小妹今年中一 前幾日啱啱考完試,琴日就派咗卷。第一堂就係中文卷,個老師就問:「X X,點解你份文言文啲答案同網上嗰啲咁相似嘅?」我心諗,相似咁又點?考試出嗰啲文言文都係喺平時街度買嗰啲練習攞出嚟嘅啫!我做過嗰篇文章,啲答案自然就會熟㗎啦,你有冇問題㗎,仆街!(我冇抄答案)我話:「因為我喺啲練習嗰度做過呢篇文言文,所以啲答案就好相似。」跟住個老師就話:「我保證我哋學校出嗰啲文言文唔會喺坊間見到個喎」我唔敢反駁佢,但係心諗,你又知道坊間本本練習都冇呢篇文言文?我冇出聲,過咗5秒之後佢就同我講,仲要喺全班面前講:「你呢個行為我哋會記缺點處理,請你下次唔好咁做。」我好嬲,但係而家反駁佢都冇用,嗰個練習已經喺堆填區,我下次做嘅時候當係第一次做個練習就算 唔該個老師自己反省下啦 28/1
唔該admit 投IG投左成3次🤧 本人都拍左三四次拖因為想忘記佢,佢係我嘅初戀都已經差唔多過咗一年但係都放唔低佢,我以為可以用其他人取代我對佢嘅感情,原來係唔得,唔知大家有冇試過呢種感覺呢?我已經堅持鍾意佢都有一年其他異性都已經入唔到我眼,我唔清楚自己應唔應該鍾意佢到18歲,之後再追番佢?但係我我驚俾人覺得我好cheap, 因為係女追男。加上我都覺得自己係一個好煩嘅女仔,成日都擔心佢好似做咗人哋個阿媽。我想喺度叮囑咁多位女仔真係唔好咁煩,要俾啲私人空間自己個伴侶,如果唔係就會淪落到我咁分手。最後我想問返句你地覺得我應唔應該等佢係英國讀完書之後再追佢。唔好意思要麻煩咁多位網友。你哋嘅留言我一定會睇同埋會覆!
其實幾時開始香港人有呢啲風氣,講到好似用大陸野有錯咁,其實你部iPhone咪係大陸組裝,apple交幾多稅俾大陸?提供幾多就業機會?依家用大陸野好似有罪咁要收收埋埋,同埋係簡體字而唔係殘體字,雖然我較鍾意用繁體,但我唔會因為政治原因而去抵毀其他人既文化,你話大陸人守護唔到佢哋既文字?咁韓國、日本呢,佢哋原本都係用漢字喎。依家成個一言堂咁,有其他意見就鬧人,導致其他有意見既人都唔敢出聲,完全唔肯接受某啲事實真相,舉個例子例如全民檢測政府會偷你DNA建立DNA庫,雖然全民檢測其實冇咩用,但已經有大把專家出黎講話檢測只能夠拎到極微量既DNA,根本建立唔到DNA庫,但有一大班人隨意散播陰謀論、謠言,到依家都有人信政府強制檢測係為咗拎你DNA(如果唔信可以上網查資料)。呢啲網絡風氣幾時可以改?唔好話人地點樣點樣,做番好你自己就得啦,政治從來都係去說服別人認同你既立場,而唔係互相謾罵,我相信唔止得我有呢個諗法,下面評論應該有一大堆人會話我左膠,如果有意見歡迎理性和平討論,我只係借呢個匿名平台黎表達我既諗法