—類投稿

GUEST

#NSS其他 [GUEST] 我就係想分享一下我個人對喺ig度一啲人嘅睇法。就係我成日喺啲post嘅comment度唔知有班人成日喺度屌乜,人地post咗野想分享下、討論下,一打字打得唔好,有班人就喺度屌乜打字一嚿嚿,乜冇打sor for 1999;就算人地post咗啲傷心野想人地安慰佢,post咗煩惱野想人哋俾啲意見,一打錯隻字下面啲comment就喺度話咩打錯字睇唔明,其實咩意思估都估到啦。其實喺人都會打錯字啦,咪諒解下囉,唔想諒解咪唔好睇囉,當正係作文比賽噉樣唔知jm9,純粹係分享啫。其實仲有好多千奇百怪嘅原因比人屌嘅原因冇列到出嚟。當然,有人會話講咩喺我嘅言論自由,咩post出嚟就有心理準備比人屌,你要繼續send我梗係阻止唔到。但喺send出嚟之前,單單只喺為咗對人地嘅體諒,同埋諗下如果喺自己有啲傷心嘢、煩嘢冇地方傾訴嘅時候,匿名講出嚟反而係因為各種千奇百怪嘅原因比人屌,或者只喺人哋覺得呢樣嘢唔值得煩,之後俾人串嘅時候,會有咩感受呢?如果有人仲講話咩唔想比人屌咪唔好投稿囉,我唔知佢哋咩心態,可能係生活壓力太大呱(๑❛ᴗ❛๑)。呢啲只係我嘅諗法,亦都歡迎大家一齊討論~~ 圖Link:

閱讀更多

/////

#NSS家庭 [/////] (希望可以Po喺IG) 我有個問題一直困擾咗好耐… 我覺得我阿媽好乞人憎,佢成日此住自己係阿媽,就覺得自己乜嘢都可以做。佢對住我講嘢嗰啲態度好惡頂,係一啲好難聽嘅說話,仲難聽過粗口,但係當我用佢曾經講過語氣同語句再同佢嗰返嗰陣,佢就話我公主病、脾氣差、冇禮貌…其實我覺得我冇做錯,我只係用佢嘅方式嚟對待佢自己。佢成日都將我放係心入面好重要嘅事攞嚟講笑,例如:「溫咩書啫?我睇你溫極都咁低分㗎啦!」佢仲要成個港女咁,張紙巾喺佢隔離都要我幫佢攞,好好食餐飯唔得,係要隔五分鐘叫我去幫佢攞嘢。成日食嘢食唔晒,又要嗌咁多,仲要叫人哋幫佢食,又要食人哋嗰啲。(其實仲有好多問題,不過霎時間諗唔起。) 到咗琴日我哋因為有啲事又嗌交,我就忍唔住將我一直收埋喺心入面嘅所有不滿講晒出嚟… 我:「你知唔知你真係好麻煩?我覺得我冇做錯,你成日話我態度唔好,但係其實我講過嗰啲嘢,全部都係你講過!」 阿媽:「係呀!我係咁麻煩㗎啦!唔鍾意咪唔好同我講嘢囉!我都好唔鍾意同你講嘢㗎!我係你阿媽,我對你做嘅嘢,永遠都係理所當然,天經地義!」(佢一路講,一路督額我額頭。我好唔鍾意人哋咁樣,講還講,唔好郁手) 最後我就喺張被入面一直喊一直喊… 今次Po呢個Post嘅目的係發洩之餘,仲想聽吓大家嘅意見,大家對我寫嘅嘢有咩不滿,希望你哋都唔好鬧我… Sorry for 1999 14/2/2021 圖Link:

閱讀更多

guest

#NSS學業 [guest] 揀ict music va 將來做到d乜・؂・ 圖Link:

閱讀更多

Band1

#NSS學校 [Band1] 個老師對我地態度好差 佢係外國人 教英文嘅 上堂嗰陣郁啲就鬧人 有一次有個同學搵唔到本簿 佢就叫全班企喺度等個同學搵到本簿為止 到個同學搵到本簿已經過咗半堂 咁就俾佢浪費咗半堂 之後就一路繼續上佢堂 佢嗰日成日淨係識話我地同嗰個同學 嘥佢上堂時間 呢種事發生過唔止一次 再之後上翻網課 佢成日無端端唔上堂 態度又差日日俾好多功課 佢教幾個form 有一次就俾高form見到佢上堂時間 揸住支煙係咁食冇停過 仲要錄咗條片 之後條片send咗去我地班group度 俾家長見到之後就去咗投訴佢 但係都係不了了之 會唔會太離譜?

