#NSS家庭 [Guest] 話說我阿媽成日話武肺冇咁易中… 佢平時幾日會換一個新口罩,(勸佢或者揼咗佢個舊口罩,就去就會鬧我) 成日去埋啲高危地方返屋企唔即刻沖涼, 返到屋企唔會消毒電話, 去街市買餸仲要除罩試食生果, 前幾日同我講, “確診’得返’十幾個, 全香港幾百萬人咁易遇到確診者?你咁緊張係唔係有病呀?” 我聽到真係🤷🤷 佢仲要話用咁多酒精搓手液對身體唔好😒 所以佢出街唔會用酒精搓手液, 最恐怖嘅係, 佢返到屋企唔會即刻洗手😒 我同佢講佢又唔係專業人士, 一個唔覺意中左好多後遺症, 知唔知佢又問使唔使帶我睇醫生? 各位有冇方法可以令佢聽我講? Thx admin 圖Link:
#NSS社會 [某band3中學學生] 香港遲早比依個教育制度玩完 回應返 #nss210213g post嘅樓主,睇到閣下嘅post之後,我能夠見證到香港教育制度嘅敗筆,點解呢個精英制度會孕育出一個如此自視過高嘅人呢?睇嚟香港教育制度冇好好教育下一代一啲基本嘅社會禮貌,連對他人嘅基本尊重都冇,實在令人嘆息…… 係呢個社會入面最重要嘅並唔係你嘅學歷、收入、智商,而係你嘅態度。你做人嘅態度,對待他人嘅態度係你嘅人生入面最關鍵嘅要素,如果對人唔好,莫講話機會,連尊重都唔會俾你,試問你點樣可以喺呢個講求合作嘅社會裏頭生存呢? 可惜就係有一班人,以為屋企有錢,入咗名校,讀到大學就係高人一等,以為自己係所謂「君子」,其他不及佢哋水平嘅都只係低端人口,都只係小人,但係到底邊個係君子,邊個係小人呢?林鄭讀得書,做埋特首添啦,你可唔可以話佢係一個君子呢? 如果香港教育制度未來孕育出更多如此質素嘅「精英」,恐怕香港社會將會墮入淪陷嘅命運。各位君子,希望你哋能夠懸崖勒馬,以免走到不歸路,否則你哋會由人生嘅巔峰跌到落無盡嘅深淵。 (初頭睇到篇文都以為係串緊啲離地撚,但係睇吓睇吓越唔對路,樓主記得加返#曲🤣) 圖Link: