#NSS個人 [DBS] 小弟前年中學畢業,咁耐以來我都想同大家分享D嘢。一直以來我都發現普羅大眾對於名校生我有偏見,而當中令我最不齒嘅係啲人覺得名校生出身係富裕家庭,有良好配套,自然讀到名校啦,有啲甚至更離譜,話咩老竇捐錢畀學校買個學位。的確,喺競爭激烈嘅香港,傳統名校「上品無寒門」嘅情況係越嚟越明顯,係我讀緊嘅學校入邊的確係有幾個達官貴人嘅仔女,不過佢哋只係佔少數,其實中產家庭嘅學生佔嘅比例最多。記得啱啱出世嘅時候,阿爸失業,阿媽勉強靠住一份Office job 維持生計,由細到大我都從來同「富有」呢兩隻字沾唔想關係,讀小學嘅時候當身邊嘅同學都有各式各樣嘅興趣班,有畫畫,有踢波游水打籃球,仲有一啲係學樂器。而我因為想幫阿爸阿媽慳錢,所以淨係報咗補習班。成個小學生涯生活都係充斥着學習,因為阿爸曾經同我講過如果想將來生活輕鬆一天就要努力讀書,佢哋就係因為當年淨係識得玩,喺大學爛grade畢業,自己根本冇興趣,出咗嚟社會日日俾人鬧喺度受氣。由嗰時起我決定努力讀書將來一定要出人頭地。可惜人生不如意事十常八九,小六個年,阿媽因為長期工作而患咗抑鬱,需要辭職休養,阿爸嗰間公司當然亦都正值炒人潮,嗰時候成家人都好唔開心,以為要淪落到去拎失業援助金。不過有啲事真係物極必反,冇幾耐之後我就被DB收咗,阿爸亦都捱過咗炒人潮。去到F4個年家庭月入過100,000,咁又點?讀名校有錢,並唔係一個人嘅原罪,我經歷過黑暗嘅日子,亦都經歷過光彩嘅日子,所以我絕對有資格講呢番說話。我讀到名校唔係因為我天生有錢老竇幫學校買咗個禮堂,而係因為我努力。否定其他人好簡單,但係我希望各位係批評人哋之前可唔可以先作出了解,因為人永遠只係睇到其他人光鮮嘅一面,係唔會睇到佢哋悽慘嘅背後sorry for 1999
#NSS個人 [guest] 放下負(sor for 少長) 我中三,我呢排好自卑 自從有咗鍾意嘅人之後,成日都覺得佢唔會鍾意我,成日都唸:自己咁樣衰,又蠢,有幼稚,佢點會鍾意我呢 停課之前放學會同一班friend去補習,補習前會一齊食lunch 有一日我嗰班遲放學,執好書包之後發現我班friend走哂。咁我出學校打電話問佢哋喺邊,佢哋話驚補習遲到走先,但係事前無whatsapp過我/打電話畀我。我就問:咁你哋去邊度食嘢啊?佢話:er… 未唸到wor,緣分到我哋自然就會遇見㗎啦。 可能佢剩係喺到講笑,但係我嗰陣時係唸:我係咪真係咁乞人憎到咁呢(可能係我太玻璃心,各位手下留情)嗰種畀人拋低嘅感覺真係唔好受。 我whatsapp問佢:我自己食?佢哋最後尾都講左係邊度食飯。我見到佢哋嘅時候完全唔咁畀佢哋見到我sad/嬲,好驚失去咗我嘅朋友。發生咗呢件事之後,我覺得我自卑嚴重咗。 我仲成日覺得我嘅排球老師唔鍾意我,我唔會係佢第一個被派落場打比賽嗰個,雖然之後我都有落場,但係第一批落場嗰啲通常都係勁嗰批。我打咗排球六年,但係仲係好屎,成日做錯啲動作。唔係我唔努力,我真係好鍾意打波,每一次練習都有出席。但係我就係成日都打唔到粒波去setter位,成日殺波打唔中粒波。打咗六年,我覺得自己真係好撚廢。 我知道我講嘢無咩重點,sor for1999,希望你哋睇得明,唔好咁大力屌我。我真係唸唔到邊個可以聽我講嘢,有咩意見畀到我可以令到自己自卑無咁嚴重,壓力少啲。