閱讀更多

SAGC

#NSS學校 [SAGC] 中三妹妹可唔可以唔好再出啲on9 post呀☺️☺️ 冇人想知你有幾唔想考試啊 唔想考試就唔好出席咪得😬 之後可以補考㗎 你咁鍾意多啲時間溫書,講到多啲時間就可以攞100分咁咪遲啲去補考囉,都有80分呀😬😬 你係度出post又如何呀^_^ 校長同老師都唔會理你㗎 咁鍾意玩咪去搵媒體囉😷又唔敢 同埋呢,你地覺得校長要老師係返學個陣唔比你地企係學校出門等朋友仔係唔應該嘅?但係你地其實都覺得自己有問題所以先一直捉住校長講個個「xx」黎話,講真啦,你地覺得企係學校門口真係好美觀?每日返學比你地逼撚住曬,個個都要打側身先可以過個條路,你地真係覺得自己冇問題?成件事嘅起因係你地度啊妹妹們🥱🥱🥱 之前就日日係度投稿「油塘某女校」,依家就日日係度講校長乜 校長物,睇到都覺得眼冤啦🤗 中三啦 成熟少少啦😜 圖Link:

閱讀更多

[GUEST]

#NSS愛情 [[GUEST] ] Admin pls po IG thx🙏🙏 其實我係唔係鍾意我表哥…… 講返少少背景先,我細個嗰陣佢成日同我玩,所以我哋好熟,但之後我慢慢大個,唔知係咪因為年齡問題(佢大我10年),我哋疏遠咗。 入正題喇,之前啲family gathering佢都有去,但我哋冇講過野。上年聖誕我哋去佢屋企family gathering,我又啱啱學識打麻雀,我就同佢&其他親戚打麻雀,洗牌嗰陣我掂到佢隻手,成個人即刻好緊張,有心動嘅感覺,塊面紅晒(本身打麻雀打到好熱,塊面都好紅所以唔係好覺,冇人留意到)嗰下我知道我鐘意咗佢,但我知我哋冇可能因為我哋係兩個世界嘅人,溝通唔到,就慢慢放低咗佢。 直到今年1月我哋食團年飯,我同佢突然間熟咗啲😂唔知點解,真係突然之間就熟咗啲😂開始傾到幾句。嗰日佢攬住我影相,我勁緊張(隔離仲有幾個表姐一齊影)嗰日返到屋企之後我好開心,覺得我哋距離近咗。 初一嗰日我好興奮,因為要去拜年,又可以見到佢。嗰日我同佢&兩個表姐一齊打麻雀,佢哋又同我影相,今次我表哥就翹住我隻手影相。打麻雀嗰陣我整咗啲笑料出嚟,佢錫咗我塊面一下,我表面上好平靜內心好震驚。我突然諗起佢平時對佢啲女性朋友都係又攬又錫,所以佢應該覺得冇乜嘢,內心都慢慢平靜番。雖然佢咀埋嚟嗰下好震驚,但我一啲緊張嘅感覺都冇;打麻雀洗牌嗰陣掂到佢隻手都冇緊張。好似同佢熟咗之後就冇晒心動嘅感覺,我究竟係咪鍾意佢?定係純粹想同佢熟啲? Sor for 1999 圖Link:

