咗上online lesson. 嗰段時間我冇乜交過功課, 所以累積咗好多missing hw records. 有一日我po咗一個ig story, 咁岩比X見到(利申：佢本身都有fol我), 跟住佢就message我話：「你仲差我功課, 快啲交啦」, 我睇到佢嗰句message之後就串咗佢幾句 (不過之後都有交返份功課).

#NSS個人 [GUEST] ［令自己面對現實嘅方法，唔想自己再逃避］ 小妹19歲。喺中學因為欺凌同學業問題導致自己精神狀況一直唔太穩定（利申無睇過精神科，所以都唔知自己個實際情況係點） 中五已經成日攞住把水果刀𠝹自己嘅手腳同肚，真係好想死。直至我某一日喺朋友口中聽到一個少女向遊戲，我就down咗嚟玩。因為劇情好有趣所以我完全將個遊戲當係自己嘅精神寄託。 即使生活上有好多唔如意嘅事，都仲捱得住，因為自己仲好想知遊戲本篇嘅故事，好期待後續。 只不過我最近覺得自己開始有啲唔受控制，好似沉迷咗咁，所以我想改變，想去面對中學嘅陰影。畢竟我自己都清楚自己係想逃避現實先搞成咁（並非話個遊戲錯，錯嘅係自己唔夠自制） 想問大家會唔會有啲咩建議係有助我去面對自己嘅陰影，我真係唔想再因為過去嘅事而墜落。人總要向前望，我唔想再原地踏步。

#NSS學校 [Hfcc] 奉勸大家唔好隨便轉其他中學 我哋學校住咗好多仆街老師，明明開咗cam 清晰見到五官但係啲老師搞咗成堂話唔計出席率話唔見樣，仲有一個教phy阿伯老師話而家我哋好多人將冷氣機個氣字都寫錯字，應該係入面冇個米字喎，仲好大聲鬧我地，後尾我哋中文老師入咗嚟話邊個連個冷氣機個氣字都寫錯字…成日都話做埋你哋呢一屆就退休，我哋學校上年仲有一個中一嘅同學因為學習壓力太大喺自己屋企跳樓自殺，以下只係單單出咗通知家長咁嘅通告，完全都冇理過身邊嘅同學會點，淨係話有需要搵社工，同埋上年做咗超過10年以上嘅老師差唔多係上年都已經走晒，而家已經冇啲咩好老師，只係識得睇成績定嘅學校，有啲人成績差但未至於太差可以勉強升嘅就想人走，不斷話其實有啲人去咗第二啲差啲嘅中學都係好嘅，到上年為止我哋學校一直保持一個清高嘅形象，插班生嗰啲我哋學校好理直氣壯咁話不嬲都唔收插班生，但係去到近日我哋學校就突然之間出咗中二至中四嘅插班生通告，話係因為人數，但係明明上年同今年人數差無幾，突然之間做咩轉變咁大？亦都有啲學校覺得我哋學校不嬲Band定好校風好喺傳統學校就唔缺人，覺得如果收學校好似冇咁叻，啲老師仲要講呢啲插班生嘅申請叫做收生要求，但係一去到校網就變返做插班生申請表，請問校長老師你哋想扮清高到幾時？上年一直都話唔收插班生少少機會都唔俾人家喺我哋啲同學面前好似講到係人哋插班生求你收佢咁，但係一去到校網就完全唔同，奉勸大家如果諗住轉校真係唔好諗一間學校banding夠高就得一定要睇晒呢幾年嘅校風如果唔係入到你追唔到又讀得唔開心！就好似我哋間垃圾學校咁，入到去先至金玉其外敗絮其中我哋間學校就係典型嘅

#NSS學校 [Guest] 之前見到#nss0403e post 話寫字既問題,小妹都有類似經歷,想分享下🙌 話說p.3既時候, 我班主任係教我中文,之後有份功課係抄詞語(ps大家應該都有做過😂,咁我之前啲字都普通,唔醜,次次佢都比乙+/甲-。 之後咁啱我有一次寫得靚(班主任不嬲都偏心一個同學,佢寫字真係靚,好似毛筆字,所以次次都比甲佢。然後佢就話我份功課唔係我做,係搵其他人寫wtf 🙄咁啱嗰份喺學校做,有同學做證,佢都唔信💩結果仲要見埋家長😅 結果我啊媽就係p.4幫我轉左校🤣純粹想分享發洩下,大家幫手評下理🥲sorry for 1999🥲 Thx admin🙏

