—類投稿

guest

我係一個13歲女,最近有啲唔理解我阿媽想點。 1. 學業方面 我升上中學冇幾耐,阿媽就開始話我成績差左好多,話我唔努力。講翻我小學係點先,我嗰陣成績都唔算差,多數都keep到A,間中有一兩個B。升到中學就跌落B,間唔中好彩先有A,不過都冇炒過。之後阿媽就話我中學keep唔到全級頭10就係我唔努力。所以係我唔努力嘅問題定係阿媽要求太高? 2. 人際關係方面 我有一個小學識到依家嘅朋友(下稱A),阿A分人大膽,有啲曳,所以間唔中比老師鬧,但係佢本身性格都好好,我阿媽都識佢。最近我就想約A出街,之後問阿媽比唔比我去,阿媽話唔比,仲話唔比我同阿A做朋友,因為我阿媽唔鐘意A,我問點解,佢話A會教壞我,佢話佢聽到有啲家長話阿A講大話,其實邊個冇講過大話啊……所以係我阿媽太敏感定係我唔應該同阿A做朋友? sor for 1999 pls po ig thx

閱讀更多

GUEST

Admin po ig pls (長文慎入) 大家好,我係一個鍾意動漫同埋打機嘅12歲女仔。我讀緊嘅中學一個小學frd都冇,所以冇咩講嘢。我冇咩追星,之前有追過韓團但係而家冇咩追。班上面大部分女仔鍾意Mirror,我冇追Mirror,對香港歌手都唔熟,因此同d女仔冇咩話題。 我係一個奇怪嘅人(?)我鍾意日本歌手(すとぷり、天月)、睇動漫、睇Vtuber同埋打機。我對於香港歌手一d興趣都冇,亦冇聽過佢地嘅歌。由於好多女仔鍾意Mirror所以佢地都幾close,所以佢地私底下會打電話傾計,甚至喺學校都會圍埋一圈傾計,搞到我好似透明人咁。分組都係咁,得我冇俾人揀。 我之前有諗過自殺,我覺得我生存喺呢個世界冇用。其實我死咗嘅話,我d朋友係咪同之前一樣,當我透明?我以為我地冇咁close因為我地未熟悉對方,不過返學都差唔多半年,我都仲係一個lonely嘅人。 (多謝睇到呢度嘅你,我只係想講下自己嘅心事同抒發下。btw放神戶大助嘅相只係覺得佢好靚仔) sor for 1999

閱讀更多

guest

少少長 希望大家可以睇曬😵😵 admin plz po ig 屌 我老母真係好撚煩,日日係度鬧我老豆,係小小嘢就係度鬧,依幾日我老豆冇工開,我老母就日日叫佢煮送,咁我老豆唔識啊嘛 自然就差啲同埋要係咁問㗎啦,我老母就鬧9佢咩都唔做🙄🙄 但係其實無論係拖地定係洗碗,就算我老豆返工都係佢包辦曬,依家冇返就連煮飯都要佢做。我老母就日日係度話自己返工好攰啊,跟住就咩都唔做,但係就對住我話「你冇份食㗎?你冇份住㗎?」跟住就塞9曬啲家務我同老豆做,當正自己係公主咁痴撚線。by the way,我老母藍絲撚黎,我老豆黃嘅,每次我老豆係度講啲「大陸唔好」嘅嘢,我老母就係度反駁。。。 我地費時嘈所以都唔會同佢再傾落去。我真係唔知我老豆係點忍呢個又樣衰又肥又冇EQ嘅女人20年嘅。我都想Quit呢個屋企,但係一來我唔捨得我老豆,二黎我未成年,冇負擔到自己生活嘅信心。我都想我老豆同我老母離婚然後帶走我算,但係我老豆係好忍得嘅人,有咩事都自己吞,佢都唔想搞到離婚我諗,同埋我都唔想佢冇左一個咁多年嘅伴侶。有冇咩方法可以比較婉轉嘅方法可以同我老母講下?或者我想完全Quit屋企嘅話可以點做? sorry for 1999

閱讀更多

Guest

Admin pls po ig thanks 請問各位大大會點解決拖延症同埋令自己專心啲? Thanks admin

閱讀更多

黃大仙區某一中學

面具帶得太耐除唔番低. – HiHi 小妹今年中三,唔知由幾時開始,我好似帶上左所謂嘅「面具」去做人。喺學校,我俾人嘅印象係一個樂觀開朗嘅人,成日笑咁。返到屋企對住父母,我就會打掃屋企,自己溫書。做一個唔使比父母擔心嘅孩子,亦即係所謂嘅「乖乖女」。我會將自己所有嘅感覺,情緒收埋。只有我關上浴室嘅門,我當日嘅負面情緒先可以爆出嚟。我每一日咁樣我真係覺得好攰好攰,成日覺得咁樣唔係真正嘅我。自己有試過想搵人講、搵人傾,但係我每當下定決心要講嘅時間,我嘅喉嚨都好似有條刺咁,講唔出口。真係好辛苦……. – Sorry for 1999 & Please post ig,thanks

