#NSS學業 [[GUEST]] plz post ig🤎 少長文 第一次投 有啲唔關係 勿屌 我係女仔(有啲廢),今年中一,有個中四嘅家姐,佢學校係讀igcse gce (即係英國嗰啲) ,媽咪有BNO。 近排都feel到爹哋媽咪應該想我同家姐去英國讀書。(去聽一啲升學(外國)講座,打電話去諮詢) 我好想留喺香港,好有歸屬感。加上我間學校都係算ok 覺得咁難得考到入去,唔好咁輕易就走。 爹哋媽咪係諗 :家姐大概中五至會走去英國,我大概中三走,過到去家姐係讀大學。 我有好多同學去咗英國,甚至我媽咪去問咗我嘅好朋友讀緊嘅學校 去了解如果我過咗去嘅話 會讀year 幾 等等而我係12月頭出世 所以同我嘅好朋友唔會同一個年級 (低佢一級)
#NSS個人 [GUEST] admin 唔該po ig Hello,小妹今年中三,其實已經無數次聽過人哋話“我已經唔細”,當然其實我自己都知道我已經唔細,我已經大個已經唔再係小朋友,而家諗返轉頭,覺得細個成日都快啲變大既自己好傻,成日都會回憶返自己既童年回憶,成日都會係度諗我係咪真係要長大,其實升左中學之後就開始驚自己長大,一年又一年咁其實過得好快,一眨眼又過左一年,上到中學之後越來越多嘢要做,就連自己生日,都要啲frd提我,我先會記返起,其實我有啲驚自己真係要成為大人嗰一刻,成日都覺得我要開始變成熟啦,之後就唔會再有長輩講既“佢仲細”,成日都覺得我自己既同班同學個個都好成熟(無知關唔關我讀女校事啦),但係有陣時我又會係度諗,到底係唔係佢哋真係想變得成熟呢?到底係點解會令佢哋變得咁成熟呢?成日都會覺得其實大家都係比生活所逼既,不得不令自己變得成熟,但係見到朋友佢哋對於成長呢件事都無乜感覺,令我覺得係唔係凈係得我會驚大個呢樣嘢 Sor for 1999
#NSS家庭 [GUEST] 長文慎入 講下個背景先,小妹今年F3,成績真係唔算好,屋企人對我唔算差,但唯一接受唔到嘅,係佢哋嘅控制欲。 咁喺我F1嘅時候,我就成日同啲frd出街,咁都會喺六點至七點前返,咁我就覺得中學生放學同同學去做功課就好正常,做完有時間去行下街都好正常,所以我一星期會去兩至三日。 F1有一次,嗰時補習補到好夜,但我好想同frd去食飯,就食咗啦,然後佢地去其他地方玩,我又跟埋一齊去,但呢啲我完全冇同屋企人講,我一直係呃緊佢哋。佢地知道咗就好L嬲啦,但佢嗰次嬲,係完全唔惡,睇落似好sad咁,我嗰陣覺得其他人都去得點解我唔得,所以覺得自己冇錯,就一直同佢哋唱反調。 然後佢地借幫我整電話為由(嗰時電話壞咗),裝咗個app叫Google Family Link,佢哋話呢個app係確保我安全,可以check到我喺邊,但我後尾發現,呢個app唔止可以check我喺邊,仲可以限我每日用幾耐電話,幾點唔用得電話。雖然我嗰陣覺得冇問題,還掂我都唔會用太耐電話,就接受咗。 因為我成績唔好,佢地認為係因為我玩手機,令到我成績唔好,所以喺考試週,佢地無啦啦將3個鐘嘅使用時間,轉做30分鐘,我嗰下先發現,我連用手機嘅自由都冇咗。所以我就諗住考好啲個試,然後搏下佢哋會唔會del app,我嗰次溫書都幾用心,本身以為成績應該會好咗,但最後嘅成績係前所未有嘅差。我嗰下好唔開心,唔係因為我成績差驚升唔到班,而係覺得佢地一定會繼續用呢個app限制住我,直到我成績有所改進為止。 而家F3,因為疫情,我要喺屋企上堂,咁喺屋企難免會用多啲電話(因為悶),然後佢地就話咩上堂點解仲用到咁多,其實我嗰時嘅使用時間已經係降到2.5h,我就覺得比係同齡嚟講,我用手機嘅時間已經唔算太多,但其實我用幾耐手機都好似唔係好關佢事,佢既然都set咗我淨係可以用2.5h,咁之後落嚟嘅嘢都唔關佢事因為我用極都只係可以用2.5h。 最近,因為某啲原因,我就要佢幫我del咗個app,我就借啲意話:“不如以後都唔好裝啦。”