#NSS個人 [guest] 放下負(sor for 少長) 我中三,我呢排好自卑 自從有咗鍾意嘅人之後,成日都覺得佢唔會鍾意我,成日都唸:自己咁樣衰,又蠢,有幼稚,佢點會鍾意我呢 停課之前放學會同一班friend去補習,補習前會一齊食lunch 有一日我嗰班遲放學,執好書包之後發現我班friend走哂。咁我出學校打電話問佢哋喺邊,佢哋話驚補習遲到走先,但係事前無whatsapp過我/打電話畀我。我就問:咁你哋去邊度食嘢啊?佢話:er… 未唸到wor,緣分到我哋自然就會遇見㗎啦。 可能佢剩係喺到講笑,但係我嗰陣時係唸:我係咪真係咁乞人憎到咁呢(可能係我太玻璃心,各位手下留情)嗰種畀人拋低嘅感覺真係唔好受。 我whatsapp問佢:我自己食?佢哋最後尾都講左係邊度食飯。我見到佢哋嘅時候完全唔咁畀佢哋見到我sad/嬲,好驚失去咗我嘅朋友。發生咗呢件事之後,我覺得我自卑嚴重咗。 我仲成日覺得我嘅排球老師唔鍾意我,我唔會係佢第一個被派落場打比賽嗰個,雖然之後我都有落場,但係第一批落場嗰啲通常都係勁嗰批。我打咗排球六年,但係仲係好屎,成日做錯啲動作。唔係我唔努力,我真係好鍾意打波,每一次練習都有出席。但係我就係成日都打唔到粒波去setter位,成日殺波打唔中粒波。打咗六年,我覺得自己真係好撚廢。 我知道我講嘢無咩重點,sor for1999,希望你哋睇得明,唔好咁大力屌我。我真係唸唔到邊個可以聽我講嘢,有咩意見畀到我可以令到自己自卑無咁嚴重,壓力少啲。
#NSS學校 [GUEST] 有冇人有呢啲咁衰嘅老師? 我讀緊小六,個數學老師極度不負責任,佢仲要係我哋班主任。我真係唔明點解我哋就快升中,學校先嚟派D求求其其嘅老師嚟做我哋班主任… 首先,佢平時教完就算,我哋識唔識都好佢都唔會理,有陣時佢仲5分鐘教一課書,以為自己好勁咁,但係其實上完堂之後大家都一知半解,唔自學根本搞唔掂。 之後,佢仲好鍾意加功課,成日臨放學,我哋上緊最後一節堂,佢就拍門衝入嚟話要加功課,一加就十幾頁,但其實本身已經好多功課,加功課都唔緊要啦。 (我想講,作業係因應我哋書裏面每一課嘅內容,然後出題嘅。)跟住佢平時俾嗰啲功課,就係嗰啲一課一課嘅作業,而嗰啲全部都係佢上堂淨係教5分鐘嘅。。。最後我哋全班當然係唔識做啦,跟住我哋就諗起佢講過:「唔識可以留空。」所以我哋好多人都留空喺度,諗住返到去佢可能會講解。然後到第二日,佢直接叫我哋交俾佢,完全冇喺課堂上面講解過。到最後派翻俾我哋就打晒「?」叫我哋改正。佢仲要鬧翻我哋做功課唔認真,屌9我哋。 然後有一次班長唔記得派功課,嗰陣我哋上緊最後一節堂- PE堂,佢就即刻拎住疊簿落嚟操場,發晒爛渣咁。好,成班人企喺度俾佢鬧完之後,派完本身D功課 佢就話:「唔想做功課啊嘛?我依家就係要加功課。」