閱讀更多

WYC

#NSS家庭 [WYC] Admin pls post 🙏🏻🙏🏻🙏🏻 2月14號情人節,我自己就冇女(我仔,中三),已經好慘。我嗰日重要肚疼,更發燒!好L辛苦,想死!好正常地,我老豆老母出左去玩。咁我自己頂吾順,探熱,食左 panadol,之後就訓覺。醒返後,我好返D,就睇陣動漫。好快,老豆老母就如到屋企。佢哋都有關心我,但大約幾分鐘後,就罵我冇擺返好用完嘅探熱器。當時我好L累,頭腦未清醒,又自問自己有D抑鬱,我就忍吾住哭。接着,我老豆就用WTF 的表情,哈?左一聲。我真係受夠佢平常都用的這個表情。當佢準備破口大罵,我就好有經驗地話係自己的錯,太 emotional。 大家認為係誰的錯。 sorry 1999 圖Link:

閱讀更多

Guest

#NSS愛情 [Guest] 點解一個月咁多日都唔嚟偏偏係今日?🥲 小妹每個月都14號嚟M,仲要勁準時,完全冇試過早左或遲左嚟,一定係14 號🥲,想像一下之後個30幾年嘅情人節都啱啱好嚟M,弟時條仔會唔會覺得我勁掃興 🙁 圖Link:

閱讀更多

ktscss

#NSS學校 [ktscss] 訴苦文(希望同校人一齊投訴畀學校聽) 呢排放假學校出左第二階段嘅考試時間表同之後嘅安排,但係超令人無語(-_-)。 (先講明,佢個時間表都係亂到hihi,有時係剩係zoom,有時又淨係返學,有時又zoom8.30到1.15之後3.00就要返到學校上1個半鐘堂,好難睇。) 首先講下返學 明明無必要返去,如果係需要拎卷就直接安排一日返去拎晒咪得,對卷zoom都得,你畀答案我地睇下有冇錯漏又得。完全唔明返去嘅意義係乜,仲要淨係返一個半鐘?咁你不如直接返學一日或者就全日zoom喇,嘥晒d真係有野要做嘅人嘅時間。 然後係佢嘅時間安排 先唔論一班唔係住沙田區嘅 (佢地過得黎都遲到,仲有機會冇得食飯) 學生基本上得1.45粒鐘準備加食野,仲有d老師遲放另計。但認真,學校平時都有安排1粒鐘食飯包埋行返學校。假設真係咁,即係我地其實得15分鐘刷牙洗面換衫同30分鐘搭車返學。可能有d人會話完全係有足夠時間阿,但老實講咁樣有d趕之外唔可以擔保等車個d係準時到。佢咁搞真係麻煩到學生。 都係個句,佢一係全日喺學校一係zoom喇,真係阻住晒。 最後係佢一d其他安排 1.第二階段考完試之後淨係比之後一個禮拜嘅安排比我哋,再之後嘅就完全冇講,唔知學校係想點 2.第二階段考試有d入禮堂有d入課室,完全唔明點解唔一次過禮堂搞掂(之前第一階段全部都係禮堂搞掂) 呢d係我個人一d訴苦嘅位,唔知同校嘅有冇一樣感受,有嘅話希望大家可以比學校睇到or一齊去投訴比學校聽(雖然學校睇落都唔聽㗎啦但至少推比大家睇下啦) 如果講野有d1999 sorry希望大家包容,本人真係見到之後覺得學校好唔體諒學生所以有d嬲。 圖Link:

閱讀更多

[GUEST]

#NSS個人 [[GUEST]] 其實我已經頂唔住,我真係好想死…… 我知我做錯好多嘢,我知我出世係個麻煩,但係我唔想。 屋企人嘅唔信任,男朋友嘅冷淡,成績上嘅困擾,其實我已經好想死。 我已經信任唔到任何人,我𠝹過手,諗過點解自殺,我喊過,我好大壓力。 我個心谷住谷住,我想搵人傾訴但係我都係信任唔到對方。 每次正常食飯,我一定會俾人鬧。 我錯啦,求下你哋放過我好唔好… 我真係好想死… [Admin T]你已經很努力了(抱 香港撒瑪利亞防止自殺會 求助熱線. 23892222 (覺得有用的話可以打,不打也不要緊) 圖Link:

閱讀更多