#NSS家庭 [Guest] 小妹今年Form 6，話說之前武肺啱啱開始，屋企有長輩身體好差（當時未知道佢Cancer末期），佢個仔（A）因為大陸住但喺香港返工要隔離話想落嚟。本身都覺得冇乜問題嘅，只係唔理屋企人身體唔好呢個point就好離譜，結果最離譜喺後面🤡 過多幾日長輩入咗醫院確診咗Cancer，A又失聯，不停搵都搵唔到，用曬全家電話都搵唔到佢。好喇，後尾屋企用長輩手機嘅微信搵到佢，又比佢老婆cut線，真係唔知想點。 中間發生咗好多嘢，已經唔係好記得，當時好多嘢要搞，長輩出院又入院。總之後來喺長輩臨走前幾日搵到佢，佢就絲絲然喺大陸咪咪摩摩到長輩走嗰日先到香港，心諗：想點？你自己老母養你哋兄弟姐妹咁多人咁辛苦，連最後一面你都唔肯見，你係唔L係人？唔使隔離都等到佢要走先肯過香港一趟？ 可能因為我真係好親嗰個長輩先咁諗啦，真係要詳講就係好長嘅故事；打算直接講佢借住我哋屋企發生嘅仆街事，可惜真係太多，都係講影響到我/我屋企人嘅事。 比佢借住嘅屋企就係我呀媽一個兄弟姐妹（下稱Z）嘅屋企，呀媽、Z都有名，所以我同呀媽間唔中都會去住，之前停課就全程喺嗰度住嘅。 A借住嗰陣佢一番屋企Z就幫佢沖嘢飲，假期幫佢煮早餐，真係唔Q講我以為間屋係佢嘅，我哋同Z先係借住🙂🙂 我上online lesson嗰陣學校未好好編排曬全部嘢，畢竟停課太突然。9點幾嘅堂每科上一個鐘，A就全程不停同朋友傾電話，狂講粗口，Ok你傾你嘅，唔緊要！但係點解要喺我答問題嘅時候講？同你講L過要開咪喇喎🙂 後來暑假A唔使返工，日日6點起身睇抖音Jm9？同一個客廳開到100%音量，真係耳膜喺度哀嚎。呢度開始我已經對佢好有意見，我呀媽返咗全個星期等到weekend先休息，你比佢訓啦🙂 後來我同A爆發咗個政見上嘅爭論，都唔詳細講，廢老得嗰幾三篤屁你都知係咩。 每日6點鬧鐘繼續，我有一日weekday就心諗唔忍佢，反正全家都醒曬，要返工嘅返工，Z都起咗身，播返首歌比A，等佢知自己幾嘈。最後係Z特登買個耳機比佢先完咗呢件事🥱 某日我就聽到佢喺我訓覺嗰陣同Z話咩「我個friend嘅仔呢，書又讀唔成，十足十XXX（我）咁」。我當時就喺度諗：冇聽過don’t judge someone when you don’t know them咩。小妹一直都係為自己讀書唔錯而自豪，呢句真係忍唔到🤡 仲有好多可以講，有人想睇再打過😂麻煩admin post IG!!!!Thank

#NSS愛情 [GUEST] 我同我女朋友雙方嘅ex一直困擾住我哋半年有多。 第一次投稿🙏🏽sor for 1999 小弟先講講件事嘅背景，我同女朋友三年前喺校際比賽認識，直到上年先喺埋一齊。不過我哋雙方嘅ex都一直騷擾住我哋，搞到我女朋友情緒繃緊，壓力好大。 我先講下我個ex做咗啲咩。當時我已經同我個ex一齊咗一年，分手一個月有多，而且係我個ex提分手先，但係佢就keep住騷擾我哋。有次我約咗女朋友出街，點知我個ex尾隨我女朋友去到我哋見面嘅地方，之後我個ex就開始用粗口大鬧我女朋友，又屈佢係小三，搶男朋友。最離譜係佢屈我女朋友用手機偷偷地錄低佢，仲想搶我女朋友部手機。好彩我女朋友手力好，冇畀我個ex得逞。我女朋友畀人用粗口鬧完，同埋老屈之後，我feel到佢好唔開心，但係佢一直都話冇事。 好彩我個ex之後同另外一個男仔一齊咗，終於冇再煩我哋。但係我女朋友個ex就開始嚟料啦… 我女朋友同佢個ex都係一齊咗一年，分手一個月有多，而且都係我女朋友個ex提出話分手。當時我女朋友只要一post有關於我哋嘅story，女朋友嘅ex就會reply我哋個story，不斷當住我女朋友面串我毒L，話我髮際線高，好樣衰。而且當我女朋友post咗啲mirror歌出嚟(女朋友話佢個ex好怨恨mirror) 。之後女朋友個ex都會跟住即刻post番首mirror歌，跟住寫咗句‘咁啱嘅’，tag and send畀我女朋友。總之我女朋友做咗啲咩，佢個ex就會跟住佢，有樣學樣。最後我女朋友好不滿，block咗佢個ex。 之後，我有日約咗我女朋友出街食飯，送佢番屋企嘅時候，發現佢個ex喺佢樓下等佢，之後佢個ex就衝過嚟捉住我女朋友隻手，又掂佢膊頭，除我女朋友個耳機，不斷問點解要block佢。我嗰陣真係好嬲，點解分咗手，而且係主動提分手嘅會去煩住人。女朋友個ex就係咁話好後悔想復合，又話會改過，叫我女朋友唔好block佢。我見到我女朋友驚到震曬，咁我就送咗佢返去先啦。點知女朋友個ex又繼續send message畀佢，繼續追問有冇得做番朋友。 再之後我同我女朋友行街，我又見到女朋友個ex出現，我女朋友都見到，佢一直望實我哋。我feel到我女朋友隻手係揸得實咗，震曬咁話好驚，仲係咁話要快啲走。我嗰下個心好痛，真係諗唔明點解個ex可以搞到我女朋友咁樣。 去到近排，我女朋友啲好朋友就send咗個account畀佢，入面係一啲好靚嘅相，有啲就冇caption，有啲就寫咗長文，不斷提到 約定，錯過。之後我女朋友就認得出呢個account係佢個ex嘅，長文內嘅約定就係佢地一齊嘅時候討論過嘅事。而且呢個account仲有啲當時我女朋友同佢個ex嘅相。我以為只係一個畀女朋友個ex悼念呢段情嘅地方，點知我見到內文有提及到我女朋友新story嘅內容(已經block咗佢本人個帳，又係private)。我哋就覺得係有啲人cap咗啲story send俾個ex，我女朋友驚到即刻唔夠膽掂任何社交媒體。我知道我女朋友真係好鍾意用IG，每日都用1-2hr，但係宜家就俾個ex，搞到佢完全唔夠膽做佢想做嘅嘢。 我之後嘗試問我女朋友發生咩事，佢就話ex以前對佢好差，有唔開心就會好惡咁對我女朋友，又完全顧及唔到佢嘅需要，自我中心。我就大概明白係ex對我女朋友造成咗陰影，我好想帶佢走出呢個局。我有帶佢見家長，家長s都好同意我哋，我女朋友都話安全感好充足，但係都好抗拒出街。 我見到就覺得好可憐又心痛，完全唔知可以點幫到我女朋友，唯有可以做嘅就只係避忌不談我哋嘅exs。private，block，踢followers，全部都做曬，但係依然都係俾ex stalk，件事始終要面對，究竟可以點算。

