#NSS個人 [GUEST] 係咁嘅，前幾日，我係YT見到有段韓國電影解說，係講話有一名少女被多位少年強姦，但係個個人都話係個女仔嘅問題，最後跳海自殺。 我睇完真係好嬲。我3年前曾經畀位醉咗嘅男人強姦，但係因為醉酒，減輕咗刑罰，我嗰陣真係好痛苦，日日匿埋係間房想死，憑咩因為醉咗就可以減刑？我父母係我4歲嘅時候已經離咗婚，我一直都係我婆婆屋企住，因為我婆婆有病，我唔敢同佢講呢件事。最後，有位社工陪我渡過呢個難關。 我係到講呢件事唔係想你地同情我，我只係想同啲犯罪嘅人講，你地可能覺得冇問題，但係對我地呢啲受害者呢講真係好痛苦，呢件事唔會因為你坐咗監就完，受害者會因為呢件事留下陰影！我覺得自己好好彩，冇好似影片中嘅女主角咁冇人伸出援手。呢個世界真係好好笑，犯咗法有錢或者一啲特別原因就無事，完全冇理過受害者嘅感受。咩係法律？法律對啲有錢人有用咩？ 最後，我想講嘅係，雖然香港表面上幾安全，但係無論係男係女都要識得保護自己！！！ ( by 一個對世界冇期望嘅人)
#NSS其他 [RE:nss220330a] 我係一個鐵路迷,我想回覆呢一位樓主(認為自己被偷拍的自戀女)嘅言論 1.RE:「我今日搭東鐵比成班痴線佬偷拍」,佢哋(加埋我)叫鐵路迷,唔係痴線佬,請注意你嘅言論 2.RE:「但係黨鐵唔會處理」,香港鐵路有限公司簡稱叫港鐵,唔係黨鐵 3.RE:「黨鐵就慢慢係東鐵度將啲12卡車改造成9卡車」,東鐵線9卡列車不是由東鐵線12卡車改造,東鐵線9卡車由韓國Rotem全新的製造 4.RE:「班次又冇加密到」,請你留意時事,其實在繁忙時間會加密班次😅 5.RE:「真係唔知邊個聰明決定要將啲12卡車拎去改造成9卡車」,重申一次,東鐵線9卡列車不是由東鐵線12卡車改造,東鐵線9卡車由韓國Rotem全新的製造 6.RE:「點知一上車就見到成班痴線佬係架車度影相拍片」,重申一次,佢哋(加埋我)叫鐵路迷,唔係痴線佬 7.RE:「我就怕有人偷拍我啦」,世界上冇乜人覺得你好靚,亦都冇乜人鍾意你 8.RE:「架車咁鬼嘈又咁鬼震，邊可能拍到好嘅片架？」嘈係因為你坐系一架動力車卡,月台上會有講邊架車卡係靜音車卡,睇唔到就睇眼科,唔識中文繁體字唔識英文就讀多啲書,震係因為個摩打運作緊,你試下講嘢嘅時候用個手點下你個喉嚨睇下會唔會震,拍唔拍到好嘅片唔關你事 9.RE:「唔該你唔好影到我呀，我唔想比你影呀，雖然我知戴左口罩會靚女啲」,呢度(地球)冇人想影你,你得閒數下自己有幾多條鼻毛,睇下你成個身又冇生滋甩毛爛骨 10.RE:「條友仲諗住去偷拍其他女仔呀」,其實你連佢影你嘅證據都冇,憑乜嘢話佢要影其他女仔😅,出現幻覺就是睇精神科 11.RE:「點會有人影的成隻烏龜樣嘅火車呀？仲要大部份相都係烏龜樣車頭嘅火車」,睇真啲,其實佢似烏蠅多啲,所以我哋都叫佢烏蠅頭 12.RE:「之後佢仲話：“呢啲係MMR清，啫係12卡車嘅相，但地就嚟退役，所以我咪過嚟影相記錄下囉。聽完之後我真係哇左一聲，大話都唔該作得好啲啊」,講你又唔信,點樣同你溝通?加上嗰位拍攝者應該係講”MLR-train”,聽唔明英文就讀多啲書 13.RE:「因為垃圾黨鐵係會放生班鹹濕佬架。」如果你認為港鐵公司係垃圾,就唔好搭,我哋同埋港鐵公司都唔稀罕你乘搭與享用服務 順便考考大家一個數學題(MC) 一列12卡編組的列車去除了4卡車廂/車卡,這編組還有多少輛車廂/車卡? A.8卡 B.9卡 C.16卡 D.3卡 ____________________________ 答案係~B.9卡! 咩話?答案錯咗?冇可能,你試下用你嘅計數機,12-4