佢哋話:“梗係唔得,唔裝嘅話仲得了嘅,裝咗都用2.5h,唔裝咪用10幾個鐘囉。” 我就話:“你地一開始裝呢個app唔係因為想check我喺邊咩,咁你del咗呢個,我比你裝另一個,咁咪得囉。”點知佢地居然話咩裝呢個其實主要目的係限我使用時間,佢話我以前係用好多,但我想講今時唔同往日,我真係已經係用少咗好多手機,但佢哋就仍然覺得我用好多,好似2.5h係兩個世紀咁。 我試過反抗,唔止係口頭講,我試過攞住菜刀去嚇佢哋,話咩點解要逼得我咁緊嗰啲嘢,然後亦都講過我諗過點樣殺人,本身以為佢地會驚,但佢哋仍然係要鎖,我真係完全冇哂辦法,唔同真係要殺咗佢或者以死相逼?唔會㗎嘛,我已經完全冇辦法,稍為唔聽佢哋講就話咩經濟封鎖,唔比我出街。 講到出街,而家疫情原因我已經出少咗好多,基本上除咗去交功課我都唔會特別約frd去街,但有時都想同frd去街行下,唔想成日屈喺屋企,佢地連咁樣都唔比,話咩而家疫情點點點,又話咩要溫書,但其實試都考完,想放鬆都唔得咩?而且佢哋每星期日都會帶埋我細佬去街,咁點解佢地出得我唔得?仲有喺F1嘅時候我出街,佢地居然話咩同埋我一齊去,話咩扮唔識佢,但我想講嗰個係我同成班frd一齊玩,無啦啦有個家長嚟,你唔尷我都尷啦,所以最後我冇去。 算數我唔出街,我喺屋企同frd打機得喇掛,我dllm,佢連咁樣都唔比,話咩日日喺度玩,又唔溫書,我想講考完試好耐,點解仲要溫?而且有時我同frd玩嘅時候,我細佬成日唔抵得我有得玩,就同我老豆話咩家姐又喺度玩喇嗰啲,然後我老豆就會問咩我玩到幾時,叫我比個時間佢,然後我話12點啦,佢話玩咁耐係咪痴線,咁我想講呢,我開始玩嘅時候其實已經係十點幾,但有時十點幾都未開始到,諗住玩耐啲,佢又唔比,然後我就同唔到啲frd玩,平時已經冇出街,而家連打機都係得一個幾鐘,關係一定會疏遠,然後就冇frd。咁我唔想冇frd,就話咩玩多陣有咩問題,然後佢無啦啦發脾氣,勁嬲咁搶我電腦喺度鬧,我嗰下真係好嬲又好sad,點解其他同學可以玩到凌晨但我唔得?然後就諗係咪前世得罪咗佢哋今世先有呢啲人做老豆老母,我真係好羨慕嗰啲比自由仔女嘅老豆老母。 而且有時我想去啲frd屋企瞓,唔係好遠,就喺我屋企附近嘅私樓,唔知點解佢哋又唔比,已經講到明佢屋企冇男性,佢哋話點知人地係咪呃你,我真係問L哂號。我去人地屋企玩,佢叫我留人地老母嘅電話比佢,仲要人地屋企嘅地址,話唔比佢就唔比我去,我冇辦法只可以比咗佢,但我好對唔住嗰個frd,我未經同意就比啲地址佢,希望佢哋唔會周圍揚。 雖然佢地嘅控制欲好強,但至少對我唔差,我講出嚟係想發洩下,因為我知道呢個世界上面大把人慘過我,希望呢個世界唔會再有的pk家長。 好多謝你睇到呢度 sor for 1999 admin pls
#NSS個人 [前面個po我對老母感情好淡-續 (個人情緒)] 最近我個人有少少唔多正常,以前好外向,好sociable但依家會突然之間想自己一個人,成日自己一個人匿埋係間房道,甚至甚至我非常之享受冇人喺屋企自己一個人喺度嘅時光,一開始都冇留意,以為係自己性格轉變,但後來會突然之間爆喊,嚴重啲會自殘,但唔係界手,而係一巴一巴打落自己度,同埋咬自己隻手,開頭都覺得是情緒發洩,功課太大壓力,但後來越嚟越誇張,甚至打到塊面腫咗…以前係瞓10個鐘以上,冇錯,就係瞓咁耐,但而家唔止會失眠,總會係半夜明明好唔開心嘅事,都會不斷喊,最近已經係進化到小小事已經可以情緒失控,但我啲情緒永遠都係喺間房入邊發洩,亦都唔會喺父母或者朋友面前發脾氣,所以佢哋完全唔知。 我唔係好夠膽同朋友或者屋企人講,因為我老母同老竇都覺得我平時太陽光,佢甚至同我嫲嫲講過「邊個自殺我個女都會自殺…」,但佢唔知嘅係我真係去過天台睇過,但鎖咗…我聽完佢哋講之後更加唔夠膽同佢講,同朋友又驚佢哋覺得好大件事, 可能係我嘅生存意志冇咁強,唔好同我講乜嘢生命誠可貴嗰啲,道理我明,但呢個世界上,真心冇邊樣野係我會覺得惋惜嘅,到底應該點做?