其實係咁嘅,我最近見到大家都係度講SPC 我都想分享下我的經驗 我同SPC一個男仔拍拖,但係一直唔夠膽公開,明明我哋學校連埋一齊,質素卻差天共地,我同個男仔一齊真係好有劣等感,佢日常生活中,夾雜好流暢而不奇怪的英文,但係我一隻字都聽唔明,我係我學校全級第一,我本身以為自己應該同SPC普通學生有得揮啦,我仲話要教我男朋友讀書,因為佢真係考全級包尾,留咗一年班果隻,個個都睇唔起佢成績差 咁我就搵左DSE Past Paper幫佢操卷,點知佢裸考情況下都輕鬆攞到level 5, 仲要我幫佢改得好嚴(我跟實marking scheme) 嚟一刻,我發現我地資質根本冇得揮,我全級第一,頂盡都係level 3-4(學校頭幾%),佢留班,全級最廢,地底蟲咁滯,但係就Level 5, 你話呢個世界係咪好有問題?如果可以,我都希望可以時光倒流,返到小學揀學校,入到SPC,做人生贏家 而家真係後悔莫及,難耐劣等感的我已經提出分手,希望可以提升成績先,做過襯得起佢嘅人 我愛你,Ni_k Ch_n😘
admin pls po ig 感謝🙏🏼 大家好,小弟14歲,中三,有一樣嘢困擾左我好耐就係我考LS嘅時候成日都唔夠時間做完。講下背景先,我自己成績都唔差,年年都有全級頭十,但就係因為想維持呢個成績,每次到考試嘅時候都好大壓力…總會覺得就算溫完都唔足夠,想繼續溫落去(可能有啲喪心病狂啦…) 講返正題先,最近開始面授考試,而今日就考LS,我每次做LS之前都會同自己講要寫得簡單啲,但到最後冇一次係成功,因為我會覺得如果寫少嗰嗰point就會扣分,然後就愈寫愈多,搞到後面啲資料回應題都做唔切,淨係寫到個主旨句。我已經持續左呢個狀況好耐,由中一已經開始,但我到依家都係唔知我可以點解決呢個辦法,黎緊中四選課我就打算揀經濟(因為我其實幾擅長邏輯嘢同對經濟都算有興趣),但你地都知啦,經濟要寫好多字,我真係好驚我會好似依家咁做唔完….每次我考完LS之後都會勁唔開心,覺得自己點解次次都做唔完…所以我想喺度問下: 點樣可以做得快啲或者避免做唔完呢個情況? 希望大家可以幫幫小弟諗吓有咩辦法 唔該嗮!!!🙇🏻♂️🙇🏻♂️🙇🏻♂️🙇🏻♂️ sor for 1999
我想做Youtuber,我由好細個已經有呢個夢想。但係因為嗰陣時咩都唔識,所以好快就放棄咗。 喺上年突然出咗幾個好出名嘅Youtuber,佢地令到我再次有返做ytber嘅想法。特別係其中一個,佢係真係突然間爆紅,所以我開始去研究佢,模仿佢。 但係我嘅屋企人知道之後就反對我,佢地認為我做一定唔會有咩成就,叫我乖乖地去讀書算。我一直而嚟都唔鍾意讀書,不過我遇到自己鍾意做嘅嘢(例如畫畫,編程等等)嘅時候就會好比心機去學,唔會半途而廢。佢地就覺得我只要好好地讀書,揾份好工就得,完全忽略咗我嘅努力。就係因為咁我地嘅關係越來越差。 到咗最近,我嘗試開始去拍片,剪片。但係啲片嘅質素遠比我預期差好多,無論我點fix,佢地都係咁差,而我心情都越變越差。我唔可以同屋企人講,同朋友講又驚佢地會笑9我。 當我好沮喪咁睇梗Youtube嘅時候,我睇到宜家一個都幾出名嘅ytber嘅舊片,出於好奇我就click咗入去。結果條片嘅質量仲差過我宜家拍嘅嗰啲。 呢個時候我先諗通咗,其實我唔洗一開始咁追求完美,呢啲嘢係要靠經驗同耐心先搞得掂,係我太追求完美,目標定得太大啫。 所以如果你以為呢篇係篇放負文,咁你就大錯特錯了。我呢篇嘢想講嘅嘢係無論你身邊嘅人點唔支持你都好,你內心有幾驚都好,或者你嘅開頭同過程有幾咁唔完美都好,結局係未知的。堅持落去,到時候就算失敗,至少你都有努力過,用心過去做自己鍾意嘅嘢啊。(咁樣先算得上青春(?) ヾ(・ω・*)ノ (thanks for coming to my ted talk) (雞湯好唔好飲?) (此文改寫於真實故事) Also (辛苦曬Admid >=])