閱讀更多

guest

唔知大家有冇試過好自責、好煩悶嘅時候。 即係本身有件事唔太關自己事,但係會因為自己有接觸過,而呢件事搞塌左,當事人因而情緒失落。跟住自己就會陷入極度自責嘅局面,會係心入面係咁不停講「對唔住」,但係又唔敢同當事人講,驚佢覺得自己好煩,驚佢嫌棄自己。 但當我恢復理智嘅時候,分析翻呢件事,明明導致惡果嘅唔係自己,但係偏偏就係覺得自己一手造成,感到萬分抱歉,但係又幫唔到人。呢種無力感真係好重,好辛苦。而且又唔敢當口拒絕朋友任何嘅要求,好驚自己會被人嫌棄同討厭。 我相信敏感多疑嘅人,都經歷過呢啲事。我感覺每日同人相處都提心吊膽。可能人地一個眼神,我就會察覺到佢哋嘅情緒。只要係身邊嘅朋友稍有不滿嘅情緒,我都好驚係自己造成,驚會咁就失去咗一段友誼。我唔係話唔信任我哋彼此之間嘅情誼,唔係唔信任佢哋,而係唔相信自己。而當自己有鍾意嘅人,無論身邊嘅人覺得佢幾咁平常都好,都會覺得自己配唔上佢,更驚自己嘅敏感多疑嚇走佢,驚佢覺得我係個好恐怖嘅人。所以我覺得自己係人際關係方面,簡直一敗糊塗。 想知道經歷過呢啲嘅人,可以點樣改善呢種情況。🙇‍♂️ sorry for 1999

閱讀更多

香港最偏僻中學

Sorry我講嘢會講到一舊舊( ; _ ; ) 小妹今年已經form6 其實自己中意咗同班嘅男同學,大我一歲 佢之前同我表白,話佢以前係中意我,但而家已經放棄咗。 不過我啲朋友個個都話個男同學仲係對我有feel,男為佢對我態度特別唔同。 但可能佢只係當我係朋友,所以對我態度比較好(個男仔好少女性朋友) 雖然我知道自己係愛佢,但而家都就快考DSE。我唔希望因為愛情而影響學業,更加唔想影響到佢。 我想向佢表達心意,但我唔知幾時講會比較好,我諗緊喺邊日講會好啲⋯⋯ Last day? 佢考哂佢啲科嗰日?定係畢業禮同佢講? 不過喺last day同佢講又好似同自己喺上面講嘅嘢有些少矛盾⋯⋯ 所以想向大家請教一下,邊日表白會好啲(´・_・`) 題外話,因為小妹本身係腐女而且又係毒女。年輕時都愛過另一個男仔,但遭到狠毒嘅拒絕(因為我腐同毒而拒絕我),所以自己都唔太識點組織表白應該講咩會比較有效地表達自己嘅心意⋯⋯

閱讀更多

Guest

小弟有幾條問題諗極都唔諗唔明 有冇防疫大使可以指點一下迷津 🙂 1. 點解沙士15 February to 31 May 2003 就做到 1755 Cases/ 299 Deaths (香港), 沙士死亡率 24歲和以下: 1% 25到44歲: 6% 45到64歲: 15% 65歲以上: 55%

閱讀更多

(Guest)

想問下大家點面對負面情緒? 如果有負面情緒你哋又會點做? 入返正題先,小妹今年中一,啱啱升上中學,好多野做,成日覺得時間唔夠用😭😭! 二月就考試,好大壓力啊~(就係我講嘅負面情緒),ps:平時一向成績都唔係好好,就算我開通頂都溫唔入腦!所以有試過自剎!界刀割手~仲有…. 最後想問下 大家有咩温書tips? 有壓力會點做? 有壓力學校社工可以幫手嗎? 點樣可以打消自刹念頭? Thanks @admin plz po ig @sorry for 1999 @thanks for reading a long passage

閱讀更多

guest

是咁的,我今年就f1 讀緊一間band2a嘅中學,雖然小學都係全級前15左右。但係一上中學就好唔習慣,可能好多人都咁,上到中學乜都用英文,功課差唔多係小學嘅一陪,而且自己本身身體就唔係好好,搞到我負擔好大。咁我測驗考試考出嚟嘅分數就一次比一次低,搞到依家啊媽開口埋口就係講成績,我好肯定我每一次都有努力溫書,係咁話讀好啲書先可以搵到自己鐘意嘅工。我知佢係為我好,但係我真係頂唔順,日日食5 6粒藥已經好辛苦,依家又要比佢逼到係咁讀書。

閱讀更多