跟住搞到我哋全班要喺個操場度派功課,手忙腳亂咁塞D功課入書包。(因為已經就嚟夠鐘,全校都準備落嚟排隊放學。)之後,我哋靜靜雞喺度話佢,佢就問:「係咪唔滿意?我仲可以加多D。」 平時上堂佢又喺度撳下電話,同其他經過嘅老師吹下水咁,我哋覺得佢好廢就反咗個白眼,佢見到就即刻喺度串我哋:「隻眼成日望住個天花板,視網膜就好容易脫落㗎,係咪啊xx號?(我哋學號)」 有次考完試派埋卷,嗰次我哋班平均分就幾高,佢就話咩今次考試好簡單,我哋嘅分唔真實…… 相反如果我哋考得麻麻,佢就話係我哋太hea太懶。其實佢肯花多少少心機去教我哋,我哋可能都唔至於咁。
#NSS個人 [[GUEST]] 各位巴打好 小妹最近俾一位新嚟嘅老師話我同一位男同學係咪拍緊拖,小妹聽到之後其實好錯愕,因為我同佢算係由細識到大,自自然然就覺得同佢親密少少冇咩問題。問題嚟啦,我哋都唔係對方鍾意嘅類型,我哋亦都冇做埋啲令人誤會嘅行為,例如拖手。就算係夜晚嗰陣時打機,都唔剩係得我哋兩個,基本上係好少單獨咁樣講電話。直到升咗唔同班之後,有陣時我去隔離班搵我朋友,見到佢咪同佢講兩句,佢有陣時會做埋啲好欠打嘅行為,搞到我要特登去佢哋班搵佢出嚟…但係嗰位老師其實根本就唔在場,唔明成件事就喺度問我啲朋友,我哋兩個係咪一齊咗…聽到真係心諗wt..就算我哋出去打波,都係有幾個人喺度,唔會淨係得我同佢。然而呢啲行為就比老師覺得我同佢一齊??其實當我聽到之後都有特登避開… 請問各位巴打有咩建議令到個老師唔好再誤會 Sorry for 1999 各位要屌嘅 屌得細力啲🙇🏻♀️
#NSS愛情 [Guest] Admin po ig plz 辛苦曬你哋♡ 暗戀真係好辛苦 我依家中四,女,鐘意咗隔離班一個男仔,以下係我想同佢講嘅嘢。 我真係好鐘意你,我用盡方法暗示你,但無奈地,你好似feel吾到,或者你喺扮feel吾到。 我由中二就已經鐘意你,俾你吸引住,你嘅每一個動作,喺我眼中都係無比迷人 你怕醜嘅時候用手摸住個頭 你笑嘅時候,嗰對彎彎嘅雙眼 你教我數學嘅時候,嗰把温柔嘅聲 都令我着迷 每日上堂嘅時候都會偷偷地望住你,你每次只要喐一喐 ,我都即刻低頭,好驚你發現,但係你好似從來都冇望過我。 你同我whatsapp嘅時候,仲會問我點樣溝女,我會同你示範,叫你send「我好掛住你呀」, 可能你會覺得我玩緊你,當係朋友之間講下笑,但其實呢一句係我想同你講嘅嘢,可惜我冇呢啲咁嘅勇氣,隻可以趁呢個時候同你表達我嘅心意。 喺呢兩年嚟,我諗過無數次放棄,放棄鍾意你,下定決心忘記你呢個人,但係我做唔到,你每次對我少少嘅關心 都會令我有翻希望 ,你喺我生日嗰日十二點send句生日快樂,呢簡簡單單嘅四個字,都令我覺得好開心,甚至呢個開心程度仲大於朋友嘅千字文。 我唔想再好似而家咁。每日放學兜遠路,都只係為咗同你一齊搭車,每日問你數學,都只係為咗同你send多兩個訊息,每次喺走廊經過,都係為咗有機會同你擦肩而過。 但係我冇勇氣同你表白,我驚表白之後,連上面我講嘅嘢都冇得做,我可以點?