#NSS個人 [guest] 你好，小女今年讀中五，但可能表達能力不太好，下文可能會1999，非常抱歉。 我有一個積累以久既情緒問題。我自中二起就經常處於壓力爆煲既狀態，不定期就會想喊。我認為係源自於多方面如社交、父母同自己帶比我既挫敗感而令到我非常自卑，所以壓力經常好高啦。我既真心朋友屬於非常少數，多半都係hi bye friend同埋問我功課既片面朋友，所以未必搵到我信任既同輩傾訴我既問題(亦都可能我驚打擾到佢地掛)。我因為講自己壓力既野講到一半就會想喊，一直而來都無法將我真正想講既野同感受表達比其他人，包括我父母，所以冇正常方法去講比其他人，令到其他人難喲理解我既想法。我唔太理解咩時候同其他人講我既心事比較好，亦都唔知點講我到底壓力係邊好，所以最後都係冇同人講到。我好驚佢地唔想聽我廢up、驚佢地覺得我做作，所以唔敢同人講。 我比較肯定既一部分壓力來源係來自於自己。我比較差既科目有physics同中文，佢地會比好多挫敗感比我。除咗每次收到成績都係唔合格之外，當我溫書既時候最後都會喊出嚟。例如一條長答mechan既題目，我可能要用大概30分鐘先解到出嚟，但比其他人做就5分鐘都唔洗。做題目會做到覺得自己好失敗，會因為做極都做唔到覺得好崩潰。我覺得計唔到數，背咗書都唔識答問題果種感覺好難受、好挫敗，但對我父母嚟講我唔及格就係我冇比心機讀書，但係我覺得我真係好努力，依然冇人睇到我有努力過咁。 第二就可能係社交問題。我係學校冇咩真係好好既friend,有既最多都係會問我功課，食飯之類既同學。任何時段如果我唔主動搵人傾計，係冇人會嚟搵我。我理解我共同話題不多，所以咁樣算正常。但係當我見到同一班同學係ig日日曬佢地點一齊癲，傾計既相既時候，我心裡難免會感覺好難受：我係大部分時候都有讓佢地，例如比佢地餐廳坐卡位、幫佢地膽遮、讓佢地排隊先etc. ，但係學校外佢地既玩得好開心，但永遠唔會有我份。我每一個周末就得我一個係屋企畫醜圖渡過，對比起嚟我會覺得好難受，亦都覺得被忽略。 其實仲有好多網路上既唔快樂經驗令到我係好多時候都好低落，因為我係現實同網上要搵快樂係好困難既一件事。我搵唔到發洩既渠道就會夜晚一個人係間房度喊，但我好憎要咁樣喊：唔可以喊出聲之餘，要控制滲鼻涕既聲音、注意有冇嘈到人、要大力呼吸。最後都會喊到眼腫(正常現象)，心口好痛，第二日會胃痛，有啲虛脫既感覺。但我唔覺得發洩落人哋身上係唔太好既事，但壓力又一直處於高處狀態，過幾日又會「爆發」幾晚，越喊越痛，成為咗一個惡性循環。 我都知道再咁樣落去係唔得，想盡快處理好心理上既大量問題，準備好心態去溫書準備dse，但係我完全唔知邊度開始求助好，又冇錢，又唔知點同父母講好，都唔知道點算好。請問我應該由邊度開始做起好？ 如果表達得唔好，深感抱歉。 admin pls po ig, 感激不盡!