#NSS個人 [GUEST] Hi 小妹係讀緊Band 1名校嘅，一開始我由小學升上來嗰時成績ok，算係考得入咁，依家我讀咗幾年，做過啲唔太好嘅嘢，基本上全級都憎咗我，但確實係我嘅錯，我都完全認，但點都無法改變過去。依家我嘅成績可以講係一落千丈，除咗中文仲算ok (7x-8x)同英文6x-7x，其他3x-4x，而且又因為被排斥令我完全冇晒frd，唔想一個人孤零零咁，依家有中度社恐，我不斷請假咁係度逃避，我覺得唔係辦法。我係呢度想問大家有冇方法可以幫下我，轉校我又覺得根本冇學校想收我，或者一定冇依家讀緊呢間咁好，出外國讀書又唔知點算好，完全冇係呢方面search過，屋企唔太有錢，亦都唔想辛苦父母，我又有啲驚新環境（轉校或外國都係），但如果有機會嘅話就算一個人去我都一定會盡量🙏🏻求下大家對呢方面有經驗嘅人指導下小妹，我真係好想喺個新環境改過自新，全新再交啲朋友咁，唔使被曾經做錯嘅嘢影響，我已經係完全另一個人，但我級啲人仍然好憎我😕 Sor for 1999 Thx for reading
#NSS個人 [Guest] *長文慎入* 自己獨處嘅時候難免會down少少，但係搵唔到friend傾訴。自從有一次比我慢慢realise到啲中學嘅同學係度排擠我嘅時候，我就係度懷疑，我係咪真係咁黑人憎呢？佢哋打我鬧我我都只係笑一笑就算，搞到我好似個傻仔咁。終於我決定同佢哋慢慢疏遠。但係因為佢哋，令我依家都唔識交個心比人，驚佢哋跌碎佢。好，冇左中學班friend，仲有其他friend，點知佢哋時不時就一齊孤立我、覺得我好好蝦（事實上真係），咁樣嘅情況已經持續左1年半，甚至直到依家都仲係同佢哋「有講有笑」因為我好驚冇左佢哋。依家嘅我已經唔想亦都唔識同人交心/識friend，唔想夜媽媽msg任何人同佢哋講我最近過得有幾衰因為驚會打擾到佢哋even tho見住佢哋online，唔想再相信任何人，唔想再po story因為啲人根本唔care。希望讀到呢度嘅朋友可以忽略我有冇分段、文筆差唔差、文中內容低唔低能嘅事實。如果篇嘢講到一舊舊真係唔好意思。但係可能呢啲就係當下一部份6uo初中學生嘅煩惱。當然我亦希望你唔會遇到咁樣嘅難關。 好，多謝你睇完呢篇長到爛而冇point嘅垃圾，我懇請你可以接受來自低能、幼稚、爛底泥嘅我，一個深切嘅感謝，祝你在亂流下平安❤️
#NSS個人 [guest] 小妹有個中學生涯必經嘅典型情況，同好朋友鬧緊交。呢次唔係普通嗰啲小事，我地有成4個月都冇講嘢，都係因為啲無聊人搞rumor，連online lesson都有啲咁嘅嘢我真係服左。我成日都希望佢會同我講返嘢不過我諗應該都唔會，佢應該覺得係我錯我要道歉，但其實我連係關於咩都唔知, SLS。我嗰陣係咁問佢又唔直接講，搞到我一頭霧水咁⋯ 所以我應唔應該搵佢？但如果佢仲憎我跟住已讀不回咁我咪好染😂 我問其他人佢哋都話如果佢選擇信rumor 多過我咁呢個人都唔太值得交往？？ thx admin & sor for 1999
#NSS家庭 [Guest] 我阿媽好賤格 我阿媽每日要我做曬屋企所有家務 仲要煮埋一日三餐 我每月得$100零用 仲要係我阿爸比嘅 （我阿爸阿媽我一出世就離咗，因為我阿爸唔想要細路覺得好煩，我阿媽就想要嘅不過係仔咁解姐 所以佢不嬲都冇當過我係人 平時一係叫我全名一係叫我死廢青 每日係都要搵啲嘢同我嘈 成日串我 仲要出到街同人講話我好懶咩都唔做淨係識玩 又講到佢好辛苦咁 明明我每個禮拜淨係打三日機每次淨係1個鐘 啲家務又係我做 我做做下功課又走黎話「做咩呀做，你咩蠢做咩都冇用」之後又繼續話我廢青 但係原本我以為佢對邊個都係咁 但係我細佬返咗屋企之後完全唔同曬 （我細佬之前住我婆婆屋企，純粹因為我阿媽唔想照顧佢，大個咗先返嚟住 我細佬返咗嚟之後佢比左間房我細佬，佢自己一間房 而佢就將我張床放咗出廳（下星期先搬 宜家我同阿媽訓同一張床 重點係我係度咁耐都要同你同床 我細佬一返嚟就有間房
#NSS愛情 [GUEST] 我暗戀咗一個男仔朋友5年 小弟今年中六，準備考dse。回顧番成個中學生涯，有好多同朋友一齊玩一齊溫書既回憶，但因為疫情，發現都有幾多遺憾，不過最遺憾都係唔敢同自己中意既人表白。我自己算係一個深櫃，就算係我最好既朋友到而家就快畢業都唔知我係gay，我亦都無出櫃既打算，所以我先想投稿泥抒發下自己呢幾年既心事，順便做一個簡單既表白。 我暗戀既呢個朋友，以下簡稱E先生，佢係一個好靚仔又好身材既學霸，佢每年都係全級頭幾。我哋中一已經同班，嗰陣未係好熟，我哋真正開始熟係中二既時候，我哋因為成班fd一齊打機同打波變熟咗。嗰陣其實已經有少少中意咗佢，我哋嗰時成日會玩到好夜，仲會一齊食埋飯，呢段時間真係好美好同好青春。 中三嗰陣我同E先生去咗唔同班，大家交流少咗，佢都識咗D新fd，我哋關係疏遠咗唔少，但我哋依然會keep住時不時一齊打波打機，係小息嗰陣都會一齊傾下計，我亦都繼續中意佢。雖然係咁，但我一直都無表白既勇氣，因為我知道佢係直男，一定唔會中意我，如果表白唔單止一定會失敗，仲可能會連朋友都無得做，咁不如都係一直維持最安好既距離，繼續做朋友算。而且，我自己條件都好差，成績唔好,小薯一個，佢就啱啱相反，我心唸:如果有男仔同E先生表白，E先生都應該想係一個靚仔，而唔係一個薯仔。所以呢個係注定失敗既表白，為咗保留自己少少尊嚴，我都係選擇主動放棄。 上到中四，我同E先生都係簡同一科所以又同班，我哋又變番好似低form嗰陣咁熟，我以為自己已經係一個好了解佢既朋友，點知係一次偶然既機會下，我知道咗佢已經有女朋友，由中三開始已經一齊差唔多拍咗一年拖。我當下聽到既時候都呆咗，為咗掩飾自己既失落，我繼續強顏歡笑，其實暗地裏個心已經喊緊。我番到屋企都終於忍唔住喊咗，你可能會覺得既然本身都無唸住表白，有咩好喊，佢有女朋友都無得控制。但我想講佢有女朋友呢件事，我應該係E先生班fd入面最遲先知，其他人原來好早已經知，加上E先生係學校一直都無咩點同佢女朋友交流，所以我都唔知原來佢已經有女。我喊係因為佢比我既感覺係原來我係佢心目中既地位唔係太重要，我哋既關係未去到可以將好多嘢拎出泥講既地步，我都唔會怪E先生無同我講，佢本身都應該唔太想咁多人知。 喊完之後，我收拾好自己既情緒，繼續番正常既生活，我照樣當咩事都無發生繼續同E先生相處，雖然內心依然會有D唔開心，但我會同自己講我同E先生仲係好朋友，有得陪係佢身邊繼續一齊玩已經好好，所以唔好再咁唔開心。 中四下學期開始變咗上網課，我同E先生少咗見面，仲少咗好多對話，我一直好希望快D復課，比我見到佢。直到終於復課，我又可以見番佢，可以同佢一齊打波食飯，放暑假嗰陣仲一齊去游水同埋去海洋公園玩，我哋亦都越泥越close，E先生都慢慢開始同我傾多咗計。有次，我因為學業既事而喊，佢安慰番我仲講D爛gag引我笑。我嗰陣真係覺得好溫暖，佢真係一個好好既男仔，好照顧身邊既人，雖然有時把口比較賤，激到我打佢，不過佢係我心目中都係一個好重要既人。我知道我同E先生係無可能，但我已經好感恩可以一直做佢既朋友。 E先生，我哋就快畢業啦，我仲中意緊你，雖然你仲會成日整蠱我蝦下我，但我既心意都無變過，你到而家應該都未知我既心意，甚或者你呢一世應該都唔會知。但我都好想係度講一句:我中意你!唔知我哋將來出到泥社會之後，會唔會仲會好似而家咁fd，不過我都希望你同你女朋友可以繼續幸福，我會學習放低呢段感情，去搵真正屬於自己既幸福。我都希望睇到呢篇文既人，唔好好似我咁懦弱，真係中意既就去追啦。 唔該晒admin🙏🏻 